The Cipollini Pizzeria

营业中

休息中

位於啟德Airside的一間意式小館<The Cipollini Pizzeria>，散發著獨特的意大利風情。餐廳內部裝潢典雅，以溫暖的木質家具和柔和的燈光營造出一種親切而舒適的氛圍。牆上掛著精緻的意大利風景畫和傳統的餐具擺設，增添了一份濃郁的藝術氣息-🐮 Wagyu Beef Sirloin in Mushroom Sauce (8 oz.) 和牛西冷扒令人讚不絕口! 牛排煎得恰到好處，外層呈現誘人的金黃色，內裡則嫩滑多汁，每一口都能感受到和牛的鮮嫩和豐富的肉汁。蘑菇汁濃郁香醇，與牛排的味道完美融合。配菜的薯泥和蔬菜也不容忽視。薯泥細膩綿密，口感柔滑；蔬菜則新鮮爽口，色彩繽紛，不僅增加了菜色的視覺效果。這道菜的每個元素都相輔相成，讓人滿足-🍕 The All-Star Pizza $268點了一款非常特別的Pizza ! 一個Pizza共有六種不同的口味，好吸引😍🔸Hawaiian火腿的鹹香和鳳梨的甜美交相輝映，形成獨特的酸甜口感，味蕾的雙重享受-🔸Carbonara 卡邦尼口味結合了加拿大火腿和流心鵪鶉蛋，味道濃郁且細膩。火腿的鹹香與鵪鶉蛋的嫩滑完美結合，帶來豐富的

聽說The Cipollini Pizzeria的薄餅非常出色，於是特意前來一試，更發現餐廳原來有戶外座可帶小狗，餐廳外更是大草地，可讓小狗🐕奔跑，下次一定會帶小狗再來幫襯！首先上桌的是冷盤——檸檬汁八爪魚片。這道菜的擺盤精緻，八爪魚切片薄而均勻，色澤誘人。八爪魚的口感滑嫩，每一口都能感受到海鮮的鮮甜，檸檬汁的酸度則為整道菜帶來了清新的提味效果，讓人食慾大開，確實是一道開胃的前菜。接下來是主菜——龍蝦意大利粉，搭配小蕃茄和帕馬玫瑰醬。這道意大利粉的龍蝦肉質鮮嫩，濃郁的帕馬瑪起司和香甜的小蕃茄相互融合，形成獨特風味。意大利粉的口感彈牙，充分吸收了醬汁的精華，每一口都讓人感受到海鮮的鮮甜與起司的濃郁。我們選擇了兩款薄餅，各享半份，這樣的安排讓我們能嘗試更多的美味。和牛西冷牛排薄餅，以蕃茄醬和莫札瑞拉起司為底，搭配焦糖洋蔥和和牛西冷牛排，牛肉的鮮香與洋蔥的甜味相得益彰。我們另外選了黑松露蘑菇薄餅。這款薄餅以貝沙米爾醬為基底，配上黑松露片、蘑菇和莫札瑞拉起司。松露的獨特香氣與蘑菇的濃郁味道相互交融，帶來奢華享受。薄餅的質地輕盈，讓人一口接一口，完全不會感到油膩。最後，我們品嚐了抹茶王朝沙冰。沙

今日嚟到啟德Airside行街街，行到攰，試吓一間意大利餐廳，見價錢幾合理，又想食吓pizza一於坐低試試🥰Chicken Wings🐓單骨雞翼外面炸得金黃脆口，裡面肉質嫩滑，啖啖都有汁，配上特製醬汁微微辣好開胃，有啲後悔淨係叫5隻唔夠食🤭Truffle Ricotta Ravioli in Truffle Cream松露忌廉醬餛飩意式餛飩煮得剛好，外面裏滿松露忌廉醬，濃郁得來唔膩，非常邪惡😈每一啖都有種奢華嘅感覺😂Prosciutto e Rucola🍕呢個pizza有蕃茄醬、莫札瑞拉起司、芝麻菜沙拉同意大利火腿，味道清新又開胃。火腿嘅鹹香同芝麻菜嘅微苦完美融合，食落好舒服，真係感受到意大利嘅風味。Mortadella e Burrata🍕而呢個Pizza就係白醬、摩達德拉火腿、新鮮布拉塔起司同芝麻菜葉，布拉塔芝士滑捋捋，火腿又鹹鹹香香，搭配火箭菜更清新Hazelnut Haven🍹Chocolate Chiller🍫兩款沙冰都打得好幼滑完全唔會有冰粒飲到，而且兩款上面都擠滿cream，邪惡得來好滿足😈🤤冧酒提子、泰式奶茶Gelato🍨最後梗係唔少得個甜品做完美結尾，剛好個位附近就係

想食pizza 又唔要再去連鎖店嘅老友，選擇左呢間位於啟德站～The Cipollini Pizzeria， 被安排坐於近窗口位置，半開放式露天茶座，環境開揚仲不時見到很多主子跟狗仔散步，又幾寫意啊！The all-star pizza, 1個pizza有6款不同口味，見到即刻心心眼😍，薄餅🍕皮薄酥脆，餡料入口柔滑鹹香，6款都各有特色，層次感豐富，滋味滿分😘。和牛西冷牛扒🥩配磨菇汁，點了5成熟度，牛味香濃肉汁豐富，柔軟度滿分且沒有渣，拌菜煮得唔馬虎，有好香蒜蓉味，配上creamy 的薯蓉, 夠晒美味。飲番杯冰凍啤酒🍻，爽口暢快。

啟德AIRSIDE是購物和飲食集中地這間主打手意粉和薄餅的餐廳, 還有自家製意式雪糕, 牆畫充滿歐陸風情。Pepperoni +Hawaiian pizza 每款薄餅各半份, 一次滿足兩款口味。手打薄餅外層烤得香脆, 餅底柔軟有彈性。Pepperoni 有意大利辣香腸片、莫扎瑞拉芝士和蕃茄醬, 香辣惹味。Hawaiian 火腿和鳳梨清甜咸香, 加上莫扎瑞拉芝士和蕃茄醬, 多種層次口感。忌廉雞肉意粉自家製意粉爽滑彈牙, 吃起來煙韌有質感, 雞肉保持嫩滑, 忌廉醬濃郁而滑順, 能夠包裹住每一根意粉 和雞肉, 提升了整體的口感層次。蒜蓉包 熱辣辣麵包外皮酥脆, 內餡柔軟, 蒜蓉香濃惹味, 加上牛油咸香, 回味無窮。自家製兩球雪糕 Raspberry and banana caramel, 清香果味好甜美。提拉米蘇蛋糕質地綿軟順滑, 濕潤鬆軟, 濃濃咖啡香氣, 口感清新不油膩。焦糖瀑布沙冰和士多啤梨旋風沙冰, 冰涼香滑, 清新潤喉。

今晚去咗位於啓德Airside 呢間餐廳，客人可選擇室內或室外座位，碰巧係Halloween ，食嘢之餘又可以襯熱閙。Squid-Ink Linguine Clams 香草大蒜墨魚汁蜆扁麵條 ($168)扁麵條口感煙煙韌韌有「咬」口，也有不少蜆，整碟都充斥着濃郁蒜香味！Hawaiian Pizza 蕃茄醬、莫札瑞拉起司、火腿和鳳梨薄餅 ($188)每次去意大利餐廳食飯，一定會食pizza，餅底好脆薄，火腿和鳳梨佈滿整個批，相當足料！125g Burrata Salad 醃番茄布拉塔起司 ($148) 一向都鍾情於Burrata, 鍾意佢圓圓的外表，切開後加入其他食物一齊食，增加creamy口感，火箭菜同蕃茄都很新鮮，外面淋上黑醋，酸酸甜甜，又開胃又好味。Chicken Wings 鷄翼 (5 pcs) ($68)鷄翼炸得外皮好香脆，配埋自家製的醬汁，就更加惹味。Tiramisu 提拉米蘇 ($58)嚟意大利餐廳，當然唔會錯過食Tiramisu，整體夠creamy 但就欠了一點moist!

呢間餐廳，環境一般，我哋4個人去，張餐枱偏細。D嘢食又嚟得快，服務員求其放底，唔理你張枱有冇位。咁樣做唔係幾好。我哋叫咗雞翼，不過餐牌就冇寫清楚係單骨雞翼。淨係話 5 pcs. 咁如果$68 得5隻，就有D貴。Pizza 係最ok嘅，我哋叫咗Pepperoni。Caesar salad 份量尚算正常，蔬菜新鮮嘅，味道都可以。但係個carbonara 意粉，份量少得可憐。建議一個人食，如果同朋友一齊share 就唔夠食。

喜歡去AIRSIDE，商場也有很多東西逛，今晚來到THE CIPOLLINI晚餐，是一間氛圍悠閒且環境舒適的餐廳，也很受歡迎，特別在晚上幾乎滿座。這裡有一些靠窗邊位，可以看到外面的狗狗們玩耍，十分有趣。冰雪朱古力沙冰 $58這款沙冰濃郁的朱古力味道十分吸引，冰雪般的質地，口感細膩而不會過於甜膩，味道濃郁，不想太凍的話放一會才喝，就會喝到凍朱古力。香草大蒜墨魚汁蜆扁意粉 $168特別一提意粉都是每天新鮮製作的，墨魚汁扁意粉口感有彈性，帶點海洋滋味，果然與別不同，蒜香亦突出，蜆肉數量比例上也很多，非常鮮美。PIZZA $178這裡的PIZZA可以選擇兩款口味合拼，PIZZA底薄脆，鋪滿了半融的芝士。我們選擇了兩款口味，一款是辣肉腸，另一款是意大利青瓜，都是以蕃茄醬和mozzarella作基底，辣肉腸帶來了濃郁的香辣風味；另一款的蔬菜的新鮮味道與芝士的濃香十分夾。巴馬臣芝士薯條$75新鮮炸起的薯條，香脆有薯香，口感一流，伴有巴馬臣芝士調味添層次，份量也巨大。GELATO 兩球 $78這裡的GELATO口味選擇非常多，我們選了花生醬和冧酒提子，兩球都非常大。花生醬味濃郁香甜，冧酒提子則帶有一點

This Italian restaurant near Kai Tak Station offers an elegant and comfortable dining environment, making it an ideal spot for enjoying fine food. ☺️🍕🍖🍝The menu features a variety of choices, including the delectable lobster pasta, whose rich flavor will satisfy seafood lovers; the wagyu sirloin is tender and mouthwatering; and the classic Margherita pizza boasts a crispy crust and excellent texture. 💕🍕🍕🥩🦞Don't miss the hazelnut haven for dessert, with its rich hazelnut flavor, perfectly compleme

收工同朋友黎到啟德新商場Airside覓食，行左陣見到The Cipollin Pizzeria呢間意大利菜，睇落環境有幾舒服，就入左去試下。-Jumbo Crab Squid-ink Linguine with Zuchini & Peppers 🍝餐牌見到全部都係手工製意粉，睇相都見到有幾足料，除咗墨汁意粉好食之外，蟹肉都係大大粒，唔會得一絲絲食唔到味，仲有五顏六色嘅蔬果，非常健康嘅選擇👍🏻-Lobster Pizza & Wagyu Sirloin 🍕餐廳啲pizza口味都好吸引，有好幾款口味都想試，揀咗兩款各半份，可以試多個口味。Pizza好薄個底好脆。龍蝦pizza味道正正常常，但牛扒配Pizza第一次食，醬汁同和牛好夾，肉質依然嫩滑，非常惹味。-2scoops Gelato 🍨晚餐嘅結尾點少得甜品，餐廳有多種口味嘅Gelato可以選擇，我地就揀咗花生醬同益力多味，食埋個雪糕好滿足呀

今日去啟德探朋友，之後行airside， 晚餐揀咗食我喜歡的呢間意大利pizza店。依間食店人氣旺盛，晚飯時間大概七點已經full House，來之前最好訂位。凱撒沙律$118超爽脆嘅羅馬生菜及車厘茄配上香脆鹹香煙肉片，鬆化香甜的麵包糠加上凱撒沙律醬及芝士碎，健康得來又邪惡嘅沙律。雞翼（5 pieces) $68雞翼係單骨雞翼，炸得非常香脆，配上微辣的蛋黃醬，好滋味。Smoked salmon pizza $248賣相非常靚，薄脆批上鋪滿了煙三文魚，打卡一流。一口咬下，批底常香酥，煙三文魚嫩滑鹹香，配埋少少的刁草沙律醬，味道非常之夾。香草醬蝦櫻桃茄意粉$148Pesto醬充滿了羅勒葉的香氣，意大利麵好掛汁，質地Al dente，鮮蝦非常之大隻，口感爽蛋，而且係有蝦鮮味。意式雪糕$48最後我哋share咗個Gelato，選擇了紫薯口味，一球份量都幾大，口感軟滑煙靭，紫薯嘅香甜味道好自然。

最近睇Netflix 好想食risotto所以今日就去左airside 呢間意大利餐廳Risotto 只得一款，是日risotto 今日係松露蘑菇risotto味道同飯既texture 都ok, 唯一係可以再creamy d 另外仲叫左Hawaiian pizza最鍾意食有菠蘿既pizza （sorry Italians😂)呢度仲要係用新鮮菠蘿，加分👍🏻最後叫左個tiramisu 做甜品係算實淨既style 個cream 都算滑不過個手指餅略嫌，浸得咖啡唔夠，所以唔夠moistOverall 都推介既，下次會想試下佢既手工意粉

最近同朋友去咗啟德Airside度食晚飯經過見到呢間餐廳環境好有feel 仲有勁多唔同口味嘅Gelato雪糕就去試吓！好有驚喜班蘭味雪糕好正 諗起都想食多次😋😋✨2 scoops Gelato HKD78（Waffle Bowl HKD18）我哋揀咗開心果味同埋班蘭味 兩款雪糕嘅口感有少少唔同 各有各出色！不過同樣都好軟滑嘅～ 我同朋友都覺得好好食 ✨Chicken Wings HKD68單骨雞翼 一上枱已經聞到好香👍 點埋醬汁一齊食好味✨Mac and Cheese HKD118輕輕一拉已經係好誇張嘅拉絲！賣相一流😆芝士味好香，但係又唔會好肥膩! Yumyum✨Lobster Pizza HKD318.00 龍蝦比薩 好多龍蝦肉！✨WAGYU SIRLOIN HKD298蕃茄醬、莫札瑞拉起司、和牛西冷牛排、焦糖洋蔥 牛扒薄餅好特別，Juicy又惹味 Pizza可以雙拼！ 啱晒我哋呢啲選擇困難症🤣(以較高價錢計算) 薄餅係較薄身同埋脆身嗰隻🍕✨好香脆✨Matcha Majesty HKD58好Fresh好Fresh嘅一杯綠茶沙冰 甜度適中入口好清新嘅綠茶香氣 我同朋友都好鍾意～

我們拼了truffle mushroom及pesto prawn pizza。我們太喜歡mozzarella cheese ，成個薄餅勁香芝士味。尤其是黑松露，喜歡佢獨特既香味，每塊薄餅都有片片的黑松露片。另外半塊薄餅是香草大蝦，蝦仁爽口彈牙，仲有青瓜粒，新鮮車厘茄，食起來清新。龍蝦意大利粉配小蕃茄和帕馬玫瑰醬意大利粉是手工製作，食起嚟有煙韌嘅感覺，仲有龍蝦肉，很鮮味，意粉掛滿醬汁，仲有小蕃茄，非常開胃。飲品叫咗兩杯沙冰，有抹茶，士多啤梨，沙冰好清涼而且泡沫綿密，抹茶沙冰已灑上抹茶粉，士多啤梨沙冰淋上香甜嘅果醬，加上七彩繽紛嘅糖粉，很經典的特飲。甜品叫咗兩球杯裝嘅意大利雪糕，更加升級咗窩夫底，雪糕每日新鮮製作，有冧酒提子，班蘭口味，估唔到冧酒提子酒味香濃，我哋揀咗粟米片窩夫片做topping 。

有日約左朋友去啟德嘅air side行街，都有幾多餐廳，我地就揀左間西餐廳，The Cipollini Pizzeria 嘅薄餅好特別😍第一次見到有牛扒pizza, Wagyu Sirloin Pizza 🍕 加左和牛西冷🥩 牛扒嘅熟度剛好，肉質仲好淋身，亦都有煎香過嘅口感，經過適當嘅調味同烹煮，保留肉嘅原汁原味，亦都真係好似平時食牛扒咁配埋芥末醬😍so yummy! 而pizza 嘅餅底系薄批，所以就算個薄餅系大批，但都可以食得哂，仲有quota 食其他野😋香草大蒜墨魚汁蜆扁麵條🦑散發著誘人嘅海鮮香氣，新鮮意大利面系每日即做😍 最中意呢D 手工意粉，口感特別彈牙。香蒜將蜆嘅鮮味提昇，每啖都好香嘅海鮮精華。雞翼就好香脆👍🏻餐廳亦以單骨雞翼烹調，食落好方便😋而飲品嘅選擇都幾多，呢度嘅signature飲品系沙冰🍧我就嗌左杯Matcha Majesty💚味道甜甜的，岩哂女仔飲😍