Virus Restaurant & Bar

营业中

休息中

Virus Restaurant & Bar今次要介紹一間喺銅鑼灣中威商業大廈21樓有一間隱世居酒屋叫「Virus Restaurant & Bar」，呢間居酒屋一入到去會見到一邊係牆上80,90年代經典港產片海報，另一邊就係懷舊玩具櫃，晚上1830-2130只要每位惠顧滿$180之食品就可以每位加$99（星期五同六須加每位$20）紅酒、白酒、啤酒同清酒任飲三小時，鍾意飲酒嘅你，可以搵一晚上嚟飲返夠本！1.招牌地獄拉麵（小辣）$53+凍咖啡$3（9.5/10）呢碗招牌地獄拉麵叫小辣都幾辣下，果種辣似麻辣，入面配料都幾多，有4塊叉燒、半熟蛋、蟹柳同粟米粒等，拉麵好彈牙又掛汁，食到最後越食越辣，辣度有後勁，有少少火燒身體咁，好刺激好味！飲品就揀咗凍咖啡，咖啡夠香濃，又幫我解到辣，正！2.韓辣牛肉飯$53+凍檸茶$3（9/10）呢碟牛肉飯味道係韓式辣，甜甜地唔算好辣，除咗牛肉之外，仲有青椒、紅椒同洋蔥等等！飲品就揀咗凍檸茶，檸檬都有四大片，唔算好甜！3.雞肉軟骨棒2串$42（9.5/10）呢2串雞肉軟骨棒咬落去軟骨都幾多，好有口感！4.燒大蝦1串$43（10/10）呢串燒大蝦叫咗2串，大蝦有

今次嚟到一間專吃串燒的酒吧餐廳，係以復古主題打造而成。牆上貼滿好多經典港產片海報，包括《色戎》、《英雄本色》、《阿飛正傳》等經典電影，場面非常震撼！餐廳內仲放置咗好多八十至九十年代絕版玩具，非常經典，老闆話如果遇到心頭好，又岩價錢係可以買走。呢度除咗有串燒之外，仲有30款雞尾酒可以選擇，可以以$99優惠價，任飲清酒、白酒、紅酒、啤酒3個鐘。最正係全景觀景窗台，可以一邊暢飲暢食，一邊飽覽風景，佢哋獨家城市天際線黃昏景觀時段為晚上18:30-19:30。重點推介美食蒜蓉燒生蠔 $138有半打，每粒飽滿大隻，上面仲鋪滿蒜蓉。燒過後，香氣十足，而且令蠔的鮮甜味道更突出！人均約$200左右 晚市套餐有九道菜係入面，含有海鮮燒烤、芝士濃汁大蘑菇、韓式海鮮湯、燒五花腩肉、鰻魚便當等，非常豐富！餐廳採用海鮮食材非常新鮮，大蝦、扇貝燒過後，鮮味十足！呢個餐非常抵食！十分推薦！

📽️一入門口就尖叫！全牆經典港產片海報勁震撼《英雄本色》《阿飛正傳》全部齊晒黃昏6:30左右嚟仲正 玻璃窗睇住個日落，食飯都可以咁有電影感🎞️🍴重點mark低：✅蒜香燒生蠔$138/半打 - 上枱仲吱吱聲✅$200/位晚市套餐 - 9道菜飽到上心口✅$99任飲3小時 - 紅白酒啤酒清酒任隊（你可能飲到老闆面都青埋🤣）🧸驚喜位：角落有80-90年代絕版玩具展麥當勞古董玩具、變形金剛都有得賣，食完飯仲可以shopping吓💡小貼士：人均$300有找建議著復古啲嚟打卡約班friend一齊嚟chill最正

今晚朋友帶我去咗銅鑼灣一間以復古為主題嘅日式串燒居酒屋。居然每位$99包三個鐘free Flow任飲：紅酒、白酒、啤酒、日本清酒。串燒以每位計$175起就有十道菜。仲有多個套餐選擇。CP值極高。啱晒成班friend聚會。**鹽燒大蝦**：大蝦新鮮，鹽燒後的外皮香脆，肉質鮮嫩，搭配檸檬汁更添清新感。**燒蒜蓉扇貝**：扇貝的肉質鮮甜，燒蒜蓉的香氣完美襯托出海味。**芝士濃汁大蘑菇**：蘑菇的鮮味與濃郁的芝士醬互相融合，口感滑順，啱晒芝士控嘅我😍**韓式Kimch海鮮湯**：湯底辛辣而不膩，海鮮新鮮，正好解開了燒烤的油膩感，讓整個餐點更為平衡。**燒雞肉軟骨棒**：軟骨部位的肉質嫩滑，燒烤的香味撲鼻而來，是下酒的絕佳選擇。**鹽燒蘆筍**：清脆的蘆筍在鹽燒後更添鮮味，是一道健康又美味的配菜。**招牌燒肉汁魷魚**：魷魚燒得恰到好處，肉質彈牙，搭配獨特的燒肉汁，令人回味無窮。**燒五花腩肉**：肥瘦相間，燒至外脆內嫩，伴隨著特製醬汁。**黑豚肉豬骨湯拉麺**：拉麵彈牙，豬骨湯底濃郁，黑豚肉的香氣四溢。

最近去咗呢間超有feel嘅「Virus Restaurant & Bar」🤩 一上到21樓就驚艷到！全場鋪滿經典電影海報🎬，仲有270度環景玻璃窗睇埋銅鑼灣黃昏景🌆（18:30-19:30係黃金打卡時段✨）最過癮係老闆嘅私藏玩具博物館，見到童年回憶嘅絕版玩具仲可以即場買走🤑！ 〰️〰️〰️〰️〰️〰️〰️〰️〰️✨ 豐盛套餐 $225/位👥 （二至四人用，份量按人數比例）🍢 燒雞肉軟骨棒軟骨脆卜卜，雞肉嫩滑juicy！點埋燒汁超惹味～😋🌱 鹽燒蘆筍簡單調味已經好正！蘆筍爽脆冇渣，食完油膩嘢清清喉嚨～💚🍄 芝士濃汁大蘑菇爆漿芝士+厚肉蘑菇！一啖咬落去超滿足，菇控必試✨🦐 鹽燒大蝦蝦肉彈牙鮮甜，連蝦頭都有膏！鹽燒香氣撲鼻～🔥🐚 燒蒜蓉扇貝蒜香濃郁，扇貝大隻又冇沙！好正～👍 🦑 招牌燒肉汁魷魚魷魚圈爽口唔韌，燒肉汁甜甜哋好開胃！送酒一流🍻🍲 韓式Kimchi海鮮湯酸辣夠味，海鮮料多！飲完成身暖粒粒～❄️🐖 燒五花腩肉肥瘦均勻，外脆內軟！點檸檬🍋食唔會膩～🍜 黑豚肉豬骨湯拉麵拉麵湯底濃郁，食完超飽～😍.🍹 Mocktail 特飲✨No sex on the beach：桃+橙香清新，女仔至愛！ ✨Blue H

無意喺銅鑼灣廣場二期附近一棟大廈樓下見到呢間餐廳個banner，佢地啲套餐睇落幾抵，咁就上咗去試吓啦。一入去就俾餐廳特別嘅環境吸引，裡面擺咗好多懷舊玩具做裝飾，靠窗嘅卡位又有靚景，配埋餐廳裡面昏昏黃黃嘅燈光，好似去咗sky bar 咁，但又同時好似去咗間隱世居酒屋咁，好得意呀！食物以串燒為主，有唔同價格嘅套餐，份量好足，食物嘅味道亦都幾唔錯！每一串都燒得啱啱好，調味唔會太鹹，確實有驚喜😍 呢度店員服務態度隨性但係又非常親切喎，個感覺好似去咗朋友屋企食飯咁😆 聽店員講，原來星期日通常係唔開嘅，不過又唔知點解我哋今次經過又啱啱撞佢哋開，可能因為老闆都係隨性嘅人🤣🤣如果第日行開銅鑼灣諗唔到食乜，可以試吓呢間咁特別嘅小店 😙

喂！今次帶大家穿越返80年代！呢間隱藏喺銅鑼灣樓上嘅「Virus Restaurant & Bar」，一入去就俾佢個懷舊裝修震撼到！綠色格仔地磚、鐵閘窗花、舊式霓虹燈招牌，仲有牆上貼滿經典港產片海報，真係好似時光倒流咁！最正係$99就可以任飲清酒/白酒/紅酒/啤酒3個鐘，抵到爛啦！🔥必食懷舊串燒套餐：▫️鹽燒大蝦 - 蝦殼燒到脆卜卜，蝦肉鮮甜到彈牙！▫️串燒雞翼 - 外皮燒到金黃色，咬落仲有肉汁爆出嚟💦▫️燒生蠔 - 鋪滿金銀蒜蓉，蠔肉肥美到漏油▫️豬軟骨串 - 軟骨部位爽脆得嚟又夠腍▫️一口牛 - 簡單鹽燒已經帶出濃郁牛味▫️鰻魚便當 - 厚切鰻魚油香滿溢，撈飯食超邪惡🍻飲酒優惠：$99任飲3小時（清酒/白酒/紅酒/啤酒）*星期六日每位加$20*須惠顧滿$180先可以享用📸打卡位推介：✔️經典港產片海報角📍 Virus Restaurant & Bar銅鑼灣駱克道447-449號中威商業大廈21樓（港鐵銅鑼灣站C出口行3分鐘）

呢到有💗$99享三小時任飲紅，白酒，啤酒，日本清酒🦪燒生蠔熱辣辣燒出嚟，好大隻，有蒜蓉、海水味道，好juicy 又新鮮⭐️燒汁魷魚鬚 $79/ 份 秘製燒汁實在令每啖都充滿驚喜 ，香濃有咬口⭐️燒大蝦 $40/ 隻 好爽口彈牙，有啲鹽喺面特別惹味，大大隻食落口⭐️燒豬腩肉 ($36兩串）肥瘦適中，有啲蜜糖喺面 食到好juice ⭐️燒車厘茄 （$34 兩串）一啖咬落口啲汁咇晒出嚟⭐️燒翠玉瓜 （$31 兩串）好多汁唔會乾身，食返啲蔬菜平衡番🐠魚餅$30 好有口感 而且味道甜甜既 上面有好啲木魚絲 增加咗風味🥤🧃我仲飲咗杯果汁 係廚師發辦嘅溝咗唔同嘅菠蘿汁蘋果汁檸檬汁等等，好fresh 又健康

位於銅鑼灣的這間樓上串燒店，以其高質食物和舒適的用餐環境而聞名。店內的串燒菜單豐富多樣，無論是肉類、海鮮或素食選擇，均以新鮮食材製作，並且全部食物都是即叫即整，確保每一串都能保持最佳的風味和口感。特別吸引人的地方在於其$99任飲三個鐘的優惠，讓顧客在享受美味串燒的同時，還能搭配各式飲品，無論是啤酒、飲料還是其他選擇，讓用餐體驗更加豐富。店內的裝潢簡約而不失時尚，營造出一個放鬆的用餐環境，適合各類型的顧客。若你正在尋找一個美味又實惠的串燒店，這間位於銅鑼灣的樓上店絕對值得一試。這裡的座位設計合理，無論是小團體還是大型聚會，都能找到合適的座位，讓每位顧客都能享受到舒適的用餐體驗。菜單上的串燒種類繁多，包括經典的雞肉串、牛肉串，以及新鮮的海鮮串等，還有創意十足的素食選擇。每一串串燒都經過精心醃製，搭配特製的醬汁，讓味道更加豐富，特別推薦他們的招牌串燒，外焦內嫩，口感絕佳。此外，$99任飲三個鐘的優惠讓這裡成為聚會的熱門選擇，無限制地品嚐多款飲品，增添了用餐的樂趣。總的來說，這間串燒店以其高質的食物、優質的服務和舒適的環境，成為當地串燒愛好者的必訪之地。

燒魚干這裡燒魚干表面完美烤得焦香，煙煙靭靭唔會太乾太硬，是超棒下酒小食燒蠔燒蠔好大隻好新鮮，調味亦都好到位… 這個好抵食！燒大蝦燒到香脆，大隻又好味 … 連蝦殼都可以食埋！香草羊架Well Seasoned 冇羶味又唔會韌，好惹味雞肉軟骨棒 & 炭燒雞腿串雞肉軟骨有咬口、炭燒雞腿惹味嫩滑芝士牛油磨菇& 燒蘆筍蔬菜我哋叫咗芝士牛油磨菇同燒蘆筍。我哋超鍾意又creamy又香嘅芝士牛油磨菇。飲品我哋選擇Long Island Ice Tea ，不過掛住食唔記得咗影相 …呢度除咗食物高質之外，環境懷舊，氣氛亦好Cozy。約朋友喺度傾吓偈relax下最啱。下次再嚟一定要試吓呢度嘅套餐同埋任飲package，好似仲抵食。Virus Restaurant and Bar銅鑼灣駱克道447號中威大廈21樓

本來係畀$99任飲三小時紅，白酒，啤酒，清酒吸引咗所以上嚟， 但係意外地啲嘢食竟然好好食， 而且啲用料仲好新鮮好靚。 真係有驚喜。而且佢呢度個環境好有特色， 一排長嘅窗口位成個銅鑼灣夜景睇曬。 可以話城市裏面好少見咁開揚嘅夜景。 餐廳裏面嘅裝修好特別 ，有一面牆身係全部香港經典電影 ，我都忍唔住同啲朋友打咗卡， 影相。呢度嘅服務都係以小店形式運作， 唔會一個一個waiter 喺側邊望住你食嘢， 而且睇到隔離枱好似好多人都係經常嚟過嚟用餐。每人最後埋單都係三百幾蚊就已經任飲同埋食得好飽

實在是香港少有的特色小店，裝修格局很有特色； 處處可見懷舊裝飾----經典的電影poster.、横跨70年代至今的懷舊玩具、 一覽無際的銅鑼灣鬧市夜景， 都令人有著濃濃跨時空的本土回憶。今日叫咗一個二人套餐 ，極力推薦：豐盛套餐：（二至四人用）份量按人數比例鹽燒大蝦鮑魚仔/燒蒜蓉扇貝芝士濃汁大蘑菇韓式Kimchi海鮮湯燒雞肉軟骨棒鹽燒蘆筍招牌燒肉汁魷魚鰻魚便當/黑豚肉豬骨湯拉麵每位$225仲可以加$99任飲三個鐘大班朋友真係可以飲到不醉無歸

有時出街食飯，為好多嘢，針對食好嘢la, 針對傾偈傾公事la, 有啲Hea時間la, 有啲人為飲酒la…..今次就係為飲酒 😂😂😂😂雖然為飲酒都要食啲嘢嘅…..咁今次朋友介紹左依間居酒屋，整體係食串燒，不過食物方面唔好太高要求，但係佢又唔算太差嘅⋯⋯最緊要係佢有$99蚊三個鐘頭任飲紅白日本清酒，呢個先係重點😂😂餐廳個位置方便，銅鑼灣消防局後面，地方唔大一間小店，但如果近窗可以望到銅鑼灣街景夜景，裝修都居酒屋型設計，牆壁全部經典香港電影海報，其他位置放咗好多日本嘅公仔玩具等等，點綴一下都幾好…..每人叫咗一個串燒set$17x, 另外半打燒蠔同任飲$99….其實應該再叫多少少嘢食long 一long 個胃😂😂😂埋單每位都係$380…坐到飲到11點幾…抵啦

野食等好耐，每樣野都係冇味。和牛餅食落去口感好差好古怪，完全不是和牛質素。豬頸肉真係好難唔好味，但都可以整到冇味。套裝四人餐每位199。店員話可以做五人餐，加多一位價錢，食物按比例加多一位份量。但結果食物份量完全唔係嗰回事，感覺同四人量一樣。餐牌寫雞翼雞心雞皮，諗住五人最少每樣野都有一串。出到黎加埋得八串，又細粒又細串。五人都唔知點分。有啲食物sold out但唔係預先問你轉其他而係轉完野食即刻上嗰一下先通知你。

偶爾喺朋友圈見到朋友打咭呢間餐廳、見到啲裝修風格已經勁鍾意｡ 終於有機會去到食一次。同之前見到啲人留言話有家嘅感覺一樣｡很有一種係日本時常幫襯一間料理給你那種家的感覺｡叫左個海鮮套餐,每人都係$208有成九道菜｡值得讚既佢地做嘅串燒每一種味道都唔同｡因為出邊食串燒好多時候都係得一個味。食曬咁多樣之後真係感覺到佢地對食物果種尊重｡食左一半嘅時候已經覺得好好味所以忍唔住加左半打燒生($138)。 果然真係呢度必試之一。濃濃的酒香加啲蒜蓉味｡正到爆我同啲朋友每人重加左$99任飲果個plan。紅酒白酒,啤酒,日本清酒任你飲｡開心到爆炸。而且啲酒嘅質素仲幾好添。因為我成日都喺銅鑼灣,所以以後同朋友食飯都費事諗咁多,直接揀哩度｡ 起碼冇時限唔會趕人走｡舒服到坐左幾個鐘都完全唔覺,時間過得真快｡支持支持!