The Commune

营业中

休息中

疫情之前嚟過呢間餐廳，不過後來佢哋冇再做午餐同晚餐，就一直冇嚟。最近竟然發現餐廳重新開放午餐（雖然仍然係冇晚市），同同事lunch過去快閃食咗一餐！好開心餐廳嘅水準依然保持得好好，餐牌上面嘅嘢同以前已經截然不同，而家下晝以輕盈嘅菜式為主，例如有salad, sourdough toast、蟹肉意粉，而且素食嘅選擇比例都算多。因為得兩個人，我哋淨係叫咗一個八爪魚沙律、一個鮮橙鴨胸酸種多士、蟹肉海膽汁意粉、法式西多配雜莓。最鍾意個鴨胸多士，酸酸甜甜嘅橙cream，配搭埋慢煮嘅鴨胸肉，鮮嫩清新。八爪魚沙律用八爪魚腳啖啖肉好鮮味，配搭咗青瓜蕃茄薯仔。（不過原來有洋蔥，個人比較唔鍾意沙律有洋蔥）蟹肉意粉係用松葉蟹腳肉，意粉撈好海膽汁，好香 。甜品嘅法式多士居然有兩塊，入面係吸滿晒蛋漿加埋滿滿啲Cinnamon糖及莓，完美嘅午餐句號！最後不得不提嘅係店員嘅服務，份外覺得他們嘅細心。當日太陽有點猛，佢哋見我哋張枱曬，會主動過嚟幫我哋落簾 。同事係大肚婆，又會細心查問有冇啲乜嘢唔食得 ，有個服務生主動攞咗個咕𠱸過嚟俾佢墊腰。同店員傾偈，佢哋話好快就會推出lunch set，到時set 嘅主菜會間唔中轉

同朋友黎lunch , 點左三樣野share 完全冇諗過食物質素咁低🥲海膽松葉蟹意粉唔得，無海膽味，無汁，勁乾，乾到啲意粉黐住，同啲松葉蟹碎基本上完全分開，完全冇味。。。香橙鴨胸多士都唔得，啲橙係暖既，好奇怪，多士酸又硬，咬咗一啖放棄吃不下去。唯一剩係得薯條好食少少。環境方面，係沿路行入嚟好睇同埋比較空曠，但真係餐廳入面海景枱其實分隔好近基本同隔籬枱黐埋咁滯，今次安排我哋個座位係海景位，但係餐廳最入的一個area , 好侷促，有條柱頂住同埋全部枱堆埋一齊。。。所以最後放棄咗，寧願坐梳化位。Overall 體驗麻麻哋，冇諗過咁高質素嘅酒店入面餐廳嘅水準係咁。最後寧願坐梳化位。

三人女子組難得同一日放假，過咗海去對面尖沙咀食晏。朋友訂咗呢間最近好Hit嘅海景餐廳，聽佢講原來週末好難訂，已經訂去到十月中… 餐牌唔係好多選擇，但樣樣都好想試，最後我哋叫咗呢啲share 食：Mushroom pesto pasta呢個係素食意粉，入邊嘅菇係用大啡菇切條，唔係普通雜菌，個青醬食得出係自家製作，好香好nutty，大家都好鍾意！Wagyu beef BLT burger 我哋叫咗個七成熟嘅burger，三個女仔食都覺得好大份，steak 之外仲有煙肉加芝士，薯條都值得highlight，熱辣辣上枱真係忍唔住不停食。後來發現原來仲可以單點薯條，顛咗真係再encore多一份！Deep fried mozzarella 侍應一上枱就提我哋要即刻食，因為入邊嘅芝士仲溶緊。一咬開，啲芝士仲拉絲拉到好長，配咗一個比較厚身嘅蕃茄沙莎汁，酸酸地好夾炸物Octopus potato salad 八爪魚切粒大大粒啖啖肉，配菜有薯仔青瓜黑欖蕃茄，地中海風格比較清新，簡單調味已經好足夠Waffle with berries and camaralised banana窩夫得一塊，三個人食完到喉唔

The Commune絕對係尖沙咀黎講，私心收藏的隱世寶藏餐廳來的食物精緻價錢公道，最正係個無敵海景落地窗，下午坐係度嘆杯cafe絕對係鬧市中的超級chill time

有時去到尖沙咀musea哩一邊都諗唔到食咩餐廳朋友咁啱bookmark左哩一家餐廳當日好好天 餐廳落地大玻璃飽覽整個維港景色！而且食物價錢CP值好高，好適合veggie朋友。午餐時段有cafe style的簡餐，試左BLT和牛漢堡 ($228), 鴨胸 sourdough （$138） 兩款主菜用料、調味都非常到位，另外仲點左沙律同炸芝士，飲埋發酵汽泡茶，share來食，份量都非常generous. 下次再試下d窩夫同甜品，今次太飽食唔到。

今日係我同太太嘅周年紀念，趁小朋友返學嘅時候，我哋決定出嚟慶祝一下，享受二人世界嘅午餐。全餐廳都有落地玻璃，陽光暖和，整個氣氛特別溫馨。為咗令呢個特別嘅日子更有儀式感，我提前安排咗餐廳喺甜品上加咗支蠟燭，真係一個小驚喜！我哋打咗唔少卡，雖然好難訂位，由wait list 名單到有座，一切都係最好嘅安排！至於食物，真係令我感到非常驚喜。因為太太係素食者，所以佢叫咗一份番茄意大利青瓜意粉，份量十足，意大利面嘅口感剛好是al dente，清新健康，啱晒佢口味。而我就選咗鴨胸橙bruschetta，擺盤精緻，慢煮嘅鴨胸肉嫩滑多汁，橙子嘅酸甜恰到好處，為整道菜增添咗唔少風味。今次嘅午餐體驗非常愉快，我絕對推介呢間餐廳！食物嘅水準、服務嘅質素，無敵環境，都令我哋嘅周年紀念變得更加難忘。或者下次可以帶埋小朋友再嚟呢度！

早幾星期一見到ig有片介紹就即刻訂位啦，11:35就到咗樓下，跟住佢whatsapp嘅地圖上去，點知地下大堂已經有職員全程帶我哋上去，唔怕去錯地方，服務一流，不過其實啲lift只上10/F，又得一條路，都唔會去錯。lunch time第一張枱上去，座位安排應該係全場最好，仲有幾張breakfast time嘅枱，啲位唔係太好，會畀我哋張枱嗰邊擋住個景，十分滿意安排👍🏻食物：唔貴，質素都中上榛子朱古力朱角酥👍🏻👍🏻👍🏻👍🏻醬唔多唔少，皮少少酥，不錯丹麥法式多士配雜莓👍🏻👍🏻👍🏻👍🏻👍🏻一上枱已經好吸睛，角位炸得酥脆，粒粒砂糖亦好咬口和牛BLT漢堡配薯條👍🏻👍🏻👍🏻👍🏻包邊煎得香脆，中心軟熟，和牛普通無驚喜，薯條軟軟淋淋，自己額外加啲鹽同胡椒粉好味好多飲品：無咖啡因Latte:👍🏻👍🏻👍🏻👍🏻👍🏻香濃，飲完都係手震，唔知關唔關事凍latte👍🏻👍🏻👍🏻👍🏻👍🏻完美，唔使加糖已經好香濃滑

上次朋友仔推介 Cafe價錢 酒店級數好地方的確成個尖沙咀游客多返之後呢度係少有唔使同人迫、坐得舒服、靚景餐廳因為要嚟尖沙咀做嘢成街都係人迫人所以即刻諗起the commune一嚟到，同老公都肚餓務實地嗌咗2碟意粉2杯咖啡Pesto pasta 上菜熱辣辣，唔會好似有啲餐廳咁食完成個碟都係油淋淋蟹肉 pasta 因為自己要小心介口，所以有好詳細咁問服務員食材同煮法，服務員有唔肯定嘅地方都即刻入廚房幫我問清楚，十分helpful!

Has a great lunch at Commune recently, and it was a fantastic experience all around!One of the highlights was the sparkling tea —super refreshing and a perfect match for the meal. The duck breast toast was a fun twist on a classic, with a nice crunch and rich flavors. The waffle topped with berries was light and fluffy, drizzled with vanilla cream—it was just the right amount of sweetness. But honestly, the octopus salad was the real star; it was beautifully made and packed with flavor, really s

很久沒有寫食評，這一兩年很多喜愛的餐廳都悄悄消失了。最近比較多時間在香港，偶然見到朋友IG推介了這一間西餐廳，食完一次之後愛上了，一個多月來一訪再訪，竟然食咗三次 。不過最近這一個星期變得非常難訂位了，私心當然希望容易點訂位，但都「鄧」餐廳開心，這樣明年我回港的時候應該可以再訪！總結三次用餐喜歡的菜式：八爪魚沙律：足料鮮味，最好share 享用，始終有薯仔都飽肚三文魚羽衣甘藍：清新之選！最驚喜是沙律入面的合桃，大家有機會真的要試蟹肉意粉：個汁好香，我喜歡將蟹肉撈一撈再食會唔更加正法式西多士：即使食得很飽都忍不住再食，玉桂香氣濃。愈邪惡的東西越好味。鴨胸多士：慢煮鴨胸多汁，加埋橙味的汁、鮮橙肉，酸種麵包，好正。每次都點的菜式！Latte 上面每次都有不同歡迎語，打卡一流，仲有就係無敵維港景做背景，無得輸！ 不過老實說咖啡定價relatively 較貴了些 。

**蟹肉意粉-完全冇味，上枱已唔熱，蟹肉同意粉match 唔到！蟹肉還蟹肉意粉還意粉！無唸過都算高級地方，出咁低級質素！** 鴨胸配橙酸種麵包 - 鴨胸只係解凍切片放上麵包到，加橙片，好少嘅牛油，完！完全無調味😣** 窩夫同西多士只是正常發揮！同朋友慶生， 都覺得有點唔好意思，因為讓朋友不能好好享受豐富的生日飯！食物同環境級數太唔合比例！ 餐牌唔多選擇，廚師就更加顯得冇誠意去煮提供給客人！相信只賣海景都好難做得長久，食完無回頭😐

午餐食物質素低，得超過30分鐘先上到份意粉，唔熱冇味，由坐低叫左一份前菜兩份午餐，上完前菜等左10分鐘先上第一份午餐鴨胸多士，鴨胸腥腥地已經搞到冇胃口，第二份意粉等左超過30分鐘，催左侍應3次先有，等嘅時間仲耐過食！午餐食物質素低，得超過30分鐘先上到份意粉，唔熱冇味，由坐低叫左一份前菜兩份午餐，上完前菜等左10分鐘先上第一份午餐鴨胸多士，鴨胸腥腥地已經搞到冇胃口，第二份意粉等左超過30分鐘，催左侍應3次先有，等嘅時間仲耐過食

見到呢間餐廳對住海景好靚，所以就同朋友喺度慶祝生日，估唔到咁有驚喜。一開始搵餐廳有啲難度，因為好隱蔽，上到去就係另一片天。前一天本身打算夜晚訂枱，點知佢哋原來好早就收工，原來佢哋淨係做早餐時段，係近呢三個月先至開放午餐時段。之前見到有人介紹話佢哋嘅BLT牛肉漢堡好食，所以就點咗一份，牛嘅味道不錯，食嘅時候都係啖啖的肉汁，份量都比想像中大，真係五星好評。另外就叫咗個蟹肉意粉，亦都好出色，真係好叫錯。因為同朋友慶祝生日，預先問咗職員可唔可以喺甜品上面寫Happy birthday ，但原來佢哋只有三款嘢飲可以安排，甜品就沒有了。朋友叫Latte 都有比surprise到~ 望住無敵海景，真係好完滿嘅一日。

約朋友傾計食lunch，唔係朋友約呢度都唔知有個位咁舒服同寧靜。環境同服務都係5星級，但食物價錢只係普通西餐廳價錢，性價比極高。 啱啱病完唔敢飲咖啡同茶，所以叫咗杯熱檸蜜，蜜糖好味，侍應都好主動幫我加水。分別叫咗burger同埋蜆肉意粉，蜆肉新鮮大粒冇沙，肯定唔係雪藏貨，成碟意粉仲要有十幾粒。朋友食嘅burger就份量好大，burger中規中矩，但係薯條好好食。呢度坐得真係舒服，如果今日唔係咁大雨個景會更加好。

同朋友喺尖沙咀K11 Musea行街街, 想找地方食lunch但周圍都多人。聽講最近 做埋午餐，所以就去試一下。難得星期六竟然唔使等位有枱可以睇住無敵大海景，心情大好！有靚景，當然要飲杯酒！食物就簡單一點，兩個人叫了一個香蒜蜆肉扁意粉，意粉有微微辣。以我食辣的程度剛好。另外當然唔少得我最喜歡嘅薯條薯條配上茄汁、蜂蜜芥末和辣蛋黃醬。薯條是粗薯條，剛炸好熱辣辣。嘢食選擇雖然不多，但勝在價錢不貴，在尖沙咀又有海景，性價比一流！