影片
港铁青衣站 F 出口, 港铁青衣站 G 出口, 港铁青衣站 A2 出口
继续阅读
营业时间
今日营业
11:30 - 20:00
星期一至日
11:30 - 20:00
公众假期
11:30 - 20:00
公众假期前夕
11:30 - 20:00
以上资料只供参考，请与餐厅确认详情
相关文章
店長都無心做咁，外賣單等左半個鐘，問一句就話做好會拎出嚟，但係做嘢仲施施然，跟住見佢廚房包好左都特登唔拎出嚟，等咗佢5分鐘，要我問多次先肯入膠袋拎俾我，問佢既時候仲態度勁差講轉頭拎比你。唔會再幫襯。
继续阅读
之前去食NeNe Chicken，只有炸雞買，沒有這個吐絲賣，所以我都分唔到究竟佢哋係咪同一間舖頭，頭先我係外賣返屋企食嘅。凍咗少少，但還是很香口，值得推介。如果下次再食的話，我可能會喺青衣城二期的公園外坐下來食，咁樣即食會更加香口，同埋會望住大草地感覺都好relax。舖頭隔離都有台式飲品賣，所以我覺得係等待吐司嘅過程都可以去望一望隔離台式舖頭的飲品。舖頭樓上就係戲院啦，所以睇完戲嘅朋友都可以考慮呢一間小食。
继续阅读
星期六12點黎買個炸雞吐司，其實50幾蚊60都唔算好平，但諗住試下啦，埋完單話要人等20分鐘先有得拎，明明冇乜人過左20分鐘比單有個男職員拎外賣，佢對完張單比外賣我，多謝都冇聲，算啦，諗住拿拿臨番屋企食晏番到屋企打開個袋點知發現佢比左個平d既薯餅吐司，跟住打番去同佢講叫佢換番，又要仆番去換去到換，同一個男職員又係黑面，唔好意思都冇聲，淨係好似想你快d走咁前前後後搞左成粒鐘先拎到件岩既吐司，d人仲要無禮貌咁，真係唔會再幫襯
继续阅读
好掛住喺韓國掃街既日子🤤🤤而家又未去得韓國住，唯有買 Toast Luck既吐司同小食思思鄉先🇰🇷🇰🇷🍱韓風戲院小食盒 $108✨呢款係新推出既小食，包括有炸熱狗2件、香腸年糕串、滋味波拼盤同初雪薯片～～熱狗可以自選口味，我就揀左芝士脆薯同芝士初雪炸熱狗😋😋熱狗即叫即炸🔥，咬開仲有芝士拉絲🧀！超邪惡！！而滋味波拼盤就有芝士波、牛奶波、朱古力波同芝士通心粉波各一❤️❤️口感外脆內軟，煙煙韌韌幾好食👍🏻👍🏻🥪香脆炸雞吐司 $57✨賣相豐富！包括有炸雞、粟米蛋、車打芝士、酸瓜同椰菜絲等～～炸雞外皮香脆，肉質嫩滑！加上芥末醬同甜辣醬🌶，好惹味🤤🤤🥪墨西哥芝味煙肉薯餅吐司 $54✨呢款都好受歡迎！包括有薯餅、煙肉、粟米蛋、水牛芝士同nachos芝士醬等～～薯餅外脆內軟，炸得好香口！同其他配料一齊食口感好豐富❤️❤️飲品方面，我地揀左西柚梳打($21)愛文芒果沙冰($27)～～西柚梳打酸酸甜甜，飲完好解渴👍🏻👍🏻愛文芒果沙冰口感綿密，芒果味好清新！唔錯😋😋
继续阅读
平時都好少去青衣城，原來青衣城二期商場都有很多餐廳。呢日就去咗這間韓國菜外賣店，買外賣上朋友屋企食。呢間店係正NENE Chicken門口，而且重有多款韓國街頭小食和我最愛的韓式吐司。.💕韓風戲院小食盒 $108包括任何口味炸熱狗2件、2份香腸年糕串或滋味波拼盤，重有初雪薯片。.🌭蒜醬初雪炸熱狗 & 芝味初雪炸熱狗熱狗前半段係🧀cheese，而後半段係脆薯香腸。🧄蒜醬和🧀芝士味兩款都很吸引，前者蒜香十足，十分惹味；後者芝士味夠香濃。.✨滋味波拼盤可以食晒牛奶波、芝士波、朱古力波、芝士通心粉波四款口味。食落口感有點似麻薯波波，外邊煙煙韌韌，入邊軟心。個人最喜愛🧀芝士通心粉波和🍫朱古力波，前者芝士味好香濃，有流心的感覺；後者朱古力味濃郁，又不會太甜。.🥔初雪薯片 份量不少，口感非常香脆，食落帶韓式香甜味和芝士味。.🥪深海牛油果吐司吐司套餐 Set C $70 (增量蔬菜+$6)吐司好足料，塗上牛油再香烤，食落外脆內軟。入面🦐炸蝦餅，食落香脆彈牙；而🍳煎蛋重放有粟米和蟹柳。另外，配上惹味🧀芝士、新鮮🍅蕃茄、酸瓜、🥬生菜、椰菜絲和🥑牛油果醬，真的很健康，同時中和了油膩感。.🥭愛文芒沙冰 不同吐司套餐配搭不同飲品都不同價錢，芒果果味濃郁，飲落透心涼，好適合夏天。.🥪香脆炸雞吐司 吐司套餐 Set C $79 (增量蔬菜+$6)這個款式同樣充滿驚喜，🐥炸雞扒新鮮炸起外脆內嫩，咬落juicy。再配上芥末醬、甜辣醬，真是不敗的配搭。另外，重有🍳粟米煎蛋、🧀芝士、酸瓜、🍅蕃茄、🥬生菜、椰菜絲，食落口感好豐富。.🍓士多啤梨奶昔 奶昔口感順滑濃厚，士多啤梨味好清甜，而且顏色很美。
继续阅读