334
56
23
港铁尖沙咀/尖東站 J 出口, 步行约2分钟 继续阅读
电话号码
27628822
开饭介绍
文青风cafe,采用大落地玻璃窗、木系为主的装修配衬植物摆设,非常舒适。自家制作部分食物,如每日新鲜制作的手工意粉,是和闺蜜共聚、约会及假日放松的好地方。 继续阅读
营业时间
今日营业
11:30 - 21:30
星期一至日
11:30 - 21:30
*最後截單時間21:00
付款方式
Visa Master AlipayHK 支付宝 现金 八达通 美国运通 银联 Apple Pay 微信支付
座位数目
50
其他资料
网上订座
Wi-Fi
酒精饮料
自带酒水
切蛋糕费
泊车
外卖服务
加一服务费
当面支付
以上资料只供参考,请与餐厅确认详情
有关奖赏计划
食记 (437)
等级4 2024-11-18
4067 浏览
見到最近都幾多人食呢間窩夫,今次為左個麻糬窩夫而去到K11 Musea😂就去試下好冇食~今日過到嚟係lunch time,我哋叫咗個set lunch~另外散叫咗啲小食同埋甜品~~今日嘅餐牌午餐係羅勒醬忌廉汁 虎蝦手工意粉,佢嘅意粉係同平時出邊食開唔同,都幾特別~意粉比較粗身,而且粗幼係不等,睇得出應該係手工意粉~都幾有趣❤️羅勒醬都幾多,由於意粉粗幼不等,意麵上可以掛起左更多醬汁,再配搭埋芝士片,成個意粉都唔錯,幾香幾好食!跟餐配左杯咖啡❤️熱Latte,餐廳嘅咖啡都唔錯,每一杯咖啡都係親手拉花~~之後我哋叫咗個All Day Breakfast~佢入面嘅慢煮雞胸肉煎得啱啱好,表面煎到金黃色,都幾香❤️配菜係黑松露日本本菇,都幾香黑松露味~炒蛋就同平時炒蛋差不多🤣自家製烤芝士酸種麵包🥯幾有咬口,煙煙韌韌,配搭2款芝士啱啱好,唔會太漏👍我哋叫咗個小食唐揚脆雞,唐揚炸雞平時係配沙律醬,不過呢度係配柚子汁,炸粉都算皮薄,炸雞新鮮熱辣,個口仲會熱到出煙😂😂😂然後就係必食嘅窩夫❤️今次我哋叫咗海鹽焦糖比利時朱古力麻糬窩夫🧇如果鍾意食麻糬嘅朋友仔應該幾開心,因為有一大塊麻糬撻喺窩夫上面❤️基本上每一啖都都有麻糬~~~~見到基本上每一台嘅客人都會叫一份!可以見到大家都係為咗麻糬而來🤣個人覺得都幾好食,窩夫非常香脆,外脆內軟,夾雜着微微嘅朱古力味,如果唔夠味仲可以點朱古力醬同埋朱古力雪糕,一份有4塊夠晒飽🫶🏻🫶🏻兩條友食咗呢幾份嘢已經飽到飛起🫢不過嘅體驗都唔錯,特別係個環境都幾清幽,窗邊的落地玻璃非常廣闊,食飯嘅時候都幾chill❤️仲可以望住對面公園啲花花草草,都算幾寫意~~~ 继续阅读
(以上食记乃用户个人意见 , 并不代表OpenRice之观点。)
尖沙咀K11 MUSEA的Ukiyo有邊佑錫聯成套餐!!!店內仲有唔少打卡位,有得同邊佑錫合照呢!!慢煮雞胸肉|黑松露日本本菇|炒蛋| 自家製烤芝土酸種麵包 HK$98雞胸肉雖然細細塊,但原來幾好味,咸香咸香的。酸種麵包個芝土如果大塊D就好啦。龍蝦汁配大蝦三文魚籽手工意大利寬帶麵 HK$188意粉好煙韌,比較有咬口的,蝦肉係有煎過,所以好香,肉都係爽的。海鹽焦糖比利時朱古力麻糬窩夫 HK$168仲有得免費加生日牌+蠟燭,非常有儀式感。麻糬超Q彈的,朱古力雪糕超濃,好正!窩夫係比較乾身脆的,配埋軟林林麻糬同雪糕,好夾呀!𝐏𝐇𝐘𝐒𝐈𝐎𝐆𝐄𝐋 𝐗 𝐁𝐘𝐄𝐎𝐍 𝐖𝐎𝐎 𝐒𝐄𝐎𝐊推出「士多啤梨亮白美肌窩夫套餐」由11月7日至28日於Ukiyo惠顧聯乘窩夫套餐,即可獲贈「 PHYSIOGEL醫學級護膚體驗套裝」乙份,包括:-雙效逆齡精華體驗裝-抗敏紓緩面霜體驗裝-低敏保濕乳液體驗裝-產品現金券-品牌代言人韓星邊佑錫文件夾 继续阅读
(以上食记乃用户个人意见 , 并不代表OpenRice之观点。)
今日中午lunch, 環境舒服食物可以,但各服務員態度奇差。- 1個多小時小時冇人fill水- 每個服務員也O笑容,接近或全程黑面/未瞓醒- 大概到13:45,他們居然主動過來,不過係俾張單俾我們,之後14:00再催,說我們時間已到。又是語氣奇怪講完即走。- 出到去,冇人等位。出面側面亦有10拎張枱。-我以為他們冇收服務費,又唔係。我好相信一定是老闆冇俾開工利是他們,或者冇初一double pay,如果唔係,係香港服務業之死。 继续阅读
(以上食记乃用户个人意见 , 并不代表OpenRice之观点。)
Ukiyo (尖沙咀)尖沙咀梳士巴利道18號維港文化匯K11 Musea 6樓610號舖k11 性價比最高嘅餐廳,set lunch 價錢只係百零蚊一個同最底層food court 差不多之餘,仲要係落地玻璃可以望風景坐得舒服,服務又好餐廳裝修非常高格調,外面都有位置,一入到去係長條既木製吧枱可以望住落地玻璃非常寫意行到最入就係餐廳位置,落地玻璃,彩光十足,非常開楊時不時都會嚟食,lunch set 定期會轉menu而家有炸豬扒飯同帶子菠菜闊條麵都不錯唔啱食都仲有all day breakfast all day breakfast -三文魚、薯餅、牛膀、椰菜花飯、炒菇擺盤精美,發現原來碟都係用名牌子真的是有格調的餐廳三文魚煎得香脆微燶邊,配菜大部分都係日本漬物開胃得黎又健康,配番杯焙茶鮮奶,仲有拉花無得頂Lunch set 帶子菠菜闊條麵都寬面掛滿醬汁, 闊條麵是手打的,煙韌好食唔會覺得好乾身,不錯咖啡揀左最Basic嘅黑啡,唔使加錢餐廳本身嘅咖啡都不錯一坐低就會就有暖水供應K11 Musea 日本西餐cafe 一定是Ukiyo 继续阅读
(以上食记乃用户个人意见 , 并不代表OpenRice之观点。)
等级3 2025-01-29
0 浏览
係K11 Musea逛街,就近係度食飯。我係俾呢間cafe嘅牛油果羽衣甘藍奶昔同朱古力鬆餅吸引佐入來,其他交俾男朋友發板。咖哩吉列豬扒定食,我平時好少會主動點呢味,食落有驚喜✨咖哩味道唔會太辣,撈飯一流,豬扒外脆內嫩,搭配小食係芥末小章魚🤤仲要可以半價加配牛油果羽衣甘藍奶昔,完美搭配啊!仲點佐個雞胸肉嘅全日早餐➕油浸鴨脾窩夫漢堡,營養搭配,滿足滿足。店內環境好乾淨,坐邊邊位有全落地窗,唯一美中不足嘅係靠近入邊bar台會有油煙,所以盡量揀邊邊位。 继续阅读
(以上食记乃用户个人意见 , 并不代表OpenRice之观点。)