Zero Plus

营业中

休息中

鴨脷洲邨老實係無乜餐廳選擇，但由佢開業到而家，我只幫趁過幾次，每次（真係每次）都會體驗到令我詫異嘅待客態度。當初呢間舖大風時啲風會直吹入黎，我同老人家去，想同鄰座顧客調位，俾佢喝止左，但亦無提供解決方法。上次去到有2張4人枱空出黎，我一個人去，佢居然話佢無位⋯有次2:15pm去到，想開口點餐時俾佢截停，話佢地3:00pm休息我o唔ok。一般餐廳唔到2:40pm都唔會咁強勢咁喺人地想落單前打斷人地，佢真巴閉。佢個餐區好細，但有兩部風喉冷氣，無論坐邊啲風都吹正頭頂，而佢地係唔會為你調弱啲風，話要吹風入廚房⋯唔怪之得咁大風。咖啡收緊精品價，但味道好一般，建議唔好點。食物味道係ok嘅，如果你忍受倒呢啲⋯

由開舖就幫襯到依家嘅食店，食物款式唔算多選擇，但係每款都真係非常之好食，誠意滿分！黑松露蘑菇意大利粉；汁燒雞扒玉子飯；卡邦尼意粉；滑蛋吉列豬扒飯；咖喱唐揚雞飯⋯⋯全部都食過番尋味！每星期必定會幫襯一次，但係每次都未影相就立即食清光！仲有湯都好好飲，老公都大讚呢間係非常之有質素嘅家庭式小店！

是日食素，點了一個黑松露什菌烏冬每日數量有限的烏冬有驚喜烏冬好滑，醬汁好creamy，味道好夾位於街市隔離的小店，與外面環境不相配但進入店內就有一份寧靜感小店經營，店主服務態度誠懇值得支持

Zero Plus is your typical homemade neighborhood restaurant. Friendly service, quality food at quality prices!It’s has a comfortable atmosphere & the service is personalized if you frequent the spot. Food is always of great quality & the breakfast is fantastic.

2點15分來到 late lunch 。點了照燒雞扒、厚燒玉子配白飯，加雜菜沙律，送冰綠茶。食物很好味，雞扒肉質嫩滑，沙律新鮮。環境方面，雖然沒有豪華裝修，但座位之間很寬敞，寧靜舒適，而且店員有禮，埋單67元，很好的午餐體驗！

未食完所有食品，但係個豬排真係好好味，食物品質有驚喜。 希望可以keep到。希望可以支持多的小店，而家海怡呢邊來來去去都係itamomo的集團，希望可以多的小店在呢邊。

今日去咗鴨脷洲做嘢，食飯時間有啲人多，搵咗一陣見到呢間西餐廳裝修都OK，就入去試吓。入到去坐低，見到間鋪除咗廚師就只有一個店務員，睇咗Menu，其實嘢食唔係太多選擇，但係店務員都幾Nice幾有禮貌，我叫咗一個滑蛋豬扒飯，佢有免費飲品送，我就叫咗一杯免費蜜桃茶，可能午餐時間人多，都等咗大約10分鐘，豬扒份量都幾多，鋪滿左成個碗面，一食之下就愛上了，雖然係吉列豬扒，但豬扒都有汁又好嫩，飯係用日本米煮成，食物味道唔錯，蜜桃茶就正常味道冇乜特別，下次想食滑蛋豬扒飯我都會再嚟呢間店。

今日走咗去屋企附近試新嘢，平時真係好懶寫食評，今次真係特別想寫出嚟分享俾大家。試食嘅係位於鴨脷洲西村嘅西餐廳Zero+，店舖開咗唔係好耐，見佢裝修都新幾簡潔，就去試一下佢個早餐，叫左個雞扒炒蛋配牛角包，個名冇乜特別，諗住冇乜驚喜，送到黎見到，食物外表又幾吸引，食物亦完全超出預期，雞扒皮脆肉滑，炒蛋唔乾有蛋同牛油香味，好滑好夠味，牛角包亦好香好好味。以$42嘅價錢，仲包一杯美式咖啡，真係非常貼地，我真心推薦，大家不妨去試吓。

我叫嘅係泡菜豚肉飯，首先我要講嘅係佢泡菜，呢間食店係咪以為人哋未食過泡菜呢？如果係佢比咁嘅所謂泡菜客人食都好黑心，因為佢嘅泡菜係超新鮮！新鮮到係用新鮮嘅菜加少許泡菜汁兜亂佢便成，完全唔係泡菜，用掩泡菜嘅新鮮菜切碎就係泡菜！真係長知識，豬肉係無嘢好批評，因為始終真係有豬肉，但成個飯我只搵到3條類似豬頸肉咁上下嘅闊度嘅3條肉絲，之所以講係肉絲唔係肉片係因為佢真係3條拼埋都無達唔到肉片嘅要求！所以我實在無辦法評論佢個豬肉只能夠講無下次！無嘢食都唔會食呢間嘢囉！

今日探家人經過鴨脷洲邨街市旁嘅一間新Cafe，我哋三個人點左兩個下午茶、一個All Day Breakfast ⭐️吉列魚柳薯條，魚柳嘅脆漿好薄好鬆脆入邊嘅魚一啲都唔乾仲好嫩滑有驚喜。⭐️蜜糖芥末雞翼薯條，雞翼嘅外皮都炸得好香脆。⭐️All Day Breakfast 入邊有煙肉、腸仔、炒菇菇、黑松露炒蛋、車厘茄、牛角包加埋沙律，質素都對得住呢個價錢職員態度親切有禮，試意小店📍 Zero Plus(鴨脷洲）吉列魚柳配薯條 $42蜜糖芥末雞翼配薯條 $38全日早餐 $92伯爵紅茶、英式紅茶Latte