Thainan Chicken ขุนทอง

营业中

休息中

8時06叫了外賣8點36才有中途問了職員有未？佢地好唔耐煩咁話無但比我前後嘅單都拎哂了我見廚房都好得閒所以再問下 佢地都話好快好快但再等多一陣 都係無直到出面職員問張單有未？廚房啲人先話 係喎！以後唔會再食

1，沙拉超級難吃 ……..被烤串味道吸引 ，所以帶著很大的期待走進餐廳 ……店員推薦了蔬菜沙拉 、感覺不是新鮮的 ….是在冷櫃裏早就做好冷藏的 ，所以腌出來很多湯水….裏面的主打蔬菜好像是蘿蔔。。難以咽下….失望…..2，烤串全部是糊掉的 …….烤串無論是辣的不辣的全部口味很重，鹹到每吃一口都要飲很多水，全是糊的，只是泰國魚餅糊的程度難以咽下…..3，真的只想給差評 ，總體感覺…….超級難吃 4，回憶一下，只是單純口味重 。用口味重掩蓋了食材的不新鮮…..5.服務員態度不錯

中環 著名特色泰國菜☺️多種食物 串燒沙律🤓港鐵中環站D2出口，步行4分鐘🇭🇰呢一間餐廳非常型格😊非常大嘅logo🇭🇰亦都係一個開放式嘅廚房😘會睇到廚師入邊認真燒烤😆亦都非常乾淨企理1. 雞肉串燒$18- 肉嫩多汁🙂非常有雞味✅亦都香口😝都非常大嚿😍值得一試😗2. 牛肉串燒$18- 牛肉方面亦都比較有濃郁嘅味道🤣燒到比較脆口，牛味一流😄3. 豬肉串燒$18- 屬於半肥瘦🥳又唔會太過肥🤣中等適中🥰價錢合理✅當中可以選擇辣同埋唔辣🤣亦都會落咗少少蒜蓉🤨非常香口😁亦都會有紙巾提供👍🏻地點：中環蘭桂坊和安里1號地下B號舖名稱：Thainan chicken 好去評分🎖(5個👍🏻為最好）- 環境：👍🏻👍🏻👍🏻👍🏻- 服務：👍🏻👍🏻👍🏻👍🏻- 價錢：👍🏻👍🏻👍🏻👍🏻- 推介：👍🏻👍🏻👍🏻👍🏻

平時一條川燒都十幾廿蚊啦！ 而且又會心大心細想唔知食咩肉. 但呢到三條又豬又牛又雞再加小小辣ge印尼炒飯都係六十三蚊！ 一次過滿足晒你三個願望，而且又抵食， 又好味！ 😋

•FRIED RICE WITH THAI BBQ SKEWERS去到LKF又黎食返碟火辣辣炒飯🍛惹味串燒配埋個辣炒飯底🔥IT’S TOO HOT TO HANDLE♥️喜歡食辣既人一定要試呢個•BONELESS THAINAN CHICKEN RICE 滑滑無骨海南雞 簡單而又不失水準🤎

個人從來唔好串燒，最怕係內地個啲只有孜然味既串燒。但今日路過呢檔小店，見咁人排隊，又食物香氣撲鼻，食指大動，即刻加人排隊行列。由於小店，坐位好有限，排左半個鍾先有得入去，早已饑腸轆轆，諗好食咩添！先買飛，坐係到等食，由於串燒keep 住燒，好快食物送到。賣相好吸引，燒得剛好，肉不過老，沙嗲醬好香花生味，一流！飯就稍嫌失色，有點油又唔夠熱，一般茶記質素。由於佢同隔離串燒店係同一店，建議只吃串燒更為滿足

原來蘭桂坊唔止係夜晚俾人去蒲嘅地方，中午都係有lunch食架！這一日就同同學嚟到呢間印尼餐廳，我叫咗印尼炒飯同串燒，炒飯入味，串燒呢就有少少辣，但係都接受到嘅程度，因為我係唔太食得辣嘅。份量上面，食完剛剛好夠飽，唔會太飽嘅感覺。價錢方面非常相宜，只需要$50-$60就有一個set啦。下次都會再嚟食，唯一係餐廳位置位於山坡上面，要稍微行一行啦！

Just randomly felt like eating Hainanese Chicken after a quick two rounds of happy hour in central and this place popped into my head.Ordered the Haianaese Chicken which costed $68 . The ricr taste good while the chicken taste okay as well, just a bit too fat to my likeing. You can also order other stuff like bbq pork and beef but as i came alone i didnt have the appetite for it. If i comr again i will try their bbq items on the menu.

呢間泰式餐館今日都係第一次食 lunch set嘅選擇就有好幾款：串燒拌炒飯，海南雞飯，咖哩牛腩等等 咁lunch set仲附送餐飲 凍奶茶凍檸茶 咁我就叫左個串燒炒飯 凍奶茶 串燒炒飯小辣都ok 奶茶就冇乜甜味 唔係飲得幾慣 不過就應該好適合想減肥嘅 打工仔啦不過佢餐廳其實好細 基本上人貼人咁坐所以想同朋友 吹水慢慢食嘅就唔建議嚟啦

位於老蘭既泰國串燒，次次經過都聞到好香，除左串燒都仲有其他野食，而且午餐個價以老蘭黎講可謂係相當抵，一個海南雞飯都係68蚊。今日同朋友黎食lunch，兩個女仔叫左個海南雞飯再order d串燒食，再叫多支啤酒，覺得好有風味。海南雞飯 - 雞件好滑身，而且去左骨，啖啖肉，醬汁好香辣，飯也入味，非常唔錯。牛仔骨 - 好重牛味，係好新鮮既貨，燒到面頭焦香，內裏juicy，滿意。魷魚 - 全部都係魷魚鬚，條條鬚燒得焦香，咬落彈牙。燒鱔 - 肉質厚，冇乜骨，完全唔腥，連本身唔好食魚既我都喜歡。露荀 - 佢咁多條露荀都用牙籤籤住，拎佢個陣fing下fing下，食時真係要小心d。露荀好翠綠，雖然係幼身，但咬落都好多汁同甜，配埋個辣汁味好惹味。一路飲啤酒一路食串燒，感覺良好，而且地理位置方便，就係California tower隔離，好難得呢個地段有咁實惠既野食，會再去。

今日同阿哥去咗中環，行咗一陣；見這間燒烤好香又多客人，見午餐好抵食！一如入去食餐牌食物好吸引，午餐配飲品，價錢合理！（11:30-18:00）門口好大有型好易睇到，一邊是燒烤的，另一邊是坐位（有室內室外位置），好光猛又有藝術風格的牆壁！我們點了2個午餐及一些串燒（跟餐飲品）我們點了檸水（好油膩又健康又涼快）其他更有奶茶、檸茶、不同款式的啤酒午餐：（去骨泰南雞飯）🐔🐔份量好大碟，好吸引的賣相！醬汁是另外放在膠盒中，好衛生乾淨！泰南雞肉好嫩好香滑，唔肥又無骨，啖啖肉，配上甜豉油及泰式香辣醬，好野味又美味可口雞油飯軟硬剛好，油飯好香好美味喔（青木瓜手撕泰南雞沙律）好靚的顏色配搭，搭得好高又份量多手撕雞肉好健康又軟腍，配上爽脆清新青瓜及紅蘿蔔絲，再點上酸甜醬汁，好開胃又健康（串燒）可選辣或唔辣，一包包紙袋袋著上枱燒白鱔：好香喔！鱔肉爽口彈牙，醬汁好野味，燒得好香外脆內軟喜歡魚的是必點之選燒雞肉：好嫩好香喔！雞好香口好好美，野味串燒燒有機露筍：好健康，燒得剛剛好、好細嫩幼身，翠綠色好靚又香！燒菠蘿：好甜好香又多汁！好好好味道！燒菠蘿好正好香，最推薦的串燒，如甜品一樣！好美味

蘭桂坊Thainan Chicken，有泰式串燒，有泰式飯，亦有泰式小食，當然仲有酒精類飲品供應啦，一邊飲酒一邊食串燒，正！從餐廳門面，見到師傅在努力整串燒中！入面係高凳高檯格局，感覺幾隨性。主打泰式串燒，點餐方式係自助式埋收銀處落單比錢。Order好之後，店員會送餐比你架喇。去骨海南雞飯（$68）雞肉已去骨，啖啖肉，都幾滑。泰式串燒配炒飯及雜菜（$68）泰式炒飯帶微辣，搭配三串串燒係最常叫嘅豬、牛、雞肉串，三者當中牛肉最好食，所以有加點多一串。三款燒蔬菜，已經有搭配醬汁。燒菠蘿（$20）搽上沙爹醬、有機蘆筍（$20）同粟米（$20）就搽上青咖喱醬，蔬菜加青咖喱嘅椰香又幾特別喎。由上至下係燒牛肉（$16）、魚餅（$25）、雞中翼（$20）同白鱔（$60）。我未必分辨到每種串燒搭配嘅醬汁，感覺都係酸辣汁，好惹味。白鱔帶微脆而肉質依然嫩滑，讚！Apple cider ($25)

同朋友又去到蘭桂芳傾計, 今次想吃D自在D既野吃. 見到呢間泰國菜, 坐高枱, 夠光猛, 有小吃又有串燒, 岩哂我地心水. 首先點左豬頸肉沙律, 打算開下胃先. 份量比想像中大份. 本來我唔係好吃蔥類, 但佢地全部都好入味, 一夾起連肉連菜連蔥, 真係好夾好好味, 爽脆又有口感. 一個人都可以清哂, 但要留肚吃串燒. 所以我都係留番D俾朋友吃. 串燒選擇都幾多, 可以選擇要spicy 或唔要, 有肉類有蔬菜類, 也有海鮮. 要左白鱔, 呢度份量都幾大, 務求吃飽你個肚咁. 魚肉好滑而且入口鬆化, 即使我地要唔spicky, 都好夠味, 好有'燒'味. 必吃 令人驚喜係粟米仔, 本來只是想吃D蔬菜, 點知咬開, 爽口Juicy, 仲好香, 令人停唔到. 仲叫左牛仔骨，菠蘿，露荀等，其他串燒都唔錯, 不過不失. 但以豬頸肉沙律, 白鱔,同埋栗米仔最鐘意.

一向都喜歡這店的燒烤，後來有了可入內坐的位置後，經過時總會來吃個晚飯今次吃了這個去骨泰南雞飯HKD68 不要以為這些小店的食物質素普通，跟店員閒聊時才知道原來很講究，怪不得味道這麼好雞嫩鮮，排列整齊，而且好香雞肉肥瘦適中，菜亦新鮮飯軟硬適中帶油香味另外還得點我至愛牛仔骨HKD40原來烤時亦好注意火候，味道好入味，肉質不會烤至過韌有機粟米及露筍 HKD20/串外面帶點醬汁的鹹味，外香內嫩帶脆菠蘿HKD20/串更是好吃多汁，酸甜適中另外還得來一杯檸檬茶，不是每次都飲到！

在中環返工的朋友，誠意拳拳約食午飯。由於很久沒見一於出嚟食個快閃午餐。在朋友的帶路嚟到Thaian Chicken (中環）快速望個餐牌後，就到櫃檯買飯。形式就有點像快餐店，付款後才入座。我點了海南雞飯，飯質鬆軟有口感，雞肉也很嫩滑👈🏻六十多元在中環的鬧市可以食到都算划算👍朋友就點了，泰式串燒配炒飯及雜菜，飯有小小辣但就非常嘢味😋！朋友就連雜菜都食清光🤪我們還隨便點了幾款串燒！魷魚🦑鬚爽口彈牙！牛仔骨、雞肉串、豬肉串很入味都是首選👍！菠蘿🍍串多汁又甜也要一讚！出餐速度算快上枱仍然熱辣辣👈🏻這個要加分👍一邊傾計一邊食！一個快閃午餐很快就食完，不用$300中環鬧市都算是划算lunch