Tommy Yummy (The LOHAS康城)

营业中

休息中

喺日出康城嗰度見到有間泰式嘢,個裝橫都好靚, 好有度假嘅感覺,我去咗佢嗰度食早餐,一個係雞扒窩夫, 一個係豬扒窩夫,兩個都整得幾好味, 啲肉煎得嫩滑,佢個窩夫係類似壓扁咗嘅牛角包, 係酥皮窩夫, 同平日嗰啲唔同.跟住嗌咗泰式奶茶, 泰式奶茶同我哋飲開嗰啲唔同味道嘅, 係甜少少, 但都係好飲.

朋友推介話好食，諗住同老婆睇完戲諗住去食，本身睇OpenRice佢營業時間星期日係去到10:30，咁我睇完戲過到去食應該差唔多仲有時間，大多我9:15去到門口嘅時候佢已經放咗個牌寫住今日營業時間結束🥴🥴明明仲見到隔籬個牌寫住21:45 last order，last order時間都未到已結束營業時間

見1-2人個排隊number長期唔轉好聲好氣問d staff第一個staff話幫手問下然後人影都唔見第二個staff又係d 勁hea態度勁臭串話係咁架啦 等下啦然後淨係比大枱d入入唔想做1-2人生意咪出聲囉唔好嘥人時間排隊

康城商場入面食飯嘅選擇一向不多，今次就試吓開業幾個月嘅新派泰國餐廳，見到佢入面裝修新淨，而且座位都算闊落，另外價錢喺將軍澳區內亦唔算特別貴，每樣主菜大約$100-200 左右我哋今次叫咗三樣食物，第一樣係屬於前菜類別嘅八爪魚沙律，八爪魚以燒烤方式煮熟，保留住八爪魚嘅鮮味同時有燒烤嘅香味，佢嘅沙律汁亦都非常開胃。第二樣叫嘅係黃咖喱軟殼蟹，咖喱汁係泰式帶有雞蛋嘅做法，鹹度辣度適中，送飯一流，而軟殼蟹嘅炸粉亦唔會太厚，係值得推薦嘅一道菜。最後嘅一樣食物係甜品，芒果乳酪刨冰，味道亦都拍得上泰國著名甜品店嘅出品。今次我哋一行二人分享三樣嘢食，都算夠飽，下次會再嚟試吓其他食物

每星期日帶阿女溜冰經過都好想試，今日終於同老公兩個人試到喇。我地叫咗2個晚餐，一個係燉牛小排面頜飯，一個炒金邊粉，再叫咗泰式奶茶同斑蘭梳打，嘢飲啱晒打卡之餘都好好味好有heart. 環境座位好舒服，食物睇得出好用心製作。牛小排面頜燉飯好"林",好重牛味，味道好好。最驚喜係奶茶，用個樽仔裝住，杯裡面一塊葉形嘅冰，冰裡面有塊葉。平日行過見到門口個牌有榴槤糯米飯，不過今晚太飽，無試到任何一個甜品，留待下一次再試。

今日嚟到康城食泰國菜，門口見到lunch幾抵食就入咗去，餐廳環境裝修好靚，有泰國風情🇹🇭每個位都坐得幾舒服😌午餐選擇都幾多，我就揀左自選粉面，可以揀三樣餸，我就揀咗牛肉豬頸肉通菜冬陰功粉絲，另外加左錢要泰式奶茶🥤冬陰功湯底不算好濃，偏淡，不過粉絲掛左湯都幾入味😋牛肉同豬頸肉味道正常，份量都算足料😝反而泰式奶茶surprise到我，賣相加好多分，味道都幾正宗😆總括嚟講，味道正常，環境一流

星期六及日才開早市 店舖環境非常舒適，職員服務良好但一人分身多角。早餐價錢實惠(但要加一)。QR code自助落單牛肉可選船湯／冬蔭公湯 點選了船湯船湯味道可口，炸豬皮有水準 .食了元氣滿滿

最近去咗 Tommy Yummy (The LOHAS)試咗佢哋新出嘅「泰式斑斕奶凍」，賣相真係靚到唔捨得食！我當然要打卡同埋享受咗一個超甜美嘅下午茶啦，分享俾大家睇下：🍮泰式斑斕奶凍呢個奶凍真係夠哂靚！中間係綠油油嘅斑斕pudding，旁邊有一圈香滑嘅乳酪，仲加咗脆脆同埋啲藍莓、士多啤梨，顏色繽紛到爆！味道仲好清新，超好味！🍵泰式奶綠（凍）呢杯泰式奶綠帶有淡淡嘅芋香同香蘭味，冰凍後飲落好解渴，唔會太甜，perfect配埋個奶凍！...📝Tommy Yummy (The LOHAS康城）地址：將軍澳康城路1號The LOHAS康城3樓352A號舖

❣️超級推薦呢間泰式cafe嘅甜品，將泰式食材元素結合西式甜品，每一款甜品都好高質😋擺盤超有心思🌸味道goodgood🫶🏻推薦芒果乳酪疊疊冰🥭芒果糯米飯🍚泰奶忌廉雪糕牛角包窩夫🧇🌟芒果乳酪疊疊冰 $118 ‼️超級推薦 ‼️招牌必點，一次過食到鮮芒果肉、芒果乳酪雪糕磚同埋綿綿冰、最特別嘅係綿綿冰中間有糯米飯！🥰🌟泰奶忌廉雪糕牛角包窩夫 $78賣相💯🫶🏻泰奶雪糕香濃，茶味好出🧉即焗waffle🧇配上綿滑鮮忌廉，三重滋味👅🌟芒果糯米飯椰子雪糕 $88🥭芒果非常香甜🍚椰汁糯米飯入口好軟糯🥥椰子雪糕清甜可口，食落唔會太甜太漏😋

話說十一國慶早上周圍早餐都排長龍，見Tommy yummy未食過就諗住試下，係自助scan QR code落單，我地叫左三個早餐，上餐都好快，食物質數都唔錯，尤其格仔多士幾特別。待應送來凍咖啡，我隨手想拎起之際，唔知點解隻玻璃杯爆裂打碎了，咖啡倒至枱上流向對面，待應反應好快叫我地先起身，就用地掃幫我抹乾地下的㗎啡，及清理枱面，好快攪掂後坐低繼續食，過左一陣，待應就送上另一杯凍咖啡給我，全程好有禮貌。再隔一星期假日又到此光顧，仍然感受到待應的殷勤服務態度，康城食肆黎講，呢間我一定會繼續幫襯~~

第一次幫襯，店舖環境非常舒適，感覺悠閒。職員服務十分良好。下午茶套餐價錢實惠，包飲品每位大約$58-$78，仲有優惠價加配小食。有實體menu睇，再用QR code自助落單。兩個人點選了3個餐，賣相佳又好吃，食得好飽。1.自選湯麵$68：可選船湯／冬蔭公湯、3款餸及自選麵。很久沒吃船麵了，點選了船湯、牛丸、豬皮、芥蘭配河粉。船湯味道不錯，炸豬皮更有一碗份量，份量十足。2.清邁咖喱豬頸肉金麵$58：有驚喜！面層有炸脆的麵條，下層有椰香咖喱的撈麵配豬頸肉。賣相和味道俱佳。3.奶茶雪糕忌廉牛角窩夫$68：奶茶雪糕很好吃。脆米令食物味道更有層次，淋汁的奶茶醬隨意添加，不錯。跟餐3杯飲品，難得凍飲不用加錢，選了斑蘭梳打、薄荷青檸梳打及奶綠奶茶。味道正常，如果不喜牙膏味的不要點選薄荷。熱飲款式只有咖啡和玫瑰茶，如果多些熱飲選項便好了。值得一提的是，幾位店員服務良好又勤快，最初點餐時我忘了寫甜品後上，結果甜品一早送到，職員主動表示不如稍後再次送上甜品。最後，付款時加$20買了斑蘭小蛋糕，職員亦主動提示產品存放2天因不加防腐劑。整體用餐體驗良好，會再來。

我自問真係見識少，人生未食過有芒果皮嘅芒果糯米飯。價錢仲要成$44，已經係半價優惠，原價$88。仲要唔知塊芒果皮有冇洗過，就咁擺上舊糯米飯上面！成件事好癲！究竟有冇人可以話我知，芒果糯米飯裡面應唔應該有芒果皮！本身滿懷期待試食甜品，點知係伏嘅……

Tommy Yummy 是一家充滿熱帶島嶼風格的泰式休閑咖啡店，它給人一種渡假風情的感覺。🦀黃金蛋咖喱軟殼蟹$158🧇奶茶雪糕忌廉牛角窩夫$68🍋‍🟩泰國青檸手標茶（凍）$50黃金蛋咖喱軟殼蟹$158。這道菜結合了咖喱的香氣和蟹肉的鮮甜，特別推薦給愛海鮮的食客。另一道必試的甜點奶茶雪糕忌廉牛角窩夫$68。這款窩夫的面層鋪滿了自家製的泰式奶茶雪糕球，混合著濃濃的煉奶香氣和紅茶的香氣，中層是幼滑的忌廉，底部是香脆可口的牛角包窩夫，每一口都帶來冰涼與溫暖的交融感。如果你喜歡清新的飲品，不妨試試他們家的泰國青檸手標茶（凍）$50。這杯茶清新怡人，帶有泰國特有的青檸風味，消暑又開胃。如果你想體驗一場美食之旅，不妨來 Tommy Yummy，讓他們的泰國菜帶領你探索味蕾的奇妙世界。

❣️康城呢間泰式餐廳裝修得非常吸晴，鋪面裝飾主打泰國渡假風主題🏝️ 啱曬打卡📸 當日比個半價榴連糯米飯優惠吸引咗入去食，試咗佢個Lunch Set & Coffee，發現小食串燒最有驚喜🤩🤩，冬蔭功🌶️🍜同埋Pad Thai 🥘味道亦都唔錯，值得一試👍🏻❣️Lunch Set 跟一款小食，可選木瓜沙律🥗/香茅雞中翼🍗/泰式蝦餅🦐/泰式魚餅🐟，另跟一杯飲品🍹，有泰式咖啡☕️/奶茶🥤/梳打🧊/水果特飲🧉等等‼️推薦小食沙嗲雞肉串‼️沙嗲味超香雞肉好嫩好juicy😋🌟冬蔭功鱸魚片金邊粉🌶️ $82冬蔭功湯酸酸甜甜🍜，辣味唔會好重，好開胃，魚片份量較小，金邊粉煮得偏諗🥢🌟泰式豬頸肉炒河🐖 $92炒河幾惹味，整體味道偏甜口味，豬頸肉嫩口彈牙😋

個人感覺泰餐本該是最不容易做難吃的菜系，並且Tommy Yummy還是連鎖店應該品質統一管理，結果第一次讓我吃到面部表情都猙獰的泰餐，主打不把客人鹹死不罷休的態度，以下菜品review按難吃程度先後順序排列：生菜碎肉包-豬肉碎裡猶如放入了一公升的檸檬濃縮液加一噸的鹽，此外沒有其他味道，入口那瞬間，即使有生菜加持降低味蕾的衝擊，我的幾十年抬頭紋魚尾紋法令紋都還是為它全部打結成一團冬陰功湯-高科技料理包味+一噸鹽，只配一支大蝦和切片合起來不超過兩粒的草菇空心菜-正常炒空心菜+一噸鹽冬陰功海鮮義大利麵-能吃下口，但和冬陰功毫無關係綠咖喱雞肉薄餅-雞肉吃起來都是雞胸肉部位，綠咖喱正常水平，薄餅是類似超市速食的手抓餅但卻不酥脆非現做的感覺，一般吃到搭配咖哩的薄餅是印度饢那種類型的餅蝦片-居然有泰餐廳蝦片不是送的飲品-兩款蘇打水，斑斕口味的感覺化學品倉庫被打翻太過難吃甚至沒拍一張照，自然不會有下一次