Sogno Cafe x 雞翼山 (已結業)

颳風這天，無阻我和朋友吃雞翼之心！🌬儘管這家雞翼山的的地理位置不算就腳，我們也決定試試。💪🏻本來打算吃午餐，紅日市區人滿為患可想而知，但屯門泳池這家小店也一樣座無虛席，侍應告知需待上個半鐘左右，唯有改變策略，轉為吃晚餐吧！🍽午後，天文台宣佈將於大概六時懸掛八號信號，我們急忙致電店舖詢問會否關門，電話的一方彬彬有禮解答：若能出席，會如常讓我們用餐的。外面曾暴雨橫流，卻並未能停住我們的腳步，我踐過泥濘，弄得新鞋也沾了污泥，終於在六時抵達餐廳。由於下午打發時間期間，多吃了些，大家也並不太餓，最後決定點一客摩天輪和意粉。雞翼摩天輪（五款雞翼）🎡外表賞心悅目，堪稱「打卡神器」，我們點了以下味道：1. 原味雞翼——原汁原味，第一隻我便吃這款，以下口味的口感可參考這款，它的皮不會太厚，夠鬆脆，肉汁鮮嫩無比，為上品炸雞翼，美中不足是沒有啤酒可配搭2.黑松露蒜香武士雞翼——我們點了小辣，它上面有點紫菜，中和了黑松露的膩感，又增加了香氣和層次感3.港式避風塘蒜香雞翼——太久未吃過避風塘了！有一種莫名的親切感！4.鼠尾草鹹蛋黃雞翼——鹹蛋掛滿了雞翼，也有鹹香飄溢，不錯5.檸香山葵蟹籽雞翼——醬汁需自己沾上，

由於颱風關係，老闆把我的訂位時間延後了，打亂了本來的活動計劃，到場看到店比想像中更小，又被安排坐外面，感覺真的很不好不過老闆送了了招牌雞翼作補償，味道真的不錯，店員亦因我們坐戶外，特別幫我們拿取食物（一般是自助），最後見我們已經太飽，也主動建議讓我們帶走剩餘食物，這點很貼心出菜速度較慢，因店內處理食材工具不足，炸物（如蝦多士）最優，chiffon cake很鬆軟，其他食物（飲品也是）沒有什麼味道，可能廚師還年輕，需要再努力我是使用優惠價吃3小時放題，所以還是挺划算，不過如以正價點餐，以食物味道而言，就一般啦建議菜單寫明每份食物落單份量，我們一行三人，開始時不清楚，點了一份食物卻只上了一件，有些卻又上三件，有點混亂，也麻煩了店員常跟我們確認份量有心小店，改善一下，可以做更好，加油

.屯門南呢邊多左啲新餐廳，今次過開黎探朋友就順道試下呢間cafe😄香煎帶子蟹籽和風烏龍茶麵 ($98)(刺身帶子/蟹籽/日煮野菜/冷素汁/烏龍茶麵)帶子有微微煎過，味道鮮美，口感軟熟。蟹籽份量都好多，每條茶麵都能沾上蟹籽。烏龍茶麵都幾特別，食落有少少烏龍茶味，呢個麵係溫麵黎既。最正既係有好多蔬菜(青瓜、南瓜、西蘭花)，好健康，岩哂我呢個食菜人🤣港式避風塘蒜香雞翼 ($58/6隻)雞翼炸+炒得好香，每隻都好肥好厚肉既，熱辣辣上碟拎出黎超惹味🔥雖然佢都有好香炸蒜味，但唔及大排檔炒得咁有鍋氣🫢Flat white ($40)正常水準，咖啡味都濃郁，奶都細膩，唔錯既。Double chocolate smoothie ($45)重朱古力味，成杯smoothie打得都好滑👍🏼依家天口熱，本身店員安排我地坐露天座，但我地想坐室內，佢都好快手清理入面剛剛有客人走既枱，我地等左一陣就可以入座了。如果天氣冇咁熱，坐户外都幾chill，環境幾relaxing 架。.味道 ★ ★ ★ ★ ☆環境 ★ ★ ★ ★ ☆服務 ★ ★ ★ ★ ☆性價比★ ★ ★ ★ ☆

上個月山長水遠殺入屯門，為嘅就係 Sogno Cafe x 雞翼山推出嘅任飲任食。Menu 上有食物同飲品各十款可供選擇，印象最深刻係伯爵茶戚風蛋糕，茶味夠濃，蛋糕唔太甜，口感偏濕潤，勁正；吞拿魚碎蛋千層酥檸檬汁味突出，非常清新好食；麻薯窩夫配雪糕嘅窩夫唔算特別，不過配埋焦糖醬同焦糖 crumble 一齊食，味道出奇地夾，再加埋微鹹嘅海鹽雪糕，成個 package 當堂加哂分。每枱贈送嘅文青風玫瑰雞翼又係另一亮點，雞翼隻隻飽滿 juicy，出面沾滿香甜嘅玫瑰味蜜糖，邊食邊拉絲，滿足視覺同味覺。建議一定要盡快食，一凍咗會變得好甜，蜜糖又會勁硬勁黐牙。其餘食物包括黑松露薯條，他他醬蝦多士，田園麻醬沙律，英倫原味 scone 等，全部都正常水準正常味道。飲品方面，最期待嘅牛油果芝士奶蓋沙冰口感幾幼滑，不過冬瓜糖味太重，蓋過咗牛油果味，美中不足；水蜜桃菠蘿沙冰味道唔錯，不過口感較稀，上枱時杯底沙冰已開始變水；至於杯 mocha 呢，唔知點解個朱古力味有啲怪，唔算好飲。由此可見，呢度嘅飲品係比食物遜色。另外我見同一款飲品每次出嘅時候個樣都有啲唔同，可能係出自唔同員工嘅手，令到質素唔統一，呢個問題

屯門呢排勁Hit嘅食嘢地方，偶爾發現咗呢間餐廳，立刻坐低食個Tea嘆吓先。開頭以為係一間普通Cafe食吓意粉飲吓咖啡，突然間發覺原來呢間Cafe係同雞翼山做咗Crossover，又幾創新喎😎即刻忍唔住order一份雞翼，真係幾好味，之前都喺佢其他分店試過㗎啦，今次再食覺得質素都維持到好好味。另外Cafe嘅咖啡十分出色，成間舖頭裝修好靚，亦都有露天座位👍🏻帶住毛孩去就最啱啦。我哋坐喺露天座位嗰陣時，見到好多毛孩跑來跑去，真係好得意，MM7😍

雞翼山 呢間店 有聽過無食過今次係機緣巧合之下食到名就改得好特別文青風玫瑰雞翼，簡單d就係蜜糖雞翼即叫即整，味道唔錯，食唔到玫瑰既味道，蜜糖就落得足，雞翼邊邊炸得脆卜卜，好食另外再叫左Crumble cake ，呢個有驚喜， 入面有滿滿的蘋果肉，口感一流，食落唔太甜，再飲一啖Cappuccino ，都是一種享受😎整體上環境，味道，賣相都好， 是可以再食但如果餐牌上有套餐或者下午茶會更吸引全部散叫來講有少少貴！😅

身為雞翼控嘅我想試呢間好耐，幾多口味選擇又創新，而且採用無激素雞翼👍🏻Size適中，好啱想食少少嘢而唔想食太飽嘅時候食～揀咗2款mark住「必試」嘅雞翼口味，炸得脆又keep到肉嫩同肉汁文青風玫瑰雞翼⭐️⭐️⭐️⭐️蜜糖同雞翼自古以來都係perfect match🤪但呢款雞翼用嘅係玫瑰味蜜糖，所以食落有淡淡嘅玫瑰花香，仲有乾嘅玫瑰花瓣做點綴～檸香山葵蟹籽雞翼⭐️⭐️醬汁味道有啲似蜜糖芥末醬，蟹籽加埋醬汁味道上冇得輸，而且份量一啲都唔吝嗇；但食落會覺得醬汁同雞翼分得好開，只係雞翼點醬汁食咁原來仲有意粉可以叫🤪幾高質而且整體份量都唔少！慢煮雞上髀柳鮮茄扁意粉⭐️⭐️⭐️韓式泡菜大蝦香辣扁意粉⭐️⭐️⭐️⭐️唔知遲啲會唔會推出「芫茜雞翼」呢🤣如果出咗我一定會再去試～～

🍝韓式泡菜大蝦香辣扁意粉💵88🍀🍀🍀🍀🍀🍀🍀🍀🍀🍀有得揀大辣or 少辣，泡菜係腦海係酸酸辣辣既角色，而餐廳經過調味，令食落唔會好酸，反而係甜甜辣辣，泡菜唔算多，但好多意粉🍝、菇🍄、蝦🦐～🐔鼠尾草鹹蛋黃哥雞翼💵58🍀🍀🍀🍀🍀🍀🍀🍀🍀🍀共6隻雞翼，依款真係必食，每隻充滿鹹蛋黃碎，勁罪感但又無法抗拒🙈，外皮脆脆肉就嫩😋Matcha & Hojicha Latte 💵40🍀🍀🍀🍀🍀🍀🍀🍀🍀 凍冰冰既天氣就最岩飲熱飲，頭大同朋友各點左抹茶🍵、同焙菜既latte,個花拉得勁靚，味道都唔會過甘又唔會過甜～🌼🌼🌼🌼🌼🌼🌼🌼🌼🌼☀️整體而言，屯門西鐵轉輕鐵屯門游泳池站，好易搵，頭大覺得餐廳最有特色係創意，點餐比錢後有得抽獎，頭大同朋友抽到免費有一件伯爵茶戚風蛋糕同一個兒童口罩😷多左份樂趣，而餐廳都好local ，播廣東歌👍🏻食物又比想像中有驚喜，感覺不錯～

其實我都係第一次食雞翼山，果然無失望😍Cafe必食推介😋如果你係雞翼控，亦好想chill下，嘆住杯咖啡，食個意粉咁，你就一定要來啦～佢室內嘅位置唔太多，所以坐室外會舒服啲！依家凍凍地，坐室下都舒服，不過係大風d🌬要叫嘢食就要自己去cashier落單俾錢，食物都係由自己去拎返～拎住咖啡嘅時候出入開門就要小心啲！🥰不過冇諗過佢除咗雞翼之外其他嘢食嘅質素都好好，佢嘅意粉真係好好食！佢個烏龍麵係健康之選，係冷麵黎！亦都係佢間鋪嘅熱門食物🔥其他意粉我都覺得好好味，放心叫吧！

#pb食在屯門 #pb支持黃店💛Sogno Cafe x 雞翼山😋New Cafe Alert 🚨✨前幾日同媽媽去左呢間屯門新開嘅cafe 佢係中環Sogno Cafe + 雞翼山嘅合拼😍 兩間都成日係出面食 唔講唔知 原來係同一個老闆🤪 太好了 以後屋企附近又多一間高質cafe😋 留意佢週日至週四只係開到20：00 五、六就會開到22：00👍🏻 店內裝修保留了中環店 + 雞翼山嘅特色 室內座位唔多 得10-12個位🥰.主食有8款選擇 以意粉為主 價錢$88-$98不等👍🏻 另外當然唔少得雞翼山嘅招牌雞翼啦😍 甜品選擇都好多 有Sogno嘅招牌chiffon cake、cheesecake 同埋Mochi Waffle😋🔹黑松露蒜香武士雞翼🐣$58 有6隻同款口味😋 落左好多黑松露 食落夠濃味 超香😍 而且雞翼大大隻 食落肉質好juicy🥰🔹香煎帶子蟹籽和風烏龍茶麵🍜推介❤️ 呢款係屯門限定🥰 望落已經好colourful💕 冷烏龍茶麵食落好清新 啖啖都有蟹籽撈😋 仲有好多蔬菜 超級足料👍🏻🔹伯爵茶麻薯窩夫跟雪糕🧇推介❤️ 好邪惡好飽肚嘅甜品🥰 有6件伯爵茶窩夫 入面仲有麻薯夾心😋 佢仲加

朋友住屯門，去咗佢樓下食晚餐，叫咗香煎帶子蟹子和風烏龍麵，其實都成$100，但係用好似葵芳廣場嘅紙碗碟上，又要自己拎，我就覺得服務一般，同埋坐喺出邊真係非常大風，啲風又吹啲紙碟飄來飄去，食到最後尾個碗碟真係會吹走，其實都唔太方便，同埋因為喺戶外好多人出出入入，所以我覺得環境一般。食物味道方面，都幾好食，烏龍麵其實就煮得比較係似蕎麥麵，帶子份量都多，亦都唔會有過老嘅情況，蟹籽調出鹹香，令到烏龍麵嘅口感增加，味道甜甜咸咸唔錯，要留意嘅係凍盤上，所以冬天就可能要避免叫啦，我覺得佢最好就寫番返係冷盤定熱盤比客人多啲印象先叫，因為我開頭以為係熱㗎湯麵。叫左鼠尾草鹹蛋黃雞翼，呢一個我就覺得幾好食，鹹蛋黃非常足料，炸得好香脆，熱辣辣，超級好食，鼠尾草就唔太明顯，但都隱約覺得係唔會係死咸有少少香料嘅味道總括嚟講我都幾滿意。總括來講，我覺得呢個價錢起碼要用唔係外賣碟裝，不過可能佢啱啱開所以先係咁，食物方面都唔錯，都可以再俾機會試多一次

輕鐵屯門泳池站新開左幾間食肆 今日同媽咪上左呢間cafe 首先 環境好好 餐廳內好有設計感 出面又有幾張枱坐 幾舒服ge飲品方面 我叫左杯熱情果特飲（passion fruit, lemon） 好好味 估唔到有半個熱情果 好清新媽咪就叫左杯熱cappuccino 正正常常食物方面 叫左香煎帶子蟹籽和風烏龍茶麵 超好味 帶子鮮甜 豆角西蘭花南瓜味道好夾 芝麻醬埋冷麵好開胃 100分呀甜品叫左海鹽麻薯窩夫 份量好足 真係3個人食都夠 雪糕好味 我第一次食加左麻薯ge窩夫 好夾好好食 整體黎講呢間cafe好高質 好開心以後食野又多個選擇

呢排開咗唔少餐廳cafe搞到住附近嘅我表示好開心 禮拜六中午去到周圍都好多人 就求其揀咗呢間cafe試下先禮拜六冇lunch set,價錢屯門黎講係有少少貴一杯dirty加個麵就$143... 係九龍嘅價錢黎熱啡同凍奶分開上嘅Dirty我係第一次見, 仲要係用紙杯冇得俾我打個靚卡~ 但整體黎講咖啡豆係nutty, 好飲.烏龍冷麵撈咗好多汁同超多蟹子,配埋兩粒帶子, 好適合熱嘅天氣食. 仲有南瓜同其他蔬菜令到個麵好健康感覺冇乜負擔 啱晒女仔食! 份量都ok食材都非常新鮮~唯一嘅問題係廚房抽油煙機功能應該唔係好好, 食完個人成陣油煙味(炸雞翼嘅油煙)仲有就係希望店家用返啲可以循環再用嘅碗碟,環保啲就好啦!!

剛試一間新開雞翼山cafe. 店已開個幾星期。今次我地點左一個黑松露武士雞翼及一杯Latte. 唔使等好耐大概5分鐘，雞翼就到，叫的黑松露雞翼完全沒有黑松露味，只有好多紫菜喺面，普通一個炸雞翼，食完雞翼等了大概二十五分鐘才到咖啡。期間已慛了好幾次。以為那杯咖啡很好味，可惜飲落仲淡過de-caf既咖啡。還要等甘耐，我唸暫時唔會再黎食，不竟附近也不會來。希望檢討一下，如果下次還有機會來的時候。我眼見每台客臉容也不開心，可能等咖啡也等得太耐了，大多食完雞翼咖啡還未黎。

18.09.2021 星期六Sogno Cafe x雞翼山朋友介紹屯門御海灣有新Cafe，原本想去的那一間，早上11:37竟然一條人龍在排隊，那麼早實在想不到。行前少少另一間「Sogno Cafe x雞翼山」仍未開門正預備中，但好好人讓我坐下等，於是乘機影下靚相。餐廳外有露天茶座，天氣如果不太熱，靜靜坐下，實在很有外國風情的感覺。餐廳內雖然不大，但設計頗特別，一入門一對可愛貓公仔守候，右邊牆上有一大片地圖，還有一個像小拱門「We Eat What We Dream」的設計，很漂亮呀！此外，餐廳座位不多，近地圖有上下兩級座位，很有趣，但可能有射燈關係，有點熱。香煎帶子蟹籽和風烏龍茶麵（醬汁另上）：這寫明是必試推介，其實烏龍茶味道不重，反而更適合我口味。帶子煎過很香，有很多蟹籽，配搭起來很好味，不用點醬汁。醬汁另上我試過，相當重味。Piccolo 好重咖啡味，好滑除了堂食，叫外賣的單很多，所以等候時間比較長，要有點耐性。還有其他美食，甜品「海鹽麻薯窩夫」看來很吸引，下次會再來。