WIRED CAFE (已結業)

食物質素麻麻地就一早已經知 純粹因為要快唔洗等位先揀喺度食 所以冇抱任何期望 但服務員態度差先係令我要浪費時間打comment 嘅真正原因一嚟到門口reception嗰位女侍應已經唔係好想理人咁 可能佢有嘢忙緊 唔緊要行入啲睇下有冇其他人可以幫忙帶位 坐低咗要落order喇 係頭先嗰位唔想理人嘅女侍應 可能係開得正佢嗰飯啦佢今次理我喇 黑口黑面咁幫我落單後走咗 或者佢天生黑面 算啦 啲嘢食嚟得好快嘅 但質素真係只有頹字可以形容 尤其是啲沙律菜 好霉 到最後都係放棄咗啲菜 到埋單先正 一路「唔該....唔該」都冇人理 眼見餐廳內有幾枱客 三個侍應都行嚟行去好忙咁 等候多陣啦冇乜所謂 呢個時候黑面女侍應又出現喺我面前 佢只係喺我前一張位置 我舉一舉手 想話聲佢知想埋單 佢望一望我 然後扮睇唔到 第一次佢執枱有嘢做算數 第二次又係咁？！ 可能佢想指意其他同事幫手啦 但問題其他人忙緊嘛小姐 答一句「等等」都好吖 直接無視 到佢真係知道得自己得閒喇 終於行過嚟 好唔耐煩咁講咗句 「有咩幫到你呀～」 埋個單啫有咩得罪你 唔想做就轉工啦 忙可以理解 等都唔係問題 但作為一個服務人員最基本嘅禮貌都冇

好難食，好咸。明太子意粉好腥。好奇怪。d炸雞都吾知炸過幾多十次。蛋包飯好普通，但算是正常。不過因為是蛋和飯，應該正常也是應該吧。但不好味。窩夫d薯條應該算係最好味。服務態度好差未食完就收人野。d waiter掛住吹水。一開始想問佢囉menu都好無禮貌。

Wired Cafe食物嘅特色之處我覺得係啲食材配搭獨特, 當中有驚喜鍾意嘅, 亦有一般般嘅, 不過我都幾欣賞佢地創新嘅配搭.沖繩塔可飯 ($92), 有牛肉粒、牛油果、蕃茄粒、杏仁片、脆米、半熟蛋、芝士碎... 睇落材料配搭有啲雜, 再加埋放喺一邊大大塊嘅沙律菜, 都唔知應該跟配料一齊撈埋飯嚟食好, 定係分開食🤔 雖然情況係咁, 但實情係幾好食, 味道豐富之餘又好夾!! Beef & Cheese Sandwich ($78), 由熱狗腸變為牛肉, 再灑芝士喺面烘焗, 味道好濃郁, 但有些少飽滯.本來個dish係配薯片, 但冇哂所以改為薯角, 呢個薯角真係扣哂分!! 個薯角外層炸得好厚, 食到嘅唔係薯仔而係好濃厚油嘅味 😑而呢度嘅飲品有些少貴, 叫咗杯凍檸茶都要$42, 雖然size 係比一般大, 不過匯豐信用卡有8折, 計落就同一般連鎖餐廳差唔多, 鍾意新嘗試嘅朋友可以諗諗!

如果週末到銅鑼灣，又唔想等位但又想食好野既呢，我就會向朋友介紹呢間位於希慎14樓嘅Wired Cafe喇！我地3個女仔叫左兩個意粉、一個班戟，雖然都係細細碟，但都夠飽嘅菠菜蝦忌廉湯扁意粉，蝦幾嫩滑彈牙，不過湯味道就冇咁豐富，只係一個簡單嘅醬汁，不過都還可以嘅。茄子水牛芝士意粉，呢個整得幾出色，一啖水牛芝士食落肚，味道恰好，塊茄子又煎得香脆，好味👍明太子薯仔煙肉班戟，個班戟係好鬆軟，同薯仔、煙肉個味道配合得好好，唔好覺得好漏好飽肚，正👍👍👍

中午同事一起来聚餐，环境很棒，坐着很舒服。上菜速度很快，最重要的是味道也很好！尤其推荐他家的意大利面，和其他西餐厅的味道不太一样哦，超棒！而且分量也很足，一人一份套餐完全够啦！

星期一放工約左朋友們食飯，但遲遲未決定去邊區食最後揀定左係銅鑼灣，於是我就提議去HYSAN求其揀一間當時都成8點半，咁岩WRIED CAFE就唔洗等位就決定一試估唔到有驚喜先介紹最推介的腸拼盤有4款唔同的腸仔，都幾濃味另外，呢個係軟殼蟹意粉，個軟殼蟹好好食，好甩脆，咸淡適中。另外，叫左個雞WAFFLE咁既野??!!但個雞有D'鞋'，但都幾特別，估唔到WAFFLE都可以做飽皮飲品冇咩特別但服務就差少少當時店有2個優惠，一個係飲品BUY1GET1，一個係HSBC信用卡85定8折我地叫飲品既時候，店員已經提醒左只可以用其中一個promotion咁我地就決定左用hsbc credit card但最後埋單果時，我地傾到忘形，店員又冇再提醒..........有D失望！！！

今日相約同友人在銅鑼灣吃飯，喺希慎廣場最高嗰幾層搵嘢食，見到呢間頂層cafe坐得幾舒服，同埋個裝修幾靚。 入面唔算太多人，我哋有一個卡位可以坐，個卡位望住對面嘅大廈，鬧市中嘅夜景唔錯。 入邊大部份嘅主食都係100蚊樓下，餐牌上重顯示信用卡付款會有八折，感覺幾抵食，同行嘅有人叫咗意粉，而我叫咗一個沖繩塔可飯。 等咗大約十分鐘，沖繩塔可飯送上，個擺設同圖片一模一樣，值得加分。 入面有好多唔同嘅配料，例如牛油果牛肉芝士蕃茄，仲有半碟係沙律，仲有隻溫泉蛋，啲配料都好新鮮，可以撈埋啲飯一次過食，加埋沙律醬好開胃。

地点好，餐廳有質素，寧靜，可談天之地匯豐咭有折，所以唔算太貴, 可接受既价錢我地3个女仔，叫左4个菜，因為細份量怕唔夠食我食炸雞waffle, 雞既味不錯，不太孩，有汁，但我不太喜欢這口味，waffle太乾，好明顯不好吃，但配上不太甜既蜜糖也尚算ok我也試了pancake, chocolate with banana, 味道又不錯，不太甜又夠味，輕嘗几回味見d飲品价錢貴，我就叫了个雪糕芭菲。strawberry icecream夠凍有果有，cream唔夠滑，再下一層果几粒水果完全冇味，再下層脆片冇野配就掙少少

由於希慎廣場的電梯設計比較特別，感覺上好似較少人上去14樓用餐。幫襯這餐廳，因為我持有Lee Gardens Card, 全年用餐都會有折扣。試過午餐及晚餐walk in 也揾到位。餐廳主打日式西餐，味道中規中矩，食物的選擇不算多，但勝在幾好坐，靠近窗邊的位置得光猛，感覺良好。今次食set lunch 的waffle sandwiches, waffle 不錯，但雞肉較乾，朋友點了牛腩飯，忘了影相，味道不過不失。餐飲的咖啡味道很淡。

pizza👎🏿pizza皮過硬，內餡亦沒什麼味道。不推薦。帶子意粉意粉頗creamy,但味道普通，份量亦過少。蟹肉芝士pancakepancake不夠厚，千島醬亦過多，有點膩。

約朋友出街食飯傾計，都會揀間環境好又唔會趕人走嘅餐廳！今日去左希慎廣場嘅Wired Cafe,係食日式西餐嘅，而我一向覺得日式意粉好好食！今日叫左個明太子忌廉汁意粉同煙三文魚波菜忌廉汁闊條麵。先講明太子意粉，味覺好cream好濃郁，加上明太子咸咸地，而且入面仲有高菜，好快就食哂成碟意粉！明太子忌廉汁意粉 $98而闊條麵都係忌廉汁，冇明太子個個咁咸香，鐘意清少少揀呢個就啱。煙三文魚波菜忌廉汁闊條麵 $90除左兩個意粉，仲叫左個薯角。薯角脆口又啖啖薯仔，仲有3個醬汁點，正呀！薯角 $60野飲叫左最鐘意嘅Peach Tea, 朋友叫左Strawberry Oolong,兩杯都唔錯而且有果肉！Peach Tea同Strawberry Oolong $48

露哥收早,夜晚約左兩位朋友食飯,但時間尚早所以諗住去食個tea👏🏻👏🏻今次黎到銅鑼灣既👉🏻Wired Cafe👈🏻可能係平日而且又五係繁忙時間,店舖內五係太多人,我地坐左sofa位,眼見隔離枱有打燈同攝影器材,相信店舖應該新推出食物所以影相做宣傳! 我地叫左個明太子意粉🍝+炸雞🍗+芝士雞蛋pancake,3樣野食都五錯,原本以為食左一餐滿足既下午茶,點知就係埋單既時候令我同露哥對餐廳既印象分大大減退👎🏻👎🏻事情就係比錢個下,露哥係褲袋拎左d散銀出黎,想比一個'$2'既時候,女店員見到露哥手上有一個5毫子,即刻講左句: 我地五收毫子!!!😡😡😡第一, 我地跟本無諗過要比毫子第二, 法例規定,只要毫子既金額五多於$2就得第三, 我就當店舖真係五收 都可以係客人比左錢個刻先講,或者講反句: 五好意思 我地五收毫子好希望公司會提醒員工既既服務態度,就算食物有幾好食,都會令客人減少再光臨既機會👎🏻

同友人一齊去食飯，各自都叫佐一款lunch set。因為食自己嗰份，所以淨係評自己食嘅嗰份啦。新鮮煮嘅蕃茄忌廉湯微酸，偏水但味道都濃。沙律菜都幾多種類亦新鮮，芝麻醬汁。帶子露筍香草汁意粉香草汁調味剛好，濃濃嘅忌廉微微嘅香草。意粉有咬口，偏硬身。帶子係另外煮完先一齊上碟淡而無味。個醬如果無咁杰，水返少少。帶子放埋一齊煮吸下醬汁嘅味會更好！至少都調佐味再煮唔好淡某某咁。食物係還好，啲服務態度真係不得了呀！食完諗住叫識員埋單，人唔夠所以唔係即刻幫你埋我理解。但出完單掉落張枱度叫你比錢，宜家茶記都未必會咁啦係米？我真係唔明白係咩態度，當時又唔係多人要趕頭趕命，洗唔洗咁嘅態度呀？

今日起希慎搵野食，見到門口餐牌幾吸引，價錢唔算貴，有好想食既火炙三文魚飯😍，就入去試下。餐廳每日都有唔同優惠，今日係pancake 85折discount。由於平日好早到既關係，人流唔算多，不過想坐卡位都已被full booking lu。餐廳環境幾大，幾舒服。Lunch set, 包餐湯，沙律，飲品，甜品 都係within 100蚊。起銅鑼灣黎講都算抵食，選擇亦都幾多下😄餐湯係西蘭花忌廉湯，味道唔錯平時食親沙律菜既沙律我都係食唔晒既，但呢個係我最近食過覺得最好食的，好多醬汁起底，沙律菜款亦都較多，好味到食得晒。 Free drink除左一般飲品外，可以㨂烏龍茶，蜜瓜梳打，薑汁汽水都比較特別😍主菜叫左白飯魚干高菜明太子忌廉汁意粉（$98),呢個意粉真係超好食，個汁勁濃郁同creamy, 咬落啖啖蟹子脆卜卜，微微辣度醒胃唔會漏，幾個人share 真係唔多夠喉🤗跟住係火炙三文魚沙律飯（$88)，三文魚都算多，沙律醬加埋啲類似乾蔥粒既東西，香口得黎好開胃。yummy😋相比之下，呢個帶子露荀香草汁意粉（$88)比較失色，意粉味道偏淡，帶子亦欠鮮味。甜品仲有cheese cake, 配上士多啤梨

相約朋友食晚餐，自己早到所以坐底睇下menu先，菜式睇落好豐富選擇多，而且賣相吸引。朋友推介二人餐，因為有野飲有湯有前菜又有甜品所以就二話不說點左啦湯係成個餐味道最好的，味道夠濃而且有少少薯蓉口感沙律不過不失中伏，油到一個點呢個價錢既牛扒質素算正常，但伴菜如果hea到咁其實唔擺會好d味道不錯黎呢到既人相信唔少對pancake有期望，所以當我見到佢賣相時都充滿幻想，但一切開已知中伏，因為裡面似未熟既粉而唔係幻想中鬆軟既口感，有點似蘿白糕既口感不過餐廳勝在夠寛，可以坐成晚傾下偈。