Sogno Gelato (已結業)

一場去到荃灣，風聞荃新天地2期呢邊有間特色良心雪糕小店，不但雪糕係自製，而且味道亦創意十足，不能不去試試。話說所供應嘅雪糕口味天天不同，今日就黎睇睇。雪芭方面，除咗有普遍嘅青檸雪芭，亦有芒果、橙仲有薑青檸雪芭。雪糕類別，特別嘅口味有蕃薯，有薑，亦有榴槤 (雖則唔啱我，但有人會興奮大叫。然後有羌茜，其實… 情況同上 。不過有Wasabi味就真係唔夠膽試… 其實網上見過有人話ok嘅，但我膽小最後要咗杯聖誕特別版，打卡專用，可選自己最喜歡嘅口味，配上Oreo, 針糖等等裝飾，有外表有內涵

位於大商場內的一間Gelato 店，成間店除左係連儂牆之外💛 仲有大大大量文宣圖！！$35一球🍨 唔算好平，不過有好多特別味選擇，講你都唔信！ 見過有莞茜味、牛油果、薑、奶茶、指天椒味等等🤣 可以叫店員撩少少試食，試岩左先味就可以買了！有cone 式杯裝揀，好似一樣價錢～最後我都係揀左比較普通嘅開心果味💚奶味岩岩好，好濃開心果味，仲有少少果仁添，有咬口，好正！ 同時亦有點甜😖 嚐甜者必食的高質Gelato店～

剛開業嚟過一次，靚仔店主很好人很nice，他說舖面不夠位放全部，所以從門後嘅倉出出入入俾我們試了很多不同味雪糕。啲雪糕好好味又特別，所以下次離開荃灣都想再食。昨天終於去開嗰邊就再去食，靚仔店主在枱附近同食客傾計，之後他便出去了，聽其他店員口吻他應該出去吃飯，舖內就有一位四眼哥哥同一位女土幫手賣雪糕。一直這兩位完全無理會我們，我們自己在研究食嘜嘢味，雪糕名不是全部都有，咁我就問四眼哥哥有無番石榴，之後佢話“番石榴？我哋無賣番石榴“ 語氣一般啦，咁無未算囉。跟住我問有無榴槤，他就同那位女士講榴槤係出面定入面，女士指住話呢到，四眼哥哥自己同自己講話隻臭嘅放咗呢到，然後答我有。嘩我知道唔食嘅人會覺得榴槤臭，但你係賣嗰個加上我係食客，係咪都唔應該係我面前講你感受啫。然後我要求試咗其他兩隻味雪糕，第一款試都仲好啲，到我要求試第二款就顯得有點不耐煩，我都唔好意思再試，order 了兩杯兩球，其中一球就係榴槤。四眼哥哥當要“拔“榴槤時又講幾次臭嘅，面容扭曲，跟住話我食嘅，不過我唔鍾意佢臭啫，算吧我真係理解唔到，不過我真係唔開心你係咁揸住我杯雪糕就係咁話臭囉。同我們俾錢那位女士態度也不nice 的。上次

呢間小店得到香港人米豬連指南推介，目測👀香港人都好努力黎懲罰佢，每次經過都好熱鬧!! 今日終於的起心肝黎試吓，店員好好人，試咗好幾隻味佢都冇黑面，亦都有努力講解唔同味道嘅特別之處!! 叫咗朱古力碎同埋牛油果味，牛油果味係雪葩，店員話牛油果係主要原材料只係加咗檸檬令佢唔會變黑，食緊嘅時候好似真係食緊牛油果亦感受到牛油果嘅油膩感，感覺好真材實料，而朱古力碎就係傳統嘅味道，口感軟滑!! 證實左佢係一間有質素嘅黃店，米豬連果然冇呃人，大家行過荃新天地就黎試吓喇!!

呢間意大利雪糕經常有新口味推出，上次已經幫襯過一次，今次路過我又睇吓佢有咩新口味，點知竟然有一個叫「指天椒🌶」口味！我問店員試食咗少少，覺得味道都唔錯，就order咗一球。可能因為係期間限定味道嘅關係，店員要特登喺後欄拎球雪糕俾我。指天椒味單球雪糕 ($35)甜甜嘅雪糕味，每一口都食得到一粒粒嘅指天椒🌶🌶，好crazy呀！😂 不過又甜又辣得來冇乜違和感。試食少少嘅時候唔覺得太辣，但係成杯食晒之後辣到即刻想搵水飲呀！😂😂 期間限定，嗜辣嘅朋友唔好錯過了！#辣#支持小店

終於食到呢間好出名嘅雪糕店之前想食，竟然要排長龍，最後仲要賣晒… 😂🙈第一次食，要試吓唔同口感的要咗雙球一款係雪芭雪糕，一款係牛奶系雪糕芒果雪芭，嘩，好芒果 😂😂完全食到係用「真。芒果」整嘅唔錯唔錯有d快溶，要食快d開心果雪糕，嗯，味道係同一般開心果雪糕差不多，開心果的味道係好難做得真，呢款算係幾自然但重點係…個口感！奶味好足，所以好rich，口感豐富同埋好滑wow! 下次都要再試吓其他牛奶系果d雪糕當然雪芭都好味，真係生果的味道

🥑☕️🍨牛油果+ cappuccino($65雙球)有得試食 先再決定買不買👍🏻店員態度好Nice!! 唔會令你尷尬試咗幾隻味薑味好似都好吸引但最後決定揀牛油果牛油果出色！唔會太假❤️冇揀錯cappuccino正常咖啡味 冇驚喜但都算好食Gelato黎講 可以再挺身就更正之前好多報道的小店 因為我住荃灣區朋友都介紹我來幫襯最近誇張的長人龍不見了🤔雖然我去食嘅時候都keep住有客人大家去開附近可以幫襯下難得係大型商場入邊開店 支持小店呀

又去荃灣做嘢! 走既時候公司小妹問: 不如去懲罰雪糕店丫, 喺附近呀……梗係好啦! 本身呢個商場2期就少人, 仲要受牽連, 唔去支持又點得呢! 小妹話要食雙球, 我只想食單球…佢睇睇下話加埋一齊買三球抵啲…最後佢揀左薑味 & 開心果味, 我要食雜莓乳酪! 薑味淡淡的, 偏奶味, 食落少少辛辣! 開心果味超濃郁, 又香又滑! 我最欣賞雜莓乳酪, 乳酪輕盈且香, 雜莓微酸, 好 refresh! 先不論政見事非黑白, 呢間店既雪糕係高質既! 註: 意外發現, 雜莓乳酪同開心果好夾! 強烈推介! 

荃灣沙咀道亦係戰場 兩邊嘅荃新天地都受牽連🚧老實講呢間仲要位於好少人嘅2期但仍然堅持連儂舖面 真係要多支持👏👏.🍦開心果 芝麻糊 雲呢拿 $79@3 $65@2 $35@1🍦可以試咗先買❤非常推薦開心果味 有外國嘅濃郁度💚💚芝麻糊亦非常濃郁 係香港食過還原度最高嘅芝麻雪糕⚫⚫雲呢拿就相對無咁大驚喜 而且偏雪葩質感🙊Ermmm 雖然真係偏貴😭😭但我都會特登再黎😤

雖然佢係雪糕店，個個都介紹雪糕，不過大家千祈唔好忽略左佢嘅果汁。本人係極度鐘意芒果，係泰國試過五日旅行飲咗N杯芒果汁，返到香港就諗住周圍八卦下邊度有正嘅芒果汁，搵左好耐都只係好普通嘅芒果汁，不過某次經過，見佢有芒果汁，好奇買咗一杯，發覺超級正，唔單只大杯，仲要好溶好濃，老闆仲特登show俾我睇佢真係用芒果榨夠一杯，絕對唔係芒果漿開水，佢仲話佢地係唔會加糖，真才實料，飲到個胃都懷孕了。有時越普通嘅嘢先越難做得好。

你愛雪球，你有訴求，不妨到荃灣這小店一遊！提供多達數十款口味的意大利Gelato雪糕球，包括開心果、牛油果、曲奇、Wasabi、泰式奶茶、指天椒、薑青檸....等。仲可以試啱味先買，總有一款滿足你所求。貓人今次品嚐開心果及泰式奶茶兩大雪球，綿密細滑，奶味適中唔覺膩，前者微甜中含有果粒碎，後者奶茶味香濃而苦中帶甜，為近期苦澀的生活添上點點窩心甜蜜。店內原先的玫瑰花牆，更幻化成迷你連儂牆，歡迎即場分享你的訴求，或許有日能達成心願。一於用港人港幣，狠狠地懲罰這間良心小店啦！

Gelato一般都係朱古力呀、士多啤梨、芒果等等呢啲味道，又或者係sorbet咁，但呢間好特別，除左呢啲喺一般雪糕店會見到嘅口味之外，仲會加入本地口味俾客人選擇。尋日見有兩款本地口味：苦瓜同埋薑味。齋睇呢個味道會覺得好啃，但食落又還好喎，唔會好苦同埋好辣。咁當然唔似其他普通口味咁甜啦，但絕對係可以接受嘅口味，但鍾唔鍾意就見仁見智喇，哈～我個人係還好嘅，覺得幾特別，鍾意試新野嘅都可以去試下。不過最後應老公嘅喜好，都係嗌左普通嘅味道：士多啤梨、朱古力、薄荷碎朱古力，都好好味！另外仲飲左個芒果沙冰。店鋪寫果汁同沙冰嘅甜度係用蜜糖去調製嘅，咁應該比用沙糖或糖漿健康啲啦。飲落又真係唔會覺得死甜同封喉，唔錯。

網上号召而來。點了薑味連cone。一球35元，cone7元。cone香脆，不是油膩牛油味那種，配gelato恰當。淡淡薑味不太濃，不會過辣死辣，少許奶味，不會太甜。讚。唯一要改善的是付錢收銀後，又要回到原先隊尾排隊。有點混亂。沒有單據，拿貨品時講信字。。。

每次經過太早 未開店 一直都想幫襯呢間敢言 香港良心雪糕店 俾藍屍搞到差D冇$交租 一定要支持下 老闆加油！大家最好13:30之後去 叫左三球$69，薑 開心果 芥末，雪糕幼滑足料 天然，三款都好有濃郁味道，芥未 似 爭鮮個D芥末有D辣，薑有细粒口感好'，開心果最香口，我以前做雪糕師傅 都覺得本地意式雪糕 佢地質素 味道最好 強烈推介 記得留字條 同香港人打氣！

老闆表示做左呢行好耐 一直都落力研究Gelato 就算要捱貴租金 比藍絲騷擾 佢都堅持繼續經營鋪頭 比大家食到好味又用心製作嘅意大利雪糕😢🥰.👉🏻芒果雪芭($35)Cone+$7芒果味好天然 唔會過甜 而且一啲藥水味都冇🤤一直都好中意食雪芭 因為食落個口感好似沙冰 好清爽😌雪糕筒有兩種選擇 有原味同朱古力味 我簡左原味🙋🏻‍♀️個筒都幾脆 不過甜左少少 可以減低番個甜度😳雪糕口味最特别有牛油果 薑味青檸 苦瓜 大家可以盡情去買嚟試下😚————————————————Sogno Gelato @sogno_gelato_hk 荃灣楊屋道1號荃新天地2期UG樓85 號舖