Sweetly Sweetie

营业中

休息中

上星期入長洲實在係太熱啦曬到真係熱辣辣見到有間光猛新淨嘅甜品舖就毫不猶豫行入去環境係乾淨舒服嘅坐得幾舒服之後就即刻嗌嘢飲同冰品解下暑果茶系列有好多款諗咗好耐之後決定嗌白桃烏龍西柚之後再嗌咗個芒果綿綿冰同埋叫多個入長洲必食嘅芒果糯米糍果茶同糯米糍上先睇落都好唔錯杯果茶唔算好濃果味唔係太甜減輕少少罪惡感之後芒果綿綿冰就到啦講真賣相有少少失望感覺有啲雜亂同埋沈左啲綠茶粉睇落有啲怪食落綿綿冰個味道有啲化學嘅芒果味新鮮芒果就好香甜不過應該係浸左糖水之後堂食個芒果糯米糍係幾好味嘅只係芒果略嫌酸咗少少所以決定買多幾個返屋企點知就出事啦買返去嗰幾個個底啲芒果都漏晒出嚟我懷疑佢特登執咗啲次貨俾我有啲唔老實嘅感覺

飯後打算食糖水，在店內點了兩個中式糖水，一碗綠豆沙，一碗芒果紫米露。綠豆沙溝咗水咁，完全無起沙，水還水渣還渣。芒果紫米露一啲甜味都無，於是詢問老闆娘點解糖水完全無甜味，佢竟然好無禮貌咁話「你自己加枱面枝糖漿喇」，糖水自己加糖漿就已經唔係嗰回事喇！糖水難食，服務態度仲要好差，真係第一次去糖水舖係叫你自己加糖漿的！再細問係咪所有糖水都係要自己加糖漿，老闆娘先至話佢今日煲糖水唔記得落糖，再話你自己加糖漿都一樣甜。食到一肚氣。

本局長昨晚與副局長於長洲辛勤工作，因時候已晚，遂留宿一晚。翌日起床，早餐過後只覺天氣炎熱，途經海傍一甜品店，遂長驅直入。店內尚算寬敞，時值假期，店內人頗多，人聲鼎沸，有點嘈吵。一看餐牌，數個殘體字頓時映入眼簾，不禁眉頭一皺。本局長食芒果糯米飯，副局長食芒果綿綿冰。糯米飯椰汁味濃，芒果正式不太酸。綿綿冰有芒果爆爆珠及西瓜，冰甜而不膩，爆爆珠有爆漿之感，西瓜甜美多汁。總括而言，此店整體感覺正常，可一解夏天暑氣。

幾年前曾經有報紙報道嘅雪糕冬甩終於有機會試到啦！不過個人認為似雪條多過似雪糕，一開始攞出黎嗰陣根本硬到食唔到。而且佢白色嗰啲為其實冇乜味，買來影相呃like都唔錯，而且亦都唔算難食。完全只係靠面頭嗰浸朱古力先有味。但就略嫌有啲貴。

個日見天氣熱，諗住食下凍野降溫，見鋪頭又對情侶，裝飾都ok就入去。嗌左個綿花冰+爆丸+唔知芒果啲咩，整體黎講唔錯的，但加左個芒果唔知咩，甜到漏，好似豆腐花啲黃糖咁

入到長洲，當然要食芒果糯米糍～開到周街都係，今次去一連試咗3間嘅糯米糍，睇下邊間又大又抵食～首先第一間喺係橫街入面嘅Sweetly Sweetie，最先比佢吸引到嘅其實喺舖外一個裝住一個個唔同顏色嘅冬甩雪櫃，但要成$45蚊一個，好似唔太扺食就無試到～之後望下旁邊，有個姐姐係到包緊糯米糍，細心睇下，芒果嘅份量竟然有半個甘多，而價錢亦同其他一樣都係$10蚊，緊係買個試下！芒果糯米糍 $10［評分：8/10］糯米糍足足有一隻手心嘅長度，外皮比較薄，入口帶點微黏，質感較軟，如果可以加厚少許，口感更好，而芒果，帶點微酸，但尚可接受，芒果較其他的長但相對比較薄一點，不過份量還是較一般的多，相當不錯呀Sweetly Sweetie (長洲)長洲大新海傍街86號A舖～～～～～～～～～～～～～總消費：$ 10味道：8/10環境：8/10服務：8/10衛生 : 7/10抵食 : 7/10