Wheatfield X 羅宋湯專門店 (漢宮閣) (已搬遷) 新店位置

有時經過見好多人排隊，所以就約朋友係到食晚餐。我叫左紅菜頭（有肉）湯配飯，另外再加凍檸水。就咁食其實幾單調，但湯算好飲。湯入面有薯仔同紅菜頭等等，仲有豬脾肉。但咁既價錢覺得唔係好抵食😥

第一次嚟依度食嘢因為夠近，落雨費事周圍行店內坐嘅位置都算舒適夜晚七點黎到，食客唔算多只係坐咗五成左右叫咗個豬骨羅宋湯（有兩塊豬髀肉）配烏冬湯幾好飲，我幾乎飲晒就好似屋企自己好比心機落足料去煲既咁但有少少辣，見到個碗入邊有兩條辣椒就知～唔知小朋友食唔食到，今次冇見到任何小朋友食客，主要得大人兩塊豬髀肉有一半係林嘅一半就比較結實用黎送下湯同面，冇咁寡，都唔錯烏冬就麻麻哋又唔係滑又唔彈牙又有啲碎濕濕似上海麵多啲🤷🏻‍♀️食完一碗啱啱好夠飽～ $62 價錢可以接受

星期日朝早瞓醒之後 想食一個 濕濕地嘅湯麵所以就去咗附近嘅羅宋湯麵專門店 舖頭其實唔係喺商場裏面不過喺太古地鐵站D1出口行兩分鐘就到 正正就喺東隅east hotel(即係平時飲嘢sugar嗰間酒店) 對面 羅宋湯做底，餸有牛腩，豬骨或紅菜頭（素食）選擇，麵食可配烏冬，鮮扁麵……等。我揀咗牛腩鮮扁麵，湯底合格，符合預期中的濃稠口味，牛腩選取附少許肥肉部份，軟焾及甘香有致，麵條爽滑，吃得出是鮮做的，而且份量十足！店內選擇不多，可能逢行貴精不貴多的宗旨，店內其他吸引的小食包括：~ 咸牛脷豬仔包（頗邪惡）~ 懷舊蝦多士……等下次有機會再試😋

剛巧喺附近行街，行到餓餓地，經過一間覺得不算太貴嘅店舖就入咗去了🤤入到去發現出名嘅係羅宋湯，咁梗係要試一試啦！而且e間店舖係有種fusion嘅感覺, 湯底麵底同餸係可以自己選擇海派豬骨羅宋湯 配拉麵($62)加半熟糖心蛋 ($12)果然羅宋湯嘅味道唔錯，而且材料都幾豐富但睇返，如果冇肉類嘅情況之下，呢個價錢都唔算話太平不過佢嘅糖心蛋係世界級！食得太開心，唔記得咗影相🤯 佢係完美嘅糖心蛋，超好食~總括來講，如果再係附近行過嘅話，都會再試的

一開店頭半年都好鐘意食，但今日再食，發現食物質素差咗好多。叫咗一碗撈麵同豬仔包。豬仔包難食到兩件我只食到半件。好乾，無焗過禁款，似擺咗幾晚。麵包佢地塗上一層厚厚牛油諗住搭夠味，但食得出連牛油都係最劣質嗰隻。鍊奶都好難食。個湯底一直係最吸引之處，但今日試咗一啖已經想放棄，少咗超多牛腩味。feel到一啲都唔夠料去熬。大大失望🙍🏻🤦🏻‍♂️唔止我地尼台食唔落去，隔黎兩張檯都食到一半都嗌曬「食唔到落去」「要放棄」「好失望」「要再去第二間食飯」。服務質素都強差人意，一直好惡好大聲禁兇客人。

復活節假期前席，大家都holiday mood勁濃，連平時日日帶住家飯盒嘅Barry，今日都聊大家出去食lunch🤩可惜 #小秘書 呢排身負重任，唔可以行開太耐，只好喺附食搵食😝 呢排口淡淡，於是又諗起「羅宋湯」啲 #牛腩羅宋湯撈麵❤️ 不負眾望，湯底依然好濃好多餸料，尤其係 #牛腩，半肥瘦仲有啲筋，肉味好濃👍🏻 鍾意食牛嘅你可以去試吓🤩 平時 #小秘書 咩都唔加，食哂個撈都同湯已經飽到暈，不過同事話$8加件豬排咁底，又話要試😅 味道真係唔錯嘅，不過份量真係多咗啲，成個下晝都頂住個胃... 下次都係唔好咁為食喇

一開頭見到羅宋湯專門店就已經覺得好伏好有衝動去試到底係咩黎，公主終於揾到機會有勇者一齊去食!LUNCH TIME好多人多數都要等位，但黎得快去得快，5張枱等左20分鐘左右就食得，叫完10分鐘內就上菜，手腳都叫幾快。MENU選擇好有限，其實都係得羅宋湯+牛腩/豬骨+澱粉質，個人覺得男仔一定要配麵/烏冬個啲先會夠飽，齋配一個包包個份量有啲少。公主叫左個SET A $72 (沙律+牛腩湯+包包)加 $8 熱奶茶，沙律係屬於正正常常多醬頹皮茶記級數，本身都無期望所以無失望，羅宋湯都好正常，比想像中無伏，其實可能係公主自己FF太多覺得佢會好新奇有趣，唯一嘅驚喜位係好多舊牛腩，開心左兩下。勇者叫左$62 豬+烏冬，個人覺得牛>豬，豬無咩味但都唔期望佢會有有肉味，佢就係一塊正常既豬肉，無咩野好comment。總括而言間野無伏但又唔係特別好食，睇番佢質素同價錢嘅話lunch 黎講都算唔抵食，評分6.5/10啦係「屎忽痕可以去食」嘅LEVEL。

紅菜頭湯拉麵加豚肉$62選擇加唔加豚肉價錢都一樣，所以多數都會加，不過加左豚肉個湯就好多油...(如圖)紅菜頭湯比蘿宋湯酸，同一般係香港飲到既唔一樣。麵方面，淋，冇口感，不掛湯...下次食返上海麵好了。

本人好鍾意飲羅宋湯,睇到呢間啲野食幾吸引,所以老公就同我一齊去試下睇左餐牌後,認為撈麵係最吸引,而且佢有幾款麵俾你揀最終揀左上海麵,因為我鍾意幼麵.而我同老公都揀左牛肉湯底佢地啲牛腩都算大舊,不過就有陣牛肉’so’味...我本人味覺係有啲敏感,所以唔多鍾意,如果無陣牛肉’so’味就更好上菜速度快羅宋湯夠多料,好夠熱,不過我認為佢地可以再香啲同辣多少少會更好撈麵我覺得佢地既醬料都可以再香口啲同濃味啲整體黎講都okay地方乾淨職員服務態度正常回頭就未必會..因為一碗都唔平

唔好以為太古嘅美食淨係限於商場裡面，其實民居地下都有唔少隱秘好餐廳。好似呢日，我就同友人喺太古城屋苑地下見到呢間專食羅宋湯嘅鋪頭。我叫咗個全日自由配搭，揀咗海派牛腩羅宋湯配拉麵。羅宋湯餚得超級好味，仲要好足料，絕冇欺埸。配埋紅蘿白，椰菜等配料，連湯食，羅宋湯精一定停唔到口。其實睇番啲餐廳嘅背景資料，老闆特登想喺香港保留住傳統俄國菜味道，加埋一啲上海元素， 唔錯！海派牛腩燜到一咬即散，肉嫩腍身。正！呢款拉麵夠滑身，唔會索唒啲湯，可以食完麵再飲埋啲湯。

今日同同事去咗太古，經過依間羅宋湯專門店，所以入咗去試下。間店好似茶餐廳/快餐果種，啲人嚟得快走得快。所以等咗15分鐘後就會有位。.入位坐位唔算太多，不過坐得唔會太迫。.點咗個佢嘅全新推介，師傅秘製撈麵$68，佢可以自由配搭4種湯底，同一款麵底。而麵底有上海麵丶拉麵丶烏冬丶白飯丶甜餐包+牛油可以揀。湯🥣底分別有俄式雞湯丶海派牛腩羅宋湯丶海派豬骨羅宋湯同健怡紅菜頭湯。.揀咗個上海麵配海派豬骨羅宋湯，首先個上海麵可以揀要唔要蔥花，我揀咗要。而個麵有少少辣，不過仲有包辣油，仲可以加少少辣。麵唔會乾身，仲有少少蔥油嘅香，而且好有彈性，唔係好容易斷同軟果種。.而個羅宋湯，味道好濃，有少許辣味，不過用料十足。好多椰菜同蕃茄。別外有兩塊燒豬脾肉，肉質唔肥，似日式叉燒一樣，厚度適中，有點豬肉本身嘅味，不過塊肉唔太入羅宋場嘅味。整體還可以，可以回頭再食👍🏻

早上和男友在太古城的戲院看電影，散場大概2點左右。打算先吃個午餐才回去。星期日的太古城到處都是人，就算你不在正午時間吃午餐，也可能需要在餐廳門口等一下才能入內。最後我們選了一間不用等的餐廳，這間剛好有一張空枱。來到羅宋湯專門店，我們當然點羅宋湯試試看。男友點了上海撈麵 牛腩羅宋湯 ($68)我點了海派牛腩羅宋湯 上海麵（$62) ，再點了一杯熱咖啡（$15)提提神羅宋湯不會太咸，如果雜菜份量多一點就好了。牛腩份量還可以，但味道不太突出。上海麵份量很多，我用盡全力只吃了8成麵。咖啡有點普通，只能單點，$15有點太貴。

呢間店外表有啲似吉x家，又係橙橙地色，叫得做羅宋湯專門店，主打當然係羅宋湯Lunch time 去如果無位都會等得耐，由於個羅宋湯真係成碗都可飲哂，所以食客都傾向坐耐啲，今日都等左差唔多20分鐘先有位，加上店內唔算多位，排隊既人都唔少，lunch time 想去要早些羅宋湯可跟飯，上海面，拉面，烏冬，包，奇怪是沒有通心粉的選擇，anyway, 個湯非常足料，可揀牛腩羅宋或豬骨羅宋，個湯甜得來帶點辣，好耐都無試過咁好味既羅宋湯了

朋友介紹，所以親身來試一試😜😜😜很多套餐，我就點選了最新推介，師傅秘製撈麵和羅宋湯，而朋友就點了羅宋湯，甜餐包加牛油，還有一個小食（秘製炸雞亦1隻，迷你蝦多士1件，薯仔沙律)，兩杯涷飲首先我的最新推介嚟先，先試下個羅宋湯先，真的非常之足料和好夠味道，牛腩都非常多，不過就有點點不夠淋，淋多一點點會更加好🤔🤔🤔個秘製撈麵正爆， 最緊要撈勻醬汁先食，雖然我好鐘意食辣，服務員很甜心會有包小辣椒油附上，不過我想食原味，所以就沒有加了。個撈麵味道有啲似上海麵，但比起更不是太油，而且個秘製醬汁真是很配合這麵條，而且麵條夠晒彈牙👍👍👍羅宋湯配餐包絕對是小時候去餐廳必須的指定動作🤣🤣🤣，不過現在很小餐廳配合到平民價錢，而又個羅宋湯好味道了，所以這間店舖值得一試難忘😋😋😋小食都唔錯，我特別喜歡個沙律，多薯仔，又有蛋白和青瓜😍😍😍，這個價錢輕盈小食，唔錯的配搭😝😝😝如果唔太鐘意食飯，食麵又有點倦意，又不想食太heavy, 這個店舖真是不二之選😉😉😉

身為街坊，每個月起碼光顧一次羅宋湯專門店，只要晚上不想吃飯，胃口不太好，就和老公去喝碗羅宋湯，吃個豬仔包，就已經很夠飽。老公愛嘗新，很多款湯都試過，近期他最愛紅菜頭湯，湯頭清甜，有紅菜又有豬肉片，很健康。但我每次都獨沽一味：B餐 海派牛腩羅宋湯，加咸牛脷豬仔包。先講海派牛腩羅宋湯，材料非常豐富：牛腩、紅蘿蔔、西芹、椰菜、蕃茄樣樣齊，湯頭不油膩，非常濃稠，偏甜不算辣。牛腩切成丁方，竟然保持到肉嫩，應該是用到腹部的肉，有白筋，煮多久都不會縮水也不會韌。我每次光顧的原因——咸牛脷豬仔包。牛脷切得頗厚，牛味特濃郁，肉嫩得來又有少許嚼勁，配合沙律醬、蕃茄、生菜等比較清新的材料，非常夾！唯一投訴係包較厚，每次吃的時候都要張開血盆大口，一邊吃一邊又會丟沙律醬、蕃茄，非常狼狽。試過有一次丟了一口牛脷在地上，心痛死⋯老公這次吃燒澳洲肉眼豬仔包，不過肉眼較薄，肉味不夠。個人都是推介咸牛脷豬仔包。現在還可以單點一份炒咸牛脷粒，我下次要試一下。