Tipsy burger (已結業)

公司附近數月前開了一家小店，特創酒精版本微醺漢堡，貪新奇的我怎可錯過餐廳設有堂食座位及吧台，每天四點後為歡樂時光設有四款微醺漢堡分別搭配不同酒精，酒精敏感的朋友可以選擇無酒精版本，另有野菜天婦羅漢堡供素食人仕選擇燒酌韓式豬腩片漢堡上插有裝了酒的滴管可自行加入酒精，肉汁豐盛啖啖肉加$18可升級為套餐，配有薯條及非酒精罐裝飲品另加$30飲品可轉香港手工啤酒！是L但IPA口感清爽，飲出松葉及柑橘味小食忌廉芝士蘑菇釀雞翼帶淡淡炭烤香味，惹味十足

I'd like to have the Chess chicken wing!!This is crazy delicious for me and I justify it for signature on Tipsy burger! HAHAthe upgrade burger set have the French Fries and beverage. I ve the Chicken burger with alcohol!when you bite your burger fully spicy and fresh!The chess chicken wing super delicious in chess and meal inside!pls improve the clean environment for future better 😚😚

鰂魚涌向來多高質小店，今次試的漢堡店唔止高質真心仲可媲美酒店級。見到佢地有alcohol 系列的burger, 價錢都只係貴5蚊，即叫！Tuna Vodka-包係有烤焗過的，口感UP外亦冇咁易變淋，讚！- 第一次食海膽醬的burger, 估佢唔到咁撘。牛油果醬亦多到就嚟漏出來-Tuna 非常新鮮，每塊都大大舊，overall 加埋Vodka 的微燻清香，好有驚喜蕃薯條-可以話係姐人生食過top 3的蕃薯條！每一條都十分厚切，係大滿足的口感-蕃薯好甜，並唔係砂糖的甜而係蕃薯自己的甜Gin Nachos with avocado -好清新的小食，無論avocado 定係蕃茄都好多-nachos 的份量亦唔小，好脆，每塊都有調味，餸啤酒一流

又係Happy Friday既時間,同事好有興趣一試呢個打卡威士忌burger咁就黎一試啦,十二點半放飯行出黎好彩唔洗等位,點餐係直接行去Cashier落單後就可以坐定定等野食,所有野食都係即叫即整唔會凍冰冰我叫左個$88雙重芝士手打牛肉漢堡另加$18有薯條同埋非酒精罐裝飲品,聽到店員話好似另加$10可以轉做芝士薯條,罐裝飲品大部分都係汽水,我就揀左西柚味汽水,小食我就買左個$78六件忌廉芝士蘑菇釀雞翼雙重芝士手打牛肉漢堡雙重芝士就係漢堡入面除左有兩片芝士外仲另外加左芝士醬,愛好芝士既朋友真係要試一試,牛肉亦好足料大大塊,入面既配料除左應有既蕃茄生菜仲有京蔥同個漢堡都好夾,口感幾爽跟餐既薯條都唔馬虎,食得出係啱啱炸好辣手既,上面灑上左淮鹽十分惹味,另外點埋茄汁就無咁熱器喇,同埋值得一提既係啲薯條係有薯皮架,係堅薯仔忌廉芝士蘑菇釀雞翼呢個真心好好食,雞翼已去骨,釀埋芝士同蘑菇喺入面真係無得輸,上枱都係熱辣辣既,同埋雞翼入面仲有肉汁好juicy同事們都係愛酒之人,所以就叫左$93威士忌雙重芝士手打牛肉漢堡,我都借黎影左張總括食物質素唔錯,有心做好既,樣樣都係新鮮熱辣整出黎

大家有無食過加入酒精嘅漢堡⁉️我都係第一次食咋原來呢種叫「微醺酒精漢堡」「ʀᴜᴍ ᴄʜɪᴄᴋᴇɴ ʙᴜʀɢᴇʀ」我揀左加了ʀᴜᴍ酒嘅雞堡‼️一嚟到，麵包脹卜卜，好完美鬆軟而不黏口～～有支ᴅʀᴏᴘ就係ʀᴜᴍ酒嚟㗎插咗落塊雞扒度，我差唔多唧哂成支但酒味唔算好突出，唔甘心之下，就將滴落包裝紙內嘅sᴀᴜᴄᴇ倒係包上面，終於都食到ʀᴜᴍ酒嘅味道，味道好有層次，有椒麻味、秘製沙律醬，再加埋ʀᴜᴍ酒，味道出加地好夾酒精濃度唔高唔飲酒嘅人都一定ʜᴀɴᴅʟᴇ到！薯條係粗薯，炸到外層夠脆，中間是滿滿的薯仔蓉「忌廉芝士磨菇釀雞翼」呢個小食就有啲膩忌廉芝士再加埋雞皮嘅油膩感，真係食一件就夠了❤️都係ʙᴜʀɢᴇʀ & 薯條出色啲❤️

上網見到好多人試食呢個酒味burger，酒味都幾香幾特別，一於嚟到鰂魚涌試一試！睇吓係咪真係咁好食！🍴威士忌雙重芝士手打牛肉漢堡 $93 (7.5/10)burger都好有份量，好厚身，個口一啖係食唔晒！入面有生菜，紫椰菜，葱，蕃茄，芝士，牛肉餅，千島醬。麵包有煎香過，甜甜地，都幾鬆軟！另外有支小嘅威士忌汁，可以灑上去burger度食，一次過就灑晒落去，食落酒味一啲都唔香濃，好淡，食到酒微微苦澀味，牛肉冇牛肉味，肉質比較散同淋身，食得出自己手打，帶有香濃嘅黑椒味，煎得唔乾身，食落唔會太乾，千島汁蕃茄都有水份，但唔會太濕，整體感覺都有啲失望，未到好好食，但OK中上，食得出材料新鮮，同埋有心去做，但酒味真係唔夠濃，就冇咩驚喜。🍴薯條 非酒精類飲品 跟餐加$18 (7.5/10)薯條即叫即炸，外脆內軟，比較粗身有口感，食得出用新鮮薯仔，有薯味！🍴忌廉芝士磨菇釀雞翼 $58 4件 (8/10)反而呢個幾有驚喜！雖然雞翼煎燶咗，外脆內軟嘅，但入面蘑菇芝士幾香濃，好重芝士味，磨菇有口感，雖然釀得唔多料(雞翼所限)，但真心幾好食！覺得雞翼仲好食過burger😆推薦指數: 7.5/10整體質素都唔錯，

一直老婆都唔鍾意我飲酒！直至有次老婆話佢閨蜜介紹哩間新開老細好nice 先嚟食下！位置唔多 我哋買走喺公園食順便拍下拖同老婆。酒味嘅包 有蔬菜同肉 零零舍舍見到有支嘢插住喺中間其實係酒！要幾醉落幾多！食完就唔好揸車住！

今次真係唔寫食評唔得，因為個天婦羅素菜漢堡真係超超超級好食，仲要大件夾抵食。呢間漢堡店之前開張嗰時，我已經嚟試過一次，因為我本身唔飲酒，所以上次揀咗無酒精嘅和牛漢堡，新鮮熱辣辣又足料，塊和牛大大塊又多汁，都好正好好味。今次再嚟發現加入咗一款新漢堡，就係天婦羅漢堡，呢款漢堡都係無酒精嘅，所以我就決定試下。一試之下真係超驚喜，真係好好味！漢堡入面有好多材料，有茄子、金針菇、啡菇天婦羅，外脆內多汁，配埋紫菜同埋微甜嘅芝麻醬，真係超正呀！小食方面，都係一貫出色，同朋友一齊叫咗忌廉芝士蘑菇釀雞翼、芝士醬薯條同蕃薯條，全部都好味。大推釀雞翼，惹味之餘內餡又creamy，食唔停口呀！另外嘅薯條同蕃薯條都幾香脆好味，不過份量對我嚟講真係太多。整體嚟講，真心值得推薦，漢堡店嚟講真係有水準得嚟又抵食。

放假去左港島行下，見開飯有介紹過呢間漢堡店特意黎試下佢，地店唔難搵嘅，附近勁多野食，但唔知係咪長假期唔開門呢？條街都幾靜唔多人食野喎。漢堡店當然係賣漢堡包啦，但呢店啲包有兩類型，普通型同有酒精型，基本上每款包都有呢兩個組合。除左漢堡包，仲有幾樣小食，飲品就暫時得汽水，有得酒精漢堡，遲下應該有埋酒精飲品掛？今日呢就試左雙重芝士和牛漢堡，正如包名，入面真係爆芝士，多到漏出黎，芝士味十分強烈，愛芝士人士一定鍾意啦。塊漢堡扒好多肉汁，食落係香口嘅，不過美中不足有少少筋。個包軟綿綿，又有生菜蕃茄咁，其實真係好味噃，唔知有酒精版會係咩味呢，下次黎試下先。薯條即叫即炸好香脆，仲係粗身條條黎，薯味會重啲㗎，搵個杯咁插起身又幾好睇，份量仲唔少添。飲品就有可樂，七喜等，揀左罐+C，純粹因為屋企人好少買呢隻黎飲，本身對呢罐野無乜喜好。人均消費約一百蚊，正常漢堡價啦，不過個包係高質嘅，算係物有所值。

👍🏻威士忌雙重芝士和牛漢堡 $93創新有特色嘅微醺酒精burger！酒精版嘅burger會插住枝裝咗酒嘅dropper比客人自己吱落burger度食得又玩得，又可以打卡，幾過癮😆我地無落哂成枝，whiskey嘅酒味唔會好重但啲酒集中哂係包底，食到最尾酒味會濃啲同有啲苦味和牛漢堡生熟啱啱好，keep住粉嫩，大塊厚肉好juicy👍🏻口感軟腍無筋，食到牛味同淡淡黑椒味麵包搽上牛油烘過，口感鬆軟，好香牛油味夾住紅菜頭、蕃茄、生菜同少見嘅京蔥半溶芝士混埋肉汁同千島醬，爆哂汁好好食🤤好厚身好大份，女仔抹大個口嚟食都一啖食唔哂味道：8/10性價比：8/10-👍🏻朗姆酒椒麻香脆雞堡 $73炸雞大大塊好厚肉，外脆內嫩，嫩滑多汁雞肉略嫌醃得偏淡，外皮上亦無味粉調味，主要靠醬汁醬汁係蜜糖芥茉混秘製青醬，味道有啲似薑蓉幾fresh😛雖然個名有椒麻兩隻字，但唔係好食到辣味😂因為炸皮唔太吸收rum酒，拎起會流返出嚟加上好多肉汁同醬汁，食起嚟都有啲論盡呢hea好在餐廳提供埋紙巾同搓手液😙一樣好大份，女仔未必食得晒味道：7/10性價比：8/10-👍🏻忌廉芝士磨菇釀雞翼 $58/4隻推薦！雞翼去骨，肉質juicy唔乾身

難得👦🏻接收工，為咗趕得切堂食，今次👦🏻👧🏻就近近地試下新開咗幾個月嘅Burger店🍔。Tipsy Burger最特別就係Burger入面竟然可以有酒？含酒精嘅Burger會唔會令大家飲飽食醉呢🤪？🌟Whiskey Burger威士忌雙重芝士和牛漢堡Whiskey Burger嘅和牛味係超級！超級香🤩！漢堡包有搽上牛油再烘脆，非常鬆軟。和牛漢堡充滿肉汁同油脂香，加上雙層芝士🧀，真係邪惡😈！咁多層配料夾埋一齊，👧🏻就冇咁大個口，一大啖食唔曬都算，仲要食到跌曬餡料超狼狽😣。至於酒味，可能因為和牛漢堡烹調時令酒味揮發/食食下習慣咗陣味，Whiskey味只有喺食第一啖時感覺到🥺。除咗Whiskey，包面仲插上迷你Test Tube，內含特調嘅Cocktail，可以吱入Burger增加酒感😝 (👦🏻👧🏻決定吱啲喺餡料+直接吱入口🤣)。🌟Rum Burger 朗姆酒椒麻香脆雞堡本來咁椒麻雞堡仲以為佢係辣辣地，其實佢只係重花椒+香料+(芫茜!?!)香味，的確係幾惹味，Rum同樣唔算明顯😗。炸雞🍗大大塊，裹上麵包糠。連埋其他配料eg 生菜🥬、蕃茄🍅、紫椰菜💜，食完都唔會覺得Heavy🤩。

去開鰂魚涌，見到新開的漢堡包店，所以入去試吓，叫咗個午餐，雙層芝士和牛漢堡，和牛肉質豐富，個包好軟熟👍🏻👍🏻👍🏻，薯條好大份，熱辣辣，加無糖汽水，好抵食😋😋😋

鰂魚涌太古坊一帶勁多嘢食，選擇又多，附近返工朋友或者weekend 想嚟chill吓都有高質素享受，實有一款啱你💁🏻‍♀️新開無耐店如其名Tipsy Burger 🍔 特別嘅地方可揀含酒精漢堡，究竟係點？食完會唔會醉？ Combo set都幾抵食，加$18有薯條及非酒精飲品，加$28可揀烤蕃薯條或牛油果醬玉米片，同樣配非酒精飲品👍🏻◽️雙重芝士和牛漢堡 $88◽️威士忌雙重芝士和牛漢堡 $93幾鍾意佢包住🍔設計，唔易漏出醬汁沾到手指🤗一啖啱啱好食到鬆軟麵包豐富配菜半溶芝士和牛🤤醬汁惹味配埋爽脆配菜，減膩感依然開胃‼️另外威士忌雙重芝士和牛漢堡會連埋裝住威士忌嘅小試管，食之前自行加入🍔有得玩有得食🧚🏻‍♀️🧚🏻‍♀️原來味道都幾夾，層次豐富咗亦提升牛肉鮮味，好特別值得一試👏🏻👏🏻◽️忌廉芝士蘑菇釀雞翼 $58/4pc必試小食💁🏻‍♀️啱哂我呢啲懶人啖啖肉，雞翼釀入忌廉芝士蘑菇，好食到停唔到口🤤

行到餓餓地去附近搵食，星期六原來幾多舖頭唔開門，見有間漢堡店新開張，藍色主色幾靚咁，睇下餐牌又幾特別，試下佢先。餐牌有兩類漢堡，有酒精款同無酒精款，仲有幾樣小食，飲品就得汽水。自助點完單就可以揀個位坐，小店約有十個位，主打外賣。叫左呢款無酒精嘅天婦羅漢堡，轉左做餐跟薯條同汽水。漢堡脹卜卜好大個，即叫即炸熱辣辣，入面夾左金菇、茄子等天婦羅，十分香脆，加埋紫菜、青瓜等爽口又清新，醬汁係甜甜地嘅芝麻醬，麵包軟綿綿重牛油香，係高水準之作，好好味。薯條同樣即炸很脆口，粗條重薯味，好味噃。如果跟餐小食有其他揀更好，同朋友一人一個餐，太多薯條有啲膩。飲品只有汽水選擇，都幾多口味，揀左呢罐西柚汽水，店家用環保飲管值得一讚。天婦羅漢堡轉做餐$96，唔使加一又有位坐，抵食吖～下次想試下有酒精嘅漢堡，唔知咩感覺呢？

尼排因為疫情WFH，食來食去都嗰幾間 開始有啲厭。。。咁啱今日同frd出街經過見到間新嘢，決定試下嗌咗個牛脷芯burger加套餐B，有埋蕃薯條&汽水，frd話有啲飽 淨係想食魷魚鬚，最尾兩個人around $150埋單都幾抵食魷魚鬚好好味Burger set味道整體偏甜，可能因為個包底用牛油烘過，加上蕃薯&汽水都係甜。牛脷芯份量出奇地多，蕃薯條都多，性價比幾高我本身唔食洋蔥&京蔥，所以想全走啲配料，但店員好貼心，畢咗幾條京蔥分開裝 話極力推介夾埋一齊食，俾我自己決定加唔加，可以試下個味道有無唔同結果我加咗兩三條，又真係出奇地夾&好味希望佢哋持續都會有啲新嘢推出我應該會再返轉頭試埋有酒嘅burger 😋