影片
招牌菜
荃湾街头既韩式小菜店， 店铺虽小但冷气唔太充足有点热， 夏天如果食火锅会滴汗。 除了部队火锅， 呢度食物款式都几多。 今次同老公试下韩式伴饭(猪)+炸酱拉面+韩式小食拼盘。韩式伴饭(猪)材料有翠玉瓜、大豆芽、红萝卜、菇、豆苗仔和猪肉。 将全部伴匀后， 饭既份量都充足够黏口， 味道辣辣地都几好。炸酱拉面这碗炸酱拉面，同图片有些少不一样， 因为碗面既汁比较好多， 似汤面多些， 所以以为自己点错了菜。 这碗面食落去味道甜甜地。 最后点了个韩式小食拼盘有炸鸡、紫菜粉丝卷、泡菜饺子。 泡菜饺子炸到外皮脆， 再沾韩式甜辣酱， 令到味道更升华了。 紫菜粉丝卷， 外皮被薄薄的紫菜包住柔软的粉丝一齐炸， 一咬落去外脆内软。
继续阅读
一直对呢间路德围既小食店情有独钟，呢晚临时起兴，同朋友去食宵夜。 因为未食晚餐，所以大家都几肚饿下。两个人叫左两个主食同两个小食。 小食两个上左先，一个系鱼片，一个系咩咩卷，唔记得左佢叫咩名，鱼片有口感，食完会想再食。咩咩卷脆得岩岩好，唔会太硬，微辣。只系加左价，唔系咁值。 我的饺子拉面，天气好热，一定要饮可乐。面系超市买到既辛面，不过佢配料多好多，虽然自己屋企整都得，不过整唔到佢咁好味！以前系用碗，今次真系用个锅放面，更韩风。 朋友既豆腐锅饭，以前食过，好味的。 食左小小既大合照。 呢餐饭食得开心，但佢加价加太多，小食平均加五蚊以上？我记得最过份既系部队锅，以前食，一百尾就得，依家竟然要二百尾，简直恐怖。不过主食又无咩点加价，但只叫主食唔叫小食又无瘾。 未必有下次了。
继续阅读
星期五晚上当然约我的男朋友食反，近期我迷上了（来自星星的你），所以我极力要求食韩国野，因为早前行路德围时每次行过呢间韩国小店都好多人，所以今次早少少去谂住唔洗等太耐，虽然都系要等，不过都唔算耐，2张枱到我们，一坐底我和男友已经好清楚点咩，因为上几次经过已经睇左Menu，见到部队火锅好吸引，我地开头怕份量太多食唔日丽，加上我男友唔系好食得辣，所以问下女店员可唔可以少辣，佢好好笑容有礼貌甘话可以，仲话如果真系怕太多食唔晒浪费可以叫厨房少d份量，因为我同男友都支持环保唔想浪费，所以最终要求减少份量！先来2杯暖暖既玉米茶，阵味好香玉米，可惜不可以免费添饮, 系我地正欣赏韩国少女时代MTV之际，终于上菜啦，好丰富呀，虽然颜色睇落好辣，不过食落又晤会太辣，我男友接受到，里面有四种肠类，三种菜，面饼一块，芝士，金菇，豆腐，茄汁豆。。。等等仲有年糕，鱼片，望落已经好开心，味道好好味，芝士味浓郁，嘻嘻，因为本人好喜爱芝士，d年糕够弹性，d汤好够味道，食到甘上下，女店员走来送上一碗反，教我们正宗韩国食法，等d汤开始结就放白反入去捞，哇！味道真系一流，今餐好有满足感，又唔会食净又岩岩好饱肚，最紧要服务好，价钱合理，下次一定要带埋我妈妈黎食！
继续阅读
假期，同妈妈及女朋友去荃湾谂住揾好嘢食，点知想食嘅都冇位，应该要等成粒钟，最后俾我见到有间韩式嘢，仲讲？即刻入去。坐低，冇人理我哋。女朋友未食嘢先中招，张台冇人抹，仲有啲汁系台面！！叫个姐姐抹佢先出手。喂大姐呀，我哋坐低果嘢都应该做嘢啦，而家即系连上手走果时都冇过郁手....呕心 好，叫嘢食。叫左个kimbab，一个炸鸡，拌饭同年糕。个kimbab似足我小学整果啲！顶！炸鸡，炸嘢谂住冇得输啦下嘛，但攞出嚟果下个哥哥仔唔知想攞去边度，要我哋，即系客人问佢: 系咪我哋架？佢话放低。果一刻个佢个样，无表情，冇讲任何说话，真系正。到年糕，顶你，旧旧都硬架！我唔知熟同唔熟嘅分别，但可以肯定嘅系 = 硬嘅！同个卖相好似猪长粉。个辣又唔好味，只系一盆又硬又唔好味加左辣嘅猪长粉。最后，拌饭。佢用肥牛，就个人而言已经觉得有啲hea，唔够热，好似吉x家个牛饭加蛋加泡菜。咁我点解要嚟食韩式嘢呀？加泡菜就真系等于韩式食品架咩？或者小弟对韩式食品有一路嘅gut feeling，即系食亲暂时，暂时都系热嘅，石头装住嘅。对呢一个拌饭有太大期望挂。最后俾钱，姐姐冇多谢冇笑容，乃亲身感受，或者小弟及其女友样子唔端好嘅问题。最后见到佢贴系出面嘅牌写住正宗韩国师父料理。突然觉得自已真系少食韩国嘢，真系唔知咁先系正宗。
继续阅读
难食的晚餐！牛肉及猪肉伴饭！劲少牛肉，猪肉，配料亦十分少！无味！最重要啲饭系冻架！同个后生待应讲，佢竟然话因啲泡菜冻所以整到啲饭冻咗！仲有啲韩阈年糕超硬，吾烟韧！难食！泡菜就可以接受！
继续阅读