SPORTS bistro

营业中

休息中

早兩個星期去咗go park入面間餐，環境舒適，景觀都好好，空間闊落，同朋友去傾偈到計，第一次去黃昏時間唔使等位，試咗海南雞、多士同埋咖啡，食物質素都唔錯，杯dirty 都好正。睇佢Menu有個西班牙乳豬都好想試，不過當日唔太肚餓，而且要兩日前預訂，所以留番個機會下次再試😎。結果今日再去終於試到個乳豬，味道出色，外脆內嫩，有驚喜👍🏾 個牛扒都唔錯，再食埋個affogato，滿足😋呢區以後又多個選擇👏🏾👏🏾

這裡很不像在香港，感覺去了個小度假。風景真的美得很像一幅畫。 前方有山有水如聚寶盆。就是風景太美了只顧著看，又餓，沒拍太多照片。剛好奧運期間，這裡也有超大電視播放賽事。位於西沙Go Park. 在馬鞍山非常的裡面。如果要去的話可以在馬鞍山市中心坐581巴士進去。地方很空曠的，怕曬所以五點多才來。吃到差不多就可以看日落啦😊裝修很漂亮，看得出花了不少心思，絨座椅還真的舒服。 雖然這裡叫Sports，bistro. 不會太過運動feel。有點酒店風格，比較有relax的氛圍。在別的食評裡說這裡的海南雞飯好吃就大膽試一下。但作為在新加坡生活了十多年了，實話還是味道不夠到位。辣椒不夠蒜味。但還是比一般大酒店水平做得好。正宗的會過過冰水讓雞肉爽口又嫩。不知道是不是沒做這個步驟。口感不差但就是跟正中宗比有小小距離。白菜完全沒油，只放了一坨耗油。可能是健康主題吧。有油飯已經不錯但還是香味差了一點點，畢竟$108，不能要求太多。湯還是不錯的，淡淡的椰子味。夏天還是很適合👌然後就是Quesadilla，香口，芝士不吝嗇☺️也開胃到了好fresh，有賣相又有口感的Hawaiian Poke Bowl. （自選

講真，屋企成日勁嘈，變相都係出街搵間Cafe剪片。西沙呢間新Cafe都算近我，諗住睇吓咩環境啦。出面個景都幾firm嘅，啲落地大玻璃窗透光入嚟，精神嘅，同埋終於可以靜靜地做嘢啦！咁飲完杯啡就順便食埋個海南雞飯，真心高質過出面啲cafeDirty $46 好飲＋飲完精神呀😂同埋個杯幾靚海南雞飯 $108 佢真係配油飯俾你，一啲都唔媽虎㗎！啲雞好嫩，送埋菜同湯添，夠哂飽就算之後口痕，都可以嗌個小食食吓，幾個鐘食吓飲吓唔經唔覺又搞掂條片！

作為烏溪沙居民，放假得閒無野做都會去西沙行下，最近多咗兩㗎巴士入嚟，5分鐘就到，交通好方便！今次發現原來2樓有間餐廳已經開左！落地大玻璃可以望到成個運動場同埋後面個海景～超正今次試咗以下菜式：－美式手撕豬肉漢堡 $138呢個配搭出面好少見，意外地好夾！豬肉鮮嫩多汁，質地細膩，而且調味得好好，帶有微妙嘅甜味同微辣風味，層次感好豐富－炸薯條配黑松露醬 $68呢度嘅薯條炸得好好味，金黃酥脆，外脆內軟，同埋唔會太多油！配上濃郁嘅黑松露醬，真係好夾而家越嚟越期待個商場起好，再過嚟玩同食好西啦！

今日天氣好好，港島人決定行轉新界！我同朋友係金鐘meet up，搭到去大學站轉巴士都好快! 呢間餐廳聽聞係有營養師專業推介的，運動員啱食嘅嘢都應該有保證🫢咁熱就梗係要飲返杯Smoothie，呢度有好多款都啱我心水，飲落唔會太甜，亦都好有水果味。我仲嗌咗以下兩個健康之選✌🏻Greek Yogurt Bowl $48牛油果醬多士 $118啲嘢食擺盤好有心機。Greek Yogurt Bowl喺炎炎夏日食嘅感覺真係一流！牛油果醬多士，亦都咬到粒粒牛油果。健康得嚟，亦都滿足到味蕾。雖然啱啱開張人手可能未必夠，但係侍應們都好好笑容同服務。推薦推薦👍🏻

平日去西沙新開SportPark打高爾夫球見到商場頂樓有一間新開露天茶座有室內及室外位置 奉送開陽景觀海南雞飯相當有驚喜雞肉滑嫩 例湯冇味精新開人流不多落單後好快上菜又多一個打波聚腳點

講起西沙，大家第一時間可能諗起西沙茶座，但而家西沙已經有更多美食選擇啦～雖然西沙GO PARK仲未開幕，但入面嘅餐廳SPORTS bistro已經開業啦！✨SPORTS bistro位於商場嘅頂樓，風景非常開闊，仲可以望到人地打波。如果唔係今日太熱我都會揀戶外座位！食物方面，選擇多到嚇親我......有沙律、All day breakfast、意粉、扒，甚至東南亞菜式。我哋就叫咗一堆All day breakfast加嘢飲試下：炒蛋多士 $98多士配牛油和自制果醬 $48水煮蛋 $138希臘乳酪杯 $48我同啲朋友都覺得好味！水果夠新鮮，面包外脆內軟，影相都好好睇～至於嘢飲，我哋一人叫咗一杯沙冰系列，係以椰青水做base，好fresh😍非常推薦大家嚟食嘢、打卡～📸🌟

新地方開幕，好似發現咗個寶藏咁🥰 佢哋啲嘢食嘢飲都好靚，特別呢杯藍色多瑙河菠蘿泡泡梳打，好靚好似cocktail咁～其他嘢飲都兼顧到賣相同健康，甚至水果都有養生特調嘅選擇😂拎住杯嘢飲加埋呢個景，真係超級打卡able！（我拎住影相呢杯係冰搖熱情果茶，都好正）絕對係可以再encore，下次可以約多啲朋友嚟呢度聚聚同影相😝