Sweetheart

营业中

休息中

夜晚1030左右去到 啱啱好有位 入到去好快就order左熱嘅椰皇燉蛋白配芝麻湯圓小丸子隔離檯10分鐘後先到 但係佢地叫晒野食 都有椰皇 食曬走埋我地嘅椰皇都仲未到 🥲 隔左陣店員先拎張單黎話熱嘅椰皇要等多10分鐘先有😵😵 但係個陣其實本身已經等左超過十分鐘 後面檯仲話已經等左半個鐘😨😨之後終於到左 店員率先倒瀉左兩淡落黎檯同我地件衫😖😖😩 講返椰皇本身 裡面有裝滿嘅 唔係偷工減料 小丸子同湯圓都煮到好淋 鍾意有小小煙韌嘅可能會失望 但我ok嘅👌🏾 芝麻湯圓餡唔算好多 細細粒椰子味都食到 椰子肉都容易刮 而且唔會硬 夠軟淋滑溜嘅 overall不過不失 正常椰皇蛋白發揮 但係等太耐真係扣分😣😣

20:59入鋪 叫三碗甜品 21:45先等到最後一碗凍嘅綠豆清心丸 等咗成45分鐘 其他遲過我哋入舖頭嘅甜品全部到晒仲要食完走埋 佢嘅出品 唔係跟order時間 純粹見單做單 大家唔介意可以一試另一有趣地方係 我哋三個人一入坐四個位 右邊一張四人枱坐咗兩個人 突然外面嚟咗四個人 舖頭負責人竟然叫咗四個人入嚟坐 而我哋既左邊其實只得兩個空位 最後佢叫兩人坐四人座位嘅往右手邊坐返兩個位 然後要我哋三個人一同往右邊移 令到本來只得二人座位加返兩個位 等佢可以即刻做多四人一張枱嘅生意 我即時問佢 點解你唔直接叫兩個人而去坐兩人座位 咁已經可以騰空返一張四人枱 根本唔需要我哋再往右手邊 我哋最後都配合往右邊移 我哋一開始就係唔想佔佢太多空間位置 所以已經坐一張四人枱 但既然佢又由客人自己選擇 但一見客人多又想做多啲生意 咁當初就唔好由客人選擇兩個人坐四人嘅枱 如果大家都唔使排隊 一見位就入 淨係想自己做多啲生意 咁以後唔使排隊啦

同朋友食完台灣菜之後，去咗隔離嘅甜品店，見到我最中意嘅野。呢間嘢價錢唔係特別平，但係，味道還可以，好彩我哋都好早入座。入咗後大概30分鐘，非常多人排隊，咁我就叫咗一個王牌產品，雪燕燉椰皇，味道唔係好甜，啱啱好好適合我食。

垃圾食物 垃圾服務 入到舖頭已經有浸臭味，個芒果同Menu張相完全不符 仲要細碗。同埋唔知咩服務黎 問佢個雪糕咩味佢話default係雲呢拿味，好啦嚟咗之後原來係芒果味，跟住諗住問吓佢點解會係芒果味，嗌咗差唔多20聲唔該，一個二個唔知真撞聾定扮聽唔到，然後叫到佢過嚟之後，望咗個碗見到你有雪糕 佢一句話「哦有雪糕」跟住就掉頭走咗唔知同佢個男人傾偈 咁就冇咗件事，心諗咩料呀？一開頭已經問清楚個雪糕係咩味先至叫，冇諗過問清楚之後都係得唔到自己想食嘅味，奉勸大家唔好去 買難受去食啦。D芒果酸到開眼。講真你做甜品鋪，點會唔識整甜品㗎？黐線啲芒果可以酸到咁，未食過咁難食嘅芒果。現附上圖片，提供有力證明，唔洗等係因為無人食

最近一直整理我擱置了好一段時間的食評，只因這幾個月經常離港旅遊。旅遊前最花時間和精力的要算是計劃行程，訂好機票之後才可以計劃訂酒店、行程和交通，這個過程幾乎花光我所有時間及精力，韓劇也沒有時間看； 旅遊完回來又要整理相片。上月底從日本回來，到現在終於可以騰出一點時間來完成最近幾篇食評👏。這天本到荃灣買東西，經過川龍街，想起內街（鱟地坊）有間椰皇甜品專門店，突然很想念椰皇燉奶的味道👅，於是右轉90度沿著海霸街進入鱟地坊，2分鐘就到達。甜品店位於熱鬧的荃灣市中心，地點卻是旺中帶靜，外面川龍街有小巴站、藥房、海味舖、凍肉公司及菜檔等充斥了整條街，真正是車水馬龍；但相隔不遠的鱟地坊則並非太多人會經過，甜品店就在這裏，店門外右邊掛了幾張海和天的畫作🖼️，對上還有此店的椰皇甜品画作🖼️，相信是店主或其家人之作品👍；面向甜品店右邊則貼滿大部份甜品圖片/價目表。店主把店名「Sweetheart」的"t"及"h" 字母設計成為一個甜蜜🥰的心形❤️，非常配合甜品店的名字。今天是週日的下午5時，從店外玻璃可以看到店內只有一位客人，非常清靜。進入店內馬上感覺涼快，店內靠近廚房上方的牆壁上也貼滿了不同顏色的❤️🤍🩷，還

sweetheart 絕對係我食過最好味嘅椰皇！真心冇誇張，佢地嘅椰皇入面啲椰汁蛋白，椰汁味又濃！燉蛋又滑！又唔會過甜！😋😋😋仲有佢地俾好多款你揀，又可以揀桃膠椰皇、或者湯圓小丸子椰皇⋯⋯⋯下刪50字🤣🤣仲有好多款可以自己睇佢地menu🤤嗰日飽啲又可以揀冇配料就咁椰皇蛋白👍🏻嗌熱嘅話，食到尾刮啲椰皇肉出黎食🥹啲椰皇肉又軟又香又滑🥹不過食凍嘅就冇咁軟喇，正常嘅因為雪凍左自然會硬啲所以食椰皇一定係嗌熱😜😜同埋一定係黎荃灣呢間sweetheart食！本食評完全係自費食評，幫襯多年水準如一！一定要俾好評佢！！！👍🏻👍🏻👍🏻

係荃灣 食糖水黎黎去去 都係果3幾間呢個位唔會成日行過 但係為咗食糖水會特登過嚟食左芒果班戟 正常發揮 椰皇全寶 女仔食最岩 又桃膠又燉蛋白 本身係 要食少啲甜嘢 但係因為佢用椰青水 感覺上健康好多

榴槤公主 -$66內有蛋白底，榴槤肉，椰果，蘭香子，椰子鮮奶。榴槤肉都算正常，香濃，不過份量比較少。蘭香子增加咗成個甜品嘅口感。最好味係個蛋白底，佢有淡淡嘅椰子香，清甜，食起上嚟唔會覺得好膩。朋友叫咗香蕉朱古力窩夫🧇，試咗一啖，本人覺得一般。

成日都想試唔同嘅甜品店，朋友推介荃灣呢間sweetheart椰皇好好食，所以就嚟試吓啦！本身都好少食椰皇嘅甜品，因為食過幾間都麻麻哋，但呢間真係encore好多次。每次食親眼見到好多人叫椰皇產品，成個舖頭都係椰味好重👍🏻👍🏻PS：不過必須要係熱嘅產品🤣首選「熱椰皇」！平時嘅我甜品一定食凍嘅🤣所以有次嗌咗凍嘅椰皇，真心唔得😨仲有啲酸🥶🥶～呢間，識食一定係食熱，佢嘅「熱」榴槤椰皇都好食！食咗幾次佢最尾都會送支椰子水嘅🙈超純嘅椰子水好清新。

哇，真係要同大家講一講我今日喺呢間店試既心頭好。我自己係個狂愛甜品既人，特別係椰皇系列！首先, 那個椰皇芋圓椰皇燉鮮奶，真係又滑又香，芋圓Q彈得嚟，真係勁過癮。當然，唔止有芋圓得意，椰皇桃膠都唔遜色，簡直係桃膠控既天堂，口感QQ嘅桃膠係滑溜溜嘅鮮奶入邊游，真係正！話說番嗰個龍眼山，佢個出場真係搶晒鏡，頂級龍眼帶嚟一陣陣甜香，底下嘅椰子啫喱又夠味，仲有埋冷凍嘅雪糕同椰果，分層次感覺起來，就好似一座美味嘅小山咁！下次我一定會試下芒果蛋糕嘅，睇落都好吸引人！總之，每次嚟呢度，都感受到佢哋對食物嘅用心同埋創意，真係令人印象深刻，非常適合同三五知己嚟八卦嗰陣，攞住個椰皇甜品，邊食邊傾，滿足成個下午都無難度。😍🥥🍰

食完晚餐想食一點甜品，想起鱟地坊有間甜品店，之前食過很不錯。 椰皇蛋白芋圓，熱的，芋圓不錯，Q Q彈彈，椰皇蛋白清香唔太甜，滑滑的入口舒服，很好的甜點。另一個是西瓜撈水晶粉，小朋友至愛，西瓜粒粒和西瓜冰不太甜。

楊枝甘露涼粉/材料多，足料，糖水底食落感覺用芒果肉打成汁而成，唔會酸，柚子肉脹卜卜。綠豆邊清心丸糖水/整碗唔會好稀，綠豆邊均勻怖滿全碗糖水，入邊仲有大概4-5粒蓮子，不過有點苦味 清心丸是偏向煙韌的，而味道幾特別，通常是甜 而這裡的是輕微咸味 及有椰青水味。

每次經過他們家的門口，都會見到門口總是堆滿人我一個人都等左15分鐘先入到去…如果大家都有興趣，記得預留時間等位。入到去，發現小店地方淺窄，位置唔算多。勝在乾淨企理、出餐都算快。好多人都揀椰皇系列，而我今次先試「芒果涼粉」味道唔會太酸又唔會太甜。不過似飲品多D，唔系我想像中的甜品。可以一試！

Sweetheart (荃灣)💕荃灣鱟地坊8號卓明大廈地舖必須要耐性排隊嘅小店🫶🏻😏🫡1. 榴槤蛋白椰子（即menu 上寫嘅榴連公主）☺️超香嘅榴槤味，而且冇核，椰子入邊有濃滑嘅蛋白， 食到最後你仲可以刮椰子肉黎食， 如果你係榴槤愛好者，一定要試呢個招牌甜品！ 😛👍🙆🏻‍♀️ HKD652. 八寶咩都有嘅椰子😂 我揀咗花膠& 桃膠， 除咗花膠桃膠仲有龍眼肉杞子，仲有栗子🌰， 不過略嫌佢嘅栗子質感比較硬， 可能有啲人會要求淋身d😗 呢個係女性思物， 幾滋補㗎， 呢兩款甜品你可以揀熱或者凍食～ 而家食個糖水都唔平，雖則好足料希望佢唔好再加價啦🤪 🫥另一樣有少少扣分嘅地方，係因為佢哋冇妥善安排好排隊嘅秩序， 知道佢人流比較旺，而且好多人出出入入食完糖水就會起身，不過出邊排隊就冇寫飛仔安排，所以如果你一不留神可能會俾人打尖， 呢樣要留意啦！ 😶🫡#荃灣好西#荃灣打卡#荃灣糖水#荃灣甜品#椰王燉蛋白#hkig#hkfoodie#hkfoodblogger#hkfoodstagram#hkfoodlover

. 荃灣失望甜品舖 | 榴連椰皇燉蛋白📍# Sweetheart椰皇公主 (榴連椰皇燉蛋白) $62👉🏻蛋白底，榴褲肉，椰果，蘭香子，椰汁鮮奶呢款算係最穩陣OK! 有榴連肉👏🏻蛋白都好食嘅、有好多材料都算豐富👍🏻窩夫+ 芒果肉伴雪糕 $50餐牌話”窩夫選用蛋白打成的泡，代替泡打粉，好處是天然材料，健康好味”😸製作過程係好香嘅、所以先order 😮‍💨但食落同平時窩夫好大落差🥺好淋好偏身🥶無咩蛋同牛油香味😫整體唔好食！OREO日本鮮奶麻糬 $40麻糬唔係Q彈拉絲果隻軟綿綿🥲係軟身既但未係合格、又無咩牛奶香味🤷🏻‍♀️價錢偏貴😖唔值——————————————-總結 :我唔會再幫襯😿好麻麻、食完係有失望🤦🏻‍♀️如果你想食燉蛋白可以試既、其他就不了🫡——————————————-📍 Sweetheart📍 荃灣鱟地坊8號卓明大廈地舖📆星期一至六 : 14:00~00:00📆星期日 : 13:00~23:00#hkfoodstep#hkfoodstep甜品#hkfoodstep荃灣#hkfoodstep中伏 #hkfood #hkfoodie #hkcouple