YOLO (已結業)

吃過很多次，其實味道不差，但每位，是每位waiter waitress 態度都很差，同區最差是這間了，是公司文化嗎？今日3pm去，次次都要自己起身行入去搵waiter, 次次仲要黑面應你。散叫蟹肉炒飯，waitress一句冇海鮮，面黑黑像我殺了他父親一樣，跟住我話要再諗諗先可以order, 佢一手搶走我手上的set lunch menu, 沒說一句話，我問沒有午餐了嗎，他拋下一句"過鐘"，我問今日是否有下午茶，她單字冇，全程我覺得自己是再受他氣，我不用你好禮貌但也不至於我要受你氣，好起身走，吃對面好生意的Dau.

價錢ok,食物一般🫢🫢四人行今日係新都城想食晚餐，見到呢間唔駛排隊就入去啦，環境幾好，座位坐得舒服😌我地唔係好肚餓叫左三個一人餐，叫左兩個馬沙文牛腩飯餐同一個海南雞飯餐🤫🤫 每個餐都包一客沙律，一個小食，一個主菜同一杯飲品，好滿足😌 叫左三個泰式沙律，多汁，一般般味道小食叫左蝦餅同串燒，蝦餅外脆卜內軟，夠熱夠香，串燒兩串雞肉質地一般主菜 馬沙文牛腩咖喱香不夠濃烈，牛腩份量不算多，但質感尚算滑主菜海南雞飯多為雞胸肉，質地較老，味道一般

《YOLO - 寶琳下午茶遇冷》📍將軍澳寶琳貿業路8號新都城中心三期1樓132A&138D號舖個人覺得YOLO嘅下午茶飲品定係食物都普普通通唔係好對應到應有嘅水準🥲 對於想喺寶琳享受一番悠閒下午茶嘅朋友仔 都係要繼續尋找其他選擇🥲🥲 服務態度都麻麻 不過都要讚下環境的確唔錯👍🏻 係chill嘅➖➖➖➖➖➖➖➖➖➖➖➖➖➖➖➖➖✨豬頸肉冬陰功湯麵 $39呢個湯麵味道奇奇怪怪 明明係酸嘅冬陰功味🍜但又特別甜 好奇怪🫠 同時豬頸肉都切到好厚 不過不得不說豬頸肉嘅份量都算多👍🏻✨鹹蛋黃單骨雞翼set + $18表面鹹蛋黃味道唔多 再加上份量又少 仲有d泛油嘅情況 可以話係大失所望🥲✨凍檸茶 + $3呢杯飲品真係徒有虛名 麻麻地無論係味道定係口感都令人唔滿足✨菠蘿椰青特飲 + $13個人覺得杯椰青有d過甜 唔係幾fresh 細細粒嘅菠蘿都微乎其微 ➖➖➖➖➖➖➖➖➖➖➖➖➖➖➖➖➖✫ 食物 (3/10)✫ 環境 (9/10) ✫ 服務 (5/10)

下午茶係同區嚟講都算性價比相當高,而且環境都唔錯 就走入去試。我去嗰陣時係星期日,一入到去已經有位,但係都已經滿咗九成. 最搞笑係 隔離就係健身室睇住人哋做運動一路食嘢。嗌咗個咖哩豬扒飯加配豬頸肉。個份量算多，個豬扒整得好好味而且個咖哩唔錯，但個豬頸肉中間嘅位置好嫩滑同juicy，但係側邊嘅位置就相對偏硬.....下次可以慳返豬扒包配薯條 冇諗過個豬扒係得半塊，但對女仔嚟講係夠食嘅，而且佢薯條係用粗薯條，食到薯仔嘅味道，大愛

環境都算舒適，可惜服務態度真係唔好。星期日下午去左食午餐，叫左2個set lunch:（1）泰式無骨海南雞飯-$69味道一般，飯好乾，但係d雞有骨，唔係無骨，而且d雞肉好實，個味都唔算稱得上係好食既海南雞。（2）椰香青咖喱雞飯-$59咖喱幾香濃，個味道都唔錯，不過偏咸，雞肉的肉質好味過海南雞。食物水準一般，原本都覺得冇咩特別，但食完野有侍應過來收碟，佢望都唔望就單手拎起個海南雞飯托盤，結果碗湯瀉左倒左落我先生身上。但最出奇係個侍應冇反應，望左一眼就繼續清抬上的碟。我先生好大聲講左句「嘩，你整到我」，佢都係繼續執拾，都執完行開左隔左陣之後先拎左張紙巾埋黎就咁放係抬面上就直接行開。我覺得餐廳的服務態度真係有待改善。

這間餐廳服務態度非常惡劣，要求斟杯熱水，話啲杯洗晒冇杯！問佢攞隻碗要叫三次！食物水平非常一般～講真未食過真係唔使試！只有一次唔會再有下次～所有食物擺盤猶如茶餐廳！上枱食物唔熱，隻雞全部冇斬開，豬手上碟炒埋一碟，叫套餐餸送甜品見到隔離係芒果雪糕，最後俾我係哋雲呢拿，我問點解佢又話每日唔同，跟住我話啱啱隔離食芒果喎，跟住又答我隨機，根本就係亂咁答，咁樣嘅質素區內客都會俾你趕走晒⋯⋯真心唔想執笠真係要好好諗諗點樣做返好

上次去食，見到餐牌上另一款野食都好吸引，所以今日再去~脆豬皮青瓜沙律青瓜好硬阿😫~串燒（豬，雞各一）好香好好食😋～軟殼蟹鹹蛋黃卡邦尼意粉軟殼蟹炸得好香脆意粉有淡淡鹹蛋味仲要好夠熱，好好食👍🏻～生薑蜜糖烏龍茶正常味道

今日外出搵食發覺左哩間野，見價錢都ok，就入左去試吓叫左個一人餐~泰式沙律、蝦餅兩樣都好食👍🏻~炭燒肉眼牛扒配薯菜（薯條加沙律菜）牛扒都淋，不過有梳打粉味薯條較硬~香橙檸檬烏龍正常味~雲呢拿雪糕好食👍

喺佢剛開嘅時候已經幫襯，佢嘅西餐係好食，飲品水準高，而且價錢合理，服務人員亦熱心。見佢由起初好靜，到開始多人幫襯，心底真心替佢開心。後來，唔知咩原因，餐廳變成泰菜，服務人員超hea 成日傾計，晚餐質素尚算可以，間中都會外賣返屋企。但下午時段呢，堂食，感受到服的人員同食物水準好似爭少少。今午餐廳人唔多，叫咗個海南雞飯加凍白咖啡，海南雞飯發揮算正常，但啲雞無徹底切好！ 我想講個重點係，杯凍白咖啡，簡直離譜，係一杯咖啡水，咁都沖得出比客飲，其實係咩一回事呢？

堂食過3次，其實覺得幾好食同抵食，第一次食嗰時係有個女侍應係幾好人又好禮貌！但其餘2次都要受氣！一次係第二個年輕女侍應；一次係一個高嘅男仔態度好串！以後都要考慮一下仲嚟唔嚟幫襯😤

間舖頭喺角落頭近電梯，唔係太顯眼，亦都個名你唔望真啲個menu 你唔知道佢係泰國菜。與其話啲嘢食係泰國菜，我覺得係叫做泰國fusion菜。兩個人食個晚市大約$250有找 。喺香港夜晚兩個人想坐得舒服少少食個晚餐，呢個價錢叫做好抵食 。裏面啲嘢食嘅款式，我覺得都叫做選擇比較多 。相對於主菜，我覺得小食嘅比較好食嘅。如果人多嘅話可以一齊叫多幾款share。整體嚟講我覺得嘢食水準係可以，服務態度亦都唔錯不過可能要耐心等候一下有時候見到waiter人比較少需要啲時間等待 。

見到新都城廣場新開一間泰國fusion菜作為泰國菜嘅狂迷，梗係即刻去試吓個環境好光猛好舒服，因為新開所以所有嘢睇落都超級乾淨已經好加分今次係lunch time過嚟食叫咗一個青咖喱吉列豬扒飯嚟到真係嘩咗出聲個吉列豬扒仲大過我個頭青咖喱味道都好正，好重椰汁味呢個價錢嚟講真係冇得頂另外叫咗一個海南雞拼豬手飯海南雞夠滑 豬手又滷得夠入味幾十蚊嚟講真係物超所值每個飯餐都會跟一杯熱飲或者凍飲呢間嘢將會成為我另一個飯堂😆

經過睇到個餐牌好吸引，好平，依家竟然仲會有$39一餐飯！二重奏揀左海南雞同無骨豬手，現場見好多人都揀海南雞，佢有骨定無骨我都冇乜所謂，好食就得👍🏻 仲要油飯，醬都比足，份量都足！咖哩揀左吉列豬排，都算大塊，但切條會好啲，我切到皮肉分離，破壞左佢賣相😂 啲肉同平時食既吾同，好淋好易咬。野飲飲左白咖啡同蜂蜜柚子，同平時一樣好味。整體黎講，可以做飯堂👍🏻

20:45 last order，仲要強行上甜品，甜品仲要係雪糕。成枱都係野，點食甜品呢？ 上甜品仲要無餐具。 態度決定一切，一句唔好意思都冇，明明甜品雪糕有兩隻味，都要態度極差話冇得揀，冇得揀都唔緊要說話技巧好啲就得。

呢間食店由西餐轉泰國菜，本身西餐就做得唔好，所以要轉型，以為請咗一個識煮泰菜嘅師傅，點知係亂咁嚟，完全唔用心做餐廳。機會只係比咗一次，中伏，以後都唔會再幫襯，同佢嘅餐廳名一樣you only live once, 應改名「you only dine in once」。馬拉盞炒通菜，喊到飛起，根本就唔係用馬拉盞去炒，用咗一啲類似豆瓣醬嘅東西加一啲喊到死嘅嘢一齊炒，而且係非常非常之油膩，根本係食唔到，我叫侍應比一杯暖水，洗咗啲鹹味及油先至可以食到碟菜😱😱😤。個廚師嘅味覺係咪有問題？最後我睇返食評，之前已經有人話呢個通菜好鹹，呢個餐廳完全都冇睇吓喺OpenRice嘅食評而作出改善，非常唔掂。另外叫咗一個蘑菇忌廉湯，來的是「忌廉忌廉湯」，蘑菇只有5%，忌廉是95%，成碗放在面前是一杯牛奶一樣的白色，我只有將兩碗湯都退了。今晚只有一個燒牛扒是可以的，總括我今晚嗌了三樣食物，只有一樣可以，命中率是33%，非常低。一間餐廳做唔住，轉型之後都冇用心去做，仲可以持續多久呢？😤😤😤