Urban Bakery (已結業)

提早慶祝母親節... 見Urban Bakery 推出嘅黑加侖子雜莓禮物蛋糕勁吸睛... 忍唔住買咗!😬尺吋: 5"價錢: $288 Urban Bakery嘅千層酥好出名... 聽店員講呢個蛋糕嘅三層招牌千層酥... 每層由256片酥皮製作而成😲😲😲 唔怪得咁香咁脆la!呢個蛋糕用咗好多草莓、無花果、紅莓... 仲有黑加侖子忌廉同乳酪慕士嘅夾層... 原本都驚酸... 但原本酸甜適中... 好有驚喜!👍蛋糕面頭仲有食用玫瑰乾花、金箔、閃銀粉... 好華麗矜貴... 超靚!🤩

呢一間麵包店我都幾鍾意，佢嘅牛角包新鮮出爐非常之好味，好香，亦都好鬆脆，仲有唔同嘅甜品選擇，之前試過佢嘅鹹蛋流心牛角包，但係今日去嗰陣牛角包已經整好咗一段時間，未必會有剛焗起嘅流心效果，所以今日就買咗佢嘅朱古力牛角包，另外試咗佢嘅草莓千層酥。朱古力牛角包買回家第二日烤熱先至食，牛角包依然層次分明，外表酥脆，裏面香軟，好好味😋另外草莓千層酥都做得唔錯，千層酥好鬆化，裏面嘅忌廉甜而不膩，表面上放的草莓水果也頗新鮮，呢一間麵包店所有酥皮嘅食品都做得不錯，仲有其他嘅法包選擇，下次可以再試吓😄

早上在希慎广场的 Market Place 买东西，被面包的香味吸引着，肚子也有点饿。刚好看到 Urban Bakery 有面包出炉，就走过去买东西吃。店员正在把牛角包用独立胶袋包装好，然后放在货架上。牛角包原来有不少选择，有馅或无馅、朱古力皮或菠萝包皮的，很有新意。现在在做特价，第二个是半价，就挑起购买意欲，多买一个。新出的菠萝牛数似菠萝油，但价格好像贵了一点，不是太划算。买了黄金流奶牛和芝士流心牛，都是带流心的。流奶牛内的吉士带点蛋黄的味道，加上面包上的糖霜，吃着不会太腻。至于芝士流心牛内的芝士馅就较浓味，有点像芝士蛋糕的口味。这里的牛角包有超过10种味道，加上第二个半价的优惠，非常值得一试。

今日上司farewell party，早一日就同佢上網訂左散水餅，食完個lunch就出發同佢一齊去希慎廣場marketplace 拎餅～拎cake果時店員極力推芒果泡芙超好食，話最近芒果好甜💯💯一翻到公司即刻拎左個芒果puff試下果然真係唔錯喎！最中意係佢個cream唔會太甜，但同時有厚實既感覺而且puff皮鬆軟得黎外皮好脆，一啖食落有多重口感絕對估唔到咁滋味！💯💯另外做緊聖誕優惠，聽上司講買左3打都係大約300幾蚊，好高質～！好味好味

本人9月19日於銅鑼灣希慎廣場地庫URBAN買了一個芒果拿破崙蛋糕，價錢為28元（以前是35元為吉士餡）心想可能疫情下老闆拿了政府的資助，因此大發慈悲減價回饋市民。原來真相却是老闆棄用傳統吉士偷偷地改用廉價忌廉（芒果又酸又薄只有三數片，忌廉本身也酸，非常難吃）並向客户宣稱更改了配方。讓人難明的是，飲食生意没有最好只有更好，為什麼棄用傳統、正宗的食材要換成廉價的配方？而且為什麼不敢用文字清晰標示『忌廉拿破崙』？該店的番茄包配方目前也換成隨意加些橙紅色顏料的配方，完全失去了原來香濃番茄的味道。如果無心經營，懇請、拜托儘快結業撤出銅鑼灣，不要霸佔超市的黃金地帶卻出產垃圾食物😡本人相信黃金地帶總會吸引願意經營高素質食品的有心人。

個人覺得係散水餅最好嘅選擇 包裝得體而價錢十分相宜👍🏻成日有唔同嘅promotion 例如買三送一 $20唔使就有一個 最推介嘅係以下幾款牛角包：流奶牛角包 🥐：爆漿口感又有芝士粒粒係面頭 啲奶油味係濃郁度十分高 又唔算太油膩 做到層次分明👍🏻法式朱古力牛角包 🥐： 差唔多有半個包都係比朱古力醬覆蓋 啖啖都有朱古力 而朱古力係偏甜唔苦🤤鄉村風味藜麥牛角包 🥐：營養價值超級高 適合啲注重健康但又想食牛角包嘅人🤣雖然係咁個包一啲都唔會乾

泡芺係有5款口味，原味（雲呢拿）、抹茶、榛子朱古力、好立克、咖啡我自己試咗榛子朱古力，上面係有朱古力醬，因為買咗唔係即食，我都唔太清楚係咪運送路途有少少遠，令到個泡芺已經有D淋身，已經唔脆亦都唔太鬆軟，個cream 做得好creamy 好滑，我覺得呢個食到一半時開始覺得太甜，食到尾就有甜到漏感覺，可能個size 都幾大嘅關係。朋友有試咗好立克味，聽到時覺得呢個好特別，不過佢話個好立克味唔太重，反而有種鹽味蓋過；另外都有朋友話個抹茶味係唔錯嘅～

之前New York Cheesecake 買一送一，折實價$19/一件，非常划算🤩。同朋友一人一件做下午茶，芝士鹹鮮味道濃而不膩，亦非常飽肚。光滑厚實嘅外表、實實在在嘅口感、濃郁唔膩嘅味道令我食過翻尋味，感覺cheesecake嘅回頭度比牛角包更加高。而家即使冇咗優惠，今日經過仍然忍唔住買咗件🤤。店員用大小適中嘅紙袋裝住，底部有張硬卡紙。由於蛋糕好挺身、實淨💪🏻，即使唔用蛋糕盒都唔怕整爛。1\New York Cheesecake 如果即日食，一般都可以放室溫。由於今日天氣炎熱，所以放咗喺雪櫃待用，口感比平時硬咗啲。🧀️味道依舊，芝士味道濃郁，除咗芝士獨有嘅鹹鮮味之外，仲帶有淡淡杏仁味。🍰口感細緻滑溜，齒頰留香。🍪餅底唔薄，質感粗嚡、脆口，夾埋口感細緻嘅cheesecake一齊食，有種強烈而有趣嘅對比，口感好豐富而且有層次。👍🏻由於cheesecake密度甚高，亦好重手，飽肚程度同食咗份正餐相若，滿足感爆登🆙。至於係咪fat free，我就唔打算考究啦～😂講返Urban Bakery嘅鎮店之寶 — 牛角包🥐蓬鬆酥脆嘅口感、牛油豐厚濃郁嘅味道、微微烤焦嘅表層🥐 都係牛角包嘅誘人破戒之處。

相信好多人都食過urban既牛角包脆邊出晒名小人都食過幾款味道所以今次要轉轉口味~買左個芝士火腿包包食落麵包軟綿綿夾住火腿都食到濃芝士味13蚊都唔算貴下次可以再挑戰下其他包包

話說喺今年一月尾去訂牛角包同泡芙，當時我有 Hysan $350 e-coupon，可以喺商場指定商戶使用，而 Jason 超市係包括在內。咁 Urban Bakery 有 cashier，我唔肯定佢哋收唔收啦，咪問吓店員，係一名後生仔：我：唔該，我有個 e-coupon 可唔可以.... （被店員一句撻埋嚟）店員：唔可以！其實佢都未聽完我講！我再講一次同解釋啦，問佢可唔可以我拎去超市個 cashier 比錢，再拎返張單返嚟 bakery... 咁最後係用到 e coupon，仲有超市印花。重點係店員都未了解客人問題，就一句得埋嚟話無。自問自己對人有基本禮貌，唔會恃住自己係客大曬嘅心態去對人。可能店完真係好忙啦... （其實當時無其他客）講返食物先，牛角包係正嘅！

 This time I bought a cheese heart and caramel and gave it an original taste. The original taste is the most common, not very recommended. I love cheese very much! It’s really fragrant and flowing, and the caramel taste is not inferior!

一落超市就聞到勁香，行過去仲有買二送一offer 平均$12就一個，咁唔可以唔買啦！菠蘿牛角包可以話係打響名堂之件作，本地口味菠蘿面比較厚身但好脆令包咬落更脆，看似不夾但味道竟比原味更有驚喜，少少甜同牛角包的牛油咸香好夾！我諗夾埋厚牛油入去會更高分。(食咗一半先記得要影)原味對都正，夠香又鬆又靚。可惜我懶叻返屋企再焗熱食，點知令個包淋曬，原來唔可以翻熱的，要留意！仲買咗個Caramel custard bun，普通包底兼太甜了，唔啱食，都係focus 返牛角包啦！佢哋仲有好多款！

每個週末都會喺呢間超市行下，買下，最後都唔少得食個包。行過貨架都會聞到陣陣包香，又點能唔令為食鬼上身呢？佢哋嘅麵包都係新鮮出爐，離遠都已經香返人流口水。有好多唔同種類，而最令人興奮嘅當然係啲牛角包！而且成日都會做買二送一嘅優惠，仲有唔同嘅口味選擇好多，朱古力味係我至愛，其次係爆牛。朱古力味嘅牛角包除咗出面鋪滿朱古力之外，連佢嘅入面都係滿滿嘅朱古力醬，好邪惡㗎！超正～除咗牛角包，泡芙都係必食，雲尼拿、杏仁朱古力、可立克同抹茶味。杏仁朱古力泡芙出面都係滿滿嘅朱古力醬，入面啲啲cream 係重朱古力輕杏仁味，一啖咬落去勁滿足！

平時行過urban bakery 都係俾佢啲牛角包🥐吸引 之前試過佢有個夾蛋既牛角包🥐 已經覺得很不錯由左開始:1. 榛子🌰cream 配 開心果朱古力coating 面🍩好濃的hazelnut !!! 首推 可能因為我是榛子迷吧 到右前:2. 雲呢拿🥛cream 配 糖霜面🍬呢個算係原味 有一粒粒雲呢拿籽 顯然易見 真材實料 不過略嫌過甜再到右後:3. 朱古力🍫cream 配 咖啡脆脆面☕️出乎意料好食喎👅👅👅 本身以為好普通 點知原來好咖啡味 中和左啲朱古力👍🏿👍🏿👍🏿不過最後想講下其實呢間鋪係美心旗下一個品牌 算係美心麵包以外行中高價位嘅鋪 都可以試下！

每次經過Urban，都比佢d牛角酥同蛋糕吸引到，再加上創意同賣相討好，價錢又唔算貴喎，所以都幫襯過好幾次，試過內𥚃軟棉富蛋香嘅生日蛋糕、精緻唔太甜嘅甜品蛋糕、軟熟烘香嘅麵包，而今次下午茶，阿sir為我挑選咗兩款甜品，食評如下：綠茶忌廉泡芙 $15😋😋😋😋。。。。。。。。第二次食啦，綠茶泡芙相對比較特別，綠茶味十足，而且忌廉又香又滑又實在；而泡芙則脆中帶軟，唔會好似泡芙爸爸果d咁硬，呢個泡芙size都幾大，賣$15個實在抵芒果拿破崙酥 $36😋😋😋。。。。。。。。。食拿破崙最重要就係個酥皮，呢個酥皮又香又脆又有層次，但唔會一咬就散晒，而且半小時車程都無令佢變腍👍🏻，至於內層餡料唔係用上全新鮮芒果，所以有少少失望，吉士醬+薄芒果肉唔算突出，如果用新鮮芒果做就perfect二人共消費：$51