Tulsi & Wine (已結業)

黑松露野菌薄餅Ｄ餐薄餅是即烤的，上桌時熱呼呼，濃烈的黑松露味道怡人。由於我好鐘意黑松露陣獨有的氣味，所以一見到這道菜諗都唔洗諗就點了！薄餅上黑松露份量都幾多，整個薄餅滿怖黑松露，看得出餐廳用料大方。芝士量也十分充足，趁熱食仲可以拉出芝士絲，十分滿足！跟餐的 烤包味道尚可，不算特別，但是勝在是即叫即烤！熱辣辣，用來點下面介紹的<<牛油雞>> 吃，非常正！牛油雞印度咖哩之中，牛油雞絕對是我最喜愛的咖哩款式。這間餐廳的牛油雞做得十分出色，牛油味香濃。咖哩偏甜，辣度微弱，怕辣又想吃咖哩的朋友一定會愛上！牛油雞中的雞塊，醃得很入味，和醬汁完全混和。雞塊彈牙，不過切得太大舊，份量只有數塊。如果能切細一點，件數增加，會比較容易和朋友Share。蒜蓉香辣焗蠔這道菜材料上和中式的蒜蓉蒸生蠔非常之近似，只是換上烤焗的方式制作。沒想到生蠔在烤焗過程中水份仍然得以保留，吃起來十分Juicy！而且生蠔沒有腥臭味，算是挺好吃的！配上萬無一失的蒜蓉，令人十分回味！

上次同朋友來試過呢度嘅印度咖喱一試難忘, 今日晏晝心思思又想個返嚟試吓呢度嘅西式菜式看看如何, 呢度的午市比較靜, 冇乜人, 黎親嘅好多都係一個人, 好似我咁叫咗個個LUNCH SET, 餐湯係好重口味既印度菜湯, 勁多香料, 胡椒味較重, 不過我鍾意餐飲叫咗凍檸茶, 都係一樣咁細杯主菜叫咗個黑松露野菌飯, 確實有點失望, 口感重, 食落有點油膩, 而且配料沒有太大新鮮感, 成個飯食落有啲悶, 最後都食唔晒，我都係覺得佢嘅印度咖喱做得出色的午市唔收加一

印度菜一直給我的感覺是印度薄餅加茄喱是最出色,想不到原來意式pizza也可以做得不錯今天來到tulsi and wine,一家以印度菜為主融合多國菜做法的餐廳.今天吃了一個頗美味的pizza煙三文魚pizza,三文魚相當新鮮,pizza底亦相當香脆煙三文魚的紋路相當清晰,用料上乘芝士亦相當飽滿,可以像韓式食物拉起來,拍照效果不錯芝士連同煙三文魚,再加上脆底pizza一起吃確實感覺一流可惜始終不能像wire fire一樣有一個超大型的pizza烘爐,否則pizza一定更好吃

今晚住在西環的好友CALL 食DINNER, 佢話想食印度野, 呢間係OPENRICE都幾好好評喎, 就試下啦! 原來佢有幾間分店喎, 我幾年前去過食鰂魚涌個間, 沒有太大印象叫左杯MANGO LISSI, 好好好細杯 .....胡椒餅, 都幾香脆, 不過如果放左一陣係度唔食好快會腍左上: MASALA 牛, 牛肉好腍, 味道比較沉實右上: 毛瓜雜菜, 酸酸地, 味道較其他菜為清下: 牛油雞, 其實不太食到牛油味, 不過我陣知道呢個汁係最好味, 印度咖喱真係好香滑, 但係個雞唔夠滑叫左芝士NAAN, 佢用左較淡口的MOZZARELLA, 而且因為咖喱味道太濃的關係, 食落無乜芝士味, 但都好味, 夠哂熱辣辣右下: 咖喱魚, 呢個都好得! 魚肉鬆化, 咖喱帶點甜味, 得!因為D野太細的關係, 再加左個另一款咖喱雞, 呢個都幾失望, 有點稀...無乜味咁最有驚喜係洋葱NAAN, 呢個咬落啖啖洋葱, 甚有口感! 每人埋單都要成$250, 唔算太平, 不過份量個度有改進空間, 我暫時比較LIKE深井咖喱寶多D

好耐無食印度菜，但又唔想特登過海去尖沙咀，上openrice見到呢間近近地，搭一個地鐵站就到啦，就約咗兩個friend一齊嚟食飯。西營盤站開咗咁耐我都係第一次黎咋，以前要喺中環等好耐車又搭好耐車先上到來般咸道，我依家一出閘搭架𨋢就得啦好方便呀！向右行大概五分鐘左右，見到king's嗰陣時轉落去，行幾步就到啦。餐廳嘅侍應係清一色印度人(我估)，夠晒地道，今日星期四，夜晚唔多人，坐得好舒服，三個女仔亂咁叫嘢食，叫到成枱都係都冇問題。燉牛肉配飯 beef stew rice＄148呢個係我哋好白癡叫錯左，本來想係呢一款上面嗰個燒半肉薄餅，點知陰錯陽錯叫錯number😂不過唔差架個飯，雖然好唔印度，但係個燉牛肉炆得好林！配埋個汁我覺得似意大利菜。燒無骨魚 fish tikka $108呢個超級推介，超級好食！鐵板上已經好香，d煙係咁飄過黎聽到炸炸聲好滾動，魚肉咬落硬食好有口感，睇到一絲絲既紋路，配埋個酸酸辣辣既汁，仲要無骨可以大大啖肉，好滿足！咖哩角 samosa $38好大件好抵食好好食，一碟有3舊，金字搭形狀而唔係一般三角形扁扁的，個皮唔厚，入面既咖哩好搭，加埋個青色簿荷醬解油膩，好唔錯！

久違不見的老朋友相約食飯，當然第一時間應承，選了較少吃的印度菜，是關我地都好鍾意食印式烤餅。店內環境不錯，枱同枱間有一定嘅距離，冷氣開得幾猛，仲加埋吊扇，好涼爽，啱哂夏天黎。店員送上溫水一杯，順便慢慢睇下餐牌先。選了兩個dinner set，一份要沙律，一份要餐湯，可以share下嘛。是日的菜沙律，菜很新鮮爽脆，加上千島醬甜甜酸酸的不錯吃。是日餐湯係粟米湯，好清甜，同naan又幾夾喎。晚餐送的黑松露烤餅，黑松露味不突出，但餅本身幾好味，煙煙韌韌有咬口，上枱時仲熱辣辣㗎，不過一陣就比冷氣吹凍哂了。Homemade lamb kebab pizza $138食印度野梗係要食羊啦，呢個羊肉香腸薄餅賣相唔錯喎，芝士拉得出絲，香腸重羊味但不酥，餅底香脆，一個看似細份但share都好飽呀。Tandoori lamb chop with creamy lentil bean $178另一份晚餐要左羊架，哈哈，又係羊。羊肉好嫩滑，肉質鮮味，真係幾正。配菜嗰啲唔知咩豆都好好味，吸左羊肉汁，有咬口又飽肚。餐飲要左熱奶茶同熱咖啡，印度奶茶好香好滑，仲帶有少少香草味，真心正。咖啡就一般啦，太濃了不太合口味。餐

前排都應該在 Facebook 專頁分享過到了西區參加美食導賞團之後再約朋友到西區吃飯這次選了一間印度菜 (後來聽說原來很多人都有去過這間)位於西營盤站，閃閃和友人 BOOK 八點放工過去時間剛剛好佢地址係：般咸道63號采文軒10-11號地舖但沿住般咸道係要轉埋彎落斜先會見到我地係轉彎前又行返轉頭原來其他人都會有咁既情況，所以小提示是要轉彎行落去的先黎呢個係閃閃點既因為識閃閃既朋友大約都知我是極愛飲湯的！！！我是極愛飲湯的！！！我是極愛飲湯的！！！(很重要所以要說三次！哈哈！)中湯又好，西湯又好都好喜愛MUSHROOM 蘑菇湯 HK$40這個友人也喝了一口，說不錯的閃閃也整個喝完呢，是鮮打蘑菇忌廉湯加少少香草，打得唔係完全無晒質感，閃閃很愛SAMOSA 咖哩角 HK$38這個友人說不知為何吃印度菜就要點的我忘了影咬開來的，其實閃很小點這個吃但小小的作為印度菜的開始著實不錯 這個是侍應特地另外給我們點咖哩角的，但閃閃和友人也覺得不太好味但侍應很推薦，可能是印度口味吧 (原本那個醬比較配合呢) GRILL PINEAPPLE 燒菠蘿 HK$38最近閃閃進步了，懂得了品嚐菠蘿的美味(這個可是

放假同女友去左西環,去左高街果頭玩,影下相,最鍾意用相機紀錄我地既一切之後去左食野,粗心大意既我無BOOK位,所以是但選左一間,就黎左依度啦黎到岩岩有位,我地就叫左個SET DINNER頭盤黎左個印度薄餅,好好食好香脆,我地一齊SHARE左,已經有小小飽肚之後食左個龍蝦蕃茄RISSOTO,龍蝦肉好滑好新鮮,幾嫩口而且幾大隻幾多肉蕃茄汁又夠味,所以個意大利飯好好食佢個飯煮得岩岩好,唔係傳統意大利果隻咁硬,所以好易入口2個人食都係$200度,都算幾抵食

本身見多人試諗住都試下，去叫左杯玫瑰奶茶飲，點知飲到一半，就發現有隻烏蠅！極嘔心！隻烏蠅烏枝飲管上死左，仲要飲到一半先發覺！我立即叫經理追究事件，點知個經理態度極差甘講，I can't do anything for you !我幫你唔到和！服務態度真系嚴重極差！衛生環境仲差！絕無下次！！！

今晚朋友帶我去食正宗印度菜首先來一客印度天多羅無骨燒雞(印度招牌菜）呢個用鐵板上底部墊咗好多雜菜香噴噴熱辣辣！雞肉好入味又嫰滑！一d都唔dry!! 再來一客咖哩羊肉~~呢個就用鐵鍋上！羊肉煮得好䭃好香口 咖哩汁香濃帶微辣！用來點naan就最啱！所以再叫咗客洋蔥naan - 烤得好正！入口軟綿綿，加上有咖哩汁(點)黎食！！真係多幾塊都食得落呀！下次一定會再嚟！😋😋

我跟陳生大鄉里出城, 地鐵西環線開通了亦沒坐過, 決意去西營盤那邊闖一闖! 晚上在山上覓食, 不來也不知道上山路斜, 快要累死時看到一間印度餐廳, 眼看價錢合理, 就進去試試看!餐廳的裝潢跟別的印度餐廳不同, 這裡比較像西餐廳, 頗有情調  細看之下才知道這間是米芝連推介餐廳! 他們有晚市套餐亦有散叫, 我跟陳生想多試試不同的東西, 就隨意叫喜歡的! 不過套餐中的食物跟散叫的完全不一樣, 這個倒是挺有心思的, 讓客人有更多選擇! 而且價錢只是百多元, 已有餐湯, 沙律, 主菜以及餐飲! 另外還可以加錢轉甜品, 特飲以及紅,白酒! 我們當晚就點算了以下菜式: 印度無骨烤雞這個菜式是我每次去印度餐廳必點之選! 不要以為外貌相似就味道一樣! 這間餐廳做得挺出色, 沒有過分燒烤以至肉汁被榨乾! 裡面的雞肉還是嫩滑的, 配上特製醬汁來吃十分清新! 我尤其喜歡這個器皿, 在木座上放了一個鐵盆在把食物保溫, 好別緻!瑪莎拉牛肉太廚選用了牛腩來煮這道菜! 而且炆得很淋很入味! 醬汁方面就頗為辣了些, 內有辣椒, 洋蔥等剌激味蕾! 雜菜咖哩這款咖哩相對地椰香味道重, 只有少許的辣味, 很易入口, 合適拌

同fd行過黎西營盤搵野食見到有間印度餐廳好似幾吸引而且好少食印度餐 所以近日決定試下有dinner set所以我地一人叫咗一個餐首先有個跟餐沙律 不過不失前菜黎講個份量都幾大份 可以兩個人share然後個餐仲包埋黑松露烤包一路以黎都好中意食麵粉製嘅野印度式烤包係印度餐嘅必需品 梗系要試下烤包好好味 真係好正宗嘅口感配上黑松露就更加香味十足天多羅新西蘭燒羊架 $178呢個真係我今次最大嘅驚喜 因為真係好好味燒羊架份量正常 有三件 而且我地叫咗7成熟完全無騷味 重點係啲羊肉煮到好軟林加埋印度香料不嬲都野味過人 啲香味入曬羊肉入面成個羊肉架真係好好好味！瑪沙拉雞肉配飯及蒜蓉烤餅 $128另一個主菜就叫咗瑪沙拉雞肉飯瑪沙拉雞肉都係印度餐入面好普遍嘅煮法雞肉全部去曬骨 而且肉質好林 完全唔會乾身都係個句 加埋印度香料落去整真係好入味配埋白飯就真係無得輸！芒果拉昔 +$20飲品叫特飲加20蚊 所以試咗呢個芒果拉昔即係芒果加埋yogurt攪埋一齊味道飲落好似芒果奶咁樣 芒果迷可以試下最後兩個人食咗400蚊 其實都ok下次會再encore呢間野 試下佢其他主菜

位於西營盤嘅tulsi and wine 係一間新派印度餐廳集美酒佳餚於一店黑松露薄餅 非常香的松露氣味好配合薄餅 沙律和燒菠蘿有水準 絕不欺場粟米蝦餅熱辣辣加上酸甜醬好開胃燒豬肋骨係呢度的招牌 肉質鬆軟又入味黑露露野菌薄餅剛好焗起 好香脆又多料 正!天多羊架七成熟 火候控制好 咖哩 燒雞和焗蠔都好好味 好想encore!最後有西米布丁 為美味的一餐帶來團圓的結局

簡單的印度式西歺已經好耐冇響西環附近食晚餐，因為好多時如果有時間都係會返屋企食飯，今日就上咗去西邊街食印度菜！呢間餐廳酒吧環境都幾舒服裏便嘅服務員全部都係印度籍而且超級有禮貌！有坐低已經好有禮貌咁樣同你傾閑偈，食完野亦都好窩心咁樣問下你覺得食物好唔好食，或者有冇其他需要！現在咁嘅服務態度真係十分之難得架啦！是日就叫左兩個晚餐，晚餐價格同種類選擇好多！點晚餐會附送餐湯同埋烤餅，是日餐湯係西蘭花忌廉湯比較淡口，同我想像中嘅印度菜嘅濃味，完全唔同！主菜我地點左自家羊肉卷薄餅，其實薄餅嘅批底呢都係烤餅來，然後配上芝士呀，自家羊肉卷同埋其他嘅配菜！就成為另外一種特別而且好食嘅薄餅啦！羊肉卷呢咬落去冇乜讓蘇味，而且口感都幾juicy . 上枱熱辣辣十分惹味！另外一個主菜點左馬沙拉雞肉陪飯及蒜蓉烤餅！發現呢係呢度食飯嘅澱粉質都好多，有飽又有飯！呢度嘅馬沙拉二比較適合大眾，因為唔會太辣，但係又唔會失去馬沙拉嘅香料味道！雞肉很嫩，味道很不錯，而且分量剛好！再配上一杯青檸soda . 清新得很，簡單美味的晚餐就完結啊！呢度嘅食物都幾迎合大眾嘅需要，沒有有印度比較濃烈嘅味道，反而呢就係將印度同西式混合，變化

因為Tulsi & Wine令從前很少去西營盤的我竟然對這地方産生一份感情,由地鐵站走到餐廰太約十多分鐘的歩程,由第一次靠Google幫忙找路到現在可以不慌不忙地漫歩到餐廰,這種熟悉的感覺令我放鬆自在,Tulsi & Wine來過四、五次,雖然不知員工名子但也對他們有些印象。今日放工又來到Tulsi & Wine,幸好不用加班~我留意到太約七點就開始多人,其實餐廰接受Booking,建議大家先預位~這兩次來Set Dinner的Menu也一樣,真心希望下次有新菜式,我也提過Tulsi & Wine的Set Dinner好抵食,有跟黑松露薄餅、湯、飲品。由於有跟薄餅,所以巻類食物就不叫了,最後決定叫天多羅燒羊架配綠豆和龍蝦意大利飯set~今次的黑松露薄餅不像上次般太咸,但就乾身了少少如果軟熟口感更佳,而南瓜湯較稀身,飲完也不會好飽肚,而且濃濃清甜南瓜味,感覺健康。龍蝦意大利飯上桌帶來驚喜,龍蝦有一隻手掌大小,上面鋪滿焗溶了的芝士,賣相己十分吸引,令人垂涎三尺,意大利飯有香濃的牛油番茄味,毎粒意大利飯都被番茄汁包裏着,相信是加了龍蝦汁的關係,意大利飯變得更鮮味,加上軟硬適中的口感,真的無法