影片
港铁铜锣湾站 D4 出口, 步行约2分钟
继续阅读
附加资料
https://www.instagram.com/wanderlust.cwb/
只接受預約訂位，訂位需要預繳訂金。
营业时间
星期一至日
12:30 - 21:00
以上资料只供参考，请与餐厅确认详情
銅鑼灣樓上依間「Wanderlust」嘅餐廳室內環境裝修及菜式都佈滿花草、蝴蝶，好精緻，非常適合打卡，完全係走夢幻少女心、公主風嘅風格，簡直係Secret Garden花花世界。*此餐廳收取加一服務費。紅菜頭忌廉藍青口寬帶麵配香煎帶子（單點$258），香煎帶子肉質食落一絲絲，味道鮮甜，藍青口食落有鮮味，略嫌肉質瘦削，寬帶麵口感軟硬適中，容易掛汁，略嫌紅菜頭忌廉食落紅菜頭味道欠奉，主要都係食到普通忌廉汁的原味，配料包括有雜菌、沙律菜。冬蔭功里科塔芝士菠菜意大利餃子（單點$158），餃子皮口感薄身，芝士菠菜餡料味道鹹香，配以冬蔭功醬汁食用，味道酸辣、帶有香料味道，辣度2分，配料包括有車厘茄、沙律菜、雜菌。三層班戟配自家製草莓醬（單點$168），表面鋪有糖粉，班戟口感鬆軟，食落蛋香味濃，配以忌廉食用，味道更佳，自家製草莓醬味道酸甜，草莓食落好新鮮。芋香紫米露奶昔（單點$79），朱古力甜甜圈口感厚實，味道香甜，表面鋪滿忌廉、彩糖針、彩糖珠、曲線糖，香芋奶昔口感綿密，味道清甜，內有紫米，類似飲緊凍食版嘅香芋紫米露。肥肥曲奇奶昔（單點$68），表面鋪有紅桑莓馬卡龍、忌廉、彩糖針、彩糖珠，曲奇忌廉奶昔內有杏仁。
继续阅读
哎呀好靚呀！唔止係個餐廳佈置連啲嘢食都好靚😍😍😍😍去到先知原來唔係西式嘢食，係有東南亞特色嘅混合料理我好鍾意食泰國嘢印尼嘢！即刻流晒口水🤤🤤🤤🤤唔係得個靚字，係好食的，食得我好高興，介紹一下但係Menu 比較多英文食材同地道嘢食名我哋都研究咗一陣，有啲係我譯出黎既🌸Signature pani puri香料炒肉碎酥炸球我本身好鍾意食生菜包，啲肉碎無論餸飯定係包菜都好好味，成日忍唔住一啖又一啖，第一次包呢個包印度特色嘅酥炸球，幾特別，個球本身冇咩味道，但係鍾意食卜卜脆嘢嘅人應該會好鍾意！啲肉味道適中，我自己可以食到再重口味啲😂🌸Ton Hum Ravioli with ricotta and spinach冬陰功菠菜意大利餃大讚個冬陰功味，如果佢有湯我一定會飲晒，酸辣咸全部都係我鍾意嘅比例！入面仲有好多菇，入晒味，食哂！又係好特別配意大利餃，值得試試！🌸Velvet Goldmine 紫醉金迷紫甘藍Cream 既燉飯，唔『流』好好食，上面仲有好多海鮮，本身我麻麻哋食蝦，但係佢上面有一層芝士啲蝦都好香好味道！仲有好多隻青口！🌸 焦糖糖餅乾奶昔 芋香紫米露奶昔本身想要香蕉朱古力奶昔，冇晒揀咗芋香紫米露，兩杯都好不得了！本身驚好甜，又唔會喎！我冇牙痛🤭🤭🤭仲可以好快飲咗半杯🤭🤭🤭🤭 哎呀我認可，要試吓，一齊肥🤭🤭嘢食好特別，十分有興趣試埋佢哋其他菜式本身想食pancake，但係飽飽了，下次食吧
继续阅读
最近社交平台成日見到呢間餐廳，今日決定約埋朋友👭🏻試吓。成間餐廳比花海💐同蝴蝶🦋包圍，食物質素好😋之餘個賣相超靚😍。絕對可以瘋狂勁影相打卡📸下次可以再黎幫Ellie着條公主👑裙影靚相。𝓣𝓱𝓮 𝓕𝓪𝓵𝓵𝓮𝓷 𝓐𝓷𝓰𝓮𝓵即叫即做士多啤梨 🥞, 用上閃閃發光的月亮型🌙擺盤加皇冠👑擺設做點綴，pancake周圍仲有好多花花🌸🌼做點綴，真係勁靚勁有心思。𝓣𝓱𝓪𝓲 𝓭𝓻𝓾𝓷𝓴𝓮𝓷 𝓼𝓽𝓲𝓻 𝓯𝓻𝓲𝓮𝓭 𝓼𝓹𝓪𝓰𝓱𝓮𝓽𝓽𝓲 𝔀𝓲𝓽𝓱 𝓫𝓵𝓾𝓮 𝓶𝓾𝓼𝓼𝓮𝓵𝓼除咗賣相之外，呢個意粉🍝味道好出色。少少辣得黎，意粉有咬口，再配上藍青口，超正。𝓥𝓮𝓵𝓿𝓮𝓽 𝓖𝓸𝓵𝓭𝓶𝓲𝓷𝓮美美嘅中文名「紫醉金迷」名符其實以紅椰菜混入 RISOTTO 形成淡紫色💜質感比平常的意大利飯更黏～面頭有大蝦🦐青口等海鮮配搭再加上鮮花💐金箔精美擺盤，睇起黎超高質！💕打卡特飲𝓛𝓸𝓽𝓾𝓼 𝓑𝓲𝓼𝓬𝓸𝓯𝓯 𝓒𝓪𝓻𝓪𝓶𝓮𝓵 𝓜𝓲𝓵𝓴𝓼𝓱𝓪𝓴𝓮焦糖餅乾奶昔𝓕𝓪𝓽𝓽𝓲𝓮 𝓒𝓸𝓸𝓴𝓲𝓮 𝓒𝓱𝓲𝓹 𝓜𝓲𝓵𝓴𝓼𝓱𝓪𝓴𝓮肥肥曲奇奶昔
继续阅读
朋友幫我慶祝生日，一早預約餐廳🦋位於銅鑼灣，地鐵一出超方便，首先進店好好花花布置，環境唔算大，但飲品好多選擇，而且美美的，今次叫了曲奇和香芋🍹飲品。主菜非常吸引，我們叫了意粉🌸🍝和飯🌼🍚買相靚之餘，亦美味😋，最後送上月亮🌙裝飾的士多啤梨蛋糕，🍓🥞打卡一流，餐廳好細心準備💐🐻拍照對比其他餐廳好細心，所以值得一試。
继续阅读
銅鑼灣又發現一開打卡cafe門口完全睇唔出入面係花花世界一入到去就。。wow！？花～全部都係花成間餐廳既裝飾都係以花做主題每一個位置都係打卡位我係book左星期日1:00pm意外地完全無其他人係度 可以盡情打卡除左裝修係打卡able連野食都一樣係要黎影相一流士多啤梨pancake會跟埋月亮羽毛架影相兩杯奶昔既裝飾係隨機既每人最低消費要叫兩個主食主食基本都係用花花黎裝飾本身對打卡餐廳既野食質素都無乜期望但意外地又唔係咁差除左打卡之外野食都叫係還可接受係正常水準但價錢就一定偏貴但我覺得打卡一次都ok是日午餐。紫醉金迷 ＄238。黑松露雜菌小貝殼粉＄138。三層pancake配自家製草莓醬＄168。芋香紫米露奶昔＄79。肥肥曲奇奶昔＄68#belle推介餐廳 #foodie #food #hkfoodie #打卡熱點 #打卡 #打卡推介 #打卡餐廳 #wanderlust #花花世界 #吃貨人生 #吃貨日常 #吃貨 #吃貨日誌 #辛苦搵黎志在食 #下餐先減 #食就係人生意義 #打卡able #photography #photo #cwbfood #銅鑼灣美食 #銅鑼灣打卡 #cwb #港島美食
继续阅读