Sora ti.te.mo Café (已結業)

早前在雜誌看過關於這家Sora ti.te.mo Cafe的介紹，這次還是首趟去，單是名字已叫我想試它一試。這店採用開放式設計，光線充足，唯食物的選擇不多，多以包類為主，味道不過不失。我們選的同是沙律，我覺得稍酸了點，而蕃茄鮮蝦飯卷，惹味鮮甜，還有煙三文魚忌廉芝士牛角堡，裡面是芥末醬和芝士，不錯哦，嚐第一口時已大讚美味！！紅豆綠茶新地，賣相吸引，入口先嚐到奶味，跟著是綠茶香味，不覺太甜，我們都很喜歡！

一個ＳＥＴ再加＄＝蕃茄醬豬肉腸焗薯牛角包三文治紅豆綠茶新地好好味，好抵食！

一直以來被mega box這一個「紅點」所吸引，於事星期天來到ｋｌｎ這商場逛逛。到達「紅點」時剛好是午飯時間，所以先來吃飽飽。去到十樓的美食廣場，出電梯門就是這一間Ｓｏｒａ，白色的門面，挺吸引。上前看看，都是吃輕食，價錢頗貴，但想有新嘗試便決定食品跟飲料。等了十分鐘，飲料便送到，沒有冰的凍檸茶，還有肉眼看見頗「俗」，檸檬只有２片。再等十五分鐘有多，食品才送上，點了一個照燒雞扒包，奇怪地其包並沒有汁，還吃到燒焦的味道，醬汁亦不夠，尤如要我將其包「乾」吃，因為飲料早就喝完了。

那天上午因工作關係到了MegaBox, 其實俺連早餐也未吃, 再待在工作的場地到一點多都未有東西“落肚”, 飢餓得出奇, 二話不說—開溜了去“醫肚”, 隨便就在這家Sora買了個牛角包三文治便成了俺的“早+午”餐了, 其實其時俺亂指了什麼都不知道, 反正“醫肚”不用深究, 狼吞之下, 發現其實蠻好吃呢! 記起了, 是煙三文魚! 裡面還有芝士, Mustard, Yummy! 配菜也蠻新鮮似的, 起碼沒有冷冰冰像剛從冰箱裡取出來的感覺, 不知其名堂, 只知不是一般西生菜貨色。四時多, 期待的一次Break, 同事也是餓得發慌, 未待他發瘋之前, 俺就將他帶到Sora, 我們點了很多, 而俺, 再選了牛角包三文治, 今回是有蝦那款, 真正點! 大大口吃時大大隻蝦落入口中, 很滿足! 汁也濃香恰到好處!同事鯨吞了黑椒牛肉包, 咖哩雞飯卷, 海鮮沙律; 俺也不弱, 除了蝦那款牛角包, 還有西蘭花煙肉焗薯, 很香! 還有各人都要了Panna Cotta, 很滑, 完成這餐後, 那種滿足感不能言喻哦!俺自己會記住這家Sora, 下次再來的話, 希望可以回味一下那種滿足和“吃的快感”! 哈哈!

蕃茄醬豬肉腸焗薯, 很可口, 沒有糊口的感覺, 薯仔本身的味道和質感易都得以保留, 而且剛焗出來, 很香!甜品是焦糖燉蛋, 入口香濃, 水準之作! 焦糖面層脆脆的不太甜, 燉蛋也香也滑, 若不是吃過焗薯, 可能會多要一客。

呢排食晏都係食Pizza呀意粉呀, 好悶呀! 週末來到Megabox本先想上樓上中餐果層食餐中式兼想食d炒飯之類(廣東人嘛!), 俾一個亞嬋一句話: “咪即係糯米卷?”跟住留意左呢間Sora. 望望個Menu其他野, 好似幾特別, 所以無去食炒飯, 留左o係呢到食佢地入面係“飯”o既烤包卷.食左咁多餐“芝士”Pizza“芝士”意粉, 無揀果款芝士吞拿魚, 揀左烤雞果隻, 又幾好味喎, 食得出有提子粒粒提子味, 雞味一般咁啦OK o既, 個人覺得如果d雞燒“Lung”d仲好, 個樣都幾得意, 咬落去….好味!!! 塊皮好煙韌但又唔會漿住漿住扯唔甩咁, 總之, 好味道! 之後食多個Caesar沙律, 都OK呀!心諗, 如果趕時間, 拎住舊烤包一路行一路食都可以喎, 好過成日食QQ Rice, 我諗女仔會幾鍾意.為左平衡返, 要左杯梅酒飲品, 一於“飲”…其實甜甜地酸酸地酒味唔濃, 又OK喎!有機會行開德福, 行埋過來呢度食野都OK!

同男友去megabox滑冰,之後就去了呢間叫sora的餐廳,見未食過就試下,成日食Mos都有點boring,見佢又幾日本feel,又有漢堡類的東西,所以就試下,叫佐烤雞堡,三文魚牛角堡casear沙律,西蘭花煙肉焗薯,一杯朱古力冬飲(唔記得個名),同意大利奶凍,先講個烤雞堡,好多汁,個包又熱yumyum,男友就食個牛角包配三文魚,三文魚都幾大塊同新鮮,仲以為會好腥添但一d都唔腥... 沙律就ok la,塊芝士片就幾正,至於個收銀介紹的意大利奶凍就最有驚喜,以為好似一般的jelly,啲白色的奶凍好滑入口即溶,同啲紅苺汁,真係好正,所以自已獨食…男友sorry..朱古力飲品就普通…報導完畢下次再食其他野先...

終於去megabox由地下直上十樓都幾快,到了後行佐一個圈,比間日本樣的白色餐廳吸引佐,開始都唔知食乜,D waiter介紹下就試佐意大利燴飯烤卷,係海蝦味,呢個東西特別之餘,好似m_x的wrap,但外皮就熱同crispy,講真啦食m_x的Wrap冬冬地真係嘛嘛哋,講反呢度,Wrap皮包住的海蝦意大利飯真係幾得,蝦好新鮮,一份都夠一個lunch…下次會試下的甜品…

前幾日同朋友去左megabox食野,去左間食日本野既餐廳(sora)食野,開頭感覺唔錯既,一行埋間餐廳度就有waitress招呼同介紹食物,於是我地就叫左幾樣野食,有黑椒牛肉包,特級牛角堡,西蘭花焗薯,烤雞焗薯同埋兩杯凍檸茶...點知等左成20分鐘都無野食來.我地咪追下單囉,過多一陣終於來啦,開頭個兩個包都可以食得落肚既,但食食下發覺愈來愈焦囉個包面,勁惡劣囉,將焦左既用紙包實,等人發覺唔到,食左一半先知,問個waitress個waitress話係甘嫁wor,甘先脆,搵鬼信咩,個兩個焗薯大小不一,個西蘭花焗薯勁大,但係d汁好稀好似水開甘,完全食唔到有芝士味,烤雞焗薯就勁細wor,仲要d料就係得d紅蘿白同西芹粒甘大把,雞粒得兩三粒,好在個兩杯野飲還可以,唉~依d餐廳一次教訓已經好夠啦,又唔係平過人,好食過人wor,總之絕對無下次囉!!

琴日同女朋友出街....去左mega box到行行行下未搵間野食....坐低醫下個肚見呢間sora裝修ok....就入去試下叫左個海蝦飯卷+煙三文魚包+薯仔沙律+熱橙香朱古力+凍薄荷朱古力先來兩杯野飲....真係無奈....杯橙香朱古力成陣藥水味好難飲!!!!其後是薄荷朱古力....佢既顏色很不吸引未飲已經聞到陣好臭既味....都唔知係唔係佢地既野已變壞!!!那個薯仔沙律又是酸酸"叔叔"的....很難吃...吃了2口便放棄等了很久(1x分鐘有多)...煙三文魚包才出現...果然!!又是失望那些三文魚成陣魚油味...根本冇煙過既現象!!我想大概是"現醒"貨....最後是海蝦飯卷....等左好耐(2x分鐘)....飯很淡並且很"林".......完全沒有質感...狀似在「吃軟飯」!!! 什麼海蝦???就只有幾粒....不知所謂!!!那餐廳有自己所屬的音樂在播放.....就如食物般...難聽!!"死不斷氣"的歌....聽後整個人也down了起來...加上質素這麼低的食物．很爛!!!以後不會再來.......反胃!!作嘔!!!

食完令人失望的魯一居, 同朋友俾呢度0既menu 同靚裝修吸引0左, 0黎了呢度希望食甜品.我叫了個tiramisu, 但係receipt 上寫0既竟然係"傳統雪糕蛋糕", 見description 已經心知不妙... 0黎到時見佢賣相咁靚, 拎了相機出0黎左影右影, 影影0下朋友竟然0係蛋糕底部有條頭髮! 好彩仲未開始食, 當然即刻拎返去counter 叫佢換過碟. 雖然counter 店員態度好好, 即刻換俾我0地, 但咁又如何!? 諗起條頭髮都打冷震.換過後賣相一樣靚(見圖), 不過一「吉」落去就出事... 件tiramisu 係結晒冰/霜的, 硬到食落會sok sok 聲, 難食到喊!!! Chocolate sauce 亦只係一d 啡色又好甜0既液體, 無朱古力味; 結果放了佢0係度等佢溶咁d 先食到, 但溶0左喇喎, 賣相當然就唔得啦.朋友叫了個雪糕朱古力, 情況俾tiramisu 更慘烈... 杯0野勁稀, 無朱古力味, 可以話只係一杯啡啡0地灰灰0地色0既甜水(自行想像0下用超市朱古力粉+ disproportionately 多0既水0黎沖的朱古力飲品會係點啦

今日同女朋友去megabox睇完戲後打算去食野,見到呢間sell日本food,賣相唔錯,所以揀左佢我地叫左黑椒牛肉包,飯卷(有蝦果隻),意大利芝士雪糕蛋糕,凍檸茶,柚子梳打同薯角,大約等左半個鐘至九個字先齊晒野食首先講包同飯卷,包食唔到任何牛肉味,不過都算食得落口。飯卷淡淡的,d飯既味道同質感食少少就反胃其次係藍莓味意大利芝士雪糕蛋糕,正如先前留言的網友所講,硬到好似石頭,食落冇咩芝士味,同埋唔明點解藍莓味食落會有好重的啡啡味,於是我問waitress點解冇芝士味同唔似係雪糕,佢話係公司商業秘密,不可以透露...當時我同女友都好無奈最後,柚子梳打就一般,所謂的特飲都不太特別。但凍檸茶就好離譜,一粒冰都冇,成杯都係茶,想獨d檸片都難,唯有叫waitress比杯冰黎

果日去行megabox,諗住冇甘肚餓去食少少野,於是試左10樓一間叫Sora 的餐廳,叫左個照燒雞扒漢堡,食落同一般雞扒包差唔多,冇咩特別,另又叫左杯柚子梳打,但味道只有梳打水味,但兩樣野加咪差唔多$50幾,并不物有所值

果日睇完戲見果到d裝修好似好ok附近又冇乜好食就求期入去試下啦入到去見到MENU 日本菜又唔係日本菜西餐又唔係西餐令人好混亂見肚餓就求其叫左海蝦特級牛角堡意大利芝士雪糕蛋糕同埋煙三文魚忌廉芝士莎巴德同埋紅豆綠茶新地先講海蝦特級牛角堡D海蝦唔夠新鮮全個包就好似食緊日式芥末咁....正係食D醬都幾好味既d 芝士雪榚蛋榚一d芝士味都冇得個凍字都唔知想點食落口好似食緊凍海棉咁...無奈跟住個煙三文魚忌廉芝士莎巴德d三文魚有陣怪味唔知係我自己食唔慣定係d野有問題d汁一陣刺鼻...食左兩啖就唔想再食...再講個紅豆綠茶新地紅豆又少同埋又唔夠凍好似飲緊奶昔咁....本身對呢d新商場食肆都唔會有太大信心但係冇諗過會係咁...野食唔好都算服務態度差就更加唔可以接受雖然d野食唔係好貴但係都唔想再去囉

睇完戲很肚餓, 求其入了一間便算.叫了:柚子梳打–無乜特別, ok.豬肉腸焗薯- 豬肉腸切成丁, 煙肉比它還多, 仲有番茄, 洋葱, 芝士. 芝士唔夠多, 整個焗薯也唔太香.士多啤梨雲尼那雪糕- 士多啤梨成球只得一兩粒果肉, 味道有D假.又是不值這個價, 食串燒賣魚蛋仲好.