The Pantry Cafe

营业中

休息中

放工諗食乜？其實真係一件難事。見到葵芳有新餐廳，就膽粗粗試吓。環境外觀好舒服，Menu都好吸引。兩個人叫咗闊條麵同薯條+2杯特色飲品，已經好大滿足感。見隔籬枱有嗌Pizza、又嗌pancake，我都好想試。但係兩個人實在食唔晒，唯有下次再訪，試多啲嘢。開放式餐廳環境好舒服，而且同上一首餐廳裝修截然不同，滿滿新鮮感原本想食千層麵，但係Menu見到又覺得好吸引，所以最後都係決定嗌呢個安格斯牛肉肉醬闊面，個肉醬煮味道好好，唔會太鹹，而且啲汁掛喺闊條麵度連溫泉蛋一齊食，味道好豐富見到Menu有咁多薯條嘅選擇，冇理由唔叫，而我自己最鍾意就係食牛油果醬，佢嘅牛油果醬加酸忌廉非常匹配下次有機會都要嗌吓Menu上面嘅其他嘢食

葵芳又有新餐廳啦✨The Pantry喺新都會5樓開咗 除咗Moko店又多個選擇啦 餐廳係開放式設計 木系為主再加啲綠色點綴 感覺柔和舒服☘️今次點咗兩款lunch set 套餐內會包埋湯/沙律同飲品☕️當日嘅湯係甘筍湯 味道都幾濃郁ꕥ All Day Brekky超合我心意嘅All day breakfast 🍳Sourdough+eggs benedict+牛油果 呢個組合永遠抗拒唔到 蛋做到流心 sourdough都好脆 正😍另外仲有英式香腸同煙肉 蔬菜係蕃茄仔同蘑菇 蘑菇有炒過所以特別香🍄‍🟫ꕥ Roasted Spring Chicken & Apple Risotto 春雞都幾大隻 入口唔會覺得嚡 而且幾有肉汁 處理得唔錯👍🏻配埋燒汁更惹味 意大利飯軟硬適中 味道香濃 加咗蘋果粒更有口感🍏ꕥ Apple Crumble French Toast呢度嘅souffle pancake好出名 之前喺旺角店都食過🥞今次想試下其他就點咗french toast 蛋味好香 入口綿密 同蘋果金寶嘅脆脆一齊食 層次更加豐富 配咗一球雪糕冷熱交融 感覺仲正🍨最後要讚吓呢度嘅咖啡拉花超美💕

今日去咗葵芳新都會廣場5樓‘the pantry cafe late lunch 🤭🤭環境幾寬敞坐喺度嘆吓coffee甜品也不錯🤭🤭* Sea Urchin &Scallop Linguine新鮮海膽香煎子＆蟹肉忌廉汁意粉…海膽同個帶子味道鮮甜個醬汁亦都唔錯👍*Pancetta Carbonara有意式煙肉，蘑菇和Parmesan 芝士🧀…個醬汁好香濃，煙肉粒亦都唔錯，整體OK！*再加多一個甜品Cast Iron French Toast 法式多士好香滑口感軟棉，士多啤梨🍓甜…夾埋雲呢拿雪糕一齊食好好味🤭🤭

係葵芳行街，見到原來The Pantry係新都會開咗分店，之前喺旺角嗰間食過覺得好好食，就決定喺呢度食晚餐。All Day Breakfast因為睇中咗佢有兩件厚pancake，加上本身都好鍾意食All Day Breakfast，所以就嗌咗嚟試。佢都好豐富，除咗沙律菜同車厘茄之外，仲有炒滑蛋、英式香腸、煙肉同炒蘑菇，樣樣都好食。厚pancake配咗蜜糖，好fluffy，超滿足。Surf and Turf牛柳要咗五成熟，食落好香牛味，唔會太肥，但係又好腍，蘑菇汁都好出色，同個牛好夾。龍蝦肉size正常，食落好香蒜味，啲肉質都彈牙，好有驚喜。另外仲配咗炸薯條，熱辣辣脆卜卜，個人覺得好抵食。Crunchy Panko Prawns蝦嘅份量都幾多，啱啱炸起，所以又熱又脆，蝦肉都爽口，同佢配嘅醬汁好夾。餐廳嘅座位好闊落，裝修同環境都舒服，希望下次試埋其他菜式啦。

新都會呢間新開食Pancake嘅餐廳，老婆讚個Pancake好食到不得了，但我覺得其他都唔錯又唔貴。好似個三文魚Tacos，好香麥味又脆嘅Taco裝住三文魚、酸椰菜、牛油果醬、青紅椒同酸忌廉，食落好豐富又健康咁，樣又靚。個Parma Ham哈蜜瓜黑醋沙律嘅Parma Ham都夠濃郁咸香，配搭清甜哈密瓜同黑醋沙律好正。食左個有安格斯牛肉同楓糖漿煙肉嘅芝士漢堡，牛肉texture好有纖維感有肉汁，同埋唔油膩，楓糖漿煙肉甜甜地帶少少咸，個burger相當好食。重點之一嘅朱古力香蕉厚班戟，夠厚夠鬆軟，上面有舊雪糕，側邊有半條香蕉，上面有層焦糖同Brownies，淋上去嘅朱古力漿又香又濃，無得彈。我地仲食左辣味芝士牛肉汁薯條同石榴青檸梳打，個汁調得好好，少辣似肉醬。飲品賣相透心涼，服務ok，有一兩個侍應特別細心，會自動換碟同加水。

這間咖啡店位於葵芳新都會廣場，主打班戟和西式料理，店內環境寬敞舒適，店內環境寬敞舒適，裝潢以歐陸風為主，充滿浪漫氣氛，適合約會或多人聚會。燒安格斯澳洲穀飼牛扒 - $258大大塊炭燒牛扒帶有微微焦香氣，將肉汁與油香緊鎖在內，穀飼牛較為肥嫩，有明顯的大理石花紋，邊緣的嫩筋很香脆；可自選兩款醬汁，蘑菇忌廉燒汁帶有菇菌香，而紅酒燒汁則突顯鮮味；金黃酥脆的脆烤薯條毫不油膩。脆炸爆谷蝦肉 - $78多隻肥美飽滿的鮮蝦肉爽脆彈牙，薄透的炸衣毫不油膩，更有生菜吸去多餘油脂，可蘸上惹味的香蒜蛋黃醬。Matcha Cream Pancake - $119即叫即製的梳乎厘班戟蛋味非常濃郁，外層香脆，內裏要輕盈如泡沫得入口即溶，充滿空氣的輕盈，完全不會過膩；幼滑細膩的抹茶忌廉醬有著特濃的茶香，又有香甜軟糯的紅豆、脆米及富彈性的抹茶蕨餅，十分豐富。朱古力奶昔 - $56幼滑細膩的奶昔富奶香，又有濃郁的朱古力醬，伴隨朱古力碎碎，還有綿密香甜的鮮忌廉。茉莉花茶 - $34清香撲鼻的花香不帶苦澀味且餘韻清新。

行開新都會商場葵芳嗰邊….夜晚順便搵嘢食, 見到頂樓corner位有間都幾特別，咁試吓….見到Menu主打都係食burger、pizza, 食甜品pancake和西餐，新都會嗰度食嘢星期六夜晚一向多人，按飛仔都等咗15分鐘先入得…….入去叫咗兩杯凍飲，一個鵝肝burger同黑松露炸薯條，因為太太有啲唔舒服所以得我食🤣🤣如果下次會叫甜品同Pizza添…. 見到隔籬枱食pancake其實都想食😝但係真係食唔落ar 🤣環境方面都算好乾淨唔太迫（新開嘛😅）食物質素就係幾好，個鵝肝burger 好食，佢用咗士多啤梨汁好惹味，薯條都OK正常發揮….全場一路都坐足九成入座… 唔好都唔會咁多人la 😜

葵芳新都會廣場5樓開咗一間新Cafe ，無論嘢食定環境都好打卡，所以午餐時間都非常之多人，唔少附近嘅打工仔都嚟光顧。今日就試咗兩個午餐再加一個甜品，食完之後都覺得非常之滿足！是日餐湯今日係蘑菇湯，蘑菇味道唔算太濃郁，但口感尚算順滑沙律沙律無沙律醬，感覺非常輕盈健康，沙律亦都有藜麥，增加咗口感👍🏻安格斯牛肉燒菠蘿墨西哥辣椒芝士漢堡配薯條 $135漢堡包非常巨型，幾軟熟，安格斯牛肉非常Juicy，肉嫩多汁。墨西哥辣椒有少少辣味，菠蘿甜甜酸酸，芝士亦都充滿鹹香味，令漢堡包味道層次非常豐富，帶甜酸鹹辣於一身，味道非常特別。薯條熱辣辣，酥脆可口。煎澳洲穀飼西冷牛扒配薯仔&燒汁 $178西冷牛扒叫咗七成熟，煎得啱啱好，牛扒非常之嫩滑，一定滿足到鍾意食牛扒的你！牛味亦都非常濃郁，燒汁亦都同牛扒非常之夾！朱古力奶昔(套餐加$25）朱古力奶昔冇士多啤梨奶昔咁甜，適合鍾意唔太甜嘅朋友！朱古力味濃郁，每一啖都充滿可可味！奶昔口感非常順滑😋士多啤梨奶昔(套餐加$25）粉紅色嘅奶昔粉粉嫩嫩，好有少女感。士多啤梨味非常濃郁，會飲完一啖口腔都充滿着濃郁士多啤梨味。味道就甜咗少少，如果可以少甜啲味道就更好！奇尊粉蝦&

葵芳新都會廣場都開咗The Pantry Cafe！食飯又多咗個選擇,同其他分店一樣，餐廳面積好大，佢裝修都係走小清新北歐風，木色系為主，搭配綠色植物裝飾顯得悠閑又舒適。有啲位仲係獨立小圓枱，非常好坐。中午有lunch set都幾抵食，我哋叫咗個燒鱸魚柳、伴火箭菜嘅柚子意粉。套餐跟是日餐湯,個湯係忌廉薯仔湯,香濃綿密。燒鱸魚柳有幾塊，表層用咗炸粉煎香,外皮香脆,入面魚肉嫩滑多汁。伴有火箭菜增加口感,柚子意粉,酸甜開胃,好解膩。黑松露蘑菇pizza,呈長方形狀，賣相唔錯，份量都非常足夠！底薄香脆,上面鋪滿咗蘑菇同黑松露醬,黑松露味好突出，配上蘑菇同芝士,口感很有層次。叫咗個黑松露芝士薯條解吓口痕，真係非常邪惡！混有黑松露味嘅芝士醬非常惹味，厚切薯條炸得金黃香脆,外脆內軟。最後嗌咗份窩夫做甜品。估唔到好有驚喜！賣相吸引，用咗焦糖香蕉配搭，甜而不膩！窩夫外脆內軟,配料豐富。加上烤杏仁、花生醬同雲尼拿雪糕，口感豐富，非常推薦。

下午茶時間全單半價🫣🫣聽講因為新開，今日帶屋企人去tea✨本身以為tea set半價，點知係全單半價！平日既晏晝黎，坐外面都坐得舒服，又有太陽🌞兩老都食得好開心，對於佢地黎講梳乎就甜咗少少啦😂舖頭嘅員工都好有禮貌，happy tea✨

戶外環境融入室內，柔和陽光下進餐，環境尤如置身大花園中。氣氛優閒恬適，為附近打工仔提供一個舒適午餐時間。午市提供套餐非常多元化，漢堡、海鮮、各種肉類選擇，而且配搭新鮮！套餐配餐湯或沙律，我哋選擇當日餐湯龍蝦湯。口感柔滑，龍蝦味非常濃郁😋🔸燒鱸魚柳，火箭菜，柚子意粉 $158意粉份量好粥，用柚子調味開胃清新。鱸魚柳肉質軟滑，溫度控制剛好，係夏天一道清爽菜式。🔸煎澳洲穀飼西泠牛扒配燒薯仔 燒汁 $178五成熟牛扒，冇任何血水，煎得剛剛好。牛扒無筋，肉質保持鮮嫩，肉味濃，輕輕用鹽調味已經好好食。🔸忌廉青口 $79超濃厚白汁忌廉，每啖青口都充斥鮮甜奶油香。拌碟嘅脆麵包係精粹所在，沾上白汁忌廉非常惹味。🔸 tiramisu pancake $122餐廳甜品係主菜，我哋有另一個胃去品嚐最招牌嘅pancake。本身鍾意食tiramisu，將兩者融合，係天作之合🌟 因為即叫即做，要預30分鐘前落單。pancake 鬆軟有彈性，入口香濃蛋味，值得留肚食。

這間位於葵芳新開的【The Pantry Cafe】，主打西餐，餐廳在商場內，環境開揚，適合女士們聚會打卡的好地方。烤雞扒牛油果煙肉溫泉蛋羅馬生菜沙律羅馬生菜表面舖上了牛油果及雞扒，再灑上芝士碎及煙肉等，拌上溫泉蛋後更清新開胃。Salmon Tacos墨西哥餅中間夾著蔬菜及三文魚，加上牛油果醬等，十分惹味。燒肉汁慢煮牛面頰肉意大利飯牛面頰炆至肉質鬆化，肉味濃香，意大利飯煮至略有咬口。意大利香腸薄餅配乳酪醬薄餅餅底香脆，表面舖滿了咸香味十足的意大利腸及芝士，可加上乳酪醬更添風味。

The Pantry Cafe寬敞明亮，透過落地玻璃窗，享有開揚景觀。室內裝潢採用木材質和大地色調，散發清新舒適的氛圍，除了餐桌座位，還有寬敞的沙發休憩區，加上植物綠化，營造輕鬆的用餐體驗，適合週末小憩的咖啡廳。 Salmon Risotto Bowl 168(烤三文魚，溫泉蛋，甘藍葉，玉子豆腐，本菇，味噌梅子汁)三文魚鮮美香氣，與濃郁的意大利飯非常配搭。魚皮脆卜卜，入口魚油豐沛，肉身綿嫰，把的意大利飯拌勻柔嫩的溫泉蛋，啖啖窩心! 玉子豆腐和本菇增添清新風味，甜酸的味噌梅子汁令人開胃，口感細緻誘人。白酒煮青口 79青口肉質鮮嫩、肥厚，完全浸泡在白酒忌廉汁中，帶白酒的清香。把香脆的蒜蓉包沾上忌廉汁，滿滿奶油香氣，食指大動。安格斯牛肉漢堡 99巨型漢堡，餡料豐富，麵包皮濃郁牛油香，牛肉的油潤感，誘惑味蕾。大口咬下去，搭配上炒羊蔥、蘑菇和半溶芝士，層次豐富，愛上啖啖肉的口感。Pink Strawberry Pancake 125(Ricotta 厚班戟，新鮮士多啤梨，士多啤梨忌廉和醬)賣相十分誘人，厚班戟的鬆軟，綿密的蛋香，倒上香甜的的士多啤梨忌廉，令人垂涎。酸甜的草莓果醬，中和班戟的奶香，

葵芳新都會廣場都開咗The Pantry啦！呢間嘅西餐都幾有質素架。餐廳嘅裝修環境好靚，非常悠閑，令人感覺舒適。有種小清新嘅感覺，仲好岩打卡。Salmon Tacos用咗玉米脆餅夾住烤一口三文魚。加上青瓜、蕃茄莎莎、牛油果醬、酸忌廉同埋羅馬生菜，仲有蜜糖是拉差醬添。個三文魚烤得啱啱好，外面微微焦香，入面仲係半生熟嘅，好鮮嫩。口感層次豐富又清新！牛油果雞肉沙律，有烤雞扒、牛油果、煙肉、溫泉蛋同埋羅馬生菜，上面淋咗蛋黃沙律醬。個雞扒烤得香噴噴，啲煙肉又香又脆。將溫泉蛋撈埋沙律一齊食，口感層次豐富好味。墨魚汁意大利麵，意粉Q彈掛汁，色澤黑亮，上面加咗配菜番茄莎莎好有視覺衝擊。配合豐盈沙律醬汁，勁creamy。漢堡都好出色，安格斯牛肉配楓葉漿煙肉同芝士嘅。牛肉餅厚厚實實，多汁又嫩滑，配合楓葉漿煙肉甜中帶鹹，同個芝士融合得好好。最鐘意系煙肉夠香夠脆口。

Dinner with my mom 葵芳新開幾日嘅餐廳，新張優惠八折最後一日，即刻衝入去試，牛扒、pancakes waffles 、pasta、burger、potato chips、all day Breakfast全部都係我至愛，好癲咁樣兩個人嗌咗四樣嘢，埋單八折咗之後五百幾蚊，我認為今餐真係超抵食，牛扒嫩滑熟到啱啱好，燒蔬菜配搭非常好，意粉彈牙好味，All day Breakfast香草腸味道好特別好濃，店員好有禮貌地方坐得都好舒服，上菜速度好快，就算限時90鐘，我哋都足夠時間慢慢享用，我會推介大家去食