TU韓食 (頌富市場)

营业中

休息中

平時都喜歡買一樽泡菜，自己在家裡整泡菜炒飯，今日經過街市嘅時候見到，街市原來都有韓國食物，價錢方面十分之親民，大概$45-80。而炒飯亦都粒粒分明，食落口感唔錯，估唔到街市都有呢個水準。

舖頭喺公司附近，平時食開韓國嘢都係食開連鎖店但係呢一間街市入面嘅小店反而令我有驚喜韓式辣豬肉拌飯用嘅食材非常豐富，加咗豆芽菜，味道非常爽口。豬肉煮得剛剛好，唔會太老，亦唔會太嫩，配上香辣嘅醬汁，味道更加出色。另外，拌飯入面嘅蛋黃同蔥花令到味道更加豐富，口感更加豐富。紫菜包飯紫菜包飯都係非常好味，加上一啲醬汁同芝麻，一口咬落去，唔止有嚼勁，仲有豐富嘅味道，令人回味無窮。唔知大家有冇試過街市裏面食紫菜包飯，如果未試過嘅話，真係要試下呀！

放工後，一個人，唔知食咩好，就去咗T town 食街行下，T town食街大部分都係外賣，買咗間韓國菜叫TU，叫咗佢個TU餐$54（好似），有4款食物，(迷你炸餃子，壽司卷5件，韓式炸雞3件，韓式炒粉絲 )。❤️迷你炸餃子香脆好食，餡少一點，但勝在一口就食咗🤣💚壽司卷5件正常味道❤️韓式炸雞3件好食！炸得香脆再沾上甜辣醬，超正👍💛韓式炒粉絲味道較淡整體都好味，不過唔會太飽推薦程度：❤️❤️❤️❤️🤍

一個人的晚餐Ot返到屋企樓下，已經再冇咩選擇.諗住唯有簡簡單單，用50幾蚊，填飽個肚就算，呢個餐$54，有四樣不同款式食物(炸餃子，卷物，炸雞，炒粉絲)都算幾豐富，食物味道和口感都不錯，下次如果再OT的話，都會再encore

今日經過望完所有餐牌最想食紫菜卷飯，於是點咗個黎試吓，拎上手熱辣辣。$30入面有10舊都幾抵食飯吾會散，包得夠實！而味道正正常常，咸度適中，好香麻油味。好食過7-11作為下午茶的小食唔錯。

其實我猶疑咗三次先買。一嚟因為少食評，二嚟上個食評仲要話係垃圾😅呢幾日好想食韓國炸雞，但因為冇人同我食，冇理由自己去一叫最少叫半隻嗰D地方，咁就不如試吓呢間睇吓係咪真係咁伏啦！叫咗個$55套餐一次過試多D嘢。餐牌嗰度就寫餃子係4粒，但我個餐有5粒。直得一讚係我屋企同呢間嘢都有一定距離，拎到返去個餃子都係溫熱同脆嘅，竟然冇焗淋有D驚訝。紫菜包飯都食到麻油香，炸雞反而食落唔知似邊隻中菜嘅味😂 炒粉絲反而有D失望，佢係冇嗰種甜甜地辣辣地嘅味，完全唔似韓式炒粉絲，望落去同食落去都唔會好油，但唔知點解好快就食到有D濟。$55我覺得如果想好賣D最好可以跟餐有罐汽水或紙包飲品，咁成件事就合理D。係唔難食嘅，同埋唔好睇佢每樣少少細細份，結果我係食唔晒嘅，都幾飽肚。（可能因為粉絲濟？）不過好食程度未去到會返轉頭食嘅地步囉。

$55一個甘既餐 真心垃圾 迷你到唔迷你既餃子 乾到嘔既粉絲 炸雞算係唯一好少少 個汁算正常 紫菜包飯d飯爛到 絕對唔會再幫襯 好意思賣甘既set出去 中Q哂伏-.-大家唔好中伏

佢嘅薯條真係好多，薯條上面仲有啲紫菜碎個熱狗棒都好大，熱狗棒個外皮好脆，佢個外皮唔會好厚粉，內面好鬆軟，唔會好乾亦唔會好硬，入面條腸係脆皮的，入面亦都有芝士飲品可以自己選擇，有忌廉溝鮮奶、可樂......