Zoe (已結業)

有晚經過Zoe, 就諗住試下佢D cake啦, 可能係夜晚, 所以唔多人(係冇人至真). 分別買左1459同cheese cake. 要成廿幾三十蚊一"小"件, 真係幾貴! cheese cake一般, 比起文華$19一件真係唔扺食... 至於人人皆讚既1459, ok啦, 個皮幾脆! 不過中間既cream(我唔係好知係咩做)我就覺得嘛嘛地,食唔出係咩味.. Overall 都唔錯既, 不過一句講哂: 唔扺食!

係灣仔辦妥事宜，約左個朋友7pm，仲有成幾個鐘頭剩就周圍逛逛。我遠離了多人得嚇人既cwb而來到跑馬地。然後經過此鋪，醒起呢度好似幾出名就入去買件餅試下啦。唔入去都算，一入去...原來成間鋪逼爆人!!實在估唔到在靜得出奇既地區居然有鋪頭逼爆人，可見呢個鋪仔幾出名(不過鋪仔幾細間就真的)。那時忘了係1459定zoe多人讚，唯有求其買左1459試。感覺好似食緊G.O.D. cafe既拿破倫蛋糕，不過size係napolean既3份1同埋無晒芒果肉，anyway個皮整得比佢好食好多，起碼唔會淋同夠脆。但係個size真係......oh no!25蚊唔值lor!!我買完1459去第二度買左支勁迷你既夏桑菊，個樽底既面積都做到佢1.5倍......anyway，我得閒既話會試下其他味，因為都幾好，但係長期幫襯就一定唔得了，個價錢唔值。

其實除咗最出名嗰兩款外，其餘好多種都有水準，(例如CHEESE TART),曲奇亦夠香夠脆。

試過1459同Zoe,1459個皮的確好實好脆,d cream幾香,不過食落覺得絕對唔值25大元咁貴lor,(覺得港式蛋撻仲好味!)Zoe比1459好食,細細件,有用左香濃o既朱古力Valrhona所做,每件都有唔同圖案,好cute,食落感覺溫馨。不過貴左d。

之前分別有朋友同雜誌的食評都介紹過呢度D cake幾特別，今日經過終於有機會一試。買左推介的1459及Zoe，1459酥皮果然好鬆化，中間的吉士忌廉亦好味，但一路行一路食就有點狼狽，不?為人氣No.1的選擇，去果陣可能剛出爐有成廿幾個，但一轉頭已經是吉盤一個，所以有買要趁手；Zoe用上店主女兒的名來命名當然不容有失，雖然外表只是一件普通西餅樣子，但內裡的榛子和碎朱古力食落都好味，可能未食1459前食佢會更覺好味都唔定。兩件40幾蚊唔係平，但都算有水準及物有所值。