Sugar Land (已結業)

今日和老公去完海旁捉精靈，就到路德圍去吃甜品。我們點了一個棉花糖燉蛋，棉花糖鋪滿整個碗面，而且很煙"銀"，燉蛋亦很滑。另外我們叫了一個香蕉疏乎厘，等15分鐘左右。疏乎厘很重香蕉味，而且配有香蕉蓉，感覺一流。配上雲呢拿雪糕，更加是完美的配搭！

其實好耐之前黎過一次食甜品 覺得吾係幾好食 伏伏地 而且價錢吾抵食🙊今次又係路德圍諗住食糖水，朋友話最近成日食松記 話想食sugarland 咁我唯有捨命陪君子😂環境算係荃灣既甜品店中突圍而出 朋友行到熱 所以叫左杯芒果熱情果沙冰（ms.summer) $48 其實味道濃 幾好飲 不過少甜d會更好 同埋賣相太頹了吧🙄 心太軟 X baileys 配雪糕 $62 雪糕有得揀雲尼拿或石板街 我揀左石板街 都ok 呀 比想像中好。好中意玩針筒😂入面裝的是baileys ，加入心太軟入面 吾錯wo! 不過朱古力漿甜左d🙈雪糕幾香滑 食朱古力脆脆幾過癮 最底層係奶凍 覺得有點吾係幾match 🙈 btw 食完甜野真係好想飲番杯水清一清，但呢間舖頭係冇水提供的😣

< 綠茶心太軟 $62 >一間係荃灣路德圍比較新西式既甜品店，睇睇個餐牌見到有綠茶甜品就本住中伏既心態去一試，黎到成個佈局的確幾靚，點知一食落去個外皮 lum 哂，流心程度雖屬滿意，但係個漿真係唔多得，好假既綠茶味，二黎太甜，不過有樣比較得意既係佢地會比支酒你打入心太軟調味，幾有趣！

上次和小松松來吃cream brûlée，吃過番尋味，今天趁着父親節，我們一家三口來個 encore 局，今次仲叫埋P爸爸一齊來。今次主力試其他甜品，我的楊枝甘露味道是意想不到的好，用新鮮芒果肉打成蓉，加了忌廉鮮奶、新鮮芒果粒、西米以及新鮮西柚，味道香甜，用精美的玻璃杯盛着，無論是味道或是賣相，到達到酒店級水準。P爸爸是個大細路，超愛吃雪糕的，於是我們便點了 warm chocolate cake，伴碟的雪糕就給他吃了。朱古力蛋糕的流心效果令人滿意，朱古力蛋糕鬆軟，有足夠的硬度包着軟綿綿的朱古力醬。就算沒有雪糕的陪伴下，我們也能吃掉整個蛋糕。大家也別小看sugar land，雖然小店處於荃灣街頭，但出品絕對不差，是令人有驚喜的一間小店。

最近天氣反常 ，會突然下滂沱大雨，害得小松松無得 go 街街。趁着今晚天朗氣清，立刻帶他外出覓食。難得有一間甜品店有供應戶外位置，我們便和小松松坐下嘆番個甜品。想不到這小店也供應多款精美甜品，賣相睇落都唔錯。我們點了一客棉花糖燉蛋來分享，等了不用五分鐘便有得吃。棉花糖被焗到外脆內軟，下面的燉蛋甜度輕手，奶味偏重，和被烤至甜椰椰的棉花糖味道出奇的匹配。棉花糖的熱辣辣，與燉蛋的涼浸浸相映成趣，三扒兩撥已被我倆吃清光。$38元一客的棉花糖燉蛋，價錢也不算太貴，只是份量少了一點。我們會再來的。

成班人睇完戲之後搵個地方食下甜品，諗起同事講過荃灣有間唔錯的甜品。 幾個都叫咗焦糖燉蛋，面層是脆脆的焦糖糖衣，配上軟滑燉蛋，甜度剛剛好，不是好甜朋友話個香蕉窩夫伴雪糕，賣相吸引，香蕉上淋咗少許的楓糖醬，窩夫髮軟，外層香脆。雪糕叫咗兩款唔同味道，雲呢拿同石板街

無聊吃得多飽，總是能吃下甜品。點了香草奶凍+藍莓奶凍味道較淡，藍莓不酸，雪糕一般貨式。男友說應覺整體沒有味道，好像很健康？我點了朱古力梳乎里，能夠焗得這麼高，也需要相當的技巧底部朱古力味比較濃，吃完喉嚨會有少許「確」喉感，但整體味道不俗。

今晚因為約了人去泰拳，但又未夠鐘，咁晚餐時間周圍都爆滿人，想揾一度可以坐耐小小，因為我要等成粒鐘的關係，又剛巧俾我見到無人的甜品店，就入來坐。望住個餐單，在路德圍這個以街坊生意為主的地區內，閒閒地50元的甜品會不會定價高左小小呢？我心中不禁泛起呢保疑問。幸好，我的至愛焦糖燉蛋才38元，已經是全店最抵食了！不消三分鐘，焦糖燉蛋好快整好了。我最concern的是焦糖夠不夠脆，蛋夠不夠滑，還好，焦糖即製，甜度亦適中，一匙羹“督“落去，那清脆的“卜“一聲也是有的！燉蛋就略為太冷了，以至蛋的狀態不夠滑，以至甜度亦相對減低了，整體感覺不過不失吧了。所以價錢也略為太高，以上。

難得屋企人齊食完飯去食甜品，點左個朱古力沙冰，泡芙夾餅同朱古力心太軟。整體造型賣相唔錯，不過不失。個朱古力沙冰都幾有誠意既，系沙冰同雪糕中間加左小小朱古力粟米粒粒，食落去有口感啲，無咁單調。加埋個香蕉片伴碟，睇落去幾fresh。個泡芙夾餅就普普通通無乜特別。至於心太軟做得幾好，好小餐廳個流心做得好，系個糖霜落得集中左小小，第一啖成口都系粉。果日淨系得云呢拿雪糕揀，有小小失望，不過整體上我都幾中意。

服務差到爆, 放低甜品時打橫成隻手臂掃去我眼前面, 一次係咁兩次係咁朱古力奶凍, 隻匙點解可以長到拖住張枱, 張枱嚟到嘅時候係濕, 即係要我食埋?梳乎尼濕咗少少味okay, 雪糕嚟到直情溶, 有相為證去櫃枱比錢, 個服務員叫客人放底....咩話, 唔係應該佢接住架咩, 呢間甜品喺荃灣區唔係平, 仲要咁嘅服務, 唔怪得咁少人

想同朋友聚一聚吹吹水，咁岩唔使等位，就佢啦！我又食朱古力奶凍，有好多配料，仲有埋雪糕！雖然佢奶凍唔係超級濃味，但夾埋配料同雪糕就岩岩好啦！不過食食下都飽！再黎既係棉花糖燉蛋，棉花糖燒到脆脆地，燉蛋就好軟好滑，口感得意！不過好似甜左少少喎！

我估係下午茶先有，唯一嘅下午茶餐，$22，熱狗、羅宋湯、果汁三選二，見無客，就入去試吓佢都有畀個甜品menu我哋睇，menu啲相拍得好靚，$50~60一客。最終都係叫返熱狗餐。上枱時無醬，要自己落，賣相一般，腸係烚嘅，淺粉紅色，色澤不均，包又有啲巢皮，但有微烘過算有少少脆邊。果汁用外賣熱飲杯裝，不是太環保。但咁嘅價錢，算ok.

荃灣當然少不了''糖水街''，路德圍周遭有不少甜品店，他們都各有特色，售賣的甜品包羅萬有，琳琅滿目。今次推介的是'SugarLand'甜品店，店鋪的門面沒有花巧的裝飾，只有店名的招牌，店內的裝修頗有格調，以簡單的佈置為主，不似一般的糖水店，店內擺滿餐牌和價錢牌，非常俗氣。不足的地方是，店鋪較為細小，未能有足夠的座位提供給顧客，因此需要一段等候時間我點了一個心太軟，因為大部分的甜品店都有這款產品，每次去一間未去過的甜品店都會點一個，我覺得心太軟很有代表性，也能夠分別出那間甜品店的較為有水準外形方面，心太軟的表面沒有太多多餘牛油滲出，可見是焗的溫度和控制做得不錯，才能夠輕易地脫模，並且淺嘗一口後，口腔裡沒有油膩的感覺，值得一讚。味道方面，這個心太軟比較'硬身'，不過我卻覺得很新鮮，因為切開的時候既有流心的效果，也不會即時塌下來，變作一堆朱古力，外觀上我覺得超越了不少甜品店，略嫌不足的是心太軟不夠軟熟，若果能夠做到朱古力海綿蛋糕那種質感，便更上一層樓了。朱古力雪糕也不過不失，這球雪糕較為著重奶味，只有淡淡的朱古力味，對於喜歡朱古力的朋友，可能會有些少抱怨。整體評分:6.5/10

荃灣甜品店實在多, 因為近年多左上車客進駐, 唔多唔少都會有少少消費能力, 而附近食店林立, 當食完飯之後駛多一百幾十食個甜品, 絕對唔成咩問題! 今晚係對面食完雄記之後, 幫襯開左張差唔多兩年的Sugar Land, 但真係好似政府廣告一樣 <不可一, 不可再>抹茶迷的我一定揀呢個抹茶心太軟, 佢地仲有支針放D威士忌落去, 係好好玩 但好玩好睇唔等於好食因為新焗製的心太軟, 輕輕把它切開, 鮮綠抹茶粉漿流出不能, 質感過於濃稠, 聞下沒有一點茶香, 吃下去雖有抹茶味, 但味道不算濃! 蛋糕質感則十分乾身, 外層丁點脆脆也沒有, 只像咬下一口的粉, 伴著上台已半溶的石板街雪糕, 真心想即刻轉身擺低30蚊走人 (但呢個心太軟放低$60都走唔到)

食完飯就想去松記, 但多人到想死, 見附近有呢間Sugar Land唔駛等, 就快手入左去我叫左香蕉窩夫伴雪糕, 香蕉淋上楓糖醬, 甜甜的幾好食, 但CREAM太多, 雪糕又超細粒, 加上成$52, 個覺得超級搵笨, 食水好深因為都試下朋友個個綠茶心太軟, 想問店員拎杯仔水, 先試到另一個甜品, 但係答案係… 無…我覺得無可厚非, 因為要左杯水唔叫其他野咪影響生意, 但問題在於出面有10個人等張大台, 又有個女STAFF係我地後面企實, 一食完唔駛兩秒就收左我隻碟, 先令我超有HARD FEELING