Sparkling House Seafood & Oyster Bar

营业中

休息中

Really enjoyed the outdoor seating area overlooking lush greenery on the podium. However, as it's summer time now, it was way too hot, so we opted to eat inside. Was a bit disappointed that a la carte menu was only offered after 3pm. In the end, we ordered three dishes from the lunch menu. The best one was the lobster roll! It had a ton of lobster in it which was worth the price, and the fries were a great side that filled me up. The mussels were not very big, but we enjoyed the sauce it was coo

叫左6隻法國生蠔生蠔新鮮肥美👍🏻叫咗個龍蝦包薯條，幾好食😋好多龍蝦肉同埋叫左一份沙律加雞胸肉，好大份好抵食裝修都好有風格，坐得好舒服下次會再嚟整體10分有8分

同個friend喺九龍灣放工happy hour首選一定係呢度，因為呢度一個價錢可以任飲紅酒、白酒、啤酒三樣嘢都係二百零蚊！對我哋走鬼來講真係不二之選！今日我哋嚟到都差唔多五點，所以除咗飲之外就叫咗啲小食，包括炸雞翼，薯條給白酒煮藍青口！藍青口一盤嚟到都幾大份，藍青口唔會煮到過熟，食落仲好新鮮帶甜味！雞翼醃到好入味，雞肉嫩滑外皮超脆香口！薯條亦炸到好香脆，叫黎送酒真係一流！今晚我哋飲呢支CARMEN SAUVIGNON BLANC 2017 RESERVA,白酒飲落去帶少少石榴香味，唔會超甜都算易入口！算係一支唔錯又可以任飲白同個friend喺九龍灣放工happy hour首選一定係呢度，因為

聖誕節安排1星期大假陪小朋友，今日就帶小朋友到恐龍展覽，臨時決定來食飽飽再去玩，之前睇食評都比較負面，不過太趕時間純粹食飽就算。order左蟹肉漢堡新鮮熱辣，入口啖啖蟹肉，另外order左焗三文魚件雜菜，廚師真係好細心製作，三文魚入口時月魚油滲出好鮮嫩，連旁邊雜菜都每件輕煎過，粟米有蜜糖牛油香味。結果出乎意外地食物質素好好，我同小朋友都食得好開心😋

聖誕前夕，還要捱世界，公司裡部門同事還剩四、五人，於是相約往附近吃個好一點的，慶祝一下。這裡吧，環境還好 ... 由於人太多，我們還沒有桌，於是坐在吧枱先等一下，先看看菜單 ...今晚還要跟娘娘吃平安夜晚餐，所以這中午收斂一下，吃個輕一點的 ... 唔 ... 菜單裡這個“煙三文魚沙律”附合要求 ... 端上來了，賣相很吸引，三文魚不是隨便躺上去的，要捲一捲，整盤沙律好看得多了。沙律裡除了有幾類沙律菜外，還有生洋蔥、彩椒、橄欖、蕃茄和青瓜，份量足，醋底香， 撈得均勻 ... 連咖啡杯也有自己店名，所有製作皆認真，值得一試。

一行四人分別叫咗$178嘅蟹肉大蝦意大利飯，$128嘅自家製芝士安格斯牛肉漢堡包，$128嘅素芝士漢堡包，同埋$138嘅炸魚薯條。其中兩位加咗每人$18要個蘑菇湯，另外兩位就加咗個菠蘿沙律，都係每人$18。先講頭盤，蘑菇湯冇新鮮蘑菇嘅味道，唔肯定有冇用味精；沙律菜係咸嘅，係咸嘅！菠蘿就正正常常，都幾甜。到主菜，蟹肉「大蝦」意大利飯總共有5隻雪藏蝦仔、幾塊蘑菇、少少無乜味嘅蟹肉同埋灑咗芝士喺面頭。Menu上面嘅「大蝦」同埋現實嘅雪藏蝦都有一大段距離，抵唔抵食就見人見智。牛肉漢堡塊牛肉好乾，同埋好咸好咸！最尾係咸到食唔落……炸魚薯條就普普通通冇乜特別。伴碟薯條份量就較少，都算正正常常。服務方面，落單嗰時我地話餐飲一陣先嗌，職員可能因為唔想行過嚟落兩次單，要求我地嗌嘢食嘅時候落埋餐飲…話一陣冇時間同我地落單（個場成水個lunch time都唔full）。因為嘢食太咸我地都好口乾，同埋食完嘢好耐餐飲都未到，我地搵同一個職員催單，佢話頭先冇落到單……另外，地下好跣，行入餐廳要小心啲唔好跣親。

呢一間lunch成日去 但dinner真係第一次有戶外有室內 環境不錯唔介意室外吸煙食非常建議晚上坐室外 秋涼天氣非常舒服 傾下計 講下腦細壞話呻下工作之餘又可以暢談下私人事 講8掛野 真係幾唔錯 食物都好有質素 我最愛牛排🥩而且價錢都唔會貴 推介食物因爲掛住傾計無影相😂😂

朋友在九龍灣工作，問佢Mega Box以外有冇咩餐廳好食，佢都諗咗陣，最終帶我去呢間食lunch。午餐時段坐滿人，枱與枱之間空間不多，一貫港式餐廳地盡其用的設計。Set lunch選擇多，朋友選了Crab cake burger（走包），淺嚐了一口蟹餅，味道不錯，但本身較為鬆散，可以改善。我自己叫了蒜香海鮮意粉，蒜香意粉一般唔會失手，但要煮到好好食的Aglio e Olio卻是有難度，好多時出到嚟成攤油，卻欠缺了惹味的蒜香。今次呢個中規中矩吧，sun dried tomato有點切得太大片，影響吃意粉時的整體口感，但不得不提，份量真的很多，其實一碟也夠兩人吃了。埋單三百幾多啲，性價比嚟講算OK㗎。

離開九龍灣工作的最後一個帖文，工作接近4年，竟然第一次食呢間咁高質嘅西餐廳🤦‍♀️意外地食到其他餐廳食唔到嘅菜式 自家製美式蟹餅漢堡包2個 ($148)💕見到好多人都推薦呢個蟹餅漢堡包，所以點嚟試下。黑白格仔餐紙裝飾幾有外國風味。第一啖咬落去蟹餅完全由一絲絲嘅蟹肉組成，蟹味濃郁🦀唔係坊間買返後嘅蟹餅，亦無加入太多粉去製作蟹餅餡。仲要有2個包，方便share 炸魚薯條 ($138)💕炸魚比想像中大條，炸粉係傳統英式炸粉，入面嘅魚肉好滑 燒牛肉意大利薄餅 ($158)大利薄餅正常，味道不算太濃，也沒有太多點評。 蟹肉大蝦意大利飯 ($178)意大利飯白汁好creamy，飯嘅軟硬度適中，好足料有幾隻蝦，入面仲有一絲絲蟹肉

疫情期間同同事好久都沒有一齊坐下食飯，預先book定位，到步即入座！餐廳位於九龍灣企業廣場一期，搭扶手電梯上到一個開放式花園平台，同層有幾間食肆，感覺有點似IFC最頂層。入座後安排我們坐一張長檯，2人中有透明間板。樓底高加上全落地玻璃，光線很充足，視覺享受滿足。這次我選擇了order Burger，漢堡內的牛肉厚身，和其他配料一齊擺入口時，牛的味道也能成為主角，麵包塗上牛油煎香，生菜新鮮。厚切薯條炸和鹽份剛好，有一吃再吃的衝動。同事order了Fish and Chips 及牛扒都表示質素可以，食物分量大份。最後跟餐升級到Latte，完滿!...Housemade Angus Cheese Burger 自家製芝士漢堡包 ($128)

6月4日同事A last day，一班同事打算一起吃飯送別。 之前跟A同事來過此餐廳一趟，她也很懷念這裡的龍蝦包，於是便選定這餐廳作farewell 飯。由於人數不少，所以5月31日已網上預訂，中間也再改了2次人頭數目。6月4日大家準時來到餐廳，不知是不是一早網上預訂的原故，餐廳竟安排了一間獨立房給我們8 人，大家可以盡情暢所欲言、不被打擾。這點餐廳安排得很好。各人各自點了午餐，主角及另一人點了招牌龍蝦包十薯條；另有些人也是點了burger 及薯條；我自己及2位同事點了香蒜帶子意粉；傍邊同事點了芝士pizza。香蒜帶子意粉，蒜香到位，而且十分足料，帶子足足有6粒；但整分意粉分量不算多，女士們完全可清碟，男士可能略嫌不夠。主角A小姐對招牌龍蝦包很滿意；其他點了burgers 配薯條的同事，一般也未能吃完整個餐，可見 burgers/包配薯條的餐分量較足。傍邊同事點的pizza餐，主要材料是芝士，相對比較平淡，沒有其他餡料，而且眼見同事常常需要很用力切割pizza包，相當吃力。

終於黎到HAPPY FRIDAY, 決定同同事食好少少! 九龍灣工商區呢邊其實有好多唔同既選擇, 近MTR有德福商場, 近工商區又有MEGA BOX, 但今次為大家介紹既係位於九龍灣國際交易中心既SPAKLING HOUSE!!!位於交易中心既2樓, 其實呢度地下至2樓都有唔同既餐廳, 但今日想食西餐, 於是我就12點中午打電話訂位, 1點鐘拎位, 得返OUTSIDE AREA, 好彩都有做有位~餐牌既野我唔影啦, 今次為大家介紹既係龍蝦包配薯條、青口配蒜蓉包、漢堡包配薯條龍蝦包:包皮夠香, 龍蝦夠滑, 有龍蝦味薯條:香脆粗薯, 而且連皮, 識食就一定連皮食青口配蒜蓉包:青口夠肥美, 夠多汁, 唔會煮到太熟, 剛剛好, 令到原隻青口保持肉汁同形狀, 夠肥美, 夠多汁漢堡包薯條:薯條上面講左, 唔重覆啦~~至於個漢堡包真心唔差, 肉汁夠, 包皮又香, 一路食, 一路流汁,  配埋旁邊既配菜清新可口LUNCH人均消費大家$150, 計埋加當$170, 價錢係九龍灣區算中上, 但價錢亦反映食物及環境質素

今日Happy Friday 與同事揾個地方chill 下，記得早前食過dinner 水準不錯，即管去食下lunch.可能咁啱星期五，我哋又無book枱，完全無位了。好彩有啲時間，等咗一陣，終於有outdoor 位。我哋一人一個餐，驚喜地3個都好食！1. 蝦餅漢堡: 其實之前dinner已食過蝦餅，非常足料又有鮮味，有一絲絲嘅蟹肉，絕不欺場。2. 龍蝦仔包: 真係一塊塊龍蝦肉，而唔係一pat龍蝦汁就算，個包仲要烘過，好香脆，有心機之作3. 安格斯漢堡: 厚厚而juicy 漢堡扒，香脆包面，正！3個餐都有薯條，係粗薯條，又香又有口感！真心推介蝦餅！必定一試！

疫情期間減少跟朋友見面，難得出來，揾間餐廳在九龍灣工廠商廈區，晚上應人少一點。。。露天區坐滿客，為避二手煙，改坐室內，連我們只有兩枱客，非常舒服。點餐時，女店員好熱情及有耐性介紹各種生蠔，可惜當晚5款得3款有貨。五式芝士意大利薄餅 芝士好正煙三文魚多士配瑞典魚子醬… 好耐無食魚子醬，雖然唔識分等級，呢个易入口好香， 唔腥。好大膽兩人點一支酒。。 送酒就叫份蟹肉餅有蟹肉味，每口都有蟹肉，好滿足。 為滿足甜品的胃，最後食个心太軟，把酒喝清，盡興而回。可惜第二周再去，室內外都好多客，蠔只一種，想點的好幾款小食餐點都無，食左兩款小食，可能疫情少貨掛，都理解。 但未飽，只有轉第二間餐廳。

係九龍灣商貿區想食西餐，由同事介紹下就試左今次呢間係商場平台既餐廳。餐廳有室內室外，如果想chill一點或吸煙人士可以簡室外，但如果好似我咁怕曬，可以簡室內。雖然想食burger，但又唔想食牛肉豬肉，就簡左比較有特色既里個蟹肉burger。里個burger有驚喜！ 高度推介！蟹餅切開後，發現全部都係蟹肉，非常足料。而且外層炸得香脆，內面蟹肉香軟，十分好味。除左burger 薯條非常好味，不會出現空心薯條既問題。