We Time Cafe (光輝圍)

营业中

休息中

難得早收工，歎翻個tea先😌Tea time meal真係幾幾抵下最後叫左花生醬西多士，連飲品都係30蚊個西多士上到黎真係又大份又厚身😱糖漿係另外上，可以根據自己喜好落仲附送埋少少沙律添👍🏻食得悶悶地就食下沙律☺️個西多士食落唔會好油膩包身鬆軟帶少少脆但個花生餡只係薄薄一層食落唔係好滿足飲品叫左低糖薏米水，真係低糖，甜度得微甜，薏米又甜甜地淡淡地又幾好飲bor，又解膩👍🏻整體黎講都抵食嘅，唔會好似某d連鎖咁得薄薄兩片夾住😂

叫咗個吉列豬扒滑蛋飯，本來已經覺得麻麻地。食到一半，見到啲飯入邊有曱甴腳，撥開啲吉列豬扒嚟睇，有隻曱甴🪳喺裏面🤮🤮🤮。成件事真係好嘔心，隻曱甴應該係連埋煲飯一齊煮，所以成間餐廳嘅客人都食緊曱甴飯😵同左個老闆講之後，佢叫我叫另外一個餐。🤦🏻‍♀️你覺得我仲喺你間餐廳裏面食得落野咩？！佢最後先好唔情願幫我退咗個餐，仲要係我走嗰刻先講唔好意思。PS: 個餐$60，滑蛋煮到一pat嘢加上啲飯林晒。先唔好講衛生問題，本身都唔會再去呢間餐廳食😵

裝修之後, 服務態度唔見得有好咗, 但做得西餐, 咩叫做碎蛋應該好清楚,碎到粒的先叫碎蛋, 你只係將個蛋切片就當係碎, 根本係無誠意, 因為早餐多人做到咁的質素, 你對唔住你的價錢, 如果係叫其他配料, 就無發現呢間嘢HEA咗咁多, 不符合碎蛋定義, 不如你改咗個MENU啦

工作到晚上同友人落街揾食，但附近食開的都食厭晒，今次行多兩步去呢間，入到去雖然座位不太闊落，肥d都坐唔到原本是想食鰻魚的，但環觀各枱都係食西式，見賣相不錯所以最後都跟風食西式。睇完餐牌見到有fusion菜式-冬陰公忌廉扁意粉就決定試一試，點知一試就被surprise了。適中的辣度+有先煎香過的蝦仁x5隻+硬度適中的扁意粉=好食！！汁夠掛身沒有多餘水份，食完碟底並沒有多餘汁剩低。蝦有先處理過並非平果d無味道的白烚蝦，而且不是梅晒果d, 仲係爽的！意粉也是有用心煮的，並不是hea煮每條的硬度也很好，沒有太硬也沒有糊掉食個set連湯+餐飲才58,真係超surprise!! (平時出面食一個意粉都要過百，仲可能沒這個好食)

勇闖完石蔭，下一站就到葵涌嘅美食圈-光輝圍🚩第一站就去左呢間韓日西泰，連all day breakfast同日式便當都有嘅人氣冰室西冷牛扒配牛仔汁意粉$68🥩牛仔汁好香濃😋牛扒好大塊亦好夠稔原條龍脷柳配香蒜牛油汁跟扁意粉$60🐠魚柳超大塊😳個汁就不過不失，可以再濃啲*套餐包餐湯及熱飲餐湯來講紅好飲過白，而呢度嘅飲品相當唔錯，比我想像中高質，有台式手搖嘅味道😍

之前叫咖啡奶茶已經唔係好食 而家改咗個名一樣咁衰 叫隻脆豬手 變左隻炭豬手竟然仲夠膽拎出嚟叫姐仔睇下佢話冇問題 佢叫我試下先 直至我影相就立即收走去換之後叫左個焗豬扒飯 諗住伏極都有限 五分鐘後就話畀我聽冇焗飯叫杯珍珠綠茶 到最後又話比我聽冇珍珠叫咩冇咩 入面個廚態度又PK唔會再幫襯

評語只限外賣，因為未試過堂食。通常會叫呢間外賣早餐，因為鍾意食西式，我先生鍾意食粉面，呢度兩樣都有就啱晒。而呢度既西式早餐有waffle ,仲要勁多醬。佢又可配不同種類嘅咖啡。今日叫咗外賣午餐，冬陰功大蝦忌廉扁意粉 ，配忌廉紫薯湯，杯牙奶綠。個意粉好惹味，外賣返嚟都好正，我諗現場食應該會Juice啲，返到嚟有啲乾。有七隻蝦算係咁。另外個湯幾特別，紫薯好小見。杯牙奶綠我嗌左少甜就唔係好夠甜，不過茶味好重，正。下次一定再試其他。

「We Time Cafe」————————————————地址: 葵涌光輝圍21號昌發大廈地下6號舖————————————————未裝修之前間餐廳叫做奶茶咖啡室,偶爾都會幫襯一下 裝修之後佢改名,叫<we time Cafe> ,今次嚟咗食 叫左個E餐 要左雞排😌————————————————跟餐會有多士滑蛋🍳同埋少少茄汁豆❤️有田園沙律🥗 有啲菜平衡下!!! 如果鍾意食窩夫🧇 可以+$5 轉窩夫🧇整體來講幾好食 所以俾佢一個好評!

由原本「奶茶咖啡室」年代開始幫襯，此店由開業以來一直做街坊生意，每逢假日早上，本人都有幫襯，因為本身係附近街坊今早特意在他裝修重開後幫襯，食物方面，我叫左一向叫開的奶茶，奶茶味道沒有改變，只是變細杯左（凍飲），但仍十分推介，環境方面，裝修後環境改善左，座位比以前多左，而且較以前寬敞，坐得舒服等位都快左，最重要係之前落單的伯伯都仲係度，囝囝每次去都同伯伯打招呼。轉名後只試過早餐，有機會試下佢地的午餐下午茶晚餐先