URBAN Cafe (彌敦道)

营业中

休息中

今日要同朋友慶祝生日，咁岩大家都好中意貓貓，就搵到呢間主打貓貓既cafe黎慶祝生日食餐飯。一入到去就見到好多貓貓好活躍，非常之岩一家大細黎食飯。我地4個人就叫左個4人套餐，首先包每人一碗湯同沙律，碗湯係南瓜湯，好creamy，而且有啲燕麥既感覺，相當特別同好飲👍🏼而主食方面，簡左個黑松露飯，黑松露味好濃郁，岩曬中意黑松露既我地。另外再簡左一個肉醬芝士闊麵，闊麵煙韌而且芝士可以做到拉絲效果，再加埋肉醬一流。之後到一個慢熟雞胸配薯菜，雞胸幾淋易入口，上面配左啲類似蘋果肉既汁，甜甜地幾特別。最後就係煙三文魚既pizza，非常好食👍🏼批底脆得黎好易咬，再加埋煙三文魚味配芝士，極力推薦叫pizza。最後我地再另加一份小食拼盤同兩份甜品，小食拼盤有薯角，雞翼，炸雞等等，炸雞脆得黎肉好軟，成份拼盤最好食係炸雞，甜品方面就少少失望，心太軟過份軟身，完全唔似平時食開果種心太軟。整體黎講食物質素唔錯，再外加有好多貓貓陪我地食野，成個感覺唔錯👍🏼

作為愛貓一族，又點可以吾定期去貓貓cafe 貢獻下啲糧水，今日約左親SIS 放工後去左旺角嘅Urban 貓貓cafe 坐下睇下貓，叉叉電-作為自己有養貓之人，貓貓之地最重要係夠乾淨，Urban 真係做到理個條件，其中之一貼心位就係鞋套，一入到門口已經覺得雖然多貓但係吾會好多塵，鞋底亦吾會帶左細菌比貓貓，抵讚- 插下隻為食貓FACE，等緊野食之本本與本妹應該都係咁既表情天寒地凍，都係做沉睡中的主角最實際-終於都上菜啦，先上既係唐揚炸雞($58)勁juicy 的炸雞，入口好脆卜卜而入面既雞肉好幼嫩，吾會炸到乾晒口，外皮炸衣好吾錯，真係有日本風吾會行左鹽酥雞OR韓炸雞果種路線，正! 而且仲有沙律伴碟，好豐富-之後就係意式青醬忌廉海蜆野菌扁意粉 ($108)伴碟同賣相勁靚，好好食，意粉好香蒜味，青醬加左cream，好好好creamy，好rich 亦都好飽肚，好多蜆同野菌，仲有BB carrot，真係好豐富的~-仲有另一個main 係大啡菇安格斯牛肉手工漢堡 配薯角($128)超正，個burger 勁大，好高，一定要講既係塊安格斯牛肉，超厚身，勁多肉汁仲有大大塊大啡菇，如果吾係要同親妹share

🐱近年寵物友善餐廳越開越多，就算無養寵物都可以去下貓cafe，呢度有成50隻貓主子陪你食飯，真係好熱鬧好開心！除了咖啡、小食外，同時有意粉、薄餅、沙律等，貓奴可以又玩又食，非常滿足呀！🍽️二人套餐（$328）呢個餐性價比好高，而且好豐富！有齊餐湯+ 沙律+主菜+飲品🍝三重芝士肉醬闊條麵芝士醬汁非常濃郁，帶點新鮮蕃茄既微酸，撈埋闊條麵食好開胃，口感豐富唔會好膩。🐷西班牙黑毛豬肋骨配薯菜肉既份量好多，面層搽滿BBQ醬，帶有少少焦香，最重要烤得軟腍入味呀！🍟小食拼盤（+28）有雞軟骨餃子、唐揚雞塊同薯角，熱辣辣炸起夠晒香脆，點埋沙律醬/茄汁，邪惡又滋味！🍧雪山心太軟（$25）雖然唔算太流心，但加埋雪糕好開心！

我同老公都好鍾意貓，可惜屋企地方有限冇得養，同事就介紹咗我哋黎呢間Urban cafe，話入面有超多貓貓，啲貓又親人活潑可愛，見今日收工出開去食嘢順便就嚟試吓啦！ 同事話觀塘店嘅面積仲大過旺角，貓嘅數量有幾十隻，不過旺角比較近我哋返工。我哋叫咗二人套餐 $328 二人餐包咗兩份餐湯同沙律，今日係煙肉忌廉湯，湯好濃稠，好味。另外主食可以揀兩份，我哋揀咗三重芝士肉醬闊條麵同埋安格斯牛肉手工漢堡配薯菜。意粉表面鋪滿咗好多肉醬同芝士，啖啖都食到肉醬，配埋我最鍾意嘅闊條麵，真係好惹味！ 手工漢堡嘅牛肉扒超厚，配上牛肝菌燒汁令味道昇華，麵包表面仲有好有heart咁印左貓咪圖案，影相打卡一流👍🏻另外+$28 加配滋味2人小食拼盤，有雞軟骨餃子、唐揚雞塊同薯角，唐揚雞塊炸完出嚟唔會乾爭爭，仲保留到佢嘅肉汁好Juicy，食物都係即叫即整，上枱時仲係好熱辣辣😍😍以前都去過好多貓Cafe，呢間性價比都好高，唔會話計時收費，餐廳處理衛生都做得好好，唔會好大浸臭味，食物又好食，貓咪又好親人，下次一定會再嚟同貓貓玩😻😻📍 URBAN Cafe (彌敦道) (旺角)旺角彌敦道566-568A號僑建大廈2樓

旺角Urban cafe係一間好有名氣嘅貓貓cafe佢哋嘅貓貓種類算係貓Cafe中最多嘅一間。貓貓亦都好親人，同埋環境保持得好乾淨，無咩異味。Urban另一出名一定係佢哋嘅二人餐啦！CP值好高。是日沙律 鮮果沙律清新又開胃。是日餐湯南瓜忌廉湯夠哂Creamy，湯中有滿滿南瓜嘅清甜。滋味小食拼盤三款炸物分別係唐揚雞塊、薯角、雞軟骨餃子，佢哋都採用即點即炸，所以每樣都香口非常，加埋調味得宜，令人一食上癮。西班牙燒烤醬黑毛豬肋骨配薯菜豬肋骨肉質嫩滑，有滿滿嘅肉汁，而且搽咗惹味嘅燒烤醬都唔會搶走豬肋骨嘅肉味，配菜可以揀薯菜或扁意粉，我哋揀咗薯菜，有熱辣辣脆卜卜嘅薯角，配埋豬肋骨一齊食更好味。溫泉蛋煙肉野菌黄金芝士卡邦尼扁意粉蛋用咗日本無菌蛋，食嘅時候更安全同健康，而卡邦尼醬都好Creamy，撈埋溫泉蛋後變得更順滑，更易將意粉掛滿醬汁，醬汁亦多添一份蛋香，而配料中嘅煙肉野菌令味道層次更多。

第一次去貓貓cafe，初初都認為會有陣貓味，點知一啲味都無無預訂 好彩去到唔洗等位，門口有部機係笠個鞋套，好方便，消毒埋雙手就入去。職員會被份注意事項你睇，要小心看管自己既食物，唔可以俾貓貓食，我地叫左個二人餐，不過入到去成個心飛左去貓貓到，一張野食相都無影但賣相係唔錯既，同埋味道都唔錯～整體野食同飲品都幾好，份量都算足夠，不過我地加左小食同心太軟，同埋⋯我一心想快啲食完玩貓貓🐱😝餐廳空間還好，唔算好大，但都夠位去睇貓，同埋啲貓貓好活躍 會自己周圍走，重要好為食，一有野食就衝過黎，隔離枱係餐廳買左貓罐罐餵食，然後就有以下幾張相🤣貓貓圍晒過黎，爭住食，感受被貓圍既感覺😂肉緊到企晒起身～不過大部分既貓貓都唔願俾人抱，我眼見都係坐枱🤭同埋係櫈到俾人摸多～但就全部都好乖～職員態度都好好，會主動收走枱面食完既餐具，等可以多啲空間同貓貓玩～整體黎講係個好開心滿足既體驗～會再搵時間去，希望下次可以抱住貓貓影相😚

星期五放工想同朋友去chill下🥰 佢話想同貓貓玩🐈 所以就嚟咗呢間貓貓Cafe❤️ 依間貓貓Cafe超好👍🏻 唔收入場費😍嗰度有超多貓貓😍 隻隻都肥嘟嘟😆 又靚又可愛❤️ 嗰度仲有勁大棵樹比啲貓貓休息👍🏻 環境乾淨有冇臭味🥰除咗貓貓之外🐈 當然食物質數都好緊要啦🥰 依間啲嘢食真心唔錯 👍🏻 二人套餐($328)我哋叫咗個2人set🥰 已經包左餐湯🥣 沙律🥗 主菜🥩 同埋飲品🍹今日嘅餐湯係南瓜湯🎃 南瓜味超濃郁👍🏻 夠晒杰身🥰 好飲😋 而沙律就正常發揮啦☺️即磨芝士黑松露野菌忌廉意大利飯🧀每一啖都食到黑松露味🥰 加埋忌廉汁夠晒creamy👍🏻 最勁嘅係佢哋上面仲有啲即磨芝士🧀 食落一啲都唔溜❤️ 返入邊仲加咗菇同埋三色蕉係增加口感😋西班牙黑毛豬肋骨配薯菜🐖佢有薯菜同埋闊條麵🥰 揀我哋就揀咗薯菜🥔 原來係薯角黎😍 雖然唔算好脆身，但真係啖啖薯肉😋 而豬肋骨亦都好厚身👍🏻 個肉唔會好鞋🥰 配埋個BBQ醬味道啱啱好☺️白桃蘋果醋梳打(+$5) 🍑/ 青檸薄荷蜂蜜綠茶(+$21)🍋估唔到白桃同蘋果醋嘅味道咁夾👍🏻 青檸薄荷就好清新🌿

屋企隻主子服侍得多，會唔會想偷下懶同其他主子玩下呢～之前去過位於觀塘嘅2000呎分店，今次就去旺角店鋪探下啲貓貓🐱。鑑於疫情緣故，客人必須要消毒雙手，同埋著好店鋪提供嘅鞋套先可以入場（出面有部自動上鞋套嘅機，踩落去就搞掂😎，非常方便）。店鋪有超過20隻貓，但好可惜嘅係，今次去到貓貓都係到睡覺，好少主動討摸。強烈推介加$18買佢地嘅貓罐頭，可以享受下俾眾貓圍住嘅感覺。比較驚喜嘅係有啲好親人，會主動坐喺你對面擺pose，可以抱亦都可以任摸。另外，餐廳特色係用餐無限時，你鍾意玩幾耐都得。食物方面，「溫泉蛋煙肉野菌黃金芝士卡邦尼意粉」嘅卡邦尼汁十分之creamy，混合埋同埋香濃嘅cheese，十分惹味。而溫泉蛋吉穿之後，蛋黃掛麵十分之滑溜。而煙肉嘅鹹味都令到菜式更加惹味。另外，「雪山朱古力心太軟」作為飯後甜品都唔錯。一啖香濃嘅心太軟，一啖味道清新「雜苺氣泡特飲」，呢個配搭唔會太甜，亦滿足到味蕾嘅需要，十分值得推介。

作為愛貓之人，我諗都一定聽過呢間貓Cafe適逢今日放大假，就過嚟撚下貓輕鬆一下，又估唔到啲嘢食又幾抵🥫茄汁肉醬寬條麵除咗茄味濃郁肉醬夠多之外，份量都幾大兜，而且價錢唔貴，都只係70零蚊一個Lunch，仲可以做吓奴才，望吓治癒嘅貓咪避風塘雞翼下午茶餐嘅避風塘雞翼連嘢飲都只係50幾蚊，確實好抵食隻隻雞翼都好香脆，又大隻荔枝百香果乳酪沙冰同隻貓一齊睇風景飲住杯沙冰，都咪話唔甜😂坐耐咗飲杯花茶，胃吓個人，止吓口渴👍🏻最後送上貓貓圖👍🏻總括嚟講，估唔到食物質素都好高，全場都冇臭味，價錢非常抵食，又可以同貓一齊玩，環境都好乾淨，一定再光顧👏🏻

放工後想找個地方輕鬆下，就去左旺角《Urban Cafe》，一打開café門，非常震撼既畫面，餐廳座位約30已座無虛席，而入面竟然有40幾隻貓，今次名乎其實貓多過人。坐底無耐，旁邊待應拎左罐貓糧出嚟，原來+ $20就可以做享受貓努快感，一飽10幾20隻貓喵的溫柔，圍住擺擺姿態問拎食食。去到當然要試一試佢啲食品及食物， 估唔到質素都唔錯。點了幾個小食及一個主菜同朋友share.第一碟上既青咖哩忌廉燴青口就已經有驚喜青咖哩忌廉厚滑香濃，汁磨菇片、洋蔥及小車厘茄增了一份蔬菜的甜更醒胃，半殼青口size都唔細，配上香濃青咖哩忌廉非常好味。美國豬鞍扒配檸檬蘋果超級推介，豬鞍已經唔係間間西餐廳都有，成本高仲要煮過火少少都好容易會鞋，而Urban Café煮得剛剛好，豬鞍超厚肉，咬落爽彈，同平時豬排好唔同。加埋檸檬蘋果醬酸酸甜甜好開胃，唔洗怕肉太多會膩😎 還叫左水牛城雞翼及唐掦炸雞上枱熱辣辣味道亦都唔錯。

放工同朋友去左呢間好治癒的cafe食飯😸呢間cafe內好熱鬧，好多貓星人，仲多過來食飯既客人💓前菜小食叫左青咖哩白汁燴青口，水牛城雞翼，唐楊炸雞🍗不得不讚，青口鮮甜多汁，青咖哩好入味👍🏻水牛城雞翼同炸雞件仲香脆可口，怕熱氣仲可以配埋花茶調理一下🌸🌼我選左藍花皇傢伯爵荔枝紅茶，唔夠甜可以加配蜜糖，實在細心🌝主食就食左美國豬鞍扒配檸檬蘋果醬，豬扒肥美多汁，同檸檬蘋果醬味道好夾💓最後還有蘋果越橘酥配雪糕，實在太滿足🥳🥳食野其間仲可以同貓星人玩下～佢地都好熱情好親近人😻😻喜歡貓既您，一定要去呢間探索下👍🏻

尼排見朋友share去尼間cafe玩貓貓既相，覺得d貓貓好可愛，好想去玩貓貓😆Cafe位於好近地鐵站既大廈，門口有個鞋套機，入cafe前要穿上鞋套，入面環境衛生無臭味，入面有好多吾同品種既貓貓，貓貓好活潑，其他客人拎住貓棒，貓貓都會追住佢地玩尼間cafe有得order即叫即做既熟食，我揀左2人套餐，主食揀左三重芝士肉醬闊條麵、意式辣肉腸拉絲水牛芝士手工薄餅，有餐湯、沙律，飲品揀左朱古力冰沙，意大利朱古力咖啡薄餅幾好食，闊條麵好多芝士好邪惡，份量比較多，食飽睇貓貓係到玩同埋訓覺覺得心情舒暢，忘記左生活上既煩惱😀

今日帶咗姐姐去食lunch 知佢勁鍾意🐱貓，俾個surprise佢帶佢去貓貓Cafe🤭🤭一入門口已經有幾隻懶洋洋嘅貓貓喺門口迎接🤪🤪作為《貓奴》嘅佢已經被融化❤️❤️急不及待，叫咗幾樣嘢食就9秒9衝去玩🐱🐱🐱🐱餐廳入面有一棵貓樹，起碼有十幾隻貓喺度休息緊，而姐姐就係咁幫佢哋做按摩🫣🫣佢哋完全唔驚人，任你摸唔嬲🤣🤣🤣🤣雖然店舖環境唔算好大，大最少超過30隻活潑貓貓喺度行嚟行去，重點係個環境勁乾淨，唔會有貓臭味，而且我哋仲會著鞋套入餐廳，可以確保地下乾淨❤️❤️東瀛蟹籽卡邦尼煙肉扁意粉🍝$108燒紐西蘭牛肉眼扒 $144雙層朱古力蜜糖吐司 配雪糕 $88呢度嘅午餐真係好抵食仲有埋沙律同埋嘢飲🥰🥰又可以食嘢，又可以無限玩貓🐱🐱鍾意貓嘅人一定要上嚟感受一下已經約定咗，下次帶埋BB過嚟🤪🤪東瀛蟹籽卡邦尼煙肉扁意粉🍝$108-奶油味十足嘅卡邦尼醬汁，將佢混合緊一齊嘅時候，已經聞到浸浸嘅香味🥰🥰 意粉嘅味道啱啱好，唔會太鹹，而且加入咗蟹籽，增加左唔同嘅口感燒紐西蘭牛肉眼扒 $144-大大塊嘅牛扒，肉質都非常軟熟，叫咗七成熟，啱啱好，再配合埋香脆嘅薯角，加少少茄汁提升返味道，好味😋性價比好高雙層朱古力蜜糖吐司

今日同朋友去咗食，之後都唔敢再幫襯😰食食下，見到個店員衝去隔離枱鬧客鬧客人主動俾貓食野我哋睇住事發經過，睇到貓貓係冇食到，而個客係有阻止左貓貓食既店員勁大聲鬧佢地😰格硬話佢地有主動餵貓貓迫個客開相簿俾佢睇片之餘🫢仲強行del片🫢見客人已向店員解釋，又有片做證係冇食到，諗住都冇咩事 平息左件事啦掛😅店員不但無聽😨反而仲拎本守則衝過去，又再大聲鬧多次佢地😰嚇到我同班friend都〇哂咀點解個店員可以咁無禮貌同無理架Feel到嗰台客人都覺得好無奈同委屈🫣下次我地都唔敢去… 😰同埋一路食緊 都見環境唔太夠位俾d貓貓行同休息🥲狀態都睇落好攰咁希望貓貓可以有個好d既環境生活🙏🏻

我同細妹隔左三個多月又來到旺角Urban Cafe探貓貓啦 🐱~ 我倆都超掛念Cafe內45隻貓仔呢我地兩兄妹於七時正被安排入座時 幸運地坐到張四人枱 而家枱上仲附送一隻超可愛既睡貓咪😍餐廳樓面依舊乾淨衛生✅ 亦無味~ 值得一讚~貓貓真係勁可愛呢~ 同時我地亦要掃QR code落單嗌嘢食了✨食物方面好多choices~ 價位平民~ 首先，appetisers 第一客我地揀左黑松露拉絲芝士薯角($68)薯角非常粗身，包裹海量的Truffle cheese sauce (黑松露芝士汁), 每一口都是舌尖上既享受👍第二款appetiser我地嗌左唐揚炸雞($58)Urban Cafe既唐揚炸雞烹製的十分高質！炸得金黃香脆而不油膩😗 點上沙拉酱, 啖啖都令人愛不釋口🤪主菜方面,我地點了一客 慢烤美國嫩雞胸 配檸檬蘋果醬($148)雞胸處理得十分大師級！因為慢煮既關係，雞肉肉質軟腍多汁 完全唔「鞋」！配上特調既蘋果檸檬sauce食 味道更是昇華❤️ 另外一款main course, 我們叫了即磨芝士黑松露野菌忌廉意大利飯($98)Risotto可以說是滿分之選 💯 飯面上鋪滿了即磨芝士 絕不是ch