SO Coffee & Gin

营业中

休息中

中伏餐廳, 叫咗個龍蝦清湯伴蝦肉芝士雲吞 HKD128, 首先Menu係冇相片提供. 但心諗$128應該都可以試吓. 點知一上菜 見到所謂嘅龍蝦清湯加一隻雲吞. 咁當然都無話可說 心諗應該好好食. 點知一食個碗湯， 十足啲味精湯飲咗兩啖就冇飲. 另外一隻雲吞分開兩份. 食完都唔知自己食緊啲咩雲吞😅😅😅 好中伏.

在OR 預訂，9折埋單是日6點入座，首先點左個牛油果煙雞胸肉Salad，味道不錯，清淡的Salad. 我buy.品嘗完後，來左帶子意大利粉，微辣，完全可以接受到 ，色香味區全，特別帶子，外面煎香，內裡新鮮，推介👍最後，每款菜式上菜時間都有間距，吾係一次過上。重頭戲，食肉獸既我，叫左一份5成熟牛扒，肉汁鮮嫩，我去過US Boston出差食牛，呢份我覺得口感不同，好嫩口，今晚完全係享受慢食慢活😊 其他菜餚未試，不能評估，服務態度非常真誠，有推介signature ，今晚只是個人感覺，如有不符，多多支持。今晚無紅酒相伴，因為渣車安全😊補祝七夕情人節快樂👬

終於相約好姐妹coffee time ☕️姐妹喜愛沙律，所以點咗巴馬芝士松子仁BB菠菜啤梨沙律+帶子＄30：帶子脆面鮮甜👍香煎挪威三文魚配荷蘭酱嘩！兩個大薯仔👍👍湯力咖啡桂花Latte

當天一家大細隨心走入了貴店. 品嚐了一餐算是美味用心既西餐.   那天都點了很多東西.  埋單接近一千元.  都算抵食,  在店服務其實不錯的,   店員姐姐還很細心. 跟我們說.  如果你們在 OPENRICE / GOOGLE 寫食評,  埋單給我們 打個95 折.     其實一向我好少在街寫食評.  而且自己手機沒有安裝OPENRICE APPS  , 相片又在我另一部沒有上網咭的手機內.   於是知道有九五折. 家中小朋友說. 整啦. 可以平DD嘛.   就係咁. 大家好努力咁. 將幾部手機. 接來接去. 將我沒上網的手機中既相片傳去給小孩. 讓她在OPENRICE 內出食評吧.   攪完一大輪. 到埋單時.   還即時比了手機食評圖姐姐看,  她還說看到啦...  好喇.   我埋單.   首先 .姐姐沒有比單我看, 只說幾多錢. 咁我聽落 $ 都差不多都照比咭付款.    到攪掂晒.  姐姐只比番張信用咭單我.  咁我行出門口.  記起沒有拎番張食嘢正單, 就係咁. 走番入門口. 問姐姐拎. 拎左我自己都衰沒有特別再CHECK 單.    好喇.  回家. 得閒坐下. 

第一次試呢一間餐廳, 行過深水埗上網查下哪裏有好吃,就係噉入咗呢度各樣美食都做得好好,乳豬夠脆皮,肉很多,配菜也調製得很好。pizza也 焗得剛剛好,水牛芝士很香,番茄味香濃,皮較厚,脆！各類意粉也做得很出色尤其是卡邦尼意粉,奶香味濃很好食避風塘薯條也做得很特別。 配料很香脆香口,微微辣.飲品也做得很美。就算簡單坐下飲杯咖啡食件蛋糕。也很舒適。服務也非常友善，環境十分舒適，冷氣也足夠， 一定會再次幫襯值得推介的餐廳

門面藍色幾sharp醒，一行入去裝修喺藍色同啡色格調，感覺都幾warm同幾有vibe。因為平日夜晚去，所以冇book位就咁Walk in都有位，我哋就揀咗坐喺最入面嗰張枱，牆上面有啲工具嘅裝修都幾得意、幾有格調。坐低好快就上咗Menu同水，然後侍應就問我哋係想食少少嘢定係飲酒，之後介紹Menu上嘅食物，都幾詳細同有心。因為我同friend唔太肚餓，所以就淨係叫咗一個主食、一個甜品同一杯咖啡。蒜香炒意粉味道OK，蒜片炒得好香，鍾意食蒜嘅人可以一試。巴斯克蛋糕隻芝士嘅味有少少特別同平時食開嘅巴斯克蛋糕好似有啲唔同，個Texture就好慕斯，軟綿得嚟都幾滑，我同friend都幾鍾意。Oat Milk flat white 佢哋嘅咖啡有好多多種豆揀，不過要加錢，所以今次試咗佢哋嘅House Blend先，係Nutty嘅咖啡豆轉燕麥奶，口感都幾滑，而且有拉花，不過咖啡味就唔算出，下次可能試埋其他豆。服務嚟講都真係幾好，不停有人加水同幫我哋收食完嘅嘢，同關心我哋啲嘢好唔好食。因為唔多人，所以都可以慢慢坐，難得有個咁好vibe嘅地方可以同friend吹水。整體嚟講嘢食服務環境都唔錯，可以再嚟。

Lunch時間order咗個煙雞胸肉牛油果bagel同埋叉燒滑蛋三文治 個bagel個樣望落去都唔錯 仲好期待 切嘅時候已經見到牛油果係黑黑地 但諗住應該都OK啦 一咬落去發現個牛油果仲硬過雞胸肉 真心失望☹️ 仲要黑黑地嗰啲位有啲怪味 影響晒成個bagel嘅味 雞胸肉都OK嘅 個bagel都熱熱地 但真係覺得如果個牛油果質素唔好 就寧願唔好serve俾客人 而個叉燒滑蛋三文治就普通 service方面都幾好 好nice 男waiter有不停幫我哋加水 如果食物方面再improve下就好

難得開始有晚飯時段，終於可以多啲幫襯😬新嘅Dinner arrangement 多好多選擇配搭意式水煮魚好得！必食🫰🏻蒜片帶子意粉好有咬口帶子半生熟夠新鮮🍝

本身係附近返工 所以特登book左枱 Weekday lunch hour 1點去佢無留枱係地下果層都算喇 要我地上樓上坐都無問題 問題係未開冷氣 咁我唔洗book枱啦 原來都無安排嘅大約1:05 我地落單 3個set lunch 但要到1:35 先上飲品 然後1:45 先有第一個set既野食到職員 完全覺得無問題 一開始又無講明要等45分鐘 如果有講可能我地已經走左 有個正常午餐食下明白即叫即做 但係要等35分鐘 如果好得閒先好去另外兩個餐 係1:10落單 到1:45都仲未開始做 係仲未開始做囉 同佢地講 做好左果一份野食轉外賣 但都好難為咁 仲要問準俾唔俾轉外賣先得！本身係三個lunch set 但因為另外兩份野食未開始做嘅關係 所以被迫要cancel（最後只係黎左一個set 加2杯野飲）最後埋單佢竟然當我地全部散叫 收多我地錢！結果lunch我剩係飲左杯40幾蚊嘅咖啡ja 成件事太差！ 如果你地唔介意等最少30-45分鐘 係ok ge 只可以講食物唔差 價錢唔平 飲品普通ps.平時唔寫食評嘅我都要突登拎時間出黎寫就知呢餐對我黎講係有幾不滿

地方雖少，但佈置很獨特，衣車拆件很特別餐車放上Gin酒，適合愛酒人士。黑麥bagel配煙雞胸，面包煙韌，加上牛油果及蔬菜，用料新鮮，配黑醋沙律，輕食主義讚！黑糖肉桂咖啡味道不會太甜。環境很chill, 適合傾計及個人休息！生酮面包及甜品，適合生酮飲食人士！朋友叫了生酮鹹牛肉三文治，配個黑松露朱古力蛋糕，份量充足。蛋糕不太甜，及有黑松露味！還點了個黑芝蔴拿鐵。人均消費可接受，無限時，所以適合傾計聊天，及輕食人士～

今年開始生酮飲食，經常煩惱出街搵唔到適合的餐廳。之前經過深水埗發現有一間小店特別註明有生䣳食品提供，今天趁有時間特別過去試試。有別於一般小店，這間店的枱與枱之間都好闊落，傾偈唔怕隔離枱聽到，值得一讚。不過因為所有食物即叫即整，所以真係要時間好充裕才好去試。今日叫了一個黑毛豬叉燒滑蛋三文治和油封鴨腿+窩夫(keto friendly).黑毛豬叉燒滑蛋三文治的叉燒得剛剛好，炒蛋好滑，完全令人食得滿意。不過更令人有驚喜的是油封鴨腿，鴨皮應該是細火慢烤，所以食落皮脆肉嫩，絕對有高級酒店餐廳的水準，有時間會再帶屋企人去試！今日因為下午有節目，所以沒有點店內的gin tonic，只係點左美式咖啡，但店員話不定期會有試酒活動，叫我留低資料，有興趣下次有試酒會會通知我。很期待下次再去試其他食物！註：Openrice要求我填這次用餐是試食活動才准我刋登是次食評。我有email回覆openrice話我有俾錢食飯, 但等左幾日都無人回覆。過去刋登食評都無收過openrice團隊既email，但特別聲明本人有真金白銀俾錢食飯，并非試食。

第一次去見有生酮食左食物幾好就諗住第二次帶朋友去第二次去到食物其實ok啦不過第二次黎已經覺得佢哋服務奇怪一向用QR code落單落左甜品後上點知食物未黎甜品全到佢話我哋揀既不是後上我們已經好驚訝正常甘你咪拎反入去放住雪櫃先佢答:已經整左🙃我們主菜都未食丫，，，，多一事不如少一事 我們照比佢上注意佢係有收加一今日第三次幫襯見到改左餐牌既食物吾同左，而qr code入面都有更新諗住有更新會好左？你太天真。不小心重覆落單之後行去同侍應講我們不小心重覆佢幫我們取消左之後上2碟重覆食物，我話我哋只點了一份，重覆已取消之後同一個侍應拎住張單話我哋已經整好左What?我聽緊乜嘢？我係行出去同佢講重覆架咼，點解你無取消廚房重覆單會係客人問題？我已通知重覆真係好奇怪我通知左你 你重行過嚟話整左？姐係你想我要埋？阿侍應哥哥，其實如果你吾知點處理可以搵個正常人處理而不是想個客要埋好令人費解，呢間cafe,上一次又係甘今次又係重有佢既份量細左好多我上次叫炒飯係食得飽。今次細左1/3真係如要幫襯真係要EQ高小小我就永遠不再來

本身好鍾意兩層嘅咖啡店位於深水埗So coffee & Gin由衣車行遙身一變成咖啡店保留工業風格，別具獨色ꕁSO英式油封鴨腿窩夫配特濃咖啡楓糖醬擺盤很有食慾，上面太陽蛋蛋黃一切而躍下，十分誘人鴨腿外皮煎到香脆，鴨油油脂香滲透落鴨肉，鴨肉肉味柔軟有彈死，滿滿鴨香，非常滋味鴨腿下面的窩夫，香脆而綿密，配搭秘製特濃咖啡楓糖醬，苦甜平衡得出色ꕁ生酮焦糖燉蛋非常好奇佢既口感同味道，不過幾有驚喜，保留到其口感細滑同香甜感，亦無突兀感，係唔講唔知係生酮版本ꕁ焦糖脆脆咖啡好岩打卡，上面焦糖脆脆會慢慢溶化，幫咖啡增加香甜感

終於比我搵到一間生酮Cafe👏🏻▪️Sō Coffee & Gin 充滿工業色彩原來是由民興針車行第三代傳人及酒店級名廚主理餐廳🍴人氣的菜式▪️Sō英式油封鴨腿生酮窩夫 配 生酮特濃咖啡楓糖醬▪️燉和牛面頰全蛋闊條麵▪️帶子青醬意大利瓜麵鴨腿肉香配上窩夫🧇兩者之間意外地夾～配搭特別❗️和牛肉煙韌加上啲汁 十分濃郁帶子和青醬意大利瓜 清新不膩🥒甜品🍮
▫️經典意式芝士蛋糕▫️巴斯克芝士蛋糕▫️生酮法式焦糖燉蛋Tiramisu量份足 濃濃的酒香～Cheese cake 賣相精緻 口感鬆軟 飲品☕️🔸焦糖脆脆拿鐵🔸湯力咖啡🔸酒香單品手沖咖啡最中意冬日限定的焦糖脆脆➿可以點一下Lattle吃～也可以放入杯中慢慢融化⋯
餐廳內展出部分紡織業針車歷史展品，亦會不定時舉辦各式藝術展覽、品酒活動，大家品嚐美食咖啡以後，不妨走到樓上探索一下。#socoffeegin #ketohk #hkcoffeeshop #hkcoffee #hkfoodie #生酮餐廳 #生酮香港 #香港餐廳 #香港美食 #香港咖啡店

一日走兩場, 去到第二間cafe, 佢menu都幾特別, 有素食生酮素食menu叫咗個三文魚egg Benedict朋友叫咗個雞胸牛油果bagel, 生酮menu, 包有少少乾, 夾埋沙律食都ok2個男仔, 食完唔夠飽, 再叫多個all day breakfast share, 兩個人食咗三個餐.All day breakfast 都幾豐富, 松露蛋, 大啡菇, 沙律, 煙肉, 腸, 三文魚, 番茄, 都幾抵食.當日唔多人, 但咁岩幾枱都係外國客, 韓國, 台灣, 冇本地客.