Wake Up

营业中

休息中

香蒜雪花蟹肉手工意粉 $118超抵食😍手工意粉口感真係好唔同，煙煙韌韌，有少少似食緊伊麵，但係彈牙好多！！佢配啲汁一齊食，超正呀！！啲蟹肉多到好似蒜片咁一大舊😙好有鮮味同咸香味👍🏼👍🏼有誠意呀！！日本黑毛豬鞍架伴蘋果醬配薯菜 $188里個係一個set dinner黎，配餐湯(超正，今晚係磨菇湯，好有口感，咬到一粒粒好細菇，仲要好creamy!!!😍)仲有牛油多士，都幾硬幾脆㗎，點湯食啱哂☺️主菜黎啦！黑毛豬切開入面係好粉嫩，一啲都唔乾仲好juicy，特別係有少少肥肉嗰個位，入口即溶咁☺️好高質呀！一塊都幾大㗎，再配蘋果醬就無咁油膩感，一齊食香香甜甜！薯菜亦都好有心思，係相對比較健康啲嘅蕃薯條，比較硬淨啲👍🏼菜有沙律菜同一齊烤嘅西蘭花翠玉瓜，有2種食法😍餐仲包杯飲品，要杯凍果茶！飲完舒服哂👍🏼👍🏼焦糖香蕉朱古力窩夫伴雪糕 $48正常叫要$68，晚餐追加就平好多！！超好食，個窩夫好重牛油味，香蕉用蕉糖燒過，表面好脆卜卜，仲有朱古力雪糕係面😍😍好開心吖！！士多啤梨香蕉乳酪 $48食到有士多啤梨粰係入面😳鮮打！！好smooth好飲好fresh!!!如果飲咖啡嘅人，一定要試下佢招牌咖啡，好似好正呀😳

係荷理活廣場行街, 睇下附返有咩好食, 最後揀左呢間西餐廳😋餐廳環境相當舒服, 佢座位有一部分係商場入面, 空間感十足👍🏻食物方面, 都有十幾款SET DINNER, 款式選擇都好多, 另外我見隔離枱個鐵板餐牛扒好吸引, 我又跟住叫左🤗經典鐵板,美國安格斯肉眼扒配牛肝菌汁同鮮茄意粉：呢個經典鐵板真係非常好味！安格斯肉眼扒煎得啱啱好，有少少焦香味, 入面既肉仲好粉嫩，牛肝菌汁嘅香氣濃郁，令牛扒更加分。仲可以配埋鮮茄意粉，酸甜嘅茄汁同意粉嘅彈牙口感，真係好豐富😍安格斯燒烤汁和牛漢堡配薯條：和牛做既漢堡肉質鮮嫩，加上燒烤汁嘅香甜味，配合得好好, 佢個漢堡麵包都係脆身既, 相當有誠意!薯條炸得香脆，外脆內軟，配埋漢堡食真係好正🥰

喺鑽石山荷里活廣場嘅 Wake Up 食咗一餐，真係要讚一讚！呢度嘅環境好舒服，燈光柔和，加埋靚靚嘅裝修，係一個慢慢享受餐點嘅好地方。餐湯係洋蔥湯，湯底濃郁，洋蔥炒到香甜又有層次，配埋暖粒粒嘅圓麵包，簡單而令人滿足。開餐前我哋揀咗水牛雞翼，上枱嗰陣啲香辣味即刻撲鼻。雞翼外層炸得好香脆，醬汁酸酸辣辣，辣得嚟又唔會太刺激，真係非常開胃，食完都想再加單！我點咗鹽煎比目魚伴大蝦香草忌廉汁配薯菜，魚煎得香脆，肉質嫩滑，配埋香草忌廉汁啱啱好，大蝦新鮮又彈牙，加上薯仔同蔬菜真係完美嘅搭配。朋友嗌咗日本黑毛豬鞍架伴蘋果醬配薯菜，豬肉嫩滑而且脂香唔會太重，蘋果醬帶酸甜味，非常解膩，兩道主菜都係高質！甜品揀咗焦糖香蕉朱古力窩夫伴雪糕，窩夫外脆內軟，焦糖香蕉甜度適中，配埋濃郁朱古力醬同香滑雪糕，簡直係甜品迷嘅天堂！飲品試咗招牌Wake Up Coffee，一杯凍一杯熱。熱咖啡香氣十足，入口順滑又唔會太濃，凍咖啡則啱啱好，仲帶有少少清香，真係滿足唔同口味需求。呢餐無論小食、主菜、甜品定飲品都係高水準，價錢算係中等，但質素完全值返票價。下次一定再嚟試其他菜式！

鑽石山荷里活開咗間新餐廳「Wake Up」 ….有Tea set但看見餐牌有鐵板肉眼牛扒，所以就決定今餐食好啲😝😂😂餐湯粟米南瓜忌廉湯，口感滑順👍經典鐵板餐美國安格斯肉眼扒（10oz)，安格斯肉眼扒肉汁豐富不錯，配菜也很豐富有沙律菜同埋黃瓜西蘭花等！意粉是茄汁意粉味道OK值得一讚就係個秘製地獄黑椒汁好好味😚😚松露蘭王蛋芝士和牛漢堡, 漢堡的肉質相當豐滿, 松露醬汁好香濃配埋芝士好好味！薯條外脆內軟！

鑽石山荷里活廣場新開咗一間頗有情調嘅cafe 餐廳，半開放式設計再用咗芒草圍住，一方面更有情調優雅，一方面又可以提高私隱度，就算坐近門口位置都可以放心完全enjoy😌晚市套餐有Dinner set for 1 或者 Dinner set for 2 有齊餐湯同餐飲😆另外仲有a la carte menu 可以單點小食拼盤等等👍🏻我地見dinner set 性價比較高而且份量唔少，另外再加單點一份主食已經夠晒兩個女士食😎Dinner set for 1是日餐湯係洋蔥湯🧅，洋蔥煮到軟腍，所有甜味都出晒👍🏻配埋暖烘烘嘅餐包💯前菜二選一，揀咗水牛雞翼，一客有兩隻沾滿甜甜辣辣嘅醬汁嘅雞翼，惹味醒胃主菜三選一，揀咗扒蝦巴馬火腿卡邦尼意粉，喜歡海鮮嘅仲可以揀原條香草鹽燒鮮魚😆大虎蝦開邊煎香，巴馬火腿天然嘅鹹香加埋用咗兩款芝士🧀煮成嘅卡邦尼意粉🍝，卡邦尼醬汁奶香味濃郁相當Creamy任何套餐+$28升級秋冬滋養花茶，一壺🫖花茶夠哂兩個人share ，而且可以一路坐熱，冬天❄️可以keep 住飲到暖笠笠嘅養生花茶😎8層和牛芝士漢堡配三色薯條打卡一流📸📸漢堡厚到要用竹籤拮住先企得穩🤭除咗手打和牛漢堡外，仲有

Wake Up@Hollywood Plaza新開的餐廳位於鑽石山站荷里活廣場內，西式選擇，放假去左試試all day breakfast。不錯呀，有餐湯麵包，主菜連飲品，杯Wake Up Cofee幾好飲好香豆味，座位舒適，下次再試下其他先。😋🍽

位於市中心的 Wake Up 餐廳，總是吸引著食客們的目光。這裡的裝潢時尚而不失溫馨，營造出輕鬆愉快的用餐氛圍。見到推廣2/10 - 8/10 中午免費派咖啡9/10-31/10 +$10 早餐時段任飲咖啡; +$20 晚市任飲啤酒今次今夜晚，但揸車，下次再飲 香蒜雪花蟹肉手工意粉這道菜的麵條是手工做伊，口感滑順，彈性十足。蟹肉的份量相當慷慨，帶著海洋的鮮味，搭配香蒜的濃郁香氣，讓人一口接著一口。特別喜歡那淡淡的香味，為整道菜增添了清新的層次感。每一口都彷彿在品嚐大海的味道，讓人不禁沉醉於這份美味之中。八層和牛芝士漢堡配三色薯條接著是八層和牛芝士漢堡，這道漢堡不僅外觀誘人，口感更是驚艷。漢堡的肉餅選用上等的和牛，肉質鮮嫩多汁，搭配融化的芝士，形成了完美的味道組合。每一口都充滿了肉汁的豐富口感，令人滿足。特別是那三色薯條，外脆內軟，色彩繽紛，吃起來既有趣又美味。這樣的搭配不僅提升了整體的視覺效果，更增添了口感的層次，讓人欲罷不能。蒜香辣酒煮蜆野菜鍋最後一道是蒜香辣酒煮蜆野菜鍋，這是一道非常適合與朋友分享的菜品。鍋中的蜆肉鮮美，吸收了蒜香與酒香的滋味，味道濃郁卻不油膩。野菜的新鮮口感與蜆的

慶祝結婚周年紀念，同老婆食左間新開的西餐廳香蒜雪花蟹肉手工意粉🍝 本身見佢其貌不揚，冇太大嘅期待。但入口佢嘅 suace 都幾surprising . 味道竟然有啲似合味道嘅海鮮味杯麵的湯底～感覺有啲懷舊熟悉，幾好味。menu 話係手工意粉，入口感覺都彈牙 al dente 以$118 嚟講，幾好。我哋兩個人share一個澳洲和牛扒餐，配薯菜—— 但其實原來係薯條。始終都係被唔開邪惡嘅嘢食。但係係即叫即炸入口係幾香脆，點埋蕃茄醬幾好。最後都係食晒。澳洲和牛扒🥩 好值得食，成塊扒冇瑕疵，七成熟好冧、好juicy. 上碟真係最原始鮮蘗、枱面有粉紅色岩鹽同埋黑椒俾你自己加味。今晚是套餐，可以加$32叫四隻水牛雞翼、佢嘅微辣程度係啱啱好、佢配搭埋意粉食就啱啱好。飲品飲咗玫瑰桂圓茶，玫瑰香味幾突出，甜度幾適中。

位於鑽石山荷裡活廣場2樓的「Wake Up」，採用開放式設計，在商場一旁自成一角，感覺開揚。餐廳提供多款晚餐，也有二人套餐，還有小食呢！晚餐有10款選擇，有餐湯、餐包和飲品，很豐富。蘑菇湯香濃Creamy幼滑，微暖的餐包塗上牛油很香口。《香煎羊架三件、黑松露燴飯配牛肝菌汁》$198羊架燒得剛好，肉味夠濃夠香，絲毫沒有羶味，加上牛肝菌汁味道更上一層樓。《日本黑毛豬鞍架伴蘋果醬配薯條》$188黑毛豬比一般豬肉矜貴，因為吃橡樹果長大，不單肥美可口，肉質、口感非常Q彈、緊實，肉味更是濃郁到滿瀉，配上自製的蘋果醬，非常清新。《水牛雞翼》$32百吃不厭的雞翼，用水牛城煮法，帶微辣，肉質嫩滑惹味。《 玫瑰桂圓桂花茶》跟餐$28茶味郁香甘醇，口感豐富飽滿、紮實、沉穩，還有淡淡的花香，這壺茶很治癒。

今次嚟到荷里活廣場2樓新開嘅WAKE UP 餐廳用咗啲芒草裝飾圍住增加私隱度，可以喺商場入邊有個小空間靜悄悄食個飯，坐得舒服今日我哋揀咗full sets，其實為返都唔貴，但好豐富！Dinner Set (for 1) $188🌹是日餐湯： 蘑菇忌廉湯又幾有驚喜喎~本身以為茶記出品，點知佢係鮮打蘑菇， 入口順滑；唔會係好假嘅忌廉味，食到鮮甜嘅蘑菇粒。附送嘅餐包送到時暖笠笠，用黎點湯食就一流🌹煙三文魚田園藜麥沙律份量多，賣相靚，超有心機！咁大碗都只係加$10，實在太抵！藜麥都幾飽肚，加埋好香嘅三文魚，營養十足🌹原條香草鹽燒鮮魚（需時20分鐘）呢條燒魚應該係新鮮鱸魚，燒得外皮好香脆，又保存到肉汁，魚身好厚肉，食落好綿滑，啖啖肉，啱曬鍾意食魚嘅我哋底下仲有唔少薯條，份量好足！🌸香煎羊架（3支骨）配牛肝菌汁黑松露燴飯 $198好少可食羊架仲會跟埋個飯，實在太抵食飯量充足，燴飯好Creamy，食到淡淡嘅黑松露味，如果飯粒可以實淨分明啲就更正羊架配牛肝菌汁好夾，羊味都香，偏肥少少，如果鍾意食脂香嘅朋友一定好啱食🌹檸檬水（熱）跟餐熱檸水唔洗加錢，可以消下滯🌸WAKE UP Coffee +$15 ☕️

以獨特嘅餐飲概念『朝啡夕酒』 提供多國菜及多款酒數、咖啡☕️由早到晚都幫你WAKE UP😃漢堡用上日本頂級和牛🍔再加上芝士提升層次🧀漢堡肉味濃郁及肉汁豐富💦厚度適中，煎焗後保留到軟嫩口感😋春雞烤至黃金皮脆，賣相吸引🍗濃濃香草及牛油味，散發濃郁香氣🧈脂肪少，肉質細膩嫩滑，有豐富蛋白質😙焗飯之首，必選「焗豬扒飯」🏅味道香濃熱辣辣，豬扒咬落鬆軟🐽蕃茄醬汁用上大量新鮮蕃茄製作🍅啖啖新鮮蕃茄味🤩窩夫外脆內軟🧇香濃蛋味配上香蕉，色香味俱全🍌配上雲尼拿雪糕，味道甜而不膩🤤

可以食到發泡膠出嚟😅餐廳名：wake up睇嚟餐廳真係要wake up了🙏🏻(職員好見怪不怪咁拎走咗然後話換個碟俾我）之後額外食咗羊架黑松露飯一隻羊架係正常 其他兩個好似中咗輻射咁樣細到我都唔知切到啲咩肉出嚟🙂‍↔️本身都唔諗住公審佢但係個發泡膠真係令到我忍唔住🙏🏻真心嗰句$200一碟嘢 好心就有誠意少少啦真心$200@1碟意大利飯或者意大利粉都整到咁佢個份量等於出邊$80-90嗰啲㗎咋喎😅

放假落雨惟有近近地去食個brunch，唔使出户外嘅荷里活商場就啱哂。呢間wake up 都算新，好似係頂咗Hokkaido farm嚟做。 見佢個午餐menu都幾吸引，70幾蚊嘅價錢有餐湯、餐包同嘢飲，仲有得add on 加錢換小食，一於試試佢。💁🏻‍♀️王牌鮮茄芝士焗豬扒飯 HKD78個飯有用蛋炒底，幾香，豬扒都夠淋，鮮茄醬汁好濃味，撈飯一流💁🏻‍♀️香蒜鮮蝦橄欖油炒意粉 HKD88我朋友試的，食咗一啖，哇，意粉好入橄欖油、蒜味😍蝦係冰「鮮」蝦，都唔意外，不過都睇得出佢有醃過💁🏻‍♀️薰衣草蜜糖桂花茶（套餐+28）由於本人養生，重本啲加28蚊飲吓花茶，佢唔係果啲茶包就咁浸水，真係茶包+薰衣草+蜜糖，真村實料，幾好，仲要好大壺。2 個女仔share 都好啱。整體用餐體驗不錯，店員有禮，下次要試吓佢出名嘅wake up 咖啡。

原來係荷里活廣場有間幾有驚喜嘅西餐廳，一直都以為呢啲大型廣場全部餐廳都係連鎖餐廳，今日竟然發現到呢間低調得來環境同嘢食都幾吸引嘅西餐廳就忍唔住入去試吓！食物嘅款色非常多，無論係意粉、飯、漢堡包、扒你諗到嘅咩都有，我哋嗌咗個燒伊比利亞有骨黑毛豬鞍配黑椒汁伴薯菜，呢個豬鞍真係必食，厚有成四cm咁厚，啖啖肉，啖啖都爆汁，而且入口口嫩滑，豬味都好濃郁，幾有驚喜！另外我哋仲嗌咗個dinner set for one，呢個set都幾抵食，百零蚊包個餐包、餐湯、嘢飲、前菜同埋主食，仲要質素都唔錯，連餐包都係熱辣辣上嘅，前菜我哋揀咗水牛雞翼，入口都幾嫩滑，幾好食，主菜我哋就揀咗原條香草鹽燒鮮魚，條魚煎得啱啱好，外皮煎到金黃色脆卜卜，外脆內軟，入口即溶，非常新鮮！

睇翻OR先知呢間餐廳原來係新開嘅。新餐廳嚟講算殘舊。個人應為食物、服務質素同茶餐廳差不多，衛生都麻麻。本來係冇興趣試呢一間，但因為隔籬嗰間好多人排隊就求其揀一間，點知…無下次