Twinkle Baker Decor (已結業)

Was looking for pretty cake that was good for 5 people. Heard from a friend this cake shop is famous and has Taiwanese flavor to it. We opted for cute star cake, inside is nice too! It’s checkered with pink and black cubes (strawberry and chocolate). At first bite, it tasted just so so, but as we ate more we realized it has quite good texture (cake is soft, but there are some crispy chocolate things mixed in). Cream outside wasn’t that tasty, but given that the look was more important, it makes

我同男朋友係上水踩完單車到元朗，係形點行既時候經過呢間蛋糕店，覺得好靚。見到呢個新出既「順風順水順風車」好吸引，甘岩踩完肚餓，於是買左個黎獎勵下我地。「順風順水順風車」蛋糕3.5吋，蛋糕用左新年喜慶既紅色，插左支趣味既風車，用朱古力整架，所以食得架。外層係原味牛油忌廉，內裡係一層紅絲絨牛油蛋糕，一層紅桑莓吉士忌廉夾住啲朱古力脆珠。蛋糕味道甜而不膩，口感層次豐富，賣相吸睛，充滿新年喜慶感。臨近新年，好適合買個黎慶節食，送禮都仲得，大人細路定長輩都實中意。買蛋糕仲送左個風車俾我地玩。

每次經過都會比佢既cake吸引，每次都會買返一兩件返屋企食。今次契女生日，即刻去Twinkle Baker Decor訂蛋糕，蛋糕款式有創意，非常吸睛，款款都好靚，今期出左Little Twin Stars 蛋糕，非常夢幻，即刻訂左送比契女。Little Twin Stars蛋糕層次好豐富，層次分明，切開入面都好靚，入面有士多啤梨牛油蛋糕，混合左紅寶石朱古力脆珠的雜莓慕絲，下層有紅莓果凍和藍莓果醬，蛋糕鬆軟，味道酸酸甜甜，帶點清新，味道好夾，口感非常豐富。蛋糕外層做了漸變色，非常夢幻，蛋糕上面裝飾都好有心思，雪白的忌廉配上棒棒糖和星星糖，整個蛋糕都不會太膩，非常適合大人小朋友食。

這間Twinkle Baker Decor 店舖位於元朗中心一樓!店舖蛋糕款式都算好多!每一個蛋糕款式非常之吸睛😍😍😍!.粉紅甜心:這個粉紅甜心蛋糕係這間店舖剛剛推出新款嘅蛋糕新登場!賣相十分之吸引😍😍😍!這個粉紅甜心上面放咗一個粉紅大心心十分吸睛😍😍😍!旁邊放咗D棉花糖同埋D珍珠波波糖!非常之吸引!配搭埋一起非常之夾!蛋糕裹面嘅草莓慕絲!再隔住一層蛋糕!.另外一層草莓醬酸酸甜甜又帶有D士多啤梨肉!食入口感覺士多啤梨都好新鮮😋😋😋!去嘅蛋糕軟綿綿!食入口軟滑又唔會好甜!配埋外面蛋糕外層帶有小小甜非常之夾👍👍👍!

一直有關注及留意這間富有本土風情的西餅鋪，因為他們將香港情懷糅合於蛋糕之中，製造出飛行棋蛋糕、菠蘿包蛋撻蛋糕及茶餐系列杯子蛋糕等多款造型蛋糕，創意十足之餘亦敬佩他們熱愛香港的精神。不但產品本土，連店鋪裝潢亦有香港特色。深木啡色牆身配上綠色窗框裝置，呈現出舊香港房屋面貌，配上黑白色地磚，增添懷舊風情。茶餐系列杯子蛋糕化身伙記成為店鋪吉祥物，吉祥物頭上的口號更選用了香港懷舊金曲變化已成。今次恰巧路過看到與港人熱捧的台茶始早 ─ 天仁茗茶合作推出兩款茶味蛋糕，孤陋寡聞的我從未品嚐過阿薩姆紅茶蛋糕，就算在沒有特別節日的情況下，也決定買個回家跟家人開心分享。黃與黑色的蛋糕盒用色大膽特別，加上單面透明設計除了回家途中吸引不少遊人張望外，自已也可不時檢查蛋糕有否撞歪或損毀，特別放心~加上蛋糕底部有膠紙黏實蛋糕盒，回家後蛋糕未見移位。切開蛋糕後可見蛋糕與忌廉梅花間竹，層次分明。蛋糕質感較濕潤實在，啡色忌廉帶明顯紅茶味而不算甜，質感企身順滑，就算厚度與蛋糕相等也不覺溜與滯。忌廉還夾離著奶味麻糬及黑糖味寒天珠，煙煙韌韌提升口感，整體感覺由如喝著少甜黑糖珍珠紅茶。蛋糕上的「雪糕」口感如浸過紅茶的蛋糕，啖啖浸

Twinkle Baker Decor一向主推可愛、精緻的蛋糕，今次就有蛋黃哥菠蘿油，陪我們渡過港式下午茶時光。蛋黃哥造型別致，躺在菠蘿油入面避暑，懶洋洋的樣子，真令人愛不釋手⋯⋯表面是真正的菠蘿包脆皮，質感酥脆，沁出淡淡牛油香。下面是以菠蘿椰子慕絲，包裹着兩層班蘭味海綿蛋糕，入口先有酸甜菠蘿香，再帶出椰子同斑斕清香，充滿夏日色彩。兩層mousse之間，有粒粒海鹽焦糖脆珠，香脆迷人，口感多層次。蛋黃哥是朱古力，靚到不捨得把它切開。墊底的厚滑牛油，是以菠蘿味吉士醬製成，口感特別軟滑清新，像極牛油的細膩口感，是獨一無二的港式菠蘿油！

Twinkle baker | 元朗形點​​🧸門面有兩個大公仔好可愛，同埋地板墻身有好多重覆拼接圖案，略有復古感，好喜歡💕 💕。​​【扭計王 RUBIK’S CUBE $398（5吋）】​- 📍賣相：蛋糕勁得意，創意感十足，下面好大個扭計骰造型，上面企咗個人形大Lego。番屋企的路上，因為裝蛋糕個盒係透明嘅，所以留意到有好多人望過黎，我個蛋糕真係備受矚目，太吸睛了。​- 📍口感味道：蛋糕五顏六色嘅外層，同埋上面個lego係牛奶朱古力，本身以為好甜，但食落竟然啱啱好，甜度適中。入面係阿華田慕斯、朱古力海綿蛋糕和原味蛋糕，層層相間。入口濃濃的阿華田味，阿華田慕斯口感好好，蛋糕亦鬆軟。​​- 📍鋪頭仲有好多好靚嘅大蛋糕同cup cake，每一款都想帶回家，尤其是「扭扭擰擰蛋糕」，太可愛了！下次會再自己買其他蛋糕試試。​​

晚上沒有堂食的日子，慶生就留在家中好了，是日帶了小B到Yoho Mall的Twinkle揀蛋糕，呢度啲立體蛋糕全部都好可愛，有幾款仲玩味十足添。左揀右揀，最後小B揀左呢款，哈哈，呢粒B一向鍾意pink，又話unicorn好可愛，仲話有rainbow同flower好靚。唔唔……其實呢粒B係邊度學到咁多英文生字，睇卡通片？個盒都好靚㗎，而且好硬淨。開封，一陣甜美嘅香味飄出黎。慶生點可以唔吹蠟燭，隨蛋糕附送銀色蠟燭一支，小B吹左三次蠟燭同唱左三次生日歌先比切，哈哈，呢粒B最開心係有生日蛋糕。吹完又點返著，不停loop，哈哈。個公仔用棍仔插係蛋糕上，係用糖做的所以會瀜，而且好甜，都係留返黎裝飾啦。光滑的蛋糕面，預備切啦～內邊係咁樣的，小B話係士多啤梨味，蛋糕軟綿綿，中間夾著硬身嘅忌廉，仲有幾粒卜卜米增加口感。香味十足，但唔甜喎，而且忌廉唔多唔會好漏。呢陣香甜味令我覺得好似bubble gum，小時候食個種吹波膠味。仲有好多其他款好可愛㗎，如果現場啲款唔啱，可以上佢網頁訂～

父親節快到了，要開始準備一下😆。我們家會提早慶祝以防太多人同時間外出吃東西。這次預先入手了蛋糕慶祝，聞了預訂還會有折扣優惠😇。這個蛋糕名為「紳父哂你」，意思是辛苦了你。而蛋糕造型以小結帶西裝衣服很可愛🥰，還有小袋子賣相精緻📸，蛋糕大小為4·5吋。這個蛋糕以黑色西裝🤵包圍著蛋糕，把它切開之後就會看到層次分明的顏色。用了72%朱古力慕絲包圍著原味牛油蛋糕😎，蛋糕顏色分別是黃色和藍色，顏色相對地鮮豔💕。中間還夾雜著粉紅色和紫色的士多啤朱古力薄脆和藍莓果醬 ，感覺賣相像三文治夾層🤤。由於蛋糕用了72%朱古力所做成，所以味道不會太甜，而且味道香濃😆。另外加了果醬所以口感酸酸甜甜，中和了蛋糕的甜味挻不錯。

今日同班朋友仔食生日飯🥰就前幾日係Twinkle Baker Decor 訂左個🌸櫻花樹下🌸既4.5寸蛋糕🎂黎到門市拎蛋糕既門口已經有好多人買蛋糕-因為呢到既蛋糕真係好靚同好得意我個人都幾仲意🍬扭扭擰擰🍬同✈️一飛沖天✈️蛋糕 因為都真係幾得意 充滿住童年既回憶-食完晚飯就逼不及待係餐廳食埋個蛋糕🎂個蛋糕粉紅色又夢幻 我地個個都咁仲意 岩哂少女心既我地🙈仲要係用櫻花做主題 真係超仲意🌸💓岩哂仲意打卡影相既我地-而蛋糕材料方面有用黎做裝飾既棉花糖同朱古力❤️而蛋糕既外層就鋪滿哂白桃慕絲、而裡面就係我最仲意食既白桃果肉🍑同埋鬆軟既海綿蛋糕🥰-題外話💓呢到既員工好有耐性同禮貌、非常滿意呢到既服務👍🏼

這間餅店我也留意了很久，之前買散水餅的時候見到他有港式系列的給cup cake。蛋糕也有不少富有本地特色的。因為臨近母親節，於是就提前買了一個蛋糕回家。一早訂了這個 盛宴迷唇 LIPSTICK MASQUERADE - 早鳥價訂不用$400，而且還額外禮遇免費獲贈- Estée Lauder 高清純色魅惑啞緻唇膏一枝，連精美化妝袋（價值：$ 232）！另外紙袋入面仲有張coupon，去到EL門市可以換領 3天皇牌修護套裝 （價值：$248）！蛋糕就先食，而這份化妝品禮物就收藏起來，母親節才送。蛋糕用的是Baby Blue作主調，十分精緻高雅，又有兩個唇吻，營造出立體感，完全可以表達出給媽媽的關懷。蛋糕裝飾恰到好處不會過度花巧，而且造型十分特別。原來是又靚又好食！切開蛋糕見到層次分明，由不同的材料製造。而我最欣賞的是，這間蛋糕店不是採用普通的忌廉，而是用 梨蓉慕絲 ！所以吃起上嚟更加豐盈不油膩，又帶有點點點梨香。即使連海綿蛋糕都有兩種：原味牛油蛋糕及斑蘭牛油蛋糕。中間的椰汁杞子奶凍令到蛋糕的味道層次更加出色，加入杞子就更加滋養保顏啦！而最下面的是白朱古力杏仁脆，脆脆地又香口，令到蛋糕更加

踏入十二月開始多聚會 親戚來家開Party媽媽煮飯唯獨欠甜品 就訂個聖誕蛋糕啦一番查找下 睇中這間本土風人氣蛋糕店以港式「扮清糕」系列走紅 早就想一試聖誕節推出了聖誕王國系列 款款都勁靚選了Baileys口味 中性又有型的胡桃夾子蛋糕盒也很漂亮一邊透明 惹來路人目光胡桃先生回到家還是很健康 只流了點汗-💂🏻‍♀ Baileys胡桃夾子園 $458-胡桃夾子園蛋糕由三層組成 賣相很可愛可注射Baileys的杯子蛋糕 在紅色大帽上最頂是朱古力甜酒牛油忌廉 但不會太膩帽子下層是胡桃先生個頭 最底層係身體兩層以朱古力慕絲 及焦糖忌廉軟心組成蛋糕內餡則是香蕉肉 以及海鹽焦糖脆珠朱古力同香蕉一向很夾 而且口感頗豐富朱古力慕絲多吃會膩 有夾心中和吓不錯頓時覺得 胡桃先生算得上靚仔又有內涵唯一少少可惜的是 蛋糕設計太老少咸宜Baileys只得cupcake有 成年人覺得不夠-整體滿意的 聖誕還是有個蛋糕多點氣氛P.S. 12月18前訂購 還有早鳥優惠九折呢

12月天氣開始凍，聖誕節日氣氛濃厚，連蛋糕店都推出聖誕蛋糕la，今日同朋友行過見到聖誕蛋糕有做緊推廣優惠。聖誕王國蛋糕系列，有3款新款蛋糕，8/12前訂購聖誕原個蛋糕更有9折優惠。有色彩繽紛既糖果王國，夢幻雪景白雪冰林同帶歡樂喜興既胡桃夾子園。同朋友咁岩就睇完魔雪奇緣2，所以都好想簡白雪冰林。提早買蛋糕唔只有優惠價，仲有得登入Facebook專頁參加遊戲，15/12前在 Twinkle Baker Décor分店或網店購買任何產品滿$500 (必需包括一個聖誕系列蛋糕)，就有機會獲得《魔雪奇緣2》戲票2張。真係早買早享受，蛋糕賣相一流，打卡影相必備。造型蛋糕外層有稍為厚既一層穩固裝飾品，但一d都唔難切，食落仲有外脆內軟既口感，內層既牛油蛋糕夾住雜莓慕絲十分綿軟，味道酸酸甜甜既，唔會覺得好膩。薑餅人依然脆身，薑味香濃，聖誕樹造型既裝飾，食落口感似棉花糖，又唔會太甜，小朋友應該會好鐘意。

生日蛋糕選址新地點！ 以前買開其他連鎖大牌子店既蛋糕，依家有新地方可以揀拉！位於Yoho mall，有可愛既裝飾，不論大人定小朋友都會想黎影下相。 當日細佬生日，就同佢黎左揀cake, 真係有好多吾同種類既選擇，而且蛋糕設計好有心思。好似呢個蜂蜜牛奶蛋糕咁，上面有馬卡龍連蜜糖，外層糖箱亦有蜂巢設計，非常有心思。而且價錢都係三百幾一個，吾會太貴。至於味度方面呢，從未食話咁特別既口味，香濃既蜂蜜撲鼻而來，甜度適中，非常驚喜。值得推薦！

今日買左個蛋糕，個名叫Twinklebaker，原本諗住試一試，結果……真係好食，下次會再買外形方面，得意可愛，吸引啲拍緊拖又束同女友興祝情侶，味道方面，雖然外型係用cream整，但一啲都唔覺得好濟，甜度又唔係話去正好甜，適中，好岩啲健康人士食，價錢方面，好合理，同市面上差唔多，有呢重質素，我覺得值得一試服務態度亦都好好，問多幾句都好留意咁答，唔會話好唔耐煩！整體來講，呢間蛋糕店值得一試!外型有其他選擇架，樣樣都得意可愛又特別