Victoria Restaurant

营业中

休息中

自從去了中環上班，很久沒見過這麼便宜的西餐餐牌。沙律還好，洋蔥湯恐怖。鹹得誇張，全是味精味，喝不下。不過這裡的麵包值得一讚。拿上手暖暖的已夠開心，鬆軟無比，帶黑糖味。辣茄蓉闊條麵，一點也不辣，但蕃茄味夠濃。意粉比預期佳，有適當硬度，不會煮過頭。盲鰽魚的皮煎得又乾又脆，可惜帶雪藏味的魚肉把用料的質素表露無遺。配菜只有炒得幾爽的椰菜和一條巨型的菇，份量太少，不夠飽。一分錢一分貨。兩個人埋單$136，也難怪午飯時間這麼多人。

每年721我們這一家都會慶祝爸爸生日同結婚周年紀念!今年呀女定了這餐廳食飯~估唔到係太子花園街門面唔太起眼餐廳~但給我們這一家意外驚喜~座下感覺舒適同寫意~裝修雅致!食物份量大好味呀見到都開心味道仲好得喎~🐷西班牙極黑豚架是厚切肉質厚嫩仲好juice好味!叫左份🐑羊架有四件咁多食唔曬~煎魚也好食皮脆金香肉嫩滑~ 最喜愛是每份餐都有很多配菜… 牛肝菌湯係唔錯選擇! 女兒有食物敏感~餐廳店員經理親切也溫馨關心講解食物成份…好窩心 喺旺區一間食物有水準價錢唔貴~ 性價比高值得再來! 兩個女都話一定會再來! 經理說遲些會增設咖啡機… 愛啡☕既我有多個選擇!

上網搵到呢間係旺角同太子交界嘅餐廳，見相嘅環境幾靚，就去試下。佢選擇唔算太多，不過一入餐廳d侍應都好nice, 仲有笑容😚本來我想試下食西餐必叫嘅洋蔥湯，因為呢個湯簡單但要好飲係好睇功力的，但剛好廚房無準備到，就改左叫牛肝菌湯。湯嘅濃度夠但有d帶苦，幾苦下，相信係太足料個牛肝菌太重手，如果可以creamy d我會易入口d 🤔跟住見佢有個西冷扒芝士闊條麵，要一讚係個西冷，唔會厚得濟又硬柴柴，比較薄身，煎得好好，熟度剛好有驚喜🤤🤤但個麵可以多番少少芝士，但整體上碟意粉唔差😘

朋友生日 每次都r 爆頭想搵一間有birthday service 的餐廳今次揀左就腳的太子放工去 open rice book 7點前有85折我地早到左 18:30坐到21:40店員都冇趕我地走 環境好 座位寬敞 坐一晚都好舒服食物都食完先再慢慢上我地叫左次個二人餐前菜 湯 主菜 甜品 飲品全部都好好食 特別推薦鵝肝多士同羊架😋其實個吞拿魚都唔差 最多人推薦果個豬扒反而我覺得麻麻地可能我已經飽左😂另外甜品我加錢叫左心太軟同淋酒燉蛋心太軟不過不失 個燉蛋會點火 所以有得睇有得食生日就會想特別少少

第二次來點了牛肝菌湯，炭烤豬，炭烤牛，Apple pie加雪糕，兩杯紅酒；食物質素仍然保持好好；份糧好大；服務一流，從不趕客，無限時，而家係香港已經好難搵好啱兩三個朋友來食飯聚聚

其實呢間餐廳門面唔多起眼，侍應見到我地拎住一袋二袋入去，本身安排左張2人檯俾我，後尾拍多左張檯俾我地坐，叫我地坐得舒服d。呢到我內心係加左1分，因為食物質素重要，服務態度都一樣。今次我地冇食set dinner，散點左幾款菜式。黑椒半燒薄切鮮吞拿魚 $98 平時刺身就食得多，半燒嘅吞拿魚都係第一次試，黑椒調味，薄切吞拿魚口感幾特別，但唔係入口即溶。配上碟邊嘅黑醋沙律菜，好開胃。海鮮意粉配鮮蝦茄蓉汁 $148 海鮮有青口，大蝦，蜆肉，意粉煙韌，配上濃濃茄蓉醬，好味。黑安格斯肉眼扒 $278 一般食牛扒我都會叫medium rare，切嘅時候仲有血水滲出，肉質juicy，証明廚師冇overcooked，岩哂我呢d牛魔王。

喺香港食意粉真係冇咩地方好食其實意粉本來就是一樣非常容易烹調的食物，但不知道為什麼餐廳永遠能夠將這種製作簡單的食物弄成垃圾 其實佢哋可以整到咁難食都係一種技巧 由於今天在太子附近上堂本來打算食譚仔，但經過這間餐廳後看見餐牌$78.1個蒜蓉橄欖油海蝦意粉 配過沙律同埋飲品 所以就膽粗粗去試吓 點知換來嘅只有失望過意粉是完全沒有調味 好像沒有加鹽去煮意粉甘 已沒有任何味道其實他們可以一點調味 辣椒flake or pasley , 但他們只是用水boil了那個意份 然後再加兩隻蝦落去 蝦也沒有任何調味我真的很無奈很無奈

環境舒適想不到係鬧市中可以搵到一間座得舒服，又安靜，又無限時的地方服務好好食物質素好好點了炭燒豬加蜆意粉，份量大，味度好，賣相也不錯再加一支白酒，滿足有點意料之外

之前經openrice book 枱，book 7點半有9折，book 8點有 25 asia miles。不過book枱主要原因係驚太多人。最後因為遲咗收工，8點先去到，但成場得1張枱有人，心諗原來唔洗book嘅。不過都順個便問一問會唔會有9折啦～問個侍應，佢就話你遲咗到，唔會有9折，咁我問咁25 asia miles係咪都無。佢答唔到我，搵貌似老闆娘嚟。我就重覆問題，佢就好似好嬲咁“你而家遲到呀～book咗7點半8點先嚟，遲到呀你，唔會有㗎”。我再問asia miles 事宜，佢仲繼續嬲爆爆咁話“都唔係我哋公司，唔關我哋事，呢d你問番佢哋，總之你遲到唔會有9折!!!“ 。。。。遲到係我唔啱，但你哋本身都唔full，我亦無要求你一定要俾9折我，查詢下啫，唔洗咁惡嘛。。。最後叫咗沙律同個飯，味道係ok 嘅。不過咁嘅服務態度真係唔會再去囉。

話說上星期六下午，在無心插柳底下試了這間。Order了set lunch之後，waiter正常地送上soup & bread啦! 突然間，隔離枱顧客投訴"點解個risotto份量咁少", 之後waiter拿回厨房，再被告知呢個係佢地正常份量。因為我没有接觸過蹀飯， 唔敢妄下判斷。 好喇， 到我的藍貝意粉嚟喇，的確比一般食店少50%, 再到蹀鮮蝦意粉嚟喇，又再比前蹀少多~15%。e+我先知到隔離枱顧客投訴係正確㗎。不過話時話， 雖然份量少，但係個湯同嗰兩碟粉又的確比一般同類食肆好味好多.....唔通下次我要叫1人兩份先夠？但睇返佢晚市d食物相又唔似咁少份量，唔通係張貨就價？

和朋友吃飽飯後，經過見到蘋果批好想食，但又唔好意思兩個人只點一個蘋果批所以企左係門口一陣，之後店員出來招乎，我地就表明來意，店員亦表示無問題！好高興無因為我地點咁少野而要最低消費，服務態度亦無因此而有改變，店員亦好有禮貌！蘋果批味道不錯，甜度合適如可帶點點酸味就更完美！另外，如果係配雲呢拿雪糕會更好（個人口味問題覺得配雲呢拿會夾啲，其實佢個朱古力雪糕係好味嘅，入面有啲朱古力碎）已Bookmark下次來試試佢嘅晚餐！支持小店！

My friend m and I just had a lunch today at this restaurant, which we thought was the worst lunchset ever. We usually have a weekend lunch together and have tried a lot of restaurants in the town, from economical to expensive ones. This is the worst experience we have had, poor air-con even in September when the weather is bit of cooler. We were attracted to the place by its interior design. However, we were shocked after sitting down.The soup is extremely small which we thought it was for placi

今晚去了太子嗰頭 Dinner，搵到間裝修唔錯，好有歐洲古船風格。仲可以 candle dinner 添。兩個人唔一定要食兩個 full sets，叫一個就夠 ($358)，再加多一個三文魚凱撒沙律一齊 share 就夠晒喇。我留意到隔離好多張檯都係 reserved，最初以為係裝假狗，坐坐下，又發現原來真係有客的，仲越坐越滿。八卦問咗老闆娘中午開唔開? 佢話淨係星期五六日的中午才會開，平時至會開夜晚，六點才營業。我心諗，咁都為到皮，證明經營有道，食物水準一定高，招呼一定好，才留到班消費高的熟客。【三文魚凱撒沙律 $78】、【黑椒半燒薄切鮮吞拿魚】兩個starters 都一齊來，在燭光照影下，分外吸引。【三文魚凱撒沙律 】幾塊厚切煙三文魚放在羅馬生菜上，有黑醋汁和煙肉粒。生菜新鮮爽脆，三文魚口感豐膩，配搭一流。【黑椒半燒薄切鮮吞拿魚】吞拿魚輕輕燒過，切片，在上面淋咗些特製嘅汁，裡面有生紅蔥粒、蒜粒，少少酸，幾開胃的。吞拿魚如此製法，食落口感有少少似食燒牛肉，好神奇，總之好食。【意大利鮮牛肝菌泡沫忌廉湯】有好濃烈好香的牛肝菌味，質感好細膩。【House Bread】自家製麵面，配芝士醬，

當你喜歡一個人，你就會願意無條件的為他付出，就好像我和老公一樣，不是特別的日子，我也會買份小禮物哄哄他，他又會投我所好，約我去特別的餐廳吃好食的。這一晚，他就帶我到了太子一間帆船主題餐廳晚飯啦，餐廳不算很大，卻頗有氣氛的。我們點了一個set dinner，再叫了點小食。Starter是黑椒半燒薄切鮮吞拿魚，吞拿魚以半燒的方式烹調，保留魚的鮮味，而旁邊的沙律菜有點點芥辣味道，酸甜得來多了一個味道層次，很醒胃。湯是意大利鮮牛肝菌泡沫忌廉湯，細滑的忌廉湯帶着濃郁的菌香，還食到粒粒牛肝菌。Main course是炭燒西牙極黑豚架佐無花果肉汁，每次見到餐廳有黑毛豬也想去試試，伴無花果肉汁還是第一次。黑豚架火喉燒得剛好，入口軟稔，沾無花果肉汁吃味道不錯的。另外我們亦點了一個蘋果批，女人有第二個胃嘛，這裏的蘋果批是餐廳推介的，需焗20分鐘。清甜的蘋果肉批配上雲呢拿雪糕，一冷一熱的口感，緩緩融化在口中，感受到一絲絲甜意，你一口我一口，就像戀愛中的情侶，百般滋味。

本身係太子搵地方晚餐，行到旺角警處附近，地點好易搵，就係正七喜對面！門口有個小counter 放左menu, 小裝飾，剛好又想試試西餐，所以就入左去。一開頭待應方排我們二人坐近門口餐枱，但我們一問之下佢地又立即安排入小小餐枱給我們，十分合作，而且態度友善！食物方面也挺有心思同質素，係太子區來講比較少有，因為有質素的可能已經要去尖沙咀地區，先吃八爪魚沙律，個汁好特別，食材新鮮！份量兩位女士剛好，另外我們叫了兩個main, 西冷牛扒配闊麵，闊麵個汁好滑、又不會擺左一陣變乾，好好味！西冷也不錯，熟度適中！同時我們也order 了另一個虎蝦同魚柳，虎蝦雖然只有一隻，但食得出好新鮮，魚柳個底汁好夾、好滑！兩人晚餐大約五百三十元，女仕來說份量可以的，環境衛生，而且不會嘈，傾計也十分舒服！！一定會再同其他女士朋友來！！