Sweets House Cha Cha

营业中

休息中

係石門食完晚飯, 想滿足下第三個胃, 但石門又好似冇咩選擇, 於是就同老婆阿仔返去沙田搵甜品食.我地黎到呢度之前, 已知道主打係綠茶雪糕,未必適合阿仔,黎到之後, 卻發現有士多啤梨雪糕,於是就亳不猶豫咁揀左呢杯了.外觀很漂亮, 從上而下去望, 好像一朵花. 外面的士多啤梨慢慢向下滑, 所以要首先食晒D士多啤梨先. 我食左幾啖, 覺得非常好味, 好重奶味, 亦帶有淡淡的、像士多啤梨糖果的香甜味. 雪糕筒脆卜卜, 筒圈大, 容納更多軟雪糕, 怪不得拎上手會覺得好有重量.

放假去行街買衫食好西不過而家既沙田全年都是超級多人，有時唔係有野買都未必出嚟行街。這間Cha Cha平時我都有嚟買燒餅同抺茶飲既，咁啱而家佢同Doraemon合作係燒餅上整了一個好可愛既圖案。即時回復童真呀！見到佢有套餐一盒六個，啱曬我心多多又唔知揀邊款好的我。Cha Cha 雜錦大判燒套餐 ~~~吉士、 抹茶紅豆、 千島醬香腸 、章魚燒 ~各1個、栗子紅豆 x 2個 HKD88/set (原價HKD104/set)平時食開吉士，紅豆傳統口味，今次試了千島醬香腸同章魚燒好特別咸咸地醬汁都好夾。另外佢仲有一款係買四送一套餐。

經過city super 見到這間 Cha Cha 日本大判燒 嘅燒餅做緊優惠 ，買指定款式可以買四送一，仲有而家 大判燒同Doraemon合作，燒餅面印有多啦A夢可愛樣子好得意呀！一於買幾件回家做下午茶先。熱辣辣的大判燒有得食啦！ 一打開已經香噴噴我買了兩個紅豆、兩個吉士同一個抹茶紅豆 大判燒。抹茶紅豆大判燒 燒餅是抹茶味配上裏面紅豆蓉，咬一啖有少少抹茶香味，中間紅豆 餡兩者味道一齊食好夾。紅豆大判燒 傳統口味燒餅淡淡蛋味配上紅豆蓉食一件真係唔夠喉呀！

每次去沙田新城市，行過city super都必會買返個大判燒食，未食正餐前食就叫過下口癮，食飽正餐食就叫飯後甜品😂每次都係點同款，抹茶紅豆大判燒，簡直是完美的配搭。大判燒餅皮已經混入綠茶粉，所以茶味會更香濃。一向都好喜歡抹茶的製品，喜歡它苦澀又清新的味道。Sweet house chacha的抹茶一向都較為苦澀，正合我口味，很怕抹茶製品加入很多糖，變了抹茶應用的味道。紅豆內餡又不會過份甜，食落有陣陣回甘香。唯一美足不中的地方是今次的大判燒不是即叫即做，咬落是凍的，熱食一定會更加好味！Ps.今次係聖誕主題，很可愛😊

特濃黑芝麻軟雪糕🕺🏿✨本身係想試佢嘅抹茶甜品，但今次食ChaCha竟然係比佢嘅萬聖節限定吸引到，作為芝麻愛心者，當然要試一試！雪糕軟滑得黎好挺身好硬身食落芝麻味係極級 無敵 濃郁！濃郁得黎仲會feel到有沙沙地口感嘅芝麻下面個cone都好大好新鮮好夠脆個姐姐唧到好靚 份量好大杯 除左上面個圈 下面個cone都充滿住雪糕一直食到底都有無限雪糕咁飯後食番個真係滿足到暈！呢個芝麻味真心有驚喜，可惜只係期間限定啦！

ChaCha滋味泡芙🤗🧁.節日當然要有家庭樂👨‍👩‍👧‍👦今次買左六個泡芙盒裝同家人齊齊share😚仲有聖誕包裝紙等小編可以慢慢整靚😍.先有三個裡面係有餡料😄芝麻丸子泡芙🍡-小編最愛同最有驚喜的‼️芝麻味係濃厚+好香，夾住三粒丸子，相信好多女生都會鐘意😍草苺吉士泡芙🍓-這個反而係三個入面較遜色，可能吉士味cream比其他味搶左，不過士多啤梨都甜架🍓，可能單買會好食啲！抹茶紅豆泡芙🍵-抹茶味做到好濃但唔苦，cream身係三款入面最滑，夾埋紅豆蓉，中間都有食到粒粒未完全壓蓉的紅豆😌.另外有三款密封，入面夾住淨cream的😉吉士忌廉-好有爆瀉既感覺，有時淨原味都唔錯，可以食到奶香🍼🍼！(btw呢個係單一個偷食的所以食得出原味🙈)特濃朱古力🍫-又一件小編好愛的😍朱古力果種入味，同埋好滑好濃厚既cream，食完真係有滿足感🤩日本抹茶🍵-呢件比起有餡的，抹茶色較深色，所以食落都更有茶味，會多返少少苦澀味🙂

其實好多年前已經食過 不過果時覺得平平無其 近排食返覺得真係整得幾出色🙆🏻‍♀️---------------------------抹茶吉士紅豆大判燒 $18本身個大判燒已經混合左抹茶粉 所以抹茶味特別香濃🍵Sweets House Cha Cha既抹茶一向比較苦澀 而呢個大判燒有紅豆蓉既甜平衡返 降低左抹茶既苦澀 食落有陣陣回甘香 圖中可見抹茶吉士醬都算爆漿 唔會乾睜睜😛唯一美中不足係啲大判燒唔係即叫即製 攞上手只係微暖 外皮唔夠脆 但咬落去係好煙韌的🥰

今日同朋友係大埔行完山，去左沙田新城市廣場行街，為左獎勵自己做左大量劇烈運動，於是就去左食雪糕！由於朋友想食綠茶味雪糕，所以就黎左呢間Sweet House Cha Cha! 之前只係試過佢地既大判燒，無試過雪糕，所以今日就叫左呢個雪糕甜品！特濃綠茶雪糕威化 ＄50除左單叫，仲有幾個set可以揀，相對抵食d！呢個就係散叫既，打卡一流，雪糕隔離有個管，可以擠綠茶落去個雪糕入面！雪糕味道偏甜，同埋幾重奶味！city super 入面有位，可以同朋友邊坐邊食！

每次過香港購物，去到沙田十有九次會去這裡吃抹茶冰淇淋或者吃他家的大判燒，有時候還會打包大判燒回去給家里人吃。今天試了一下醬油糯米丸子抹茶冰激凌，微鹹的糯米丸子配抹茶冰激凌這組合好吃到爆！這家的大判燒現買現做不忽悠，好些本土人都在排隊購買。吃了五種味道，味道炒雞好吃😋甜的餡不死甜，微糖型的。推介在瘋狂購物的時候，請中場休息一下去吃快大判燒或者冰激凌再繼續掃貨

食開City Super，比有一顆港女心既藍妹見到呢樣野，即刻心心眼，超想試。—開心果芝士棒（唔記得個名係咪呢個）佢裡面其實係芝士餅，厚厚既芝士蛋糕，好香濃同Creamy，芝士味偏淡酸，食完都唔會太漏。😉出面用朱古力包住，可以自己揀黑朱古力或白朱古力，藍妹怕苦，所以揀白朱古力。白朱古力皮好甜，好脆，配埋酸味既芝士味，非常好味呢！🤤最外層可以揀唔同味既果仁，藍妹揀左開心果。呢個反而好淡冇乜味，似普通花生粒咁。🤔—總括黎講，雖然偏貴，但間中買黎獎勵下自己，都相當值得呢！🥰

☃️天氣轉冷又如何？無阻我吃冰的決心😤特濃黑芝麻軟雪糕（$38）Black Sesame Soft Cream早排經過sweet house cha cha見到有新出口味忠粉的草根姐姐當然要一試雪糕質感較平日傑身唔易溶，直情好似唔多會溶💧黑芝麻非常濃郁🖤好似食緊芝麻糊一樣😂脆筒如往常一樣鬆脆Chacha雪糕一向大枝呢個口味傑身到好飽肚雖然係期間限定，中意芝麻嘅要趁早試💃🏻但草姐都係中意抹茶多d😋

本身自己唔係咁中意抹茶味既雪糕既但係一兩年之前食Via To_y_ 之後覺得甜甜地都幾好食都開始嘗試緊去接受下，點知食完呢個cha cha抹茶味雪糕啲恐怖回憶翻曬黎，我個人黎講最唔中意個種勁重既苦澀味，可能有啲人就係中意苦𥚃回甘個種感覺但我自己就比較抗拒，加上個雪糕口感呢就真係好水，我中意食雪糕個種厚實既口感唔好咬落去就散曬咁，所以食左幾啖就無食，個cone都唔中意呢種味，十足十富x雪糕一樣，同埋如果有啲位坐下就好啦

吃了一頓令人失望的晚餐, 嘴裡不夠滿足, 於是四出找尋小吃。這家以往一直想試, 但礙於修身的緣故, 一直都抑壓著吃甜品的慾望... 哈哈, 聽來誇張但的確是事實。今日釋放自己, 不買傳統味道, 反而買了兩個特別口味的大判燒:章魚燒味和黑芝麻味, 一鹹一甜。 回到車上立即試味。章魚燒味餡料有章魚粒, 燒汁不夠惹味, 味道麻麻, 而且沙律醬過多, 有點過酸。 大判燒外餅皮面微脆, 但內層略嫌韌了一點。 無論口感和味道上, 章魚燒餡和餅皮都完全格格不入。黑芝麻味本來以為甜口味會較穩當, 但事實證明我錯了! 餅皮外面微微香脆, 但內層亦略嫌韌了一點。 黑芝麻餡雖然好多好香, 但完全不夠甜, 所以吃起來帶點黑芝麻苦味。 唉, 晚餐差! 小吃味道更差! 下次不會再試!!

正值踏進白桃盛產的季節。今曰在回家途中發現這家店推出限量白桃忌廉泡芙。身為愛桃之人，又點會錯過呢。日本白桃忌廉泡芙$38這個泡芙真是頂呱呱！必食！泡芙皮酥脆香口，而曰本白桃更是清甜爆汁！仲有成半個桃咁多，真是大啖大啖吃，大滿足。白桃果肉軟滑甜美，完全無渣，加上滑滑忌廉和香脆泡芙皮，味道清爽又豐盈，正呀！抺茶熱飲+$18這抹茶熱哄哄，入囗順喉，抹茶味濃郁，味道輕甜，還有或多或少的回甘味道，整體味道ok, 但又未必以正價$30購買。簡單的甜點，為平凡的生活添一點趣味。白桃泡芙真係正！推介！

もも季開催！又到白桃當造的季節，美味的白桃甜品紛紛出籠了！Sweet House Cha Cha最有名的是抹茶甜點，這天經過，竟遇上期間限定的日本白桃甜點！店員表示這白桃泡芙($38)每天只限定數份，以日本山梨縣白桃製成，而且即時制作保證新鮮。 無論是外形和價錢都好吸引，當然要試試吧！泡芙內的白桃肉足半個的份量，日本白桃在日本超市從不便宜，這算是非常「佛心」的定價。捧着白桃泡芙一口咬下，不得之了，白桃果肉香甜又Juicy，果肉細嫩又無渣，吉士忌廉泡芙香脆有在吃菠蘿包的感覺， 這家無論是泡芙或是大判燒都做得出色，這白桃泡芙也不會例外。泡芙、大判燒還可以$18配以抹茶飲品，這杯冰抹茶牛奶表現有點失準，抹茶粉下得實在重手，濃得帶點茶澀味道不太討好。這白桃泡芙的美味教人難忘，只可惜店員一再表示，白桃泡芙每天極限量供應， 所以未有有大肆宣傳， 到第二天在銅鑼灣分店已不見其縱蹤影了，能否吃到白桃泡芙就要看運氣了。除了這隱藏限定版以外， 還可以試試白桃軟雪糕。白桃軟雪糕($45)粉紅色外表吸引，淡淡的桃香自然，奶味較果味濃郁，吃着感覺清新， 不過始終都係抹茶系列最好。