甜魔魔 (已結業)

是日在大埔BBQ后，一班人意犹未尽，故搭车返出大埔黎个下场。众人要我推介，我便带大家来甜魔魔，因为椰子系列可以试下。因为星期日，一行人等左超过20分钟先有位。一坐低，当然叫个椰王润润佢啦。今次叫左紫米蛋白炖椰王。紫米唔太甜，我最欣赏紫米下面的炖蛋白，好香好滑。成个充满椰香同蛋香。朋友们叫左香芒冻椰，芒果有啲酸，但下面布甸都好食，不错。至于椰王炖雪蛤仲正，加入清心果一齐炖，又香甜又滋润。反而我觉得佢招牌公主冻椰就只是一般，布甸椰味不重，虽然都香滑，但如果选的话，热椰较吸引，尤其在这种微凉的天气