URBAN Cafe (麗新商業中心)

营业中

休息中

呢間貓貓cafe有好多唔同品種嘅貓 絕大部分都唔怕人都好nice任人摸 Lunch set唔貴 包餐湯同飲品 可以無限時任坐仲可以買貓糧餵貓添啱晒鍾意貓貓嘅朋友仔🥰食物品質唔差 呢個價同有貓摸絕對係超值之選請問Openrice我呢篇嘢邊度似享有任何款待或試食優惠？我寫得咁hea邊個會想俾優惠我？咁都要hold我份食評？麻煩你睇返啲放超多相寫作文咁又勁多emoji個啲文先啦 識唔識分㗎你

今次嚟到荔枝角店貓貓Cafe，好多肥懶貓環境舒適闊落，亦都唔會因為貓貓走來走去而覺得唔衛生，呢度最特別係唔使入入場費只要幫襯食物就可以坐低同貓貓一齊又玩又食呢度啲貓貓都好隨和，有時會專登行過嚟，你摸佢舒服嘅話，佢更加願意留低擺尾，不過飲緊水同埋瞓覺嘅貓就唔好打擾佢哋佢哋會知道自己幾時去休息幾時同我哋玩。今次嗌咗安格斯牛手工漢堡配薯條$118麵包皮印咗Urban同埋貓貓圖案，牛肉肉質厚實，醬料係蘑菇汁，仲有大大塊蕃茄芝士同埋生，10分足料亦都設有操薯條同埋沙律菜，賣相吸引第二樣嗌咗鰻魚明太子忌廉扁意粉$118原條鰻魚，切開都起碼有八舊，熱辣辣鹹鹹地配埋明太子忌廉就出奇地夾，亦都唔會覺得好油，而且意粉內都仲有啲黃椒蘑菇配菜，感覺清新滿足加一埋單都係260左右，坐2個鐘，cp值高

最近去了位於荔枝角的一家貓Cafe, 是親子餐廳來的。很多家庭來這裡玩，除了食物質素很好之餘，我最欣賞是這家店保持得環境很清潔，而每位客人進內都要穿上試鞋套！最值得留意是，每日Cafe限量推出貓罐頭給客人餵貓咪！而今次晚餐，我們點了很多時漢堡包、炸薯條、pizza、豬扒、卡邦尼意粉、軟殼蟹墨汁意粉、牛柳、沙律、蛋糕及窩夫！而他的花茶還很特別很大的一壺！全部食物都很美可以打卡，而且食物質素都非常好，價錢亦很合理！推介👍🏻

今日就嚟咗呢間Cafe喺荔枝角嘅分店，呢間鋪入面有超過10隻貓可以俾大家食嘢嘅同事同佢哋玩，啲貓全部都好得意好鍾意同人哋玩。仲可以買一啲同貓玩嘅玩具即場同佢哋玩。 今次我哋嚟到就嗌咗一個二人set，買單total大概每人$200，一個二人menu入面包咗兩份餐湯沙律，兩個主菜。分別叫咗和牛漢堡薯條同埋一個卡邦尼意粉，啲薯條有啲凍，睇落已經係整咗一排，和牛漢堡就中規中矩，卡邦尼意粉味道係唔錯嘅，不過就有啲水。overall食物質素叫做合格。

人均消費：$100-200推薦指數：⭐️⭐️⭐️⭐️個日係荔枝角附近 朋友話想去玩下貓🐱 於是就search下有冇貓cafe 係網上見到呢間店唔錯 而且又幾近 所以就去試吓😙🍴Set for 4 （包餐湯+沙律+嘢飲+2個意粉+2個主菜） $5181）溫泉蛋野菌煙肉卡邦尼扁意粉🍳🥓卡邦尼好重芝士同奶油味，意粉煮得夠透👍🏻，連埋啲汁放入口，好滿足！溫泉蛋好流心，煙肉亦好夠味，仲有啲煙三文魚，味道唔錯😋2）原條鰻魚明太子忌廉扁意粉🐟鰻魚大大條，完全冇慳住嚟。明太子醬味道足夠濃味，可撈哂成個意粉好冇問題。不過不失、係條鰻魚特別驚艷左我🤣3）夏威夷薄餅🍍🍕呢個pizza冇想像咁脆，餅底會有啲厚，而我比較鍾意薄身既。芝士落得算多，底味足夠。較普通嘅一個pizza，冇乜驚喜🥺4）滋味四人小食拼盤 - 炸雞翼+炸雞+洋蔥圈+薯條 （要另加$48）🍟都係比較普通嘅炸物，味道可以同炸得夠酥脆，唔會話放咗好耐咁。我哋覺得可以加可以唔加，需要特別點😄。5）西班牙燒烤醬黑毛豬肋骨🐖豬肋骨外面有啲燶，原本以為會好老，但又冇事喎。肉質依然好嫩，冇好乾好柴既情況。燒烤醬好惹味，有少少酸。薯條就普普通通，都仲係好脆😌總結嚟講

我由1412 拎飛等到1540, 之前一直都有放人入，就係叫到我個no. 就停左係度有吉位都唔放人入，行入去問你個職員先淨係大大聲同我講係呀，係要等到1600 先叫返人入，係呀 而家唔叫飛，點都等到1600 先會開始叫飛，點解唔一早同下個no. 既人講唔洗企係度等？你係唔打算放人入，有位都唔比人入你同人講聲叫人1600 先好返黎呀嘛，你講聲有位都唔會比你入嫁啦，等我可以去其他地方坐下？ 我大住個肚成8 個月 等左成粒幾鐘呀大哥

荔枝角 Urban Cafe 係一個貓奴嘅天堂。作為一個愛貓但無法喺家中飼養嘅人嚟講,呢度絕對係夢寐以求嘅去處。進入呢度,你會被熱情友善嘅貓咪包圍,佢哋個個乾淨健康,尤其係叫"雞脾"嘅可愛緬因貓，係我嘅至愛。入場唔洗額外費用, 我建議一定要叫午餐另加$18嘅四件炸蟹肉薯餅, 性價比超高。午餐套餐質素尚可,份量夠,人均消費約$100左右。飲品選擇好多,能滿足唔同人嘅喜好。最重要嘅係,呢度就好似一個貓咪聚腳點,你可以喺享受美食嘅同時,近距離接觸可愛嘅毛孩們,療癒心靈,渡過一個愉快嘅時光。如果你都係個貓奴,Urban Cafe絕對值得一訪。

又多一個寵物放電嘅地方啦，呢度係位於長沙灣麗新商業中心裏面嘅一間寵物Cafe，基本上呢個商場都係寵物友善，而呢間🌼Urban CAFE🌼嘅最大特點係貓狗共享空間，事關呢度其實係一間🐱貓貓Cafe，貓嘅數量就咁睇都唔少，面積都算大，如果鍾意貓嘅都可以喺呢度high個tea食個飯，或者一家大細聚餐都係一個好去處，基本上貓貓都會周圍行，絕對可以同佢哋近距離接觸😍，而另一邊比較細嘅區域就係狗狗區，當然啦，狗狗自備😆，之前嚟嘅時候中間會有塊玻璃隔住貓同狗嘅區域，而家就拆咗，變咗有機會啲貓會走過嚟狗狗區，有優點亦有缺點啦🤔🤔🍟黑松露芝士拉絲薯條 $68 :我就叫咗呢度嘅小食為主，主菜方面就未試過，通常嚟都係high tea，另外閑日方面佢會有下午茶餐，價錢平啲之餘嘢飲都會有優惠，呢款黑松露拉絲薯條整體一般，黑松露同芝士都唔夠濃郁😩，薯條都比較腍身😩，份量唔算多，叫過下口癮咁🍰海鹽芝士奶蓋鮮果牛角包窩夫配雪糕 $68 :至於牛角包窩夫冇嗰種軟熟感同埋比較扁身，食落都係比較普通😩，佢係海鹽芝士奶蓋，不過海鹽味唔濃，唔係好食得出，雪糕就係曲奇味，賣相還可以啦🍟楓糖漿番薯條 $68 :薯條方面，另外呢一份

荔枝角寵物餐廳貓那邊地方大過狗那邊， 狗仔沒有太多活動空間， 又沒玩具玩。 比較多人去玩🐈‍⬛🐈🐶狗場那邊， 狗入cafe要穿著尿片， 場內有供應。❄️冷氣超凍， 坐1粒鐘會變雪條， 溫暖提示， 帶外套。🍝食物， 自己嘟code叫食物， 要等15-25mins, 食物到會放欄入門口位， 響左牌就自己出去取， 基本上， 完全沒有服務員服侍， 自己顧自己。🐕狗場內沒有服務員招呼， 狗兒🦮走來走去， 吠都沒有人理， 如果遇到惡犬便麻煩。食物溫泉蛋芝士肉醬意大利麵 +可樂 $58香蔥雞排滑蛋珍珠丼 + 梳打水$68日式忌簾蛋卷配雪糕 $58總評食物質素唔差， 價格合理環境清潔， 只是冷氣太涷❄️☃️

一向很喜歡去貓貓Cafe☕️呢間係我哋見過最多貓貓嘅一間一行入餐廳門口目測已經有十多隻🐱再坐低座位掃code下單時有啲瞓覺中大多數貓咪都很乖很親近人而且場地空間十足也很舒適平日去不用預約walk in也有座位我哋今次點咗兩個下午茶set:🌟日式忌廉蛋卷配雪糕 $38飲品-特濃鮮奶朱古力（凍）另加$14忌廉蛋卷香滑好creamy甜品控嘅我覺得不會太甜配上最愛嘅Oreo雪糕超滿足下午茶食個甜品真係心情都即刻開心哂🧡🌟海鹽芝士奶蓋牛角包窩夫配雪糕 $42飲品-urban cafe精選特調咖啡（熱）賣相十分吸引🤩牛角包窩夫比較特別上面鋪滿顏色繽紛嘅棉花糖咬落去又脆又軟又有海鹽芝士味道唯一係窩夫🧇有點不夠熱環境：🌟🌟🌟🌟服務：🌟🌟🌟衞生：🌟🌟🌟🌟抵食：🌟🌟🌟🌟

拿拿食評系列 #Urban Cafe之前去過旺角同埋觀塘既Urban Cafe，今次第一次去荔枝角分店，感覺完全唔同！荔枝角分店既裝潢好清新，比起旺角用餐環境舒適好多，空間亦都大好多，如果同觀塘比，整體佈局同座位置我都覺得荔枝角分店更勝一籌！食物唔算太驚豔，但都唔算差，Normal偏上~ 主要系你食野既時候，有超級多可愛既貓貓系你旁邊~ 食完野，都可以離開座位去擼貓，不過就要小心個人財物，記得要跟身~佢地啲貓貓未至於好親人，但至少唔會太抗拒人，個日有部份都系到訓教，訓教樣is so cute!!! 下次嚟都要搵番同一隻貓貓嚟擼~ 佢地項圈有名既，中意邊隻貓貓可以認住佢個名，下次番黎搵佢~我地3個人，叫左個2人Set再散叫一個Main~ 如果2個人或者4個人會較為點餐。Spanish Barbecue Pork Ribs西班牙燒烤黑毛豬肋骨Set for 2 HK$348@HK$174 / Set, Set included Soups and SaladsSmoked Salmon Linguine Carbonara with Hot Spring Egg煙三文魚溫泉蛋卡邦尼扁意粉S

昨天剛剛去了荔枝角果間貓餐廳環境算ok嘅地方都夠大 都清潔及企理但貓貓打理真係有點差好明顯有幾隻長毛嘅貓貓因為冇幫佢哋梳毛清潔痴咗啲垃圾係身上有幾隻都咁樣仲見到又有一隻貓貓眼睛發咗炎，都放咗出嚟如果貓貓病咗最好都係俾佢休息吓困籠休息吓叫咗一杯飲品藍莓奶昔 一杯咖啡 清醬紅蝦飯一個食物，食物幾好味嘅高水準，唔錯的！打哩編嘢原因係希望你哋老闆見到哩編文章請預留時間給員工和貓隻做清潔，唔好淨係賺錢！全部貓貓都係有生命的 請善待你的員工

好多唔同嘅貓啦，但有啲貓嘅耳仔同埋下都幾污糟嘅，不過佢哋都好可愛啊，都好乖。就係嘢食等咗好耐囉，嗌咗個Pizza等我差唔多成個鐘先上，問咗兩次啲店員都冇比答案我，冇同我講到幾時上囉。但係啲嘢食上得比較慢唔滿意，其他都OK嘅，貓貓咁得意，而且入面啲人都唔算好多，就係某某啲無可能漂到食物上面，不過去得呢啲貓Cafe就預咗㗎啦。會去第二次因為啲貓真係好得意，而且啲嘢食真係唔錯嘅，雖然價錢係比較貴啲啦推薦

應該是最多貓貓的cafe, 都算好free 的咖啡店，自由影一下貓貓的動態😍，感覺不錯，純粹睇貓貓這個是一個好地方，下次會再來，餐飲下午茶ok的，食品價格都算正常收費。

本身我好鍾意去貓貓Cafe亦都去過好多間貓貓Cafe，佢哋嘅分店我都去齊，而且唔係幫襯一兩次，荔枝角分店其實已經幫襯過幾次，新開分店嘅時候已經去過，初初嘅時候環境都好衛生，不過一次比一次差，地方污糟,好明顯好多地方無人清潔，枱面好污糟，地下好污糟，啲貓貓身體亦都唔乾淨，其實初初新店開店嘅時候唔係咁～食物方面，我叫咗一杯嘢飲，另外叫咗蕃茄肉醬千層麵，醬汁非常多，千層麵已經腍晒，一坺嘢，好難食！因為環境唔衛生，食物又唔好，我相信我唔會再去呢間分店！其他分店都唔係咁污糟！