Spiaggia

营业中

休息中

食物出品一般正常，份量較少。午餐$169+10%連啤酒（約300ml)或汽水或茶或咖啡。服務態度好普通，天氣凍，想飲暖水，要找到第三個待應才有。加水要找外國待應。只有拉客嗰位阿叔好招呼入座。坐下就…….

第一次食評想不到竟然是提醒各位小心，重要事情講三次：中伏，千萬不要試。中伏，千萬不要試。中伏，千萬不要試。問店員這家餐廳食什麼菜，答案是國際性，包羅萬有，於是點了一客辣肉腸薄餅，比薄批更薄，大小跟一人薄餅差不多，上面只有六小片辣肉腸。看完整個餐牌，不同形式食物都有一兩款，中西合璧，卻沒有說明地方出處，例如印尼炒飯下面就是星洲炒米，再下面是炸魚薯條，旁邊是豬肋骨。最後就是價錢，平貴就見人見智，不過小薄餅價錢在必勝客大批之上。最後，請大家務必慎重考慮一下。

伏到傻，生蠔唔新鮮，牛扒同香口膠冇分別，risotto都係霉到食唔落，食咗兩淡就冇食了，連支茄汁都有啲問題。唯一可以讚嘅只有佢個西蘭花湯，啲staff會好熱情咁同你介紹食咩食咩，千祈唔好落疊，唔好比佢遊說到比佢拉入去，會後悔入咗赤柱添。

平時都唔寫食評今次都真係忍唔住聖誕節正日山長水遠去左赤柱食左餐非常唔滿意嘅聖誕餐又唔平又唔好食又唔靚又冇服務又等得耐肉眼扒薄到好似塊牛脷咁味道口感都好一般香煎吞拿魚扒變左個沙律雖然佢事前有講過吞拿魚只係輕輕煎但佢冇講過係沙律囉個湯個碗好大但得1cm咁好似人地飲淨咁由點菜到上晒啲菜超過一粒鐘咁當然我都預左聖誕會耐啲我都係夠一粒鐘先催下單但個姐姐聽完我地講就出返去兜客扮下野走入去睇下有冇單都好丫人均三百幾雖然唔係真係好貴但都唔係話好平要記低呢間野永不錄用

貼錢買難受！！永不光顧！😒😒😒服務態度不太好，啲嘢又貴又唔抵食出菜又慢！同男朋友聖誕節正日入赤柱，諗住食嗰間執左所以就揀左間都多人食又唔洗點排既餐廳啦。呢間聖誕節做緊$289一個set, 包沙律或者湯。其實都合理既，始終聖誕節係貴啲。好啦咁我同男朋友每人一個set諗住一齊share兩樣都食下咁，佢就叫左個7成熟既肉眼扒，我就叫左個燒火雞+火腿，我地都揀左湯，另外都加左兩杯細既Sapporo啤酒。落完單之後等左起碼15分鐘先上湯，個湯好細碗同埋都唔知飲緊咩….好啦再等多大約5分鐘就上左個肉眼扒，哇個擺盤真係值$289咩大佬？？？同埋呢個係7成熟黎架咩….勁紅🤯🤯🤯 我都知聖誕廚房入面係忙啲，但係都比啲誠意呀….你地都係賺緊我地顧客既錢架….好算啦我地都照食啦，好彩味道都還好既，但係一定唔飽。另外我地差唔多食完個扒我地一早叫既啤酒都未黎，追佢嗰陣話送比我地飲…應該全餐最滿意既係呢樣😅😅😅 不過都係彌補唔到我對呢餐既失望同憤怒。食完個扒再等多大約10分鐘個燒火雞+火腿先黎，賣相就好似好啲但係都一定唔值$289囉….總之真係非常之失望！

適逢聖誕節去赤柱玩，肚餓求其搵間餐廳食，順便比個食評！係間餐廳食左西冷牛扒薯條同埋印尼炒飯牛扒不過不失，都有牛味，薯條就麻麻印尼炒飯有兩條串燒一隻煎蛋，都係麻麻哋，冇乜特別，下次應該唔會再幫襯

~自費及沒有使用任何優惠~記得果日真係落左好大雨仲要係黃雨，真係第一次去赤柱落到咁大雨。姊妹係一眼睇中左menu 個龍蝦湯，蒜香蜆肉意粉圖片即刻沖左入去。而我就係俾配啤酒嘅小食酥炸魷魚吸引。入到餐廳內本身我地坐打對面二人位置，當店員姨姨俾餐牌我地睇時 (店內有仲浮返3分1位), 兩個女仔揀起上黎真係要啲時間，5分鐘倒店員姨姨叫我地坐入一卡枱，果邊會坐得舒服啲(真係有窩心位)到果時我地都已經同店員叫緊嘢食，轉坐嘅位置真係想我地坐得舒服啲。

見到呢間西餐廳menu 寫$99 半打生蠔🦪好似幾抵咁 就入咗去試下結果就中伏啦😂😂😂「生蠔半打 $99🦪」生蠔唔能夠話新鮮 未去到不能接受冰唔夠多🧊成碟蠔推出嚟個時有少少常溫feel🤨🤨🤨腸胃唔好嘅朋友仔食完有機會會出事🤔我自己食完就無事嘅🙏🏼🙏🏼🙏🏼不過唔建議大家去冒險啦肉質奀奀地 成隻蠔食落係無味連鹽水味都無🤨❌❌ 不建議不建議「炸魚薯條 $169🍟」呢碟炸魚薯條要成$169 薯條係普普通通啦 都仲算正常仲炸魚真係唔OK食落有雪味 有腥味😶‍🌫️個魚皮同魚肉完全分離曬🥱🥱一啲都唔似係炸出嚟嘅嘢食🫨仲要呢個價錢 只能夠請係俾錢租個地方休息下

My friend and I wanted to start off the beautiful sunny Saturday morning in Stanley. We arrived there at around 10:30am. My friend parked his car along the Stanley Main Street where most of the restaurants are located. We were a bit disappointed when we noticed many restaurants have not yet opened or only getting ready to be opened for business. So we only had a few options, either McDonald's, Pizza Express or this Spiaggia.  It would idiotic to choose McDonald's after purposely driving to Stanl

走入赤柱，去咗Spiaggia餐廳。坐係個露天座位。點咗個素食餐。點咗個烤餅，芬達橙汁加意大利雲吞。加一服務費$262。個烤餅好重意大利風味。加點甜酸醬，好滋味。杯芬達橙汁涼透心。好飲。個素意大利雲吞，夠份量，美味。個人推介給素食者。

呢間餐廳真係好厲害，我作為openrice既會員咁耐，從來都只係睇食評，呢間餐廳難接受既程度認真逼到我要寫個食評去告誡下大家千祈唔好去首先我地夜晚去到坐底，由於我地有朋友未到，我地先到既朋友就叫住野飲同小食，已經同侍應講我地等埋朋友黎先再叫，點知幾個侍應就黑曬面咁輪住黎問我地叫野食未，好似要趕住我地快啲食完做另一轉生意咁，但係好笑地間餐廳又唔係full house,起碼有三分一座位冇人坐，唔知點解要咁趕間餐廳位同位已經好貼，坐得唔舒服，冷氣又細，根本都唔會想坐得耐之後我地朋友黎到再叫野食，食物質素其實我冇咩期望，但係認真冇期望下都要講聲好難食，唔怪之得喺我成餐晚餐既時間，見到大部分人都只係點一杯野飲，我就明白點解之後我入openrice睇下大家既comment,原來有好多人都有咁差既體驗，怪自己冇做到資料搜集就入左黎呢間餐廳其實我明白而家既時勢生意難做，所以如無必要我都唔會想咁樣講一間商家既不是，但係呢間餐廳我見到由老闆到侍應都係一副唔憂做既樣，對住班外籍客人好殷勤，對住本地客人就另一副嘴臉，呢間餐廳服務極差，食物難食，環境惡劣，真心赤柱有好多其他好餐廳，就算唔去其他餐廳，我建議大家寧

赤柱野食通常都係價錢比平常餐廳貴少少今次就試左呢間嘅青醬意粉 同埋炸魚薯條自己覺得質素係好味正常 但係價錢偏貴炸魚薯條大大份 炸粉薄 熱辣辣嘅而意粉方面唔會太膩 蒜味幾香

黎到赤柱大街好多西餐廳 因為2:30pm食lunch 周圍都要等位 有啲餐廳仲好串好似唔休做你生意咁見呢間服務好似幾好 咁就入去試吓Lunch menu選擇多 多數意大利嘢▶️香煎吞拿魚 ($158)以為係一大舊吞拿魚扒 旁邊少少沙律菜薯菜點知原來係一大堆沙律菜配幾舊仔吞拿魚🙁味道方面 佢落得好重醋 所以食落超酸沙律菜有生菜 火箭菜 豆豆 車厘茄 🥗吞拿魚肉質就ok既 味道唔腥 算鮮嫩🐟做到半生熟 入面紅卜卜咁 然後落咗黑椒 所以唔錯 只不過太少🥔薯仔有啲太腍 烤得唔香脆 唔太好食成碟最唔掂係佢落得太多太多橄欖油🫒基本上成碟都油淋淋-明明係主菜 點解可以成個前菜咁 食完都唔飽 但係咁就$174…吞拿魚係唔差嘅 但係太多醬油🤭而且好唔抵食服務ok啦 環境有啲逼同感覺污漕少少所以不太建議大家黎食🙅🏻‍♀️

星期日下午，赤柱人山人海，唯這間仍有位置，雖然到處都是人潮，但見這間價錢合理，午餐包杯飲品每位178再加一，最後坐低便叫了牛肉漢堡及羊膝寛條麵。首先到是羊膝寬條麵，原以為起碼有隻小羊膝再伴寛條麵，怎知是羊膝碎加汁麵，無味更像昨晚餘廚來煮，漢堡包說7成熟，來到是全熟硬的，薯條唔新鮮，兩杯飲品要三催四請才黑面送到，想要茄汁，黑椒鹽，侍應都是望你唔到，無論態度食物都差差差，希望店主看到，店位於這良好位置，如做好些，一定可生意旺盛，所以如不改善一定唔會再光顧！

同老婆夜晚揸車入赤柱浪漫下，泊低架車。就行下睇下有乜好嘢食，見到依間就試下啦！服務態度幾好，好熱情嘅招呼。知道我哋食煙嘅，就安排張近街嘅枱畀我。食物質素就可以，又唔係其他評語講得咁差。我叫左4樣嘢，有一個肉眼扒。因為老婆唔太食得太生，所以就要左7成熟。嚟到都做到有7成，唔錯。再叫左燒豬肋骨，味道同我喺其他餐廳食到嘅一樣，份量都算多。再叫左牛肉腸仔+薯蓉，腸仔好大條。最後加埋生蠔，見佢個價錢又唔係太貴，喺咁嘅地區環境。價錢唔算貴，188蚊有6隻。蠔好新鮮，食落口好鮮味，整體感覺我會再返嚟食其他嘢