URBAN COFFEE ROASTER (Fashion Walk)

营业中

休息中

☕️好爱这家咖啡！工作日路过都会打包一杯带走，周末来点上几杯慢慢喝，咖啡豆品质很好，classic做拿铁很绝。这家的拉花每次来都不一样哦，今天点了抹茶拿铁兔兔拉花实在太可爱了，要给咖啡师点赞👍🥗bruta配上黑醋汁，好爱这酸酸的口感奶香奶香的，和沙拉一起拌着吃，好健康！三层厚松饼一定要裹满酱汁趁热吃，一大口下去太太太满足了，甜而不腻！莓果乳酪健康又美味，水果新鲜而且都很甜，开启元气满满的一天❤️

有位短頭髮的女服務員，明明我只係坐喺落單機後面，我諗住直接向店員下單，俾佢三番四次拒絕，仲要劈張QR code落單紙喺我枱面，表明下次一定要透過手機落單。最後成程都喺我後面同另外一位店員講我壞話，單單打打，仲要俾我聽到。百思不得其解，飲咖啡都係想放鬆吓啫，仲要佢比附近嘅餐廳貴， $50一杯 ice amerciano ，完全俾佢破壞咗嗰一刻嘅心情最重要嘅係依間餐廳係有收加一，如果佢唔收+1 ，你要我自己行去落單我都冇問題。

根據食評，叫咗軟殼蟹飯同手撕雞egg benedict，冇失望～兩樣味道都唔錯，口感、份量都好好。另外在叫咗兩杯dirty，慢慢食個brunch，吹下水，環境都好舒適。

一次滿足你3個願望😂一晚食晒3款蛋🤣準備膽固醇超標，講笑😂大大碟好飽，每款食物都可以額外加料，煎蛋、煙三文魚、大啡菇etc. 朱古力有75%同85%俾你揀，下次試埋75%😋Confit Chicken Benedict $136 +Fried Eggs (2pcs) $18有少少🤏🏻辣Japanese Unagi Rice $176 + Portabello $18，大大碟好味Hot 85% Chocolate $51，好濃好飲😋Orange Earl Grey Tart $68，唔太甜Caramel Apple Crumble Cheesecake $88，勁出色😋Asahi $58Chicken Wing $88，好味

之前成日喺尖沙咀經過呢間Urban Coffee Roaster果陣已經好想搵日去食返餐，可惜一直未有機會 ！估唔到原來銅鑼灣呢頭都開咗分店，今次終於有機會品嚐到呢到嘅飲品同野食啦！餐廳店內裝修以型格嘅工業風為主，係一個傾計+食飯嘅好地方～煙三文魚賓尼迪💰HK$128底層嘅酸種麵包經輕輕烘過之後好香脆，點埋水波蛋嘅蛋汁、沙律菜同埋煙三文魚一齊食好有優秀～手打安格斯牛肉漢堡配薯條💰HK$138外層嘅麵包有微微用牛油烤過，手打安格斯牛肉仲要大大塊勁juicy，另外仲有芝士、煙肉、酸瓜、蕃茄同生菜，口感豐富！薯條就算攤凍咗一陣都仲係好香脆，有驚喜～明太子忌廉意粉烏魚子💰HK$148每條意粉都沾滿咗一粒粒嘅明太子，忌廉味道濃郁，好creamy～新鮮青口配蒜香白酒牛油💰HK$118新鮮青口同蒜香白酒牛油味好夾，更加突顯到青口嘅鮮甜味！旁邊嘅麵包亦香脆美味～PI Dirty💰HK$78賣相有層次感，最上層係淡墨呢隻無糖咖啡甜酒，整杯搖均勻之後，整體味道飲落去似朱古力奶，杯邊仲灑咗啲可可粉，初初入口是可可粉嘅香味，後勁就慢慢變成燕麥奶嘅香味，係一杯非常之容易入口嘅Coffee Cocktail～Ho

又去到銅鑼灣！係呀，又係銅鑼灣😬⋯⋯無論買嘢食嘢，我覺得都係離不開銅鑼灣！銅鑼灣嘅Fashion Walk係出名嘅食街！美食林立！估唔到呢間coffee shop有咁正宗嘅西餐同甜品添！工業風嘅環境😎播住輕鬆嘅音樂🎼🎼非常休閒輕鬆！Pl Dirty咁型格嘅餐廳點少得一杯Cocktail！咖啡味道香濃！加埋朱古力粉真係好Dirty啊！燒虎蝦帶子田園沙律配檸檬油醋汁沙律菜非常爽脆，仲有我最愛嘅火箭菜！估唔到仲有無花果添！加埋車厘茄和蘿蔔仔顏色非常鮮艷！燒虎蝦肉質爽脆！帶子新鮮鮮甜！新鮮青口配蒜香白酒牛油青口非常新鮮，只需簡單加白酒牛油就能帶出鮮味！又鮮味又有蒜香！加埋兩塊香脆麵包！Yummy！卡邦尼煙豬腩意粉卡邦尼意粉，口感相當香滑！經過乳化帶來的順滑蛋香！配以鹹香嘅煙豬腩味道超濃郁！歡樂時光套餐－慢煮豬肋漢堡慢煮豬肋肉質鬆軟！厚切豬肋份量超巨！麵包香脆鬆軟⋯⋯充滿牛油嘅香氣！配以爽脆嘅沙律菜口感相當豐富！配以即炸嘅粗薯條！即炸薯條熱辣辣😋超鬆脆👍⋯⋯1664 Blanc呢啲咪叫享受囉！焦糖蘋果金寶芝士蛋糕🧁焦糖蘋果帶來蕉香味非常濃郁！但係又不失清新！加埋芝士蛋糕又非常香滑！每一口都帶上蘋

好耐冇食Urban Coffee Roaster 以前好鍾意去尖沙咀嗰間無論係意粉、Pizza 樣樣都咁好味今日嚟食銅鑼灣嘅Urban! 叫咗兩樣嘢食🩵第一有呢個炸軟殼蟹飯呢個炸魚殼蟹飯尚可，因為有較厚嘅炸粉包住軟殼蟹，所以炸得唔係最鬆脆白飯配咗青瓜絲同埋蛋黃醬👍🏻之後就係呢一個安格斯牛漢堡💯可以俾十個讚呢一個漢堡😍首先個包好鬆軟，食得出係新鮮嘅而且好有心機咁用咗牛油微微烤過麵包牛肉熱辣辣仲好juicy!🥰薯條剛剛翻炸😍😍 所有嘢都冇得輸😍👍🏻有機會大家都要食吓個burger☺️十分推介🩵🩵

有一朝行經過呢間coffee shop，見到早餐由八點鐘開始。八點四十五分行入去，有位員工話俾我哋聽九點鐘先開店。九點鐘再行入去，嗰位員工話早餐由九點半開始。唉，頭先又唔講。因為時間唔啱，咁諗住第二日再去啦！幾日後， 十點零五分行入去，坐低咗，佢哋竟然話早餐到十點。早餐時段只有半個鐘，真係荒謬！同佢哋員工反映，得到嘅答案當然係公司規矩，佢哋都唔可以做啲乜。咁但係點解，出邊寫住早餐由八點開始， 九點都未開。

店員服務冷淡態度不友善，亦不是用餐rush hour，但求其安排d好差的位置，猶豫瑟縮一角員工用餐咁？？餐牌欠缺特色，食物質素差劣。其實真係好失望，主要想講個Burger選了lunch set嘅手打牛肉Burger，味道過份鹹，猶如食左啖鹽落口，係死鹹嘅味道。而牛肉的口感乾柴嘅感覺，從來未食過咁難食嘅burger而且又收得咁貴嘅價錢。很差的印象。飲品方面叫左杯普通不過的Flat White，不懂為何有creamy嘅酒味？店內環境方面，不解為何會充斥著油煙味嘅感覺。是次人頭連加一$166，性價比低👎🏿

☕️高水準咖啡☕️-又到聖誕🎄相約閨蜜去銅鑼灣搜羅小禮物🎁 購物完畢 梗係揾間Cafe歇腳啦🥹-☕️Piccolo latte平時多數飲flat white 今日改飲呢款濃縮版 細味品嚐咖啡豆香氣 奶泡綿密 保留牛奶甜度 又有咖啡醇 拉花亦細緻😊-☕️Coffee tonic朋友飲啡唔鍾意加奶 佢偏好飲呢款略帶氣泡嘅特飲 咖啡豆嘅回甘更持久-🍱和風鰻魚飯🥑牛油果午市時間 呢度有set lunch供應 我哋又攰又肚餓 叫咗個飯撐肚 鰻魚加燒汁配珍珠米 仲有半生熟炒蛋 幾時都令人食得開胃 牛油果係追加嘅-🍔 手打安格斯牛肉漢堡配薯條麵包圓碌碌回彈力強 厚身安格斯牛漢堡肉汁多 唔使再另加醬汁 口感手感同樣得 厚切炸薯條🍟亦外脆內軟-📍Urban Coffee Roaster銅鑼灣京士頓街9號Fashion Walk地下D號舖

🐔午市套餐：油漬黃油雞賓尼迪--$180 (總計)✨水波蛋熟度啱啱好🥰加埋牛油果、巴拿馬火腿同大啡菇🤩配搭層次豐富！✨雞肉份量多，成set食落又唔濟，啱啱好！(8.8/10)🍵抹茶拿鐵 (+$27)✅抹茶味濃，唔會搶左咖啡味！(8/10) 🍫朱古力批(+45)✅外脆內軟🥰朱古力餡流矖出黎！(8/10)✅包餐湯🍔午市套餐：手打牛肉漢堡--$153 (總計)✨份量好足！尤其係個牛肉🥰超juicy☕涷卡布奇諾 (+$25)✅奶泡綿密🥰奶少，咖啡味好出！(8.3/10)🥧焦糖蘋果碎起司蛋糕(+$55)✅皮較軟，蘋果餡偏蓉，重蘋果味，cake好厚！！(7.8/10)✅包餐湯-----個人評評分❤️：8.3/10性價比💸：7.5/10環境📷：8/10回頭🤓：會總結：係偏工業風嘅Cafe🤤私心佢地手工咖啡同burger，套餐加野飲同甜品重有平！🥰

銅鑼灣分店嘅Urban Coffee都食過好多次，之前多數過嚟都係食正餐，今次主力過嚟食佢哋嘅甜品同飲嘢chill吓，估唔到都咁高質👍🏻當然都唔少得我每次都必嗌嘅新鮮青口，佢個汁用嚟點麵包食勁好食！甜品我就叫咗「法式焦糖班戟」同「雲呢拿麻糬巴斯克芝士蛋糕」，鍾意佢哋個甜度啱啱好，唔會太甜，食晒都唔會覺得好漏🤭 法式焦糖班戟勁厚身，蛋味好香濃！雲呢拿麻糬巴斯克芝士蛋糕切開咗之後裏面啲麻糬流晒出嚟，打卡一流呀📸📸

最近很喜歡的咖啡店「Urban Coffee Roaster」食物方面唔錯，拿鐵也很好喝，店內環境寬敞舒適，可以休息、聊天一個下午的好地方，是值得收藏的咖啡店 ☕️🔹FLAT WHITE$45🔹UJI MATCHA LATTE$50🔹新鮮青口配蒜香白酒牛油汁$118🔹手打安格斯牛肉漢堡配薯條$138🔹松葉蟹肉軟殼蟹飯$148私心很喜歡這種奶香濃郁的「咖啡拿鐵」，喝起來很順口，淡淡的咖啡香也很迷人😍；「抹茶拿鐵」底層抹茶回甘味濃，牛奶拉花香滑。洋蔥白酒煮歐芹汁、大蒜牛油白酒汁，再配上烘烤麵包蘸汁享用，超惹味；手打安格斯牛肉漢堡🍔肉很多汁搭配bacons 焦糖洋蔥蕃茄好美味；另外意大利飯口感硬度適中，伴以鮮甜松葉蟹肉、蟹籽、洋蔥煮成，頂層放上一隻鬆脆的軟殼蟹及溫泉蛋，配搭少少蛋黃醬一齊食都好夾。

公司附近都有呢間coffee shop，估唔到喺銅鑼灣行街都見到呢間分店，仲要裝修好特別，有少少Halloween佈置，可以比我打卡之餘，成個感覺都好chill。我地嘆下咖啡之餘仲可以食埋餐豐富晚餐。點左碟沙律，有大蝦同埋帶子，沙律菜好新鮮，醬汁酸酸甜甜，用來做前菜，夠晒開胃。Carbonara 一直都係我嘅最愛，呢間餐廳煮得味道啱啱好，我鍾意佢味道非常香濃，意粉軟硬度適中，當中冇用到煙肉，用咗慢煮豬肉，食入口更加有口感。煙三文魚牛油果egg Benedict，呢個配搭基本上係無敵，無論早午晚任何時間都可以食一份，一定好味。最後食埋個甜品真係非常滿足，而且真係要大推呢度嘅芝士蛋糕，入邊配埋麻糬，有流心嘅感覺，食入口多一種不同的口感，但都係一樣好creamy ，超級好味，芝士蛋糕極度香濃，下次下午茶我會再試吓其他味道。

-Creamy Mentaiko Spaghetti $148明太子意粉十分出色，食落好creamy，份量都啱啱好-Japan Wagyu Beef Burger Steak on Rice $168和牛同米飯嘅combination比較少見，和牛肉質鮮嫩多汁，配合佢哋特製醬汁更加好味-Truffle fries $68薯條炸至外脆內軟，配上黑松露醬更加美味-Cream Brúlee Pancake $108甜絲絲嘅焦糖融入焗至鬆鬆軟軟嘅pancake，甜度啱啱好唔會漏，作為飯後甜品啱曬-Ice Yuzu Cirtrus oolong tea $46帶有淡淡柚子香味的烏龍茶，口感好清新- PI Dirty $78第一次試咖啡cocktail，好特別呢💰$616