Triple O's by White Spot (已結業)

周末要在新城市搵到一間食店夜晚唔洗排隊是接近沒有可能的事﹗已經六點半就開始周圍找野食，點知全部食店都係已經排緊隊，咁岩經過呢0的有張吉台，飛到咁坐低﹗今次點左一個磨菇漢堡餐，再加多個雞條﹗上次食得飽得濟，一人一個包，今次醒左分開半個一人一半，味道真的很好﹗入口超香菇味，牛肉肉汁特多，呢個半個反而唔多夠喉﹗雞條食落就麻麻了﹗比較乾身，只是一般的炸雞條﹗薯條岩岩炸起，好熱好脆﹗正﹗食完其實都幾飽﹗一人五十五蚊﹗今次抵0的﹗

久聞此店burger好味, 只是家人友儕間皆不好此道, 昨日一個人剛巧路過搵食, 就揀你吧.選了Mushroom Burger Combo配熱咖啡, 付款時店員主動告知有85折, 坐低睇到tent card介紹, 原來只有沙田及時代廣場店有此優惠. 約6-7分鍾後店員將burger送上, burger meat唔講得非常好味, 起碼地道美國賣burger的餐廳會問你熟成道而這裡沒有, sauteed mushroom合格, 其實片蘑菇落牛油或margarine炒又好少炒到難食的, 帶皮薯條亦如是, thermostat控制油溫, timer控制時間, 只要選對料就成了, 咖啡則是typical brewed coffee, 無甚了了. BTW 4:00pm仍陸續有客光顧, 一是新城市廣場暑假人流不絕, 而85折也收到一定效用.有好多人將佢同麥記比, 其實無論在價錢, 用料以至市場定位都根本唔同級數, 要比較還應與其他同級同價的比. 個人認為在香港仍不失為一間有水平的漢堡包專門店, 喜歡吃burger的可以再次幫襯.,

lunch time ge時候都會同d同事搭車黎食triple o's ga~第一次食係同人share ge...點知覺得唔係咁飽so第2次黎食~就只係食一個mushroom burger + 車打cheese~~~~個飽真係好好味呀! 薯條就normal la~nth special牛肉汁點薯條我就覺得唔夠味law,但試下都ok ge~結果返到公司之後,飽到頂住呀~哈哈不過成70幾蚊一個餐又真係幾貴.....耐唔鐘一次都ok ge~~~

去triple O's之前睇過食評..話份量大到兩個人食一個餐都得..事實又好似冇咁誇張..定係我地兩個大食呢!?好少去沙田既我..當然唔知有咩好食靈光一閃諗到有期待左好耐既Triple O's之前想試..但總係唔記得..今日就同女友兩日黎試左兩個餐..女友叫左mushroom 餐我叫左bc餐..飲士多啤梨凍奶昔..杯野飲同薯條黎先..食左幾條薯條覺得好有薯味..亦都比細薯條有咬口..正~!覺左陣..服務員拎左個包黎之後..發覺都幾大個..但又味至於巨型..bc burger入面塊牛肉好有肉味..醬汁亦都冇蓋過佢..煙肉都好正!!眼見女友的mushroom burger都好多mushroom..佢亦都覺得好好味..我以一人之力就食完個餐..但真係好飽..女友就冇食到薯條..對女生黎講可能太大size吧..兩人食左$14x

食完個包, 唔夠飽添!心思思, 嚟呢度整番杯藍梅奶昔!次次飲親佢都有種非常滿足既感覺, 皆因佢口感豐富, 用料足, 真係好正! 真正既奶昔埋應如正, 嗰d勁浠奶昔太過唔入流! 學吓人哋啦!仲有啊, 咪話小弟獨食! 由宜家到月底, 星期一至五喺沙田同銅鑼灣下午3到6點仲有85折添啵, 有買襯手喇啵! 愛'昔'之迷豈能錯過此時此刻!

08/07/2008今日下晝同阿b去左沙田既triple o's食叫左一個蘑菇漢堡餐同炸雞餐再改朱古力奶昔同藍莓奶昔其實兩個人食一個餐都好夠皮可能因為轉左奶昔,更加飽食左炸雞,d雞炸得黎又唔係好乾,幾juice我點左個燒烤醬,唔錯wor真係!!之後食薯條我都點醋食,因為鐘意酸酸地triple o's d薯條真係炸得幾出色ga~奶昔就,可能我個人唔太好奶昔,所以覺得麻麻地,同埋已經好飽如果一個唔好奶昔既人會覺得飲左之後只係更加飽肚感,唔係好似餐飲個隻幫你消化既感覺最後個飽都食唔落就打包啦~以呢個價錢咁既份量咁既味道,係唔錯之選~

之前o係唔少forum見到d 人提起 Triple O's不過睇左咁耐都冇去試全因為佢個價錢一d 都唔平要成六十幾蚊一個餐近排終於去試左佢個Mushroom Burger同埋 BC Burger o既combo感覺同m記唔差好遠不過service 就幾好但係個餐係o米真係值六十幾蚊就真係見人見智喇不過我自己就未必會encoreo里度有d相http://eat-together.blogspot.com/2008/08/triple-os.html

星期日的下午, 少有的見到這裏有數張枱吉咗, 不假思索的拉我朋友吃late lunch...想著openrice的評語有八九成的好, 應該不會錯得去邊...但結果係越吃越可疑...我的磨菇漢堡套餐轉藍梅奶昔: 漢堡的麵包為厚身, 但吃落質感異常的'削', 過份鬆軟過多空氣, 成本問題轉用了家頓? patty很薄, 乾身無肉汁, 好不了麥記很多...薯條不是優質貨, 薯味十分的淡, 只是麥記的多薯肉版本, 薯味欠奉油而甘味十足...藍梅奶昔就只得雪糕味, 藍梅味淡到試唔出咁滯, 但真才實料當然比麥記的好....無下次了...

因之前都食得飽飽地..所以同男友兩人食一個餐..d服務好好呀..個cashier問我地係咪第一次食佢地既野食..我地答係..之後佢介紹我地食d咩好..講俾我地聽每個包有咩料..^^最後我地叫左個bc burger combo..個包好大個..好juicy..我又鐘意食牛肉喎^^..所以覺得好正呀..仲叫多左個bc burger俾屋企人食^^..佢地都話好食..相比m記係貴d..但個味道當然成正比就合理啦..嘻嘻

補回食評o 之前看過 triple'o的食評, 直都想試一下釨味的漢堡包, 上個月終於和女友來還一下心願o我點了 Mushroom Burger, 女友點了 Chicken Burger (她不太喜歡牛肉), 再加一客 洋蔥圏oMushroom Burger: 磨菇 + 芝士 味道真是perfect match, 再加上多汁牛肉, 係真正juicy (要和m記的比...) 好味呀..呀...呀 !!! (有回音)o 迫女友吃了一口, 連平時不吃牛的女友, 也覺得好味o Chicken Burger: 雖然都不錯, 但覺得味道淡左d粗薯條: 正 !! 外脆肉軟洋蔥圏: 好味 ! 我和女友搶著吃...(自我犠牲精神 "要肥...我一個肥好了!" )話又說回來, 成$60 一個餐 (1 個包+ 薯條 + 汔水) 都几貴oservice: 感覺好好, 店員有禮貌, 我唔知想食d咩, 她又耐心給我們介紹o環境: 佈置几有特色, 有露天茶座feel (但可惜是室內的...), 環境清潔, 但座位迫左少少o

自問晚飯來說地盤工人好少會去食包因為總覺得一日最後一餐應該食得正經一點﹗(唔知邊弗正經過............)不過今晚既飯卻去食左個漢堡包快餐﹗是晚收工試到近期0係OPENRICE好出名的TRIPLE-O﹗行到埋COUNTER買包，見個餐牌全部都係英文，盲字都唔識多個既我一睇就知HIGH卡野啦﹗睇番個價錢仲勁，最平一個餐都要$55蚊，最貴的去到接近$70，食開cheap野的我見到即時想掉轉個頭走﹗不過既然來到就一於一試啦﹗於是點左一個Mushroom Combo同埋加多個Original Burger﹗埋到去買啦﹗個收銀姐姐問我地加唔加芝士同埋洋蔥，貪心的我見佢問得就當然加啦﹗兩個包都加哂，點知睇番張單原來加呢兩樣野每次要加$15的呀﹗嘩........足足多左$30﹗等左一陣就有人送個餐埋來喇﹗$126兩個包加薯條再多杯野飲﹗真係好貴呢﹗薯條是粗身的﹗岩岩炸起熱辣辣，口感一流﹗好味道﹗我的Original Burger，確是十分大個﹗麵包是烘過的，個面很脆﹗咬落入面0的醬汁唧哂出來，成手成面成鼻都係﹗十分論盡﹗塊牛肉真係超級多肉汁，夠厚夠軟好有牛香﹔大量既洋蔥令個包食落變得十分惹

食完情有獨鐘嘅摩斯後，下一站去畀我印象截然不同嘅地方︰Triple O’s。喺有睇Openrice嘅習慣之前，分別喺中環同金鐘曾經食過，覺得唔係太好食而且太貴喇，一直對佢冇咩好感。但發現依間野喺OR竟然有咁多好評，仲攞獎添! 所以就諗上次食都差唔多成年之前，又未食過沙田的分店，不如畀多一次機會佢啦。之前幾次都係叫左一D奇怪野，於是今次決定叫個最簡單嘅，咁唔好食都冇好野講啦掛? 之前已經飲左汽水，所以淨係叫左個Original Burger加個薯條。坐底等一等，每一張枱上都放左一枝茄汁同白醋。有時候覺得茄汁太多糖，太肥太膩，有白醋依個選擇係一件好事，非常細心。等左一陣服務生終於捧左我要嘅野到我張枱，等嘅時間比起啱啱等MOS Burger耐，相信塊牛肉係即時煎嘅。比起摩斯，依個burger真係好大，而且個包好厚，份量十足。我鐘意佢唔將塊酸瓜擺入面，而我當然第一時間pat開左依塊咁邪惡嘅野啦。咬第一啖，有驚喜︰個包脆得唻好鬆軟! 再試真D，的確係一個有水準嘅漢堡包。蕃茄非常新鮮，而汁唔係太多。多D嘅話可能會更香，不過我覺得咁樣啱啱好，因為唔會太過「漏」。牛肉係實得唻唔會太硬，都有牛肉味，唔錯

之前一直聽細妹講OOO既漢堡點正點正話食左這間既漢堡之後覺得M記既漢堡完全入唔到口因為聽佢講得多,所以難得找到人陪我黎食馬上叫個MUSHROOM餐兩個人分薯條唔錯,睇得出是成個薯仔炸熱騰騰,幾好味!至於重點既漢堡賣相一般叫人幫我地分成兩份馬上大啖咬下去或者之前想像如何如何好食食下之後,沒有想像中惹味雖則比M記強可是也不是真的差之千里牛肉不錯,MUSHROOM不錯可是卻非心中所想的極品整體而言,不錯卻不會特登過黎食

同女友黎到新城市,一於試下呢間漢堡啦.嘩?!!?成六十幾蚊一個餐??係咪真係咁好食?!服務已經唔得,要我等幾分鐘但又冇牌俾我,攪到 waiter周圍問人係咪叫呢個餐,點解唔學kfc咁俾個no.牌仔呢??一食個bc combo飽就知中招,塊牛肉乾到乜咁,又硬又冇牛肉味,一d都唔juicy.咁就慘啦,牛肉係靈魂,你話點算但公平d講,佢d菜,蕃茄,醬都好夠味好新鮮.另一個燒汁雞飽仲衰,d肉又鞋又硬又唔熱,同雞胸冇分別,汁又唔夠.又係靈魂唔掂薯條得個大字,無乜味,M記d薯條好過佢多多聲!!坐又唔舒服,好焗促.講真,唔使食咁貴,mos burger同freshness burger俾到更好質量

曾在另一食評中寫過，「Triple O比這裡好」的，是日來吃，看來要收回自己的說話了。下午茶時間才吃飯，來吃個漢堡也好，就要了個Classic Burger。看著入面即叫即製的，都算是新鮮熱辣。外邊包得靚靚的，小心的拆開，入面的包卻賣相奇差，包面裂開，像給人按了幾下似的。需知好的漢堡也重賣相，這裡的是零分。拿起來吃，漢堡肉薄薄的，乾鞋鞋的，還是小小的~~何謂小呢？就是包比肉大都幾多的，試問又薄又小，煎得又乾的漢堡扒，有何食趣？真的是什麼也不用說了。包烘得熱，表面微脆的，加上獨家醬汁，不計肉的話，算是好吃的。員工的服務好，不過彌補不了包的不濟。單包33蚊，可能BC Burger會好好多，又可能雞肉漢堡更得手，又或者要多杯奶昔就會改觀，都沒有所謂，因為不會再來了。如果我下次再說「Triple O比這裡好」，你會知道是何解嗎？