影片
港铁天后站 A2 出口, 步行约3分钟
继续阅读
电话号码
92202351
营业时间
今日营业
14:00 - 02:00
星期一至四
12:00 - 00:00
星期五
12:00 - 02:00
星期六
14:00 - 02:00
星期日
全日休息
以上资料只供参考，请与餐厅确认详情
今日嚟到天后玻璃街新開嘅餐廳食lunch，門口見到餐牌非常抵食，午餐種類選擇都幾多，有雞牛扒意粉同埋魚柳，價錢都係經濟實惠。入到餐廳見到係酒吧嘅裝修，環境都十分chill，自己用QR code 落單，我就揀左肉眼扒配薯條，午餐包餐湯/沙律 🥗 ，仲包埋野飲！今日餐湯係忌廉甘筍粟米湯，味道非常濃郁，好香牛油味，飲得出唔係罐頭湯！牛扒非常之大碟，好多薯條，而且有一堆冷律菜，所以我建議大家可以揀餐湯，牛排味道不錯，有牛味，呢個價錢真係物超所值
继续阅读
天后番工午餐好選擇！雖然主打夜晚酒吧小食，今次既午餐絕對唔失禮！西餐食物為主，牛扒勁大份，睇得出師傳處理食物好有心得，仲有前菜野飲都唔洗七十蚊！加左雞翼都好好味😋如果side可以轉mushroom就更好！環境會比較暗，因為本身行酒吧style，但周圍都好乾淨舒服。朋友食既雞扒都煎得好香脆，比出面好多餐廳都好。建議前菜揀湯，因為本身個main都有沙律菜，唔係就太多菜了。下次應該會試下收工來happy hour 好似都好抵🤩
继续阅读
係琉璃街新開咗一個月左右，聽聞之前個處喺隔籬街度做開嘅，店舖入面都新淨嘅，佢去廁所位麻煩少少，叫咗個牛扒，牛扒真係物有所值，大大份，五成熟啱啱好，個味道同埋軟腍度處理得好好，而且份量好足夠，夠晒飽，仲過薯條都好脆，但係個湯就一般般但咁嘅價錢，真係冇得頂！跟其他街坊講，佢哋個薯蓉都好出色，不過我可能晏咗少少去，佢地話薯蓉已經賣晒，咁我唯有下次再試食啦另外，真係要讚，冷氣真係好足夠，尤其而家大熱天時，如果冷氣唔夠真係搞唔掂
继续阅读
Uptown呢個名真係好熟悉，同朋友經過見到佢門口個餐牌，由於時間啱啱好係12點，我哋正正係佢開門的第一個客(正呀)就入去試一試啦！ 當日天氣非常熱，一入到去，感覺係至身於仙境般：「爽、清、涼」，足夠嘅冷氣我比100分。 我朋友點咗肉眼牛排餐($78)，我就食T骨牛排餐($98)，兩者都十分好，如果100分為滿分，咁就有95分好；肉質鬆軟唔在講，外面亦燒到少少焦脆🥩💯👍，我未提及佢跟埋嘅脆薯條呢🤩，仲要係咁嘅價錢，CP值超高。「不上大陸消費，震興香港經濟。」香港就係要有這種店舖，成功踏上一大步。
继续阅读