THE CELL

营业中

休息中

Whisky有著豐富的口感和香氣，讓人著迷。平時多數飲紅白酒少飲威士忌，今次嚟到The Cell感覺唔錯！環境方面呢帶有一種懷舊嘅外國，感覺有啲似置身浪漫嘅聖誕節氣氛一樣。啡色嘅酒吧櫃檯放滿左令人垂涎三尺嘅威士忌酒。品酒嘅同時都可以細心觀賞酒樽嘅設計，店員態度良好假日喺呢度過呢？就好似去咗一個外國嘅小村莊裏面一樣。點咗兩set whisky 加1份炸魚薯條，八卦嘅我梗係會上網睇一睇每set裏面，到底係有咩喇，每set又5杯酒每杯15ml真係物超所值，三百幾四百蚊就可以飲到千幾至幾千嘅whisky ，對於想試吓有咩啱自己口味嘅人來講10分適合。有朋友話過呢飲whisky 就唔好食嘢嘅！不過我都係忍唔住，試咗佢嘅炸魚薯條，炸魚好鬆化但魚肉就有有少少熟，但整體味道唔錯，我會比6-7分喇，薯條方面呢佢有齊醋啦，茄汁同埋蛋黃醬，佢仲會加咗啲香草一齊去炸，個味道都唔錯！（食之前唔記得影添😂）

成日行過1881都唔知道裏面原來咁多餐廳同埋有酒吧，今日有事咁啱經過1881，就入嚟飲咗兩杯。裝修好靚，係好古典嘅裝潢，裏面都有好多皮梳化位，喺尖沙咀行開行埋同朋友上嚟飲杯嘢傾兩句都是一大樂事。

本身一班朋友諗住去哩間咁有特色既酒吧傾下計，enjoy下，點知係一個極差既體驗！哩間餐廳聲稱全香港現時防疫要求規定，所有去堂食既市民必須更新安心出行至最新版本，需顯示藍色既針卡QR先可以入內，並不接受紙本針卡、醫健通等其他疫苗注射記錄！係多次重申我哋已反覆閱讀並確認Cap 599同相關政府公報，明確指出只要求有關商戶更新佢哋既QR Code掃描App至4.4.0版本，並連接網絡，就可以係讀取相關疫苗注射記錄內既個人資料，與政府既數據庫核對該人士的Status，會否為需檢疫或正進行醫學監察，而未能進入相關場所。係我哋要求哩間酒吧出示/展示返佢哋所講全香港都要求市民先更新安心出行既法規或政府公報時，佢哋當然出示唔到（因為政府並唔係咁要求）。佢哋仲堅稱係我哋唔明，仲話我哋溝通唔到，態度極差。

The Cell 係前水警總部改造而成放左好多舊照片，充滿懷舊feel而且係幾classic嘅酒巴感覺有少少似海景嘉福酒店嘅Tiffany’s BarThe Cell Blended Classic - 充滿煙燻木香氣，將成杯威士忌提升到另一個層次想不到同川辣味香蕉片配合得幾好雖然幾辣，但好惹味鍾意川菜嘅人會鍾意食但我老公就話辣得滯😅*****平時飲嘢都唔鍾意太嘈呢度十分合心意後來店員介紹裡面仲有三間牢房的報案室改成嘅private rooms下次黎會想試下坐入面！

一直都想去1881的餐廳試一下星期日同朋友相約，怎知道沒有預約，餐廳沒有位了。經職員介紹，我們去到酒吧，進門一睇，即刻給豪華大方的歐式裝修及寬敞的空間吸引。我們點了兩杯咖啡和一份小吃，悠閒度過了一個下午。去酒吧喝咖啡，確實很扯，但當時卻沒有喝酒的慾望。咖啡很香，價錢是外面的一倍，但有這樣的環境也很超值了。芝士薯條，真的很不錯，每根薯條都很粗，外面很少有吃到這麼高品質的薯條，每一根都能吃到薯仔原本的肉，真的可以吃到飽。

在后園食完afternoon tea，没有餘興，就即興在The Cell 飲返杯。雖說即興，但其實也是被其裝修吸引。高的樓底，木系的顏色及那高高的酒櫃，一切都是那麼古色古香。舉目四顧，酒櫃整齊排滿各式各樣的酒，雖然來過1881都很多次，但想不到有這麼一個飲酒好去處！翻開復古味濃的酒牌，發現這裏以威士忌為主，世界各地的威士忌都有，Bar Tender哥哥見我們毫無頭緒，主動介紹我們，還附以威士忌地圖講解，圖文並茂！原來這裏地方小小，但超過全球過百款威士忌都可以在這裏飲到！我點了比較易入口的Mazu，用了台灣的威士忌，加上台灣盛的芭樂、鳳梨、文旦柚等，有香甜的水果味，入口酸甜，好醒神！朋友則點了造型別致的Magatama ，杯上掛上了一塊玉，酒如奇名，如勾玉般引人！融入日本high ball的製法，微辛帶辣！飲酒總要點小食落肚，所以點了客即炸薯條和雞翼佐酒。再來點了一slot的whisky，這款Kick Starter 一共有5款whisky，由調酒師遂款爬梯酙出黎，過程已經是個表演了，加上成品那一杯杯晶瑩透亮的whisky，著實療癒！這款Kick Start一次過可以感受甜、酸、辣、咸、

Happy Friday梗係要同朋友去摸吓酒杯底啦！今次去呢間Whisky Bar有嚟自世界各地唔同國家超過100款Whisky，選擇超多！仲有提供唔同配搭嘅tasting set，由$268-$448不等，每set可以試5款唔同嘅whisky。其中Kick Start係啱晒我呢啲新手入門，可以試勻甜、酸、苦、辣、咸唔同口味嘅變化，好奇妙！店員好仔細介細比我地每款whisky，亦建議我地分2-3次去試，一開始試晒每款然後過15mins再試都會有變化呢！Kick Start嘅甜係一款愛爾蘭嘅whisky，酸、咸同苦都係來自蘇格蘭嘅whisky，其中酸味個款係幾refresh，而咸味就有海洋嘅味道，苦味就係偏泥煤味，味道來得霸道啲。最後我覺得最特別一款就係辣味，美國嘅whisky帶嚟嘅刺激感，餘韻係比較澎湃。另外鐘意泥煤味重嘅朋友就可以揀Peat Trial，當中仲包括一款來自蘇格蘭Islay 61.3%酒精濃度嘅原酒，大家可以去挑戰吓！唔想齋飲whisky都有cocktail嘅選擇，賣相同味道都一流㗎！我自己就點咗Mazu，使用咗台灣威士忌配搭台灣有代表性嘅水果，包括芭樂、鳳梨、文旦柚，

閒時飲番杯酒放鬆一下，拋開煩惱確係寫意，呢間酒舖喺有百年曆史嘅建築物1881內，主打來自全球超過100款Whisky，啱哂鍾意飲Whisky嘅你環境格局非常舒適，好鍾意中間大大張梳化坐位，坐上去嘆威士忌好放鬆如果你對威士忌唔太熟悉，咁當中可試一下「Kick Start $268」，呢set入門版一次過可以嘗試到五種口味，包括甜、酸、苦、辣、咸，仲有調酒師講解另外高階版有「Peat Trial $448」，多款煙燻味、泥煤味、海藻味等層次豐富，帶來濃郁嘅餘韻刺激你味蕾，愛爾蘭、蘇格蘭、美國、瑞典、印度、台灣等出色Whisky在等你喔鍾意飲cocktail嘅會有多款用故事做背景嘅驚喜選擇仲有美味佐酒小食，鹹香芝士香口薯條、惹味雞翼、風乾火腿及芝士都有，佐酒真係一流