SSP Cafe

营业中

休息中

係super sports park 玩完，食埋野先走。唔知係咪因為星期六，無套餐供應，得單點食物，價錢都唔平，坐位唔多，有D位置出現滴水情況。另收加一服用費。加州California Pizza $138薄批，批底軟，批邊好鬆脆，口感似餅乾。塗上千島醬 ，有菠蘿、洋蔥碎、紅椒碎同炸煙肉碎。好多芝士，有拉絲效果。滑蛋漢堡扒飯 $98賣相吸引。滑蛋夠滑，有微微奶香味。漢堡扒肉淋，都算厚身，配上燒汁。米飯用珍珠米，特別有咬口。店員另送上爆谷一小碟給小朋友，爆谷夠焦糖，脆身，牛油香。小朋友食得好開心。

一個場 有得食 有得玩📍地點：大角咀🍽️菜式：西餐💰人均消費：午餐 HK$150~200🔖服務費：✅🧻餐巾/ 濕紙巾：✅ / ❎🪑座位類型：方枱/ 長枱📝落單方式：QR code落單【滑蛋漢堡扒飯】💰HK$98漢堡扒係純肉搓成，比較有肉嘅質感。滑蛋蓋著飯上面，𢳂落去，有蛋有飯配個蕃茄香草汁，好食。【蜜糖雞翼-5隻】💰HK$68蜜糖淋係炸雞翼上面，必定好食。【酥炸魷魚鬚】💰HK$78炸漿酥脆，撈左香草。【兒童餐-雞翼、焗薯、蛋沙律、蕃茄醬肉丸、Qoo 果汁】💰HK$88#foodcourt #foodxcourtx #foodxcourtxTKT#大角咀搵食地圖 #大角咀美食 #大角咀 #西餐.SSP Cafe @ssphongkong🏷️大角咀海輝道18號一號銀海銀海坊地下G03&G05號舖

係隔離樂園玩足4小時後，過來cafe食埋野先。佢本身入口同樂園係分開，平時都可以自己walk in 入來食。環境好chill ,一邊對住海景,一邊望到樂園入面雖然係樂園附屬餐廳，不過價錢都算合理。有二人餐，有主食，小食，甜品都有。餐廳設計色彩繽紛，廚房吧台設計，望到叔叔煮野食我地兩大兩小，叫左兩個小食+兩個主食+飲品溫泉蛋卡邦尼意粉$98可能本身對樂園餐廳期望唔高，所以反而比到驚喜我。食物質素絕對做到西餐廳式嘅卡邦尼意粉並唔係港式求其嗰啲忌廉汁撈埋佢，對得住個價錢👍🏻漢堡扒蛋包飯$98漢堡扒食得出係自家製又厚又juicy，蛋皮亦都做得滑溜蘋果汁&橙汁$28@煙三文魚酸忌廉配法包$68煙三文魚嘅鹹香同埋先幾點啱啱好，法包亦都夠脆。每一塊嘅三文魚份量都唔少，讚👍🏻小食雜錦$88有雞翼，薯條，蛋沙律，蕃茄醬肉丸。每樣小食都係新鮮做起，所以薯條都係熱辣辣。餐廳食物質素同出品唔錯，價錢亦都尚算合理。如果去樂園就可以順便醫埋肚先走，再唔係平時過嚟食嘢，環境都唔錯呀~~

係klook買Super Sports Park門票, 送左份小食劵, 玩完就可以係裡面cafe 即刻填飽個肚                                                                                                                          單叫價錢又唔會好貴, 同出面cafe 價錢不相伯仲,  食物質素亦幾高                                                                                                                          食物選擇又多, 除左咖啡、汽水, 呢到竟然仲有啤酒、紅酒、白酒、cocktails                                                                                                                            

同小朋友去Super Sports Park玩，打算就喺裡面間餐廳食埋午餐先開始玩啦，原本都不抱任何期待會好食，諗住醫得飽個肚就算😆叫咗芝士焗肉醬意粉同橙汁，估唔到個肉醬意粉好出色，面頭放上好多芝士，一放低已經勁香，小朋友食完一碗又一碗，佢自己都食咗大半份，兩份食我直頭覺得唔夠皮，呢碟意粉性價比真係好高👍🏼杯橙汁就麻麻地好飲，其實都係倒出嚟即飲嗰種橙汁，不過可能佢哋用嘅牌子唔係太好飲，抱住唔浪費嘅原則我都飲晒😌玩完晒之後我哋再入餐廳食個甜品做下午茶，叫咗棉花糖朱古力千層窩夫配朱古力雪糕，窩夫係牛角酥窩夫，配雪糕好好食，一份有3件，好滿足☺️

經過行入去睇吓，lunch set都幾多選擇！有西餐又有日本餐，價錢亦合理！試咗Carbonara 同雞翼都好好食。 杯咖啡好飲過出邊嗰啲好多！見佢仲有咖喱，牛扒， Pizza可以揀，甜品個Menu都有好多選擇。佢哋仲有個室內遊樂場，見到入邊有好多小朋友玩得好開心，下次可以帶小朋友過嚟！見到有媽媽一路睇住小朋友玩一路喺嗰度食嘢傾偈！佢哋仲有晚餐set，有龍蝦有牛扒有豬扒，仲有兒童餐！下次會再去試吓其他食物！

佔地50,000尺的運動主題室內遊樂場，呢度真系超級大！同場有埋親子餐廳🍴《SSP CAFE》我最鐘意就系玩完即刻有得食唔駛出去周圍搵，食完再玩又得！而且食物質素仲非常高👍🏻賣相靚唔在講，味道仲唔錯添👍仲有兒童餐，小朋友就最開心啦！多款食物飲品選擇，就連Cocktail都有啊🤭款式選擇非常多，小朋友去玩，大人就可以chill 吓啦☺️🌟16:00-19:00仲有happy hour添🌟全程QR code 自助落單，非常方便架！

🎡 全港最大室內遊樂場SSP Cafe 🍽️ 喺Super Sports Park放完電，緊係要食返餐好🥳 SSP呢度有佢哋自家嘅餐廳，估唔到食物都咁有質素😍 真心推介比大家！🍛 滑蛋蒲燒鰻魚飯個蒲燒汁好香濃，沾鰻魚食甜甜哋，又唔會太鹹😚 加上幼滑半流心嘅炒蛋，非常有日式風味🩷🦪 白酒忌廉藍青口 青口超推薦❣️ 白酒忌廉汁嘅濃稠度啱啱好，汁入面仲有啲蔬菜丁，又香又creamy🥰 而且碟青口有超多隻，仲隻隻都咁飽滿☺️ 而且即使有殼，但隻隻都沾滿醬汁，煮得好均勻😋🥗 田園牛油果乳酪沙律沙律都好推薦！ 比起唔同好味嘅醬汁，佢加咗yogurt嚟增添口感，健康又好食🤤！ 而且乳酪唔會太酸或太甜🩷🍨 朱古力心太軟配雲呢拿雪糕最後仲有甜品—朱古力心太軟！ 心太軟非常掂，非常流心，味道濃郁，熱嘅朱古力流心配凍嘅雲呢拿雪糕最夾😍！

一家大細係super sports park 玩到電力耗盡⚡️ 係時候要食午餐喇(yumyum 😋) ，同場有埋SSP Cafe食野勁方便。餐廳坐滿人睇嚟個個都好肚餓～ 我地叫咗🥭芒果特飲、🍓草莓特飲、🍗美式炸雞藍、🌭️德國熱狗、👧🏻兒童餐、🦀和風蟹肉蟹籽炒飯🧡（👩🏻:今次第一次做食評，希望將最真實嘅感受分享俾大家，大家諗定食咩好🥰）《兒童餐👧🏻》：我叫佢做兒童餐因為份量啱啱好俾小朋友食，但其實佢係《拼盤》(雞翼、薯條、蛋沙律、蕃茄醬肉丸) 炸雞翼味都唔錯，薯條係粗薯條，蛋沙律有滿滿嘅蛋黃蓉撈埋蛋白，由細到大都喜歡，旁邊仲有好多沙律菜，呢個拼盤值得一提嘅係「肉丸」竟然一口咬落勁Juicy。🪧⭐️⭐️⭐️⭐️《德國熱狗🌭️》 : 有德國腸，配菜有青瓜、蕃茄、芥末醬、茄汁，大大嚿食一件已經夠飽，味道唔錯。🪧⭐️⭐️⭐️⭐️《美式炸雞件🍗》：一客有8件，皮炸得酥脆，肉質鮮嫩，配上芥末醬非常好食。🪧⭐️⭐️⭐️⭐️⭐️《和風蟹肉蟹籽炒飯🦀》：每一啖飯都有蟹肉同埋蟹籽，非常足料！蛋飯分明，味道不太鹹健康之選。🪧⭐️⭐️⭐️⭐️《芒果特飲🥭、草莓特飲🍓》：芒果特飲係梳打加粒粒爆珠，而草莓特飲係草莓加綠茶，眼見差不多7成都係果肉～環境

最近放暑假帶小朋友去Super Sports Park放電, 好彩呢度都有埋餐廳, 方便我可以喺餐廳食住野睇實小朋友🤣 呢度食物以西式為主, 仲有唔同特色飲品可以選擇☺️▶️墨西哥辣椒辣肉腸薄餅 🍕批邊香脆可口, 辣肉腸唔會好辣, 小朋友都食到, 上面仲有勁多芝士tim😋▶️蕃茄肉丸意粉 🍝小朋友最中意食，味道酸酸甜甜! 肉丸容易咀嚼，無論味道定口感都唔會單調😉▶️兒童餐 🍱有蛋沙律、沙律菜、炸雞翼、薯條同肉丸! 份量都幾多, 而且有吸引小朋友嘅炸物, 亦有健康沙律平衡, 小朋友都食得好開心!😝▶️香蕉船 🍨碟上面鋪滿青檸同提子味啫喱碎,仲有朱古力百力滋做裝飾, 當然唔少得草莓雪糕同朱古力雪糕啦😍本身話食飽嘅大家, 突然一下就食晒! 最尾叫埋一人一杯飲品，連fruit punch 同cocktail 個d 都有😍

無諗過係室內遊樂場都有咁多食物揀，仲要有齊早午晚餐唔同嘅菜式同甜品🍮，味道又真係唔錯，價錢都合理。玩完一輪就可以入嚟cafe chill 下，就算唔食嘢都可以選擇飲杯嘢，仲可以望住海景添。本身以為得咖啡、汽水嘅飲品，點知除咗有啤酒🍻之外，仲有紅、白酒、cocktails 等等嘅選擇😍🍷成個遊樂場好大，個cafe係正入面所以真係好方便，而且唔洗特別等位! 聽講遲啲有機會開埋出面户外位置，甘就可以帶埋狗仔嚟🐶期待!