Wings To Go 雞翼、熱狗、漢堡包專門店 (已結業)

呢間餐廳雖然細細間, 但估佢唔到原來咁好食, 果然令我喜出望外Order了一個餐(套餐可選薯餅/ 薯條/ 沙律 )+ 熱狗田園沙律: 入面有粟米, 生菜, 醬汁少啲會更好.燒牛肉漢堡 + 蘑菇($5): 熱辣辣! 即叫即製! 牛肉好入味, 加蘑菇, 蕃茄生菜, 再加秘製醬汁, 正呀!熱狗: 忘記熱狗腸個名. 都係即叫即製! 條腸肉質結實, 唔會散開晒.ICED Mocha: 好有餐廳水準.

平日下午茶時段, 鋪細細, 圓台兩張。兩個人在內工作, 男的十分有禮貌, 女的沒有交談過, 不清楚, 餐單十分多款式, 點了D5項, 安格斯牛肉漢堡 (單層) , 連餐, 跟凍咖啡和薯條, 牛肉漢堡並不是我預期中的口味, 味道沒有問題, 但牛肉漢堡的口感並不像傳統的漢堡模樣, 咬落不似免治肉質, 反而似一塊軟身牛排, 口感也有點似麥記的豬柳, 其實我懷疑落錯單, 無論如何, 算不錯, 但我比較喜歡”時新”貨式, 食食吓才發現最出名的是炸雞翼, 下次必試, 粗身薯條, 外脆內些少實不太軟, 但超熱, 好味過麥記多多聲, 枱上食明: “堂食每位最低消費$20”, 相信甚少客人會食少過此價, 就算有也不多吧, 這些說話不寫好過寫, 賺不多了多少, 反而影響形象

住係紅磡咁耐,食burger通常都係去時新~最近睇到呢間,所以去試下~冇試到雞翼,食左安格斯牛肉漢堡~擺左一陣先食,不過個塊漢堡都仲好好味~!!雖然幾好味,但淨係個包要$29,其實都幾貴~!!!!!下次去食可能叫雞翼...

久聞此店,雞翼,包類出名,前日得知原來遠在天邊,近在眼前放工後去買了最出名的炸雞即叫即炸,3分鐘後有得食點了蜜糖介辣雞翼夠味,如不點汁食的話,只係一隻普通既炸雞翼點左個汁食既話,就非常好食,所以我覺得佢出名在個汁夠好,多選擇如果雞翼再炸得好d,會更好^^下次會來試包

每日番學前都諗定放學去邊度食好野, 今次肥嘟嘟搵到紅磡好味雞翼同熱狗 完左安娜花之後就即刻去食好野喇! 今次仲有艾美去到見到鋪仔細細, 有兩張細台。鋪頭有2個人, 另外加一個人專送外賣, 服務一流, 好有禮貌, 而且仲會推介比你邊D 比較多人食, GOOD! 炸雞翼 - 好香口, 唔油膩, 新鮮炸起, 脆卜卜, 仲好大隻。有2 種sauce, 叫左他他同水牛城。我鐘意食水牛城, 因為有tabasco 味, 酸酸辣辣咁。散叫burger or hotdog 好多都係$23, coambo +$9, combo 連特色飲品+$11。我地叫左3 個combo angus beef burger - burger 唔抵食, 牛肉薄唔juicy, 不過生菜同tomato 都好新鮮, 麵包烘到脆脆地。飲品都普通, 唔係好重coffee 味。 匈牙利辣肉腸熱狗, 紐倫堡肉腸hotdog - 我覺得佢d hotdog 好好味! 首先, 絕對唔孤寒, hotdog好大隻。麵包會烘到脆脆地, sausage 大條多汁, 咬落去食到sausage 好多肉汁。真係好正!!至於fries 都好味, 新鮮, 實心

這店子不好找哦。不熟黃埔的人真的問人也找不到路。食物方面都ok，我是為煙三文魚而去的。煙三文魚好多同包一起食都唔錯，他他醬同cream cheese好味。胃口細的人都夠食。薯條都ok,份量少咗d。irish cocoa都唔錯,地方細,在店內有兩張沙灘桌椅，可坐八個人。

我係漢堡飽迷,所以一定要黎試下. 間食店得兩張檯仔,好彩今晚有位,可以坐低慢慢食.我叫左:炸雞翼(水牛汁): 雞翼夠脆,但完全冇味,連少少咸味都冇,好彩水牛汁夠味.我就覺得一般啦,都係鍾意食本身有少少味既炸雞翼.三文魚漢堡飽餐(薯餅,煙三文魚漢堡飽,凍愛爾蘭咖啡)薯餅:夠脆, 好味煙三文魚漢堡飽:生菜好新鮮,蕃茄有個飽咁大塊,都好新鮮,佢個飽用左沙律醬加卡夫滋味醬(應該係),有D甜甜地既芝士味,幾特別又幾好味.煙三文魚有成三,四片,份量夠多,但D肉唔夠實.整體都OK啦.下次去會試其他飽,應該會好食D.凍愛爾蘭咖啡:冇酒味冇特別,店內剛巧有一篇食評話佢地既愛爾蘭咖啡冇酒精,但有酒香......冇酒精既愛爾蘭咖啡

13-2-2010本來想去某舊式冰室食沙爹牛麵, 點知佢 2:xx pm 已收爐 , 兜兜轉轉去了黃埔新邨, 朋友一聽到呢度有熱狗食又立即雙眼放光 , 又入了呢度試試.2 人叫了兩個 combo 乜都試少少:Combo #1 揀了芝士脆皮腸熱狗配 BBQ 醬 ("default" 亦有 ketcup 及 mustard), 薯條一包及凍「愛爾蘭朱古力」一杯:熱狗包 (嘉頓?) 烘得尚算鬆脆, 條腸幾粗, 雖然唔多覺芝士痕跡, 不過夠熱辣脆皮, 配上份量剛好的 ketchup, mustard 及 BBQ 醬, 其實都幾難唔好食?薯條: 夠熱, 算脆, 薯味就一般香, 還是尋晚太古坊嗰間的 frites 最好食 「愛爾蘭朱古力」由朋友「包辦」, 試了一啖覺得唔多滑溜, 不過尚算香濃, 而快餐店嚟講就真係收貨有餘了, 起碼唔係茶記「凍朱」吧 Combo #2 揀了 6 隻炸雞翼配 honey mustard 及 "ranch" 醬汁, hashbrown 一件及凍青蘋果綠茶一杯:雞翼隻隻肥大, 望落好似好油膩, 食落又唔覺, 炸皮薄脆, 肉仲好嫩滑多汁, 而且醃得夠 (用香草?), 就

3點左右,,去到原來好細間,,,收銀員同廚房仔一名,,無la,,客亦係未有,,我見熱狗同雞翼原來唔可以同計一餐內,,就諗起網評多人食雞翼多,,就試左19$3隻+杯野飲,.炸雞翼配 芥末醬..果然醬係自家製..比kfc 麥記等 無咁濃烈味..岩哂d怕肥既人呱..試左雞翼,,因為炸關係所以係易發揮到雞味..但只屬一般以炸黎講..4分水準..但想起小學時期 同學母親整的都可以好食過他..進食期間見報紙有提到其鋪店主之一亦係整雞翼拿手所以有此推出..可能總言之又係個句,,價錢未能同味道成正比..呀,,仲有杯野+2 凍飲 要左杯 雲呢拿味 咖啡..味道ok..

自從睇過之前一篇既情報後, 就成日心思思要去紅磡搵食同左poly既朋友仔搵左半個鐘, 最後發現係自己行錯左方向舖面俾我想像中細, 得兩張細圓檯朋友仔叫左安格c牛肉漢堡跟薯餅汽水我就叫左匈牙利辣肉腸熱狗加肉醬跟薯條同愛爾蘭朱古力另外再叫一份炸瞿翼跟蜜糖芥末熱狗俾我想像既大, 夠飽, 反而朋友仔個包比較之下平凡左D雞翼真係好味, 外皮陪脆, 入面又唔會乾爭爭下個禮拜再同朋友仔去搵隱密小店

幾個月之前,在openrice裏也看過不少食家也讚揚過"Wings To Go",但一直還未有機會試. 今天,屋企沒有中午飯留給我,使我有機會可以到Wings To Go,買一個套餐回家嘆嘆.今天,我揀選了"煙三文魚漢堡".由於+7元可以轉為套餐,套餐還附上薯條或三角薯餅或沙律及任何特式熱飲或罐裝汔水,所以我加了$7變成套餐.今天,我揀的套餐便是三角薯餅+煙三文魚漢堡+榛子朱古力.首先,先講講這一個三角薯餅. 其實,和老麥早餐的薯餅味道一樣,只是Wings To Go的薯餅厚度厚了點.另外主菜便是這個"煙三文魚漢堡",好味,正. 記得落單時,我也問了職員這一個煙三文魚漢堡多唔多煙三文魚,他用肯定的眼光及說話告訴我,"多呀",所以我便選擇這一個,幸好職員也沒有欺騙我,包裏真的充滿了煙三文魚,而且加上這一個他他醬及忌廉芝士,混在一起,真的好美味. 我可以用清新的感覺去形容這一個"煙三文魚漢堡",不過這一個包最好就在春天及夏天食,因煙三文魚不是熱食的,相反和豬扒,雞扒漢堡及大熱狗感覺不同,因這一些熱騰騰食是最好味的,反而現在冬天吃煙三文魚漢堡,就未能感受到溫飽的感覺. 好,如果我今季冬天再品

岩岩買左個牛肉漢堡+沙律+凍愛爾蘭朱古力都係$29, 同m 記差唔多價錢, 但好食好多個burger 因為有菜,有source, 有tomato, 塊beef 都幾香,mix 埋一齊好好食因為唔想咁熱氣, so 叫左個沙律, 都ok丫, 有的鍾意ge thousand island source不過下次都係要試薯條, 因為有cream ><個朱古力唔算好濃, 不過淡淡清香, 而且好滑無渣, v. gd!!!下次要試埋其他包先....而服務方面都幾好, 雖然要等5min, 但個staff 都好nice, 問佢朱古力ge 分別, 講解都好詳細

經過此小店, 但每次都是食完野, 終於上星期六同細佬行去試下食下TEA, 因小店只得兩張小桌均有人坐, 甘決定唔左住兩PART小情侶, 叫外買算喇!因沿途"掃街", 食唔到幾多tim, 既然來到, 唔想又就甘走左, 於是, 決定叫左一客六隻的雞翼 ~ take away ~ 買翻屋企食!甘我地點左兩款sause : "蜜糖芥末"同埋"味噌" total :$29 (but 老豆說$29得6隻, 說有貴左d wor)可能過左成15分鐘左右同焗住(外賣通常都係甘), 當打開來食時比我想像中差d. chicken wing size都算幾大隻同埋唔係好油, 無雪味(lee樣我最怕), 唔點sause食就差少少. 辣翻少少應該食好味d.兩種sause 的味道我個人覺得一般而己 , 細佬對"味噌"sause評價較高.but, 整體上ok 啦, 感覺到店主整"chicken wing"的誠意.下次或許會試下佢其他野食....(同埋堂食試下先)!

舖頭細細間，估唔到搵到好野食。熱狗 - 麵包同腸都唔夠熱，但勝在夠大隻。炸雞翼 - 係我在呢間舖頭最欣賞的食品：雞肉醃得入味，多肉汁，炸粉很薄，皮炸得很香。最正係點埋老闆娘推介的蜜糖芥辣醬。薯條 - 一般啦，粗身薯條，無乜特別。凍榛子咖啡 - 又係叻一重推介，唔會太甜太苦，一定好飲過Starbucks。缺點係舖頭好細間，食完要即走或者買外賣。適合食快餐人仕。

本人就住o係間鋪樓上既成日經過都好想食最後琴日去左喇 見佢地有新野出就點左個煙三文魚漢堡同埋一客撈薯哇 第一脈見到個包好大個 佢$28一個都幾抵食下其實而果客撈薯唔同出面果d咁 一個杯咁多多又貴到死佢有唔同既汁俾你揀 而我揀左蜜糖蒜蓉黎撈薯超好味 好讚呀=D