影片
开饭介绍
佐賀人氣燒肉店登陸香港，由日本直運九州產的A5黑毛和牛，當中的稀少部位更加鮮嫩美味。座位闊落，環境舒適，適合和家人或朋友聚餐。
继续阅读
营业时间
今日营业
12:00 - 22:00
星期一至四
12:00 - 22:00
星期五至日
12:00 - 22:30
公众假期
12:00 - 22:30
公众假期前夕
12:00 - 22:30
以上资料只供参考，请与餐厅确认详情
有关奖赏计划
相关文章
餐廳：YAKINIKU KAKURA地點：紅磡黃埔天地聚寶坊菜式：來自佐賀既日式燒肉，賣點係由日本直運九州產既A5黑毛和牛。餐牌：午市有燒肉定食，可以選唔同肉類組合12選1，配白飯，沙律，餐湯，小食，甜品，餐飲。另外都有8款午餐定食。落單掃QR code。黑毛和牛大判燒拼US牛板腱肉 $258 另加一招牌黑毛和牛大判燒係一大塊薄切黑毛和牛西冷，全塊燒好快食得，同溫泉蛋一齊食可降溫同有壽喜燒風味。和牛西冷算嫩口，個燒肉汁真係好好味。US牛板腱肉一客4片，夠厚身又嫩口，口感唔錯啖啖肉。伴有四片南瓜。牛舌盛合 $148 另加一牛舌盛合有鹽味牛舌5片同蔥鹽味牛舌5片，牛舌夠厚身又彈牙，鹹香十足。蔥鹽味牛舌就加左蔥花，另上京蔥條同檸檬，味道唔會太鹹，已經好夠味。 每個餐可以追加一款燒肉，價錢唔貴。US牛腹柳小排 加$58 另加一腹柳小排一客四片，唔會太肥，但係都好易咬開，口感好好，呢個價錢超抵食。餐配白飯，沙律，餐湯，小食，甜品，好豐富。沙律係沙律雜菜加車厘茄，加上少少酸汁調味。小食係辣青瓜條。白飯分量唔會太多，好有米香又有口感，送燒肉一流。餐湯係昆布湯，加有蔥花同白芝麻粒，味道都唔錯，唔會太鹹。甜品（跟餐）甜品係好滑溜既杞子杏仁豆腐同雲呢拿雪糕糯米糍，兩樣放係個精緻盒入面，杞子杏仁豆腐份量少少，超滑而杏仁味香濃，外圍口感好彈牙。雲呢拿甜品雪糕糯米糍都唔錯，令人超滿足。Coke Zero （跟餐）餐飲可選檸檬茶，檸檬水，咖啡，汽水，可加錢升級至綠茶，烏龍茶或者乳酸梳打。凍冰冰汽水配有獨立包裝飲管。若鷄雞腿 $78 另加一另外喺主餐牌點多份肉，若鷄雞腿一客5件連皮伴有檸檬一件，我叫左走鹽走黑椒。 醬汁枱上面有三款醬汁，左至右分別係燒汁，辣汁，酸汁，不過燒肉本身都夠味，唔洗點都得。餐廳環境舒適，食完唔會成身油烟味。呢餐食得好開心，呢度燒肉質素永無失望，而午餐價錢抵食。
继续阅读
《YAKINIKU KAKURA - 紅磡》呢排狂食燒肉🥴上星期同Pu媽 @pu.pu.purinn 收咗工去黃埔花園飲杯嘢順便食飯，由於我哋兩個都係燒肉愛好者，所以我就推薦佢去呢一間我成日都幫襯嘅燒肉店試吓佢哋嘅牛腸👍🏻咁多間分店入面其實我最鍾意黃埔呢一間，成個餐廳嘅感覺好有私隱度同埋更有日式嘅氛圍感🥰連日本通嘅Pu媽都話冇介紹錯💁🏻♀️檸檬威士忌梳打 $58我既最愛，呢度既價格唔算貴，威士忌既濃度飲落都幾高，飲一杯已經hyper hyper 啦😜啱晒我呢啲酒鬼，加入咗檸檬嘅清爽，用嚟送燒肉最好不過💁🏻♀️Suntory 生啤 $48生啤呢一個價錢真係唔貴㗎，同埋佢係1 pint 嘅價格，抵過出去酒吧飲💁🏻♀️大判燒！黑毛和牛西冷 $178每次介紹朋友都一定會叫呢一款和牛西冷，食落焦香有油花，點埋溫泉玉子嘅蛋汁一齊食特別滋味，我個人推薦至五成熟就剛剛好啦👍🏻💁🏻♀️日本蠔 $38呢一個蠔一客兩件，用蒜蓉牛油烹調，成個錫紙兜放入個網度燒滾就食得，蠔肉都幾鮮甜同大粒😍 $38幾抵食💁🏻♀️鹽燒牛舌 $98喺厚牛舌同薄牛舌之間揀，最後今次都係揀咗食薄嘅鹽燒牛舌，烤牛舌當然係食佢嘅軟嫩同埋口感啦，但係薄牛舌其實味道會比較香濃同埋彈牙，配鹽醬其實已經好好食，我個人覺得可以再點少少檸檬汁調味，同埋薄切牛舌食多幾片都冇咁膩吖嘛💁🏻♀️牛腸 $58我哋兩個都鍾意食內臟，牛腸係食佢嘅油脂感，一邊煙煙韌韌另外一邊就油香味十足👍🏻驚太過油膩嘅話可以落少少檸檬汁調味，配埋白飯食一流💁🏻♀️黑毛和牛上肋骨中肉 $198呢一個牛肋骨中肉之前都介紹過，食落軟腍腍同埋好濃濃郁嘅果香味，應該係喺醃肉嘅時候落咗水果汁落去調味，個人覺得大件夾抵食，平均一大條都切到八至九件㗎💁🏻♀️黑毛和牛内橫膈膜 $188最後就係呢個牛內橫膈膜肉，筋膜嘅部份帶有咬口，脂肪都十分平均，入口有溶化既感覺💁🏻♀️佐賀紫菜飯 $48除咗燒肉之外，我覺得呢一個紫菜飯都係重點推介的，因為食咗咁多肉，配返啲白飯相對嚟講冇咁油膩，佢呢度嘅紫菜飯落咗特色醬油同埋大量紫菜碎，一啖飯一啖燒肉特別好食
继续阅读
呢間長期都幾受歡迎，所以小編都唔執輸過黎試下，感覺幾好👍🏻 佢地係日本九州佐賀既超人氣燒肉店，亦會直送靚和牛🐮🤩 其他配料都特別同新鮮～ 裝修用木系🪵為主，同時佢地有設置強力抽氣系統，確保食完都唔會有油煙味😜(5 😍 係滿分，🤩係半分）椿 - $698 (好味指數：😍😍😍😍)懶人選擇就係叫餐😂 所以就叫左呢個，都幾多野食😜 鹽味牛舌 🧂🐮👅 小編向來都鍾意食牛舌🐮👅，而呢個鹽燒🧂就比較原汁原味，試到牛🐮本身既味道同埋清爽啲，亦都切得厚薄適中，有咬口得黎彈牙唔會韌～和牛腹柳小排 🥩牛小排🥩就切得幾厚身，所以幾有咬口，肉質細嫩，油脂豐腴，牛味🐮香濃，加上有醃過，所以燒起黎🔥甜甜地更加惹味，油香亦都更加突出～和牛赤身 🐮平時和牛🐮比較常見都係霜降，但宜家慢慢開始興赤身，即是脂肪比較少既部位，因為霜降既油脂比較多會容易啲食到濟，而赤身脂肪比較少，肉味香濃，一樣肉質細嫩多汁都幾好👍🏻特上牛牛胸腹肉 🐮牛胸腹指既係胸部到腹部既位置，有豐腴既油脂所以亦叫做牛五花，油脂同肉一層一層咁隔開，層次分明，這裡的，肉質結實帶油筋，今次既係薄切，風味濃厚，油花細緻，食落夠香口😋牛腸 🐮洗得夠乾淨，燒完🔥之後出面焦脆酥香，裡面既脂肪幾豐腴同油香，質感煙韌，味道濃郁鮮味，如果可以腍啲就更加好若雞雞胸柳 🐥若雞🐥係黎自宮崎既品種，唔會打抗生素同埋啲雞🐥淨係食JA特別配合既飼料，加上有足夠既活動空間，所以肉質緊緻嫩滑，口感柔軟又唔會好多脂肪，雞味🐥幾香濃，食完都唔覺得油膩若雞雞腿 🍗除左上面講既雞胸🐥之外，我仲叫左雞髀🍗，肉質更加細嫩，唔會有雪味❄️ 而且燒過🔥之後雞皮🐥帶有一啲油香都幾香口～海老 🦐啲蝦🦐幾大隻，脹卜卜咁，燒完🔥都唔會縮水，口感爽口彈牙，味道鮮甜無雪味❄️，有啲焦香令到蝦味🦐更加突出，而蝦頭🦐仲有啲豐腴肥美既蝦膏tim😜大判燒！黑毛和牛西冷🔥🥩 - $178鹿兒島既黑毛和牛🐮果然係唔同啲，紋理分明，店員仲會幫你燒埋🔥tim😌 入口感受到豐腴甘香既油脂，燒🔥完之後更加油香四溢，牛味🐮濃郁，口感細緻嫩滑，入口即化，味道同口感都比起一般既牛🐮出色，另外仲可以配溫泉蛋漿♨️🥚，感覺會再香口同滑溜啲，亦無咁油膩～帆立貝 ⚪️ - $78 (好味指數：😍😍😍😍)顏色雪白，燒完之後keep到個size，表皮燒到🔥有啲微脆，裡面質感軟嫩，鮮甜可口，有埋牛油🧈去燒🔥就更加香口日本蠔 🦪 - $38 (好味指數：😍😍😍😍)啲蠔🦪幾大隻，蠔味🦪香濃，肥大飽滿，燒完🔥都依然係咁大隻，質感綿密軟嫩，滑溜多汁，鮮甜又有海水🌊既鹹味，而且幾香口～甜品 (好味指數：😍😍😍😍)最尾仲送左個甜品tim😜 有杏仁豆腐🌰⬜️同埋mochi⚪️，個杏仁豆腐🌰⬜️凍冰冰咁，質地軟嫩，味道清香又唔會好甜，感覺可以養顏😂 另外個mochi好軟熟再帶啲Q彈，裡面係冰凍幼滑又清新既雪糕🍦，感覺唔錯👍🏻好味指數：😍😍😍😍推介指數：😍😍😍😍
继续阅读
今次同朋友來到黃埔分店呢間燒肉🥩黑毛和牛大判燒太正了！單獨叫了一份大判燒！霜降油花佈滿整塊牛。睇住店員即時幫手燒烤好，陣陣炭火和牛肉香味撲鼻。撈埋生雞蛋，黑毛和牛口感軟嫩，入口即溶🥢另外點了兩份Omakase 套餐～ 勝在樣樣都食到～ 當中幾款最鍾意❤️- 黑毛和牛精選牛腹位相比和牛脂肪量較少，牛肉味更香濃，口感柔軟，肉汁飽滿- 鹽味牛舌牛舌肉質軟熟同時Q彈，燒完仲有陣陣油花，好好味- 雞胸柳雞肉脂肪適中，原味同鹽味都唔錯～- 特上牛胸腹肉牛胸腹肉油脂分布均勻，肉質勁柔軟❤️ 經過醬汁醃製，燒完都夠入味又好多汁- 海老🦐成隻手掌咁大真係好抵食。蝦肉夠鮮，爽滑彈牙，蝦頭又膏👍🏻- 石燒雞肉泡菜鍋飯配料較多，仲有飯焦。好正- 甜品🍧一款係杏仁布甸好滑溜，杏仁味濃，唔算太甜幾好。另一款係雲呢拿雪米糍，簡單得黎好食
继续阅读
【黃埔•YAKINIKU KAKURA】@ππππππππππππππππππππππππππππππ大判燒！黑毛和牛西冷石燒肉泡菜鍋飯（免治雞肉）活鰻魚牛板腱肉KAKURA沙律日本產雞肉拼盤壺漬 KAKURA牛胸腹肉塩味上牛舌日本蠔甜品大判燒外皮酥脆，內餡豐富，口感滑順，是一道不容錯過的經典小吃。黑毛和牛西冷石燒肉泡菜鍋飯（免治雞肉）肉質鮮嫩，石燒帶來的香氣與泡菜的酸辣相得益彰，搭配免治雞肉，口感層次分明。活鰻魚新鮮的活鰻魚，肉質滑嫩，烹調得當，鮮味十足，讓人回味無窮。牛板腱肉肉質鮮美，油花分布均勻，口感柔嫩，是牛肉愛好者的最愛。沙律清爽可口，搭配新鮮蔬菜，為整餐增添一抹清新。日本產雞肉拼盤多款雞肉部位的拼盤，肉質鮮嫩，風味各異，適合分享。壺漬 KAKURA牛胸腹肉醃製得當，肉質入味，口感豐富，讓人感受到傳統日式風味。塩味上牛舌日本蠔鹽味調味恰到好處，牛舌與蠔的搭配，展現出海鮮與肉類的完美平衡。 甜品甜品清新甜美，為整餐畫上完美句號，令人滿足。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 1000✨✨✨✨✨✨✨✨✨✨✨✨✨#黃埔美食 #YAKINIKU KAKURA #web3黃埔YAKINIKU KAKURA (黃埔天地聚寶坊)黃埔天地聚寶坊(第11期)地下G1及G3號舖
继续阅读