SUKIYA すき家 (金龍中心)

营业中

休息中

最近一共光顧了兩次尖沙咀Sukiya。第一次坐了靠牆吧檯，第一次吃Sukiya牛肉壽喜燒，盛惠69元。材料有牛肉、烏冬、白菜、洋蔥、紅蘿蔔、金菇、蟹柳，另外竟然還有一大碗白飯？！女子來說份量太多了，如果可以減少白飯，增加菜量，又還是變做飲品就更好了！GAS爐有點污跡，唯有盡量不看。另外，店家不會提供筷子，幸好當天自備了木筷子。湯不夠的話可以加水。Sukiya牛肉壽喜燒比想像中普通，加上吧檯吃壽喜燒不大方便，所以我快快脆吃完就離開了。第二次再來吃的是牛肉飯+漬物+抹茶，盛惠69元。女子吃M Size份量剛好。這次留意到餐具有點髒，加上聽到幾個女店員大聲說無謂野，又講粗口，我很快吃完就離開了。

我被其簡約而不失格調的裝潢所吸引。這次我點了一份牛肉丼和一顆溫泉蛋，總共花费58港幣。牛肉丼一上桌就散發出誘人的香氣。麵條勁道，牛肉搭配上蔥花和特製醬料，味道豐富而有層次。每一口都能感受到牛肉的香脆和麵條的滑順，令人回味無窮。溫泉蛋則是這頓餐的亮點之一。蛋黃半熟，口感細膩，與麵條搭配起來，增添了一份獨特的風味。蛋黃的濃郁和麵條的清淡形成了完美的平衡，讓人忍不住一口接一口。總體來說，這次的用餐體驗非常滿意。食物的美味、合理的價格以及餐廳的氛圍都讓我印象深刻。“

夜欄人靜，翻寒風，好懷念吉野家既火鍋，行過金馬倫道見到有牛肉壽喜燒就沖入去食個夠，點知得個失望。由落單叫開始，第一想叫多飯，職員回覆沒有此功能做唔到，心已經down down 地，再想試少辣又無，最後叫個69蚊基本野，無加錢加倍牛肉，只係正正常常，連飲品都無叫。食物一上枱個人就更失望，成個餐得個鍋同飯，自己開爐，聞到壽喜燒香味就食，真心打開蓋後都無咩驚喜，湯又少，料又少，牛肉又少，菜又少，但竟然有烏冬。不過69蚊連湯都無加到就食完就知，真性價比不足，真心未試唔洗試，除非天寒地凍想食熱野啦。ps：個飯同D肉好彩有胡麻醬咋

成日經過都想試吓食日返工放lunch 見冇乜人終於試咗🥹今日叫咗個 【秋葵牛丼 🍚L size 】加$12 轉咗個set (漬物+溫泉蛋🍳+飲品🥤）秋葵牛丼啱晒平時想食菜嘅打工仔👷🏻‍♀️唔知係咪太大期望🤭覺得味道冇乜特別 就係預期中嘅味😂

通菜好入味，份量又多，冇諗到仲會有碟菜食咁健康，碟菜好快K.O.好好食。$60都唔使👍😋兩隻半熟蛋啲飯粒粒分明啲牛肉新鮮煮得唔老，有牛味檸檬茶味道有啲怪，唔係飲開茶餐廳嗰隻檸檬菜味道。

今日午餐突然想食牛 ，但又唔想食太飽。經過松屋決定試下。 下午1點幾已經排隊排到出門口 ，要等6張枱，咁誇張。反正有空閒 去等下啦！同男朋友每人一個飯 佢有 S M L XL 唔同size 飯 ，幾唔錯！岩哂我地胃口細人士 我地2個都要S試下味道先 。一個原味牛肉飯 另一個柚子牛肉飯牛肉質感好味 唔太肥，唔需要多牛肉汁都好味。 反而柚子 有d奇怪 ，但可以接受 。可以太多柚子 遮掩左牛肉味。。

平時入到Sukiya門口都要停低等員工都會帶位，呢間分店係完全唔理你，由得你自己入去坐。呢樣其實冇乜問題，香港餐廳不嬲都係咁。 佢有趣嘅地方係我一個人坐低咗兩分鐘左右開始多人，一位叫Kris嘅員工又無端端走埋嚟話因為繁忙時間，要求我從二人位調去吧枱位。 但我起身行去吧枱位發覺冇位俾我坐。kris同佢嘅同事又一嚿飯咁唔知點算好。其實啲員工唔可以settle好個吧枱位先至叫我調嘅咩？都算啦，過咗一陣又無端端問我介唔介意搭枱，想調我過去坐二人位同人搭枱，成個過程好似當我係個波咁踢嚟踢去，搞到安排好似我呢啲一個人去食飯嘅人坐低好似麻煩到佢哋咁嘅款。 最後感覺非常唔好受就離開咗冇食到嘢走咗。服務完全唔掂，唔expect日本餐廳嘅服務水準係咁，好多時壽司郎有人等位都好，都會安排一個人坐卡位，而且一定唔會叫坐低咗嘅人調位。而家搞到好似做一個人嘅生意好難為佢哋咁，呢間分店係我遇過最差嘅分店。

今日有成個幾鐘食lunch ，係尖沙咀諗下諗下食嘜lunch ， 突然間見到最愛既Sukiya， 就去食。去到時都有十幾個人排緊隊， 排左唔係好耐，大概15分鐘到，就安排入座。 餐廳都好多打工仔同遊客， 但係唔會好嘈， 坐得幾舒服。餐牌好多選擇， 大多唔係好貴， 係牛魔王既天地，一人一個餐， 適合唔係好多個人去食。叫左個中size 既牛丼， 有兩顆蛋，3件炸雞， 同蜆湯。份量適中， 一個女仔就岩哂。 牛丼好多肉， 好嫩滑， 撈蛋感覺好正。 炸雞唔會好乾， 算ok。 湯入面好多蜆， 好滿足！總括而言， 性價比高， 如果1至2個人唔洗等咁耐， 好適合去。

難得早放工，唔使點排隊就去試吓，環境設計同日本差唔多，價錢都唔算太貴啦計番香港價，未講嘢食，環境真係需要改善，坐埋位發現有蚊螆起飛來飛去，枱面都唔算好乾淨，但餐牌又濕濕地，同埋位置都幾迫，日本食過覺得係正常快餐位，香港真係小迫泡菜燒肉丼泡菜似香港買到果種韓式泡菜，唔係老泡菜，係辣味多過酸味果種，正常味道燒肉幾唔錯，微焦脆口感，肉質又帶點嫩，醬汁幾好送飯普通日本開過黎快餐黎講出番應有嘅質素，不過環境衛生要改善下

一心諗住食Sukiya 見到唔使排隊所以食，但冇諗過呢間SUKIYA嘅質素係非常之惡劣。今次叫咗兩樣嘢。溫泉蛋炙燒豚肉蜆肉味噌湯沙律套餐 $65一嚟到就見到啲豚肉根本同張圖勁大出入，然後見到啲豚肉就好似平時阿媽將啲生嘅豬肉加豉油豆粉醃製嘅感覺，好似未熟咁，根本就唔係隻燒，係就咁煮兩下落啲汁就算，最有問題嘅係啲餸同飯同埋湯都係凍。咖喱牛肉飯$48咖喱算正常，牛肉都係好薄，但一定唔係日本個啲質素，但都係凍嘅。如果你真係好想食Sukiya，建議唔好嚟尖沙咀呢一間，之前喺黃埔旺角食都算正常，但呢一間人手已經唔夠，所以啲店員同客嘅溝通都一定有咁上吓，唔好期望會有好嘅對答。

好耐冇食過呢間牛肉飯，滿心期待諗住食一個好好食嘅晚餐。尖沙咀舖唔使排隊，方便好多。見到Menu第一頁係鹽蔥系列，於是乎就冇叫平時自己食開嗰款，叫咗一個鹽蔥燒肉丼，配炸雞套餐。首先，嗰啲炸雞三件都係凍冰冰嘅，炸雞凍咗真係唔好食。一開始食第一啖嘅時候，都有啲驚喜，雖然個飯上面啲牛肉都係凍凍地嘅，但係鹽蔥嘅味道唔錯。不過個燒肉，比起平時食嘅淡咗好多，而且冇乜汁，再撈埋個溫泉蛋就更加淡。下次都係唔食呢個味，同埋唔食炸雞🙁

位於尖沙咀金馬倫道嘅呢間牛肉專門店，中午可見大排長龍。 有堂食嘅、有買外賣嘅店內有三部自助外賣機，堂食嘅就要另外喺側邊排隊等候安排入座。上菜速度大概五至10分鐘左右，視乎當時人客數量而定。最常吃的是牛丼，佢可以加$10有個青菜套，餐，嘢飲可以揀可樂或者係特製冰紅茶。個人覺得特製冰紅茶有啲澀，揀返罐裝zero/普通罐裝可樂/雪碧好似穩陣啲呢排食得太多牛 😂所以今日叫咗個豚肉餐，再另外加$25叫多杯宇治抹茶牛奶 🥛

一入到舖頭打算去counter落單外賣takeaway，原本係想人工落單個熱熔三色芝士牛丼可以走tabasco，但係有位企counter嘅女員工係極無禮兼黑口黑面咁叫我用機落單，話tabasco會分開上😅取外賣後回到家發現廚房幫個飯落左tabasco…勁無奈，部機又冇得㩒唔要tabasco，員工又唔肯人工幫人落外賣，咁嘅服務態度難怪冇乜人肯排隊食，同其他分店大排長龍等差別勁大😅奉勸大家千祈唔好去呢間食，除非你想受氣🙏

食完個烏冬，過了4小時，覺得肚餓，叫了一個外賣回公司吃，早點吃夜餐，晚上不用吃😂以紅黃白為主題😂入面都算闊落、位與位還可以😁比自己動手做溫泉蛋非常出色韓式牛肉拌飯 $49🌟🌟🌟🌟🌟在於牛肉的醃製入味，口感嫩滑多汁，搭配蔬菜和泡菜的爽脆口感，增添層次豐富的風味，再加上特製的辣椒醬和芝麻油的調味，讓整體更加香氣四溢。這道料理綜合了韓式烹飪的精髓，辣中帶甜、酸中帶辣。

日式丼專門店，每次行過餐廳都好多時排隊，我都係等冇人排隊我才會入內食野。最喜歡它的咖喱飯及牛肉飯。好香濃、美味😋SUKIYA 家以價錢又實惠及親民。每次店員都好有禮貌。今次叫咗燒肉丼都配上炸雞。燒肉好夠味，配上醬汁好食😋