蝦麵店 (蘭杜街) (已搬遷) 新店位置

兰杜街有好多好野食，早两日同事带我食呢间💛良心小店。等左一阵就有位，坐得都唔算太逼👍🏻。谂呢到叫虾面店，即系啲虾🦐应该最出色，所以无理由唔试佢既虾汤底。落完单都好快就齐野📝。🔅虾肉鱼片面 ($60)拎紧黎已经闻到阵香浓既虾汤味，饮左一啖汤真系超级浓🤯！虽然叫辣味虾汤底，但佢唔算辣，香辣既香多过辣，又有少少洋葱🧅既甜味，超高质！份量都几大碗，鱼片好弹牙，虾就吸晒啲汤好正，但唔会煮到烂晒无晒肉质😬。💬食完真系齿颊留香，成个下昼个口都仲feel到阵虾汤味都咪话唔夸张😂，食埋薄荷糖都搞唔掂就知有劲浓🙈。