US813 (已結業)

因為商場很多店也沒有開，所以到華都看看有沒有小店開，US813有開，便試一試！睇menu後，決定要套餐，一個沙律；一個意粉／飯；一個薄餅及兩杯＄28內的飲品為價錢＄288。價錢實惠，十分抵食！沒有加一！先來沙律，日式胡麻沙律，賣相很好，醬汁很足夠，也很開胃，但食耐左會覺得太多醬，令味道過了。然後來意大利飯，白汁夏威夷海鮮意粉，海鮮是有幾隻急凍蝦，夏威夷是有菠蘿。配搭不是特別出色，但不得不讚的是飯的軟硬煮得剛剛好！我叫的是凍薄荷朱古力，飲不出薄荷味，朱古力味也濃濃的。朱古力沙冰，配上雲泥拿雪糕，也很不錯呢！！！最後薄餅部份，拿坡里大丈夫薄餅，餅邊都很燶，似乎焗多了時間。整體而言，小店實惠價錢也很不錯。

闊扁麵煙煙韌韌，好有咬口。忌廉芝士味的醬汁唔止聞落好香濃，而且食落都好濃郁，每一條麵都沾上滿滿的醬汁，好滿足呀🤤～初初食落覺得好驚喜，但食到後期會覺得太濃味同有啲咸😣。..其實呢個涼麵好岩做前菜，因為佢食落食落酸酸MayMay，配埋蕃茄、青瓜、火腿絲一齊食，成個感覺好fresh，好開胃🤣。初初食落都覺得唔錯，但問題係食到後期B先生同C小姐都覺得好酸😣，因為只淨下黑醋的味道。如果涼麵的黑醋份量可以略為減少，令黑醋唔會蓋過其他配料味道的話，效果應該會更好。..本身對佢好大期望，畢竟呢間餐廳出名食燉飯和意大利粉。一開始見到個燉飯，我有啲驚訝，無唸過會咁濕淋淋😣。首先，要贊一贊燉飯的質感，飯粒唔會整到好生，反而軟硬適中，淋得黎又索滿曬個醬汁既味道。但係，醬汁個part就出左事，第一啖食落口已經覺得好重味，而且可以講得上係濃過頭，所以令到成個燉飯變得非常重口味，我就覺得呢種口味唔太適合自己。

當商場食肆全部關閉，好彩小店仲仍然努力工作，下午茶有着落喇。今次去咗屯門US813，食佢嘅下午茶同認真烹調嘅意粉。❤️蜜糖芥辣炸魚柳漢堡配薯角 加$3 凍百香果紅茶真係即叫即煮架，送到上嚟個薯角仲好脆好熱，好明顯係啱啱炸起！炸魚柳漢堡包加咗生菜同埋碎蛋沙律，令到個包唔會好乾。呢一個係下午茶餐，所以呢就有嘢飲送。❤️明太子鮮蝦意大利麵唔使成日食白汁同埋茄汁意大利麵，佢有明太子鮮蝦，夠晒特別夠晒滋味。佢最出名嘅意大利麵果然係冇失水準，唔會太軟，保持返意大利面嘅口感。❗️不足之處，就係冇食用水提供。如果想飲嘢，顧客就局住要叫佢嘅嘢飲喇！🥵服務態度都係一般。

一行四個女仔，我地叫咗個二人餐再額外叫咗一份燉飯。二人餐好豐富，兩款沙津中選咗凱神雞肉沙津。沙津好大份但雞肉分量偏少。二人餐自選一款麵/飯。作為精明嘅消費者，我地叫咗比較貴嘅蘿勒忌廉鮮蠔意大行闊扁麵。平時比較少食蘿勒/青醬嘅意大行麵。今次一試好好味。醬嘅份量啱啱好唔會膩。鮮蠔嘅分量都算多。雖然唔係好覺鮮味，但呢個價錢唔會要求太多。Pizza就叫咗拿坡里大丈夫Pizza。Menu冇介紹Pizza材料，所以只係盲人摸象咁隨心揀。Pizza係番茄醬底，好似平時嘅Pizza咁，有意大利人最唔鍾意嘅菠蘿。啖啖都食到配料，唔會得返批邊。Pizza係我最鐘意嘅薄底。美中不中有部分批底受個醬影響有少少淋。整體黎講pizza都值得推介。餐配送兩杯$28以下嘅飲品。我地就叫咗水蜜桃石榴沙冰同埋香蕉奶香。前者一般，雖然有水蜜桃味但係成杯野分咗做兩層，沙冰同果汁。後者奶昔係穩陣派，奶昔都夠滑。奶味唔算太濃，但岩我，因為冇咁有罪惡感同濟。由於怕唔夠食，我地仲單點蕃茄野菇意大利燉飯。朋友覺得太稀、太多汁，我就覺得OK。不過蕃茄汁我少少酸。可能同清淡羅勒意大利麵相比，特別覺得呢個酸。整體呢間意大利小店充滿驚喜，下次

今日Lunch蛇王黎到屯門做物理治療，跟手梗係食埋個午餐先走啦，我自己本身一向唔太鍾意幫襯各大連鎖店，咁啱呢個商場就有一間個樣幾靚仔嘅餐廳，於是就決定入去試下。呢間餐廳以各式各樣意大利粉為主打，d意粉名都好得意，例如拐子麵、水管麵，其實即係大粒d嘅通心粉同埋粗身少少嘅直通粉，叫咗個芝士焗拐子麵，再加咗杯芒果沙冰，我覺得唔係唔好食嘅，不過拉到絲但係又唔夠芝士香味，估計佢只係用咗拉絲嗰隻芝士，要溝多隻濃味芝士效果會好d，同埋唔知點解焗完都好濕，我expect焗咗係會乾身d。至於杯沙冰都幾好，唔太甜，但係如果可以香d會更加開心啦。

難得去屯門睇戲拍拖👫👫於是決定去試下D屯門既隱世小店😏😏呢間專門食意大利野既小店位於華都中心，地點都唔算難去👣👣以小店既環境而言，座位唔算太迫，氛圍都幾温馨🥰🥰餐牌有好多選擇，包括左唔同口味既意大利粉/飯，仲有沙律同薄餅可以揀🥳🥳意大利麵唔只得一種，長通粉同闊條麵都有☺️☺️有選擇困難症既朋友應該會好煩惱😅😅首先上菜既係羅勒忌廉蠔意大利飯，一上枱就有好大陣香草味🌱🌱意大利飯既飯粒都算粒粒分明，而羅勒忌廉汁包裏住每一粒飯，不過就略嫌太多汁，需要係收汁時多落功夫🧐🧐🧐而蠔既份量亦唔算多，加上又唔算大粒飽滿，食唔出蠔既鮮味，比較失望😕😕😕之後就黎左個煙花女芝士水波紋蛋闊扁意，一開始以為係白汁，但原來係蕃茄汁😂😂😂食之前店員會現刨芝士落個意粉，都幾有gimmick👍🏻👍🏻👍🏻闊扁麵食得出係手造，粗幼大小不一，掛滿左蕃茄汁😝😝不負期望既水波紋蛋一刺就穿，蛋汁撈埋落去，味道都算合格既😉😉總括而言，一開始見到餐牌都幾期待，但現實好似不太符合，又或者個人要求比較高🙂🙂鍾意食意大利野既朋友可以去試下，睇下是否英雄所見略同la🤨🤨

叫左個煙三文魚牛油果沙律沙律菜係黃左既，有少少爛左牛油果係黑色 有根既 煙三文魚 熟左 連帶個牛油果都係熱既個汁過分酸 求其淋曬上去就算黎左個焗飯 中意食芝士既人可能會ok 但係個飯既本身係 淡 到 無乜味 （我平時都唔食好多鹽，但係呢個我唔接受）打算問有無辣椒仔 調下味食左佢算啦，係 無 既。但係有辣椒油。大家可能揀樓下間西麵好過。Sorry, but no next time. 又係被個門口呃左既人，坐甘耐 原來真係無水飲噶。 夜晚唔想飲茶 唔想飲甜野既話 可以揀咩？

朋友係屯門人，佢話華都𠴱邊好多野食，選擇多，呢間都非常唔錯，環境都舒服，可以同朋友傾下計，我地叫左一個白汁海鮮寬闊麵同一個海鮮意大利飯！白汁海鮮寬闊麵：配料都好豐富，有蝦、蜆，仲有魷魚，係唔錯嘅選擇！海鮮意大利飯：整體都唔錯，不過番茄醬略帶酸左少少，但我幾鐘意😌

話說之前都講過，屯門市中心大部分都係連鎖店，冇乜小店嘅足跡，有嘅話最多都喺華都商場嗰邊，今日就去另一間華都入邊嘅小店，想走cafe路線嘅US813。呢間鋪頭賣意粉為主，亦都有意大利飯，披薩，同各種小食。噉我哋就試左一個燉飯同一個意粉。白汁海鮮燉飯。燉飯嘅份量都幾大，男人食都應該夠飽嘅，味道衹能夠話係一般。海鮮都足料嘅，有蝦，青口同魷魚。不過食到一大半嘅時候，個飯就覺得好滯，唔係太食得落去喇。明太子鮮蝦意粉。明太子雖多，但本身以意粉個汁比較稀，所以個意粉都唔算好creamy，有啲失色，蝦亦略嫌唔夠彈牙，衹能夠話似係homemade嘅意粉。芝士焗意式肉丸。呢個小食最為正路，有番茄味之餘又唔會話太酸太鹹，肉丸分量算多，味道亦都唔錯，所以呢個小食感覺係最高分。菠蘿特飲，即係雪碧加罐頭菠蘿，都係一般啦。總結，雖然係主打意粉，但意粉質素都只係平平，反而肉丸有質素，同區嚟講小店會係支持嘅，不過同樣價錢亦都有更加好嘅選擇。

以前嚟食，餐廳有提供“普通嘅水”比客人，現在嚟食想飲“普通嘅水”，沒有了，只可叫有氣礦泉水。叫左杯凍泡沫朱古力，一飲杯朱古力比，發覺餐廳有提供“普通嘅水”比客人，只係用左唔同途徑提供比客人。 另外叫左嘅食物算正常。

這店是住在屯門區的朋友介紹來吃的，餐廳的意粉系列是較有名的。最後點了拿坡里香腸意大利麵一客。整碟的份量也不少，女生們可以點一碟二人分享，配料香腸的份量也多，且是厚切的！拿破崙式的醬汁其實也是用蕃茄調成，醬汁的調味適中，嚐到蕃茄味且不會過酸，不是煮得乾身的那種，而是較為濕潤的意粉。小店經營的西餐廳除價錢較划算，性價比高外，更帶有人情味，服務態度也很不錯，是一般連鎖式食肆做不到的。下次來屯門時會再來嚐嚐的！

上openrice睇食評而發現呢間野，就膽粗粗同愛人去試下，我地每人叫左一個意粉。明太子鮮蝦意粉$78，免加一味道值6.5/10分。整體上不過不失，有4 隻唔係咁爽口的普通平價中等size的蝦仔，3 塊仔煙肉，加上好多明太子，其實味道唔太差，應該咁講，都好難會好差，因為係普通簡單野，意粉幾爽口，可惜分量唔多，而且都偏油少少，食完個碟底都幾多油。這就是碟底的油，全碟都有的，所以我扣左好多分。值得讚係明太子份量夠多，而且通常有明太子出現的食物就好多時味道偏鹹，但呢碟就冇呢個情況出現。好似叫芝士雞肉什菌長通粉$72，免加一7/10 分—-》我愛人比的整體而言正正常常，好多芝士，好多拉絲但芝士味唔重，由於焗過關係，面上的長通粉好乾好硬，但底個d就爽口正常，同樣食到底好油，同埋份量唔夠，我同愛人食完都... 唔夠飽，可能我地大食掛。整體上，唔係差，但比我揀呢⋯⋯我就未必再黎多次，畢竟呢一帶的選擇好多，而且呢度各方面都冇驚喜比我，題外話係今晚的食客量好少，加上佢地都比我們早入黎食，幾本上佢地都食到7788，但出奇地我地都等左20 分鐘，上菜速度唔快。不過另外一方面，間野意粉款式好多，呢個都係值得讚

期待以久的復活節長期終於來到了但是放假先來下雨的命運，又降臨到香港人身上，完全未能安排任何戶外活動，所以只好去食啦！有一次放工，無意經過此商場，發現開了不少新食肆，一於趁放假相約朋友一同去試!一行三人，點了兩款意粉和一款飯，還另外加了一款沙律，分享來食的話，可以試到不同的款式，這就是人多食飯的好處主食分別是海鮮忌廉闊條麵、檸檬蝦意粉，以及海鮮意大利飯；沙律就是黑醋汁海鮮沙律；跟餐飲品就有玫瑰紅茶、泡沫咖啡和荔枝紅茶。主菜及沙律分量非常多，價錢又不貴，難怪當天坐滿食客!飲品夠熱，喝下去很舒服，因為喜歡渴熱飲的人，最怕熱飲不夠熱。我至愛的闊條麵，忌廉芝士醬極之濃郁，芝士控的人一定要試；麵質剛剛好，不硬不軟身，我吃過不停海鮮意大利飯，海鮮配料多，蕃茄醬帶點酸，很清新!味道特別的檸檬蝦意粉，好像外面的餐廳很少有這個選擇，酸酸的，加上大量乾蒜，開胃又惹味海鮮沙律配上黑醋，海鮮沒有雪藏味，味道不錯!三個人食，每人也只大概一百大元，我們非常食物質素，又吃得很飽，渡過一天愉快的假期

今日 4月20日，復活節假期第二天， 去咗屯門華都商場2樓， 一間叫做us813西餐廳小店， 聽聞呢間口碑唔錯，同埋都好多人食，唔知係咪lunch time, 見d 客走左又有新客入，不停有客，所以決定試下佢。 呢間舖比較簡樸 大概有十張木枱 四人二人枱都有 枱面係完全冇擺設嘅 去到坐低佢自然畀餐睇你， 主要都係做意大利意粉意大利飯 好多唔同款式嘅食品選擇。 我坐低後就揀咗個蕃茄海鮮意大利粉$72 + 意大利特濃咖啡(2 shot) $28，但係呢區黎講就略貴，因為無set 餐，全部散叫，下次可以再試下其他。** 蕃茄海鮮意大利呢碟意粉有3件蜆，3蝦，2墨魚圈，份量都算唔錯，但覺得太濕，太多水汁，雖然係咁，但個汁好好味，食到有香料味道，真係好正， 如果真係自己調教，就真係無得頂。有點可惜係d蝦食落霉霉地，唔係爽身果隻，d蜆有d 味，整體真係唔差， 如果屯門區嚟講，真係唔錯。，意大利特濃咖啡 就無咩特別，一般啦

黎左呢度食野幾年，次次都保持高水準yummy(˶‾᷄ ⁻̫ ‾᷅˵)堅持人等麵的好態度I love it 熱食永遠係熱辣辣上枱即叫即製意粉質感彈牙超prefect芝士濃郁不節省醬汁味道濃郁 冇膩濟感焗製品超prefect 最愛意式焗肉丸 自製醬味道一流肉丸口感豐滿juicy甜品最愛焦糖布丁但可惜唔係時時有得食下午茶時段嘅輕食係另一美好時光！有漢堡、熱狗、薄餅！真係講起就流哂口水…薯角、炸洋蔥圈、炸魷魚圈！正！正！正！紅茶正！正！正！我係度食極都唔厭！也喜歡店員的服務 俾個like佢地我個人覺得價錢合理 甚至算是抵食