Thai Eatery

营业中

休息中

經過見佢裝修新淨，店面又光猛，座位又闊落，仲要應該係泰國人主理，就入嚟試下，店主好有禮貌前菜點咗豬頸肉同春卷，豬頸肉爽口，醬汁偏辣，春卷餡係蔬菜，感覺健康，外皮夠脆，醬汁開胃主菜點咗泰式炒飯，份量好多好大碟，味道香濃，但偏油，個人鍾意乾身少少嘅炒飯甜品係芒果糯米飯，糯米好煙韌，椰汁好足夠好香甜，芒果都好靚整體唔錯，特別係佢價錢唔算錢，又坐得幾舒服

有次食完晏經過，見佢裝修好新淨，啲位又大又闊，價錢仲幾抵，諗住下次再嚟附近就試，所以今日就試一試佢，入到去坐得好舒服，店員好有禮貌點咗泰式炒金邊粉同泰式奶茶金邊粉炒得唔錯，啲粉唔會痴埋一舊，夠香夠味，枱面有辣椒粉同魚露，加埋更好食，如果配埋花生碎同糖會更好，雞肉都唔算少，又唔會炒到好韌，如果整體乾身少少，冇咁油會再好啲，泰式奶茶茶抵好香，佢係俾糖水客人自己落，個人覺得杯泰式奶茶本身又啲煉奶同花奶會好飲啲

上環少見地道高質泰菜 低調美味～～～是日媽咪冇煮晚飯，收工過嚟屋企附近嘅泰國餐廳食晚餐，呢間餐廳成日去隔離嘅Market Place時候都會經過，望落裝修幾別緻，成日見到有好多外國人幫襯，想試好耐。～～～座位寬闊好坐，全部都係卡位，我坐個張枱嘅桌上仲有棋盤遊戲，同班朋友一齊嚟幾有得玩。～～～佢哋餐牌主要係泰國地道食物仲有各式酒品等等，最後我哋叫咗以下幾款食物：-Panag curry with pork tenderloin （$109）-Tom Yum Noodle soup with minced pork andprawn （$109）-Mango sticky rice ($78)～～～佢哋嘅Panag curry同我哋平時食開嘅咖喱顏色味道有啲唔同，質感比較水狀，但係味道極其濃郁，椰子味尤其突出，非常下飯，大大兜嘅飯比我哋三五兩下就吃過清光～～～Tom Yum Noodle soup with minced pork andprawn 非常足料，肉碎大大粒，蝦亦爽口彈牙，加埋滑溜金邊粉，整體非常開胃。～～～食完主食之後我哋就以Mango sticky rice 作為最後嘅收結

Thai Eatery上環皇后大道中270-276號中央大廈地舖通常行過見門口裝修亮麗,往往都會被吸引的。Thai Eatery木系門口是小清新風格, Thai Eatery明顯是食泰菜啦, 問了女朋友意見想食乜佢都OK, 就入了去食第一次啦。小食幾抵, 點了雞肉SATAY 串, $48 有3串,$108 豬肉碎呀, BASIL 香葉同洋蔥炒, 呢道菜是不論用生菜包起來吃, 或是放在白飯上面,也是一樣美味。味道酸酸辣辣, 唔單止惹味仲好開胃, 百吃不厭。$109 CURRY 要了panag curry with pork ,落了椰奶椰糖風味十足，個汁撈飯呀，瘋狂食曬。怕無澱粉質落肚會唔飽, 呢度有好多麵同飯架, 我地點了咁多餸所以先無點飯麵。

近著上環站A出口，新開一間主打正宗泰國菜的餐廳，由泰國人主理，店內裝修偏向西化，有寬敞舒適的沙發，午市套餐主要分為兩道或三道菜式，三道會有跟餐甜品。  3 Courses - $129  Massaman Curry with Chicken  瑪莎曼咖哩有著濃厚的香料味外，同時有著椰奶柔柔的香甜，嫩滑的雞肉燉煮得相當入味，味道甜中帶微辣，還有少少洋蔥、薯仔和花生碎。  Chicken Satay  串著厚厚的雞肉，咬開雪白的雞肉好嫩滑多汁，拌上香甜又濃厚的沙嗲醬，有少少花生碎，很重堅果類香氣。  Mango with Coconut Sticky Rice  芒果糯米飯的芒果好香甜多汁，完全不酸，軟糯綿密的糯米飯帶點黏性，蘸上濃稠的椰漿，有很重香甜的椰香味。  Thai Ice Coffee  有別於其他咖啡，除了本身醇香的咖啡豆香外，還會加入淡奶和煉奶，有著幼滑香甜的奶感。

放左工去Happy Hour，摸下酒杯底係消除壓力最好方法。 我公司位於上環，想去啤一啤，都有不少選擇。THAI EATERY~Happy Hour買一送一until 7pm飲酒當然要陪小食，餐廳出名係沙嗲串燒，我們較愛吃雞肉，配啤酒， 無械可擊。燒雞串份量大，加上餐廳特別配方嘅沙嗲汁，非常滋味，雞味立即呈現出来。再来一客小食~泰式蝦餅，小食當然份量較細，重點係食物質素，每啖都有蝦肉，弹牙新鮮，真材實料， 名副其實嘅自家製招牌小吃，越食越滋味。泰式魚肉腸炒飯~材料夠多夠豐富，有蝦肉，魚肉腸，蛋白等等，炒得乾身唔油膩，加埋青檸汁更有風味，而且size份量都幾多，醫肚一流👍🏻👍🏻。結尾，必食之選芒果糯米飯，用上等泰國芒果配糯米飯，放少許椰汁係飯上，撈一撈，一口芒果，一口糯米飯， 質感黏黏糯糯味道甜得自然好清新。

好鍾意嚟中上環搵食，因為呢頭經常都會有新食肆進駐。最近又畀我哋喺皇后大道中搵到間新開嘅泰國餐廳。開放式門口，地方看似不大，店面窄窄長長，但原來入面全部都係以梳化卡座為主，座位闊落鬆動，坐得好舒服。翻閱餐牌，食物分門別類，選擇甚多，另外亦有 Weekend Lunch Set 供應，2-Course $139、3-Course $159。餐廳不設加一，我哋每人點咗一個 Set。前菜有 5 款，選了豬頸肉配青木瓜沙律。豬頸肉燒得啱啱好，肉質鮮嫩、肥瘦合宜，食落外脆內 Juicy。墊底嘅青木瓜水準亦唔錯，酸酸辣辣，非常醒胃。至於主菜就揀咗泰式船麵 同 腰果雞柳配白飯。船麵即點即製，送上時仍熱辣辣，湯色清澈略甜，帶微微香料味，好適合怕太濃膩嘅朋友。麵條選用了金邊粉，質感柔軟細薄，米味突出。配料有豬肉同肉丸，前者軟嫩、後者爽口，食味不俗。另外呢碟腰果雞柳亦值得一讚，用料十足，一點也不欺場。雞柳沒有因炒得過久而變老，依然嫩滑，配以香脆嘅腰果同爽口嘅三色椒，口感好豐富。嚟到甜品時間，有芒果糯米飯 同 香蕉卷，兩款同時送上。糯米飯嘅擺碟都幾靚，芒果大大件，分量十足，鮮甜又多汁。糯米飯煙韌軟熟，沾上椰漿

Those cravings for a wholesome Thai meal can find their fix at this Thai restaurant. Thai Eatery is established under the Thai restaurant chain “Thai On High”, so you can expect the dishes served to be of their quality and standard. Giving a cozy and welcoming ambiance, the venue is a casual semi-open-air hang-out spot, perfect for a relaxing evening with friends over drinks while sharing some dishes.Pad Thai with Prawn ($109)Pad Thai is one of my beloved Thai dishes, rice noodles tossed in a

Thai eatery今天去了上環shopping， 天氣乍暖還寒，很想吃些辣嘢解解暑，剛好看到一間泰國餐廳新開業，裏面的老闆還是泰國人呢， 就進去試試環境有很漂亮的萬聖節裝飾，裏面的侍應還是泰國人呢！廚師似是泰藉小老闆的媽媽，很窩心服務小老闆的服務非常貼心，也很有禮貌Tom yum noodle soup with minced pork with prawn$98相當意外的味道，湯底入口相當清甜，蝦仁有五大隻，非常新鮮爽彈， 完全意想不到平民泰國菜會有這麼新鮮的蝦仁加上份量頗多啲金邊粉跟豬肉碎，吃完肯定非常飽足！配有泰國特色辣椒乾，比辣椒醬我更喜歡這個，完全不油膩很好吃Chicken satay three pieces3pcs $48沒有鬆肉粉的雞肉串，由於比較乾身， 也沒有多餘的肥膏🙊鋪在上面，所以第一啖入口充滿肉味，配合濃厚的沙嗲醬，絕讚組合！服務態度佳，會想再來的餐廳

喺上環公司附近食lunch，見到呢間泰國餐廳價錢$129 有starter ,Main course , dessert,仲包杯杯品。埋單發現唔駛加一🤩🤩🤭。木瓜沙律新鮮嘅木瓜絲，酸酸辣辣非常開胃。雜菜冬陰功湯碟頭算頗為大碗，湯底唔會好辣。味道亦不是太過濃烈，配雜菜一流👍泰式肉碎炒飯有齊肉碎、豆角、羅勒葉、蒜頭、紫洋蔥和辣椒，非常有鑊氣，正宗嘅泰國炒飯風味，微辣。泰式金邊粉唔會好濕、抄得夠乾爽，金邊粉唔會黏實哂，炒得同樣有鑊氣，一啲都唔油膩。食嗰陣時加d鮮榨青檸汁，增添風味😋 甜甜酸酸帶來清新嘅感覺，口感豐富。泰式芒果糯米飯飽飽都要食埋個甜品, 大大塊芒果肉又香又甜，糯米飯本身已經有啲椰汁嘅香味，煙靭軟熟，隔離放左碟泡沫椰汁醬。呢個幾特別，點嚟食令椰香味更濃😋香蕉卷香蕉用上春卷皮包住脆炸，完全可以做到外脆內軟嘅口感，唔錯😆泰式咖啡奶茶不過不失，勝在夠大杯😌