影片
港铁油麻地站 A2 出口, 步行约2分钟
继续阅读
电话号码
26873268
开饭介绍
其精致的fusion菜价格合理，装潢走简约文青路线，还会举办不同主题的合作活动，在此约会及聚餐也很合适。
继续阅读
营业时间
今日营业
11:30 - 22:30
星期一至日
11:30 - 22:30
以上资料只供参考，请与餐厅确认详情
-
网上订座服务暂停
好耐冇写食评，因为好耐冇食到啲值得我去 花时间写食评嘅餐厅。今日朋友约我上嚟呢间餐厅， 叫咗三样嘢， 一个杂锦pizza， 一个单骨蜜糖鸡翼， 一个海虾明太子意粉。 三样都好渣好难食 ， 完全冇诚意，逐样讲畀大家听 。先系个pizza ， 系我朋友点，啲料都系𠮶啲 切到比纸更薄嘅莎乐美肠加啲芝士， 冇乜特别， 不过唔紧要 ， margarita 都系上面搽啲茄汁同埋几块罗勒叶啫， 最紧要pizza 个饼底。 不过最出事就系个饼底。 根本就系现成交返嚟𠮶啲饼底嘅质地， 皮厚而味道似印度𠮶啲nan饼咁， 咁你想像到系咩味啦， pizza hut啲friend， 不过pizza hut都有芝心批佢冇。 上面放啲料焗返就拎出嚟畀人食， 我以为我食紧超市冷藏买返去翻热啲pizza，失败。 单骨鸡翼， 根本就系交返嚟𠮶啲货。 煮食其中一个最大要诀就系尽量保持返食物嘅水分， 所以𠮶啲切细再煮嘅食物， 必须要更小心处理。 呢啲交返嚟嘅货，摆喺冰格唔知雪咗几多年，仲要切到咁细件。跟住佢就 揼落炸锅度炸番热，出到嚟梗系干真真啦。佢哋就贪方便买呢啲已经煮好咗调晒味嘅货，就咁炸返就卖畀人。 我见佢menu里面𠮶啲小食都系现成交返嚟𠮶啲款式，呢啲系最唔好食， 正常炸完都仲要做好多后期功夫先至畀得人食， 因为现成返嚟嘅货调啲味都唔好，失败。最后个意粉， 明太子海虾意粉。 依家啲海虾 68蚊斤20只到啦， 佢拎去炸，大概有五六只， 细细只。 佢想畀新鲜虾你但系成本贵所以买啲细只嘅。 但系咁样唔好睇。 其实只要识煮同调味，用雪𠮶啲大明虾一样好食， 成本亦低啲， 又好睇啲， 你睇酒楼𠮶啲虾球炒面，鸳鸯饭都唔系用新鲜虾啦， 咪一样可以煮得好食。 不过呢样唔系最紧要， 最大镬系个意粉。 嚟到一pat嘢， 原因因为佢用啲现成嘅明太子汁捞落啲意粉度。 但系𠮶啲明太子汁其实冇乜明太子，最重要系冇乜明太子味。 啲意粉捞落啲咁湿嘅汁就淋晒啦， 我仲以为自己食紧韩国𠮶只炸酱面不过唔系黑色咁解。 食意粉要爽㗎嘛，点会搞到咁样一pat？ 就算carbonara咁杰啲意粉都唔会咁淋啦。 好好哋一个明太子意粉， 既冇明太子味， 意粉又淋， 失败。真系唔明白佢啲好评系点样嚟？ 可能佢啲嘢好饮啩？ 我冇嗌到嘢饮，不过我见menu得几款cocktail ， long island，nothing𠮶啲， 都唔会有咩期望。价钱唔算贵，但对比啲食物，性价比好低。对食品有啲要求应该唔会再嚟。地点ok喺旺角， 光猛干净， 侍应服务都好殷勤。 适合啲保险 sales 约啲人落嚟倾单， 贪佢就脚坐得耐，消费唔算高倾唔成冇咁伤。唔好意思， 今日朋友叫我嚟唔方便影相所以冇图， 唔信可以自己去试下打大佬。
继续阅读
因男朋友生日，预早几日经openrice订座；当晚准时到达，有位好好笑容既靓女（估计系老板）接待，安排左窗边位👍🏻环境舒服，楼底好高无焗促感。坐低左仲秘密地同我confirm订座时既remark，好细心～叫左个2人餐，加钱转个龙虾海鲜汤，好味道👅上菜都好快，又会留意我地无清晒前菜餐汤所以叫厨房on hold main course，抵赞！✔️寿星仔话ribeye好味，本人个蚬肉意粉都好好食，蚬肉唔系得十粒八粒揸流摊，不过意粉比较大份食唔晒😅最尾订座时预留既心太软寿星话好正🙌🏻感谢餐厅既安排，仲有龟龟巡场🐢可惜佢地只做到6月尾🥲
继续阅读
星期五晚上，落雨，到到都小人，不过呢间我哋之前食过唔同时段，亚仔今晚又话食，好啦！等我试吓写下先。我当然食牛油果🥑黎麦沙律，lemon juice 好味！亚仔食肉拣猪鞍（我哋唔食牛、羊）加个honey wings
继续阅读
楼上餐厅果然是与朋友聚餐的好地方。晚上7:00左右黎到，餐厅尚未满座，而枱与枱之间十分阔落，做了落地玻璃，空间感十足；完全唔会有种迫你快快食完赶住翻枱的感觉！今次散叫左主菜试下-BBQ猪肋骨 $148上枱是2大旧与朋友一人一旧唔洗争！猪肋骨的酱汁有点辣辣酸酸，像蕃茄味道，是好浓厚味道！个人认为猪肋骨可以再烧得更香口。伴菜方面可以再加点薯条/薯蓉类，会更饱肚。单骨蜜糖鸡翼$58因为单骨关系，以原只黎睇系四只份量！但餐厅煮法是将鸡翼一分为二，方便易食！鸡翼色泽烧到金黄， 而且好香及好重蜜糖味，甜甜的!明太子海虾意粉$118酱汁creamy！ 海虾亦好大粒，口感弹牙！而且海虾已帮手拆了虾壳！总括价钱与食物的性价比是相符！
继续阅读
一踏入zeroz 呢间楼上餐厅就觉得环境好chill，完全唔记得自己喺好嘈吵嘅旺角🤣 佢哋主打西餐，依家凡消费满$500仲会送辣椒蒜片白酒蚬🔥 This restaurant in MK provides the tranquility you’ll need in the city. They are now gifting a serving of spicy garlic clams upon spending above $500! 二人餐 $468Set Dinner for Two南瓜汤质感浓稠棉滑，配埋暖暖嘅香草包一流🥖 鲜橙红菜头沙律食落好fresh，连埋酸甜嘅酱汁食够晒开胃🥗 The pumpkin soup was warming which went well with the herbs bread. The salad had fresh oranges and beets which was appetising. 烟三文鱼菠菜意大利粉Smoked Salmon Spinach Spaghetti以忌廉为主嘅意粉酱挂满烟韧嘅意粉上，不过食到最后有少少腻🤏🏼 好彩有咸香十足嘅烟三文鱼减低肥腻感🍝This cream based pasta was flavourful, with savoury smoked salmon to help cut through the heaviness. 炭烧阿根廷黑毛肉眼伴烧汁· 牛油杂菜Char-grilled Argentinian Ribeye w/ Gravy & Daily Veg佢哋用阿根廷传统嘅煮法 - 炭烤黎带出牛扒嘅原汁原味🥩 焦脆外层洋溢著炭烧香🔥 中间呈粉嫩状态，肉味甘香，点落烧汁令层次感升华🆙 伴碟嘅杂菜好鲜甜，凸显牛扒嘅肉香🤩The ribeye was chargrilled till it was crispy on the outside, pink and tender in the middle. The gravy brought out the umami flavour. 跟餐有两款甜品，芝士蛋糕味道香浓，配上香脆嘅饼底塑造出双重口感🍰 抹茶慕丝蛋糕湿润绵滑，甜腻嘅忌廉衬托出抹茶嘅甘香🍵 The cheesecake was creamy and firm, while the matcha mousse cake was mellow and aromatic. 餐饮价钱叫左杯无酒精鸡尾酒 - 日出🌅 味道酸甜开胃，而且打卡一流📷 I got their Sunrise cocktail which was very refreshing.
继续阅读