影片
港铁油麻地站 A2 出口, 步行约7分钟
继续阅读
开饭介绍
餐厅名字以sneaker+holic为名，以波鞋为主题的酒吧，餐厅以限量波鞋及球星签名波衫作布置，主要提供手工啤酒。
继续阅读
营业时间
星期一至日
12:00 - 00:00
以上资料只供参考，请与餐厅确认详情
今晚我們行過旺角煙廠街見到有間用籃球做主題嘅餐廳叫「Snkrholic」嘅店內環境裝修吸引著，店內放咗有限量版波鞋、Michael Jordan同Kobe Bryant兩代籃球之神嘅簽名珍藏球衣同相片等等等等⋯⋯所以每位作為超級籃球迷，都必定要嚟朝聖一下！Roman Burger嘅漢堡包採用竹炭包，而且包嘅頂層灑咗辣粉整成91，91係Michael Jordan復出之後著嘅號碼，真係相當有心思，軟熟嘅竹炭包夾著香甜嘅炒洋蔥、蕃茄、生菜、芝士、煙肉同漢堡扒，漢堡扒嘅肉質極之鬆化，肉汁超多，肉味非常濃郁，而且相當厚身，最好係無「騷」嘅味道，真係超正呀！Pork Ribs嘅外層燒得好香脆，有一陣焦香味，肉質非常鬆軟，醬汁嘅味道相當香甜惹味！另外！值得一讚係其中一位女店員嘅服務態度好親切有禮，會因應人客嘅要求去幫人客影相留念！
继续阅读
雖然小弟唔喺籃球迷，但晌公牛最顛峰嘅時代，都識邊個喺佐敦、柏賓、洛文，最佳拍檔三劍俠。嚟到依間新奇波鞋鋪「Snkrholic」，無鞋賣，但可以買醉，店內唔少外地及本土手工啤，更有唔少餸啤酒嘅小食。講到Snkrholic，唔可以唔提佢嘅環境，店舖地方唔大，但絕對有唔少對籃球迷嚟講嘅亮點，由門口到室內，不難發現「珍藏」，簽名球衫、絕版波鞋，又有啲搞作嘢，天花光管籃球場，就連夾餐牌用嘅墊板都喺塊球場作戰板。同老友研究吓有咩好食先，頭版就喺一個任飲晚餐，兩個鐘任飲，加一款主菜，好飲之人嘅超抵之選，不過，我哋真喺高興吓啤一啤，而老友亦知我唔喺好酒之人，所以，依個晚餐唔喺好啱我哋。反而，小食就啱我哋啲，不過，唔知喺咁啱得咁橋，定唔好彩，打算叫嘅幾款嘢食都無貨，如遠程大炮、籃板皇意大利飯，感覺有啲可惜啫。咁就順便介紹埋店家供應嘅飲品，晌餐牌內你會搵到多款世界各地嘅特色生啤、手工啤，為照顧小部分唔飲酒嘅客人，亦有啲非酒精嘅選項。而有部分手工啤則未有列入餐牌內，但就全放晌水啤前嘅嘅位，唯一麻煩啲喺要走埋去逐支睇喺乜，不過，亦可以詢問店員有咩推介，此外，無標價錢亦喺另一麻煩事，吓吓要問價錢好似有啲尷尬。Day of the Dead $88老友所揀支手工啤酒精度只喺8%左右，所以，飲咗唔使死。佢話支啤酒幾好飲，麥味重，又帶微微果香，原來成份中有加入啲菠蘿，頗有個性。Snkrholic Good Good Beer $118我就乜都唔識，淨喺識叫店員介紹支酒精無咁重嘅推介俾我，而依支同本地薑「麥氏釀酒廠」合作嘅手工啤就真喺啱晒我。因為一來酒精度只得5%，二來加入紅菜頭汁釀製，故倒出嚟嘅啤酒都紅紅哋色，非常之易入口，味道輕怡。雙層味覺薯條 $55底下墊咗啲沙律菜，而幼身薯條塞滿小鐵罐，咁何謂「雙層味覺」？就喺除混和芝士醬之外，仲加咗啲藍莓醬，唔算話超驚喜，但就幾得意。鵝肝窩巴配蘋果醬 $88啱唔無晒窩巴，店員問改用多士介唔介意，我哋都無乜所謂嘅。一客有兩件，賣相做得幾靚仔，而且鵝肝都幾大件，蘋果醬塗滿晌多士上，夾埋件鵝肝一口咬落去，油香盤繞於口腔中。洛文漢堡 $98餐牌中嘅漢堡三劍俠，唔知點解佐敦竟然喺「身價」最少嗰位？而我哋就揀身價最高嘅洛文漢堡（牛肉漢堡），以竹炭包夾滿多款材料，有炒洋蔥、煙肉、芝士、牛肉、蕃茄、生菜，口感豐富，件漢堡牛超厚之餘，肉味濃，又鬆化。西班牙豬鞍配蜜糖芥末汁 $128個西班牙豬鞍做得有板有眼，並伴有薯菜，不過，都只喺普通嘅沙律菜搭啲脆炸薯條，而豬鞍幾有肉味，肉質帶點爽，百零蚊貨仔都唔抱太大期望，但依家食落都算唔錯。然而，個蜜糖芥末汁似燒汁多少少，因為覺得個芥末味唔突出。我哋正餐時段嚟，客人唔多，但越晏越多人，啲人都喺啤一啤，嗌啲小食。晌度啤吓感覺又幾輕鬆自在，食物質素唔好期望太高，如果喺籃球迷，更可睇睇番電視所播放嘅昔日精彩比賽片段，話題相信會更多。
继续阅读
返學時代嘅我，除咗跑步、羽毛球、網球、排球、單車之外，最愛就係籃球，偶像當然只有Michael Jordan喇，雖然唔係最瘋狂，但係都借有唔少Jordan波鞋，但係我只係儲 BB鞋，大人鞋其實唔多，因為根本都唔捨得著，所以當我知道旺角開咗一間用Jordan波鞋做招徠嘅食店，就已經非常想試~~餐廳天花有一個由LED燈砌成嘅小型籃球場座位旁邊放咗好多有關籃球球星嘅相，有我最愛嘅Jordan同我最憎嘅Kobe，我呢啲忠粉當然要坐喺Jordan下面喇~~巴馬火腿凱撒沙律 - 呢個凱撒沙律份量唔係太多，我地一行4人唔係好夠食，哈哈，同埋佢係拌好晒先再入碗，所以唔需要擔心食前要自己喺個碗仔入而拌勻小食拼盤 - 水牛雞翼、南乳雞翼、煙肉芝士春卷、芝麻蝦多士 - 我最鍾意食個南乳雞翼、芝麻蝦多士，我之前食過左麟右李果個蝦多士……嘩…油到一個點，雖然蝦多士係炸，一定係油，但係至少呢間都吸咗先上碟海蝦忌廉天使麵 - 係有少少嫌啲汁唔夠，味道唔錯，天使麵夠乾身，唔會黏埋一堆鮮蕃茄泡菜芝士煙肉漢堡 - 大少話想試吓啲新嘢，所以就order咗呢個泡菜芝士漱堡，個泡菜都幾辣，食到大少大汗疊細汗，除咗辣咗少少之外，味道出奇地好，泡菜、芝士、漢堡扒好夾
继续阅读
前幾天試咗，超唔掂，唔係啲酒唔好飲，只係比咗150蚊，諗住可以飲到佢個list裡8種手工啤酒啦，但訂位時職員話得5種，咁都好啦。點知去到鋪頭坐低咗，佢話有啲未返貨，得3種可以揀，好啦，中咗伏冇計啦，焗飲。首先大家點同一款啤酒試吓，咁條女就黎一揸及4隻杯。第一杯，我都唔駛9秒9飲完，因為隻杯細，咁冇問題啦，再order過，佢就話啲人未飲完，冇得refill 一揸 ,我當堂打個突，咁我問佢我一個人refill得唔得，佢話咁做冇問題，我心諗，駛唔駛吓，你比一揸我地，我地清晒先比返隻大樽你，你照refill有乜問題呀?諗唔明。 咁算啦，因為最終都自己有得refill, 如是者試晒佢當日極少選擇嘅手工啤酒(強調個晚得3種)。咁第4杯返轉頭，飲返隻最強酒精嘅咖啡味嘅啤酒，最搞笑嘅答案終於出黎，個女職員話呢隻款嘅啤酒冇晒喇，飲晒喇，當時我地真正相信入錯咗間黑店，我地4條友飲咗一杯呢隻款就話冇晒，咁我地唯有飲剩餘個2隻味啦...講完飲酒，我地都試咗呢間野嘅晚餐同小食，答案唔多講，8個字講晒，就係"價錢頗貴，份量極少"，我都冇叫雞翼，因為上咗openrice睇過comment話佢50幾蚊得3隻雞翼，諗住可以避開一劫，叫牛扒同意大利飯啦，牛扒98元，但size細個我女友手掌，薄過三文魚，味道衰過茶記。唔掂，飯就好啲，但都頗少份量，埋單每人350，總之呢間野我地唔會再幫襯。
继续阅读
因為男朋友睇到網上做緊優惠 著球衣就可以免費送一個神戶牛鵝肝芝士黑松露醬漢堡 見到咁吸引 所以試一試我地叫左兩杯手工啤酒 一杯係麥子鹽田 都易入口 幾重麥味 另一杯係badger golden gory 入口有桃味 好好飲漢堡都好重黑松露味 好香 鵝肝加埋漢堡更加好味 神戶牛就正正常常 唔會好硬 餐廳雖然唔大 但坐得舒服 比較似外國設計既餐廳 另外都有十幾款手工啤選擇 食物種類都多 有漢堡 意大利面同飯仲有小食拼盤 都幾值得一試！
继续阅读